ដោយ ទីន ហ្សាការីយ៉ា
2012-06-01
វិទ្យុអាស៊ីសេរី
យុទ្ធនាការឃោសនារកសំឡេងឆ្នោតរបស់គណបក្សនយោបាយជិតដល់ថ្ងៃបញ្ចប់ហើយ គឺនៅថ្ងៃទី១ មិថុនា ខាងមុខនេះ។ ប៉ុន្តែនៅក្នុងរយៈពេលឃោសនារកអ្នកគាំទ្រពីម្ចាស់ឆ្នោតក្នុងរយៈពេលជាង ១០ថ្ងៃ កន្លងមកនេះ គេសង្កេតឃើញគណបក្សកាន់អំណាចបានប្រើប្រាស់ក្រុមកំប្លែងឲ្យសម្ដែងនៅតាមទីសាធារណៈ និងនៅតាមកញ្ចក់ទូរទស្សន៍ ដែលសម្ដែងរៀបរាប់អំពីការដឹកនាំប្រទេសរបស់រដ្ឋាភិបាលបច្ចុប្បន្ន ហើយក្រុមកំប្លែងនោះ រិះគន់គណបក្សប្រឆាំងជាដើម។
បញ្ហាទាំងនេះ អ្នកជំនាញបានរិះគន់ក្រុមកំប្លែងទាំងនោះថា ពួកគេត្រូវបានគណបក្សកាន់អំណាចប្រើប្រាស់ ដើម្បីផលប្រយោជន៍គណបក្ស ផ្ទុយទៅវិញក្រុមកំប្លែងទាំងនោះ និងប្រឈមនឹងការធ្លាក់ចុះប្រជាប្រិយភាពរបស់ខ្លួន។
អ្នកជំនាញផ្នែកសារព័ត៌មាន និងប្រជាពលរដ្ឋមួយចំនួនបានលើកឡើងថា ក្រុមកំប្លែងខ្មែរល្បីៗមួយចំនួនកំពុងត្រូវបានគណបក្សកាន់អំណាចប្រើប្រាស់ សម្រាប់ធ្វើយុទ្ធនាការឃោសនារកសំឡេងឆ្នោត ដើម្បីជាការទាក់ទាញអារម្មណ៍ប្រជាពលរដ្ឋតាមរយៈសាច់រឿងកំប្លែង។
ក្រុមកំប្លែងមួយចំនួន បានរៀបចំជាឈុតឆាកកំប្លែងនៅតាមទីសាធារណៈនានា ក្នុងរាជធានីភ្នំពេញ និងនៅតាមកញ្ចក់ទូរទស្សន៍ ដែលសាច់រឿងកំប្លែងនោះ និយាយអំពីគោលនយោបាយគណបក្សប្រជាជនកម្ពុជា និងរិះគន់ទៅលើគណបក្សប្រឆាំង។ ក្រុមកំប្លែងទាំងនោះមាន ក្រុមរបស់លោក អ៊ួ ប៊ុណ្ណារ៉ាត់ ហៅ នាយ ក្រឹម និងក្រុមរបស់លោក ជួង ជី ហៅ នាយ កុយ ជាដើម។
ស្ថានីយទូរទស្សន៍អប្សរាបានបង្កើតកម្មវិធីឆាកកំប្លែងថ្មីឈ្មោះថា “អាចារ្យតែថាំ ឬអាចាំតែថា” រយៈពេល ១ម៉ោង។ កម្មវិធីឆាកកំប្លែងចាប់ផ្ដើមដំបូងនៅយប់ថ្ងៃទី៦ខែឧសភា កន្លងទៅ គឺមាន នាយ ឃ្លោក និងយាយ ខ្លី ដើរតួជាប្រជាពលរដ្ឋ និងមាននាយ ចេក ដើរតួជាមេដឹកនាំគណបក្សប្រឆាំង។ នាយ ចេក បានដើរទៅសុំឲ្យនាយ ឃ្លោក និងយាយ ខ្លី គាំទ្រខ្លួនឲ្យក្លាយជាមេដឹកនាំប្រទេសកម្ពុជា ដោយសុំអ្នកទាំងពីរប្ដូរទេវតា គឺមានន័យថា ឈប់គាំទ្រគណបក្សប្រជាជនកម្ពុជា បែរមកគាំទ្របក្សប្រឆាំងវិញ។ នៅពេលនោះនាយ ឃ្លោក និងយាយ ខ្លី បានបណ្ដេញនាយ ចេក ចេញពីផ្ទះរបស់ខ្លួន៖ «ព្រោះចេកឯង ជាមនុស្សលោក ហើយមនុស្សសម្ដីនិយាយធននេះណា មិនអាចទៅដូរទេវតាបានទេ។ ទោះបីទេវតាដូរ ក៏ដូរតែបងប្អូនទេវតាដែរ…វិលជុំអញ្ចឹងមក។ នយោបាយធនហ្នឹងសុំលាហើយ ខ្ញុំមិនសូវហ៊ាននៅក្បែរទេណា»។
