ដោយ ហ៊ុំ ចំរើន
2025.01.10
RFA
ជនសង្ស័យជាខ្មាន់កាំភ្លើង ឈ្មោះ អេកាឡាក់ ផែណយ (Aekkalak Paenoi) ដែលបាញ់សម្លាប់អតីតតំណាងរាស្ត្រគណបក្សសង្គ្រោះជាតិ លោក លិម គិមយ៉ា ដែលអាជ្ញាធរចាប់បាន នៅស្រុកមោងឫស្សី ខេត្តបាត់ដំបង កាលពីថ្ងៃទី៨ ខែមករា ឆ្នាំ២០២៥។ រូប៖ ទូរទស្សន៍ AMARIN TV 2025-01-08
សមត្ថកិច្ចកម្ពុជានឹងបញ្ជូនជនសង្ស័យជាខ្មាន់កាំភ្លើង ឈ្មោះ អេកាឡាក់ ផែណយ (Aekkalak Paenoi) ដែលបាញ់សម្លាប់អតីតតំណាងរាស្ត្រ គណបក្សសង្គ្រោះជាតិ លោក លិម គិមយ៉ា ទៅឱ្យសមត្ថកិច្ចថៃ នៅវេលាម៉ោង ១២ថ្ងៃត្រង់ ថ្ងៃទី១១ ខែមករានេះ តាមការស្នើសុំរបស់ថៃ ដើម្បីផ្ដន្ទាទោសតាមច្បាប់ថៃ។
ទូរទស្សន៍ប៉ុស្តិ៍លេខ៧ របស់ថៃ ចុះផ្សាយនៅយប់ថ្ងៃទី១០ មករាថា នាយប៉ូលិសជាន់ខ្ពស់ នៃអគ្គស្នងការនគរបាលជាតិថៃចំនួន ២នាក់ នឹងទៅទទួលខ្មាន់កាំភ្លើងរូបនេះផ្ទាល់ នៅច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ រួចដឹកតាមឧទ្ធម្ភាគចក្រទៅចុះចតនៅវាលយន្តហោះប៉ូលិសនៅទីក្រុងបាងកក៕