កម្ពុជា
កម្ពុជា-ថៃ-ឃាតកម្ម
11/01/2025 – 11:06
ដោយ៖ ជួប នរក្សា
RFI
លោក ពេជ្រ ស្រស់ បដិសេធការទាញភ្ជាប់ថាលោក ពេជ្រ គឹមស្រ៊ិន ជាប្អូនប្រុសខ្លួន
លោក ពេជ្រ ស្រស់ ប្រធានគណបក្សយុវជនកម្ពុជា បានចេញមកបដិសេធការទាញភ្ជាប់រូបលោក ថា ជាបងប្អូននឹងបុគ្គល ពេជ្រ គឹមស្រ៊ិន ដែលអាជ្ញាធរថៃបានចេញដីកាតាមចាប់ខ្លួន ពាក់ព័ន្ធនឹងករណីឃាតកម្មលើលោក លិម គិមយ៉ា តំណាងរាស្ត្រអតីតបក្សសង្គ្រោះជាតិ។ នៅមួយរយៈចុងក្រោយនេះ អ្នកប្រើប្រាញ់បណ្តាញសង្គមមួយចំនួន បានបង្ហោះព័ត៌មានផ្ទាល់ខ្លួនរបស់បុគ្គល ពេជ្រ គឹមស្រ៊ិន និងលោក ពេជ្រ ស្រស់ ដែលថា មានឪពុកម្តាយឈ្មោះដូចគ្នា។ តែយ៉ាងណា លោក ពេជ្រ ស្រស់ សុំមិនធ្វើអត្ថាធិប្បាយអ្វីទាំងអស់ ដោយចាត់ទុកការទាញភ្ជាប់នេះ ជាចេតនាចង់បំផ្លាញកេរ្តិ៍ឈ្មោះរបស់លោក។