តារាកំប្លែង នាយ ក្រឹម ដែលជាតារាកំប្លែងមួយរូប ដែលលេចធ្លោនៅលើឆាកសិល្បៈក្រោយពីរបបកម្ពុជាប្រជាធិបតេយ្យដួលរលំ។ សព្វថ្ងៃនេះ ក្រៅពីអាជីពជាអ្នកសិល្បៈ នាយ ក្រឹម ក៏មានអាជីពបំរើការងារនៅកងអង្គរក្សទៀត។ នាយ ក្រឹម បានឲ្យដឹងនៅថ្ងៃទី៣០ ឧសភា ថា នៅក្នុងពេលឃោសនាបោះឆ្នោតនេះ អភិបាលក្រុងរាជធានីភ្នំពេញបានឲ្យក្រុមកំប្លែងរបស់គាត់ទៅសម្ដែងនៅចំនួន ៨ខ័ណ្ឌ នៅតាមទីសាធារណៈ ដែលគ្រប់សាច់រឿងកំប្លែងនិយាយអំពីគោលនយោបាយរបស់គណបក្សប្រជាជនកម្ពុជា៖ «ឯកឧត្តម កែប ជុតិមា លោកឲ្យយើងមកលេងហ្នឹង លេងកំប្លែងឲ្យប្រជាពលរដ្ឋយើងមើល គាត់មិនមែនឲ្យទៅជេរតិះដៀលគេទេ ប៉ុន្តែយើងជាសិល្បករ យើងបន្ថែមខ្លះ ថាអ្វីដែលល្អ អ្វីដែលអាក្រក់ហ្នឹង»។
ទាក់ទងទៅនឹងការលេងរឿងកំប្លែងនិយាយអំពីរឿងនយោបាយជាការឃោសនាឲ្យគណបក្សកាន់អំណាចនេះហើយ ពេលខ្លះរិះគន់ទៅលើគណបក្សប្រឆាំងទៀតនោះ ប្រជាពលរដ្ឋ និងនិស្សិតមួយចំនួនបានសម្ដែងការមិនពេញចិត្ត និងរិះគន់ទៅលើនាយ ក្រឹម និងតារាកំប្លែងដទៃទៀត ពិសេស នាយ ក្រឹម ដែលលោកបំរើការនៅក្នុងអង្គភាពអង្គរក្សស៊ីប្រាក់ខែរដ្ឋ និងជាបុគ្គលសាធារណៈ បែរជាលេងរឿងកំប្លែងលំអៀងទៅភាគីម្ខាង បន្តុះបង្អាប់ភាគីម្ខាងទៀត ដែលជាការឆ្លុះបញ្ចាំងអំពីភាពមិនឯករាជ្យ។
ប្រជាពលរដ្ឋមួយរូប នៅរាជធានីភ្នំពេញសុំមិនបញ្ចេញឈ្មោះ បាននិយាយថា អ្នកស្រីចូលចិត្តទស្សនាក្រុមកំប្លែងខ្មែរ ដើម្បីជាការបំបាត់ទុក្ខកង្វល់ ដែលតារាសម្ដែងទាំងនោះ បានធ្វើឲ្យគាត់មានសំណើចបំភ្លេចទុក្ខកង្វល់។ ប៉ុន្តែអ្នកស្រីបានសម្ដែងការខកចិត្តនៅពេលឃើញក្រុមកំប្លែងសម្ដែងនៅលើឆាក លេងជាទ្រង់ទ្រាយនយោបាយ ពិសេសនិយាយរិះគន់គណបក្សប្រឆាំងនោះ៖ «យើងក៏មិនប្រកាន់គាត់ថា គាត់កាន់ខាងគណបក្សណាដែរ ប៉ុន្តែគ្រាន់តែគាត់ជាអ្នកកំប្លែង គាត់គួរសំដែងរឿង ចៅចេក ចៅអីទៅ ប៉ុន្តែដល់គាត់មកឃោសនាដូចជាមិនសម»។
បន្ថែមពីលើនេះទៀត អ្នកគ