កម្ពុជា-នយោបាយ
31/05/2023 – 08:27
ដោយ៖ ញឹម សុផល
RFI
ប្រមុខរដ្ឋាភិបាលកម្ពុជា នៅថ្ងៃពុធនេះ ថ្លែងថា លោក អាន់វ៉ា អ៊ីប្រាហ៊ីម បានសន្យារហូត៤ដងថាមិនឲ្យមេដឹកនាំបក្សប្រឆាំកម្ពុជាចូលទឹកដីម៉ាឡេស៊ីនោះឡើយ។ បើតាមលោក ហ៊ុន សែន គឺនាយករដ្ឋមន្ត្រីម៉ាឡេស៊ីមិនដឹងលោក សម រង្ស៊ី ចូលប្រទេសខ្លួនជាមុននោះទេ ពីព្រោះតែប្រធានបក្សប្រឆាំងរូបនេះប្រើលិខិតឆ្លងដែនសញ្ជាតិបារាំងតាមក្រុមហ៊ុនឯកជន។ លោក ហ៊ុន សែន ព្រមានថា លោកនឹងផ្គុំ «BM21» បាញ់ប្រសិនលោក សម រង្ស៊ី ចូលកម្ពុជាវិញ។
លោក សម រង្ស៊ី អតីតមេដឹកនាំគណបក្សសង្គ្រោះជាតិ និង លោកនាយករដ្ឋមន្ត្រី ហ៊ុន សែន © សហការី
សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖
ក្រោយពីបំពេញទស្សនកិច្ចអស់រយៈពេល១០ថ្ងៃ នៅប្រទេសអូស្ត្រាលី លោក សម រង្ស៊ី ដែលជាប្រធានស្តីទីអតីតគណបក្សសង្គ្រោះជាតិ នៅថ្ងៃចន្ទនេះបានធ្វើដំណើរទៅកាន់ប្រទេសម៉ាឡេស៊ី ទីដែលគណបក្សប្រឆាំងធ្លាប់ជួបប្រជុំគ្នាស្តីពីនយោបាយនៅកម្ពុជា ដើម្បីរកច្រកចូលទៅកម្ពុជា។ លោក សម រង្ស៊ី ថ្លែងថាលោកក្រវែលជុំវិញកម្ពុជាដើម្បីត្រៀមលក្ខណៈចូលកម្ពុជាវិញនៅក្នុងពេលឆាប់ៗនេះ។
ស្ដាប់សម្ដី ហ៊ុនសែន ដូចជាស្លន់ស្លោដកដង្ហើមផុតៗគ្រាន់តែឮ សមរង្ស៊ីជាន់ដី ម៉ាឡេសុី ចុះបើ សមរង្ស៊ីមកដល់ថៃវិញ ហ៊ុនសែន គាំងបេះដូងតែម្ដង។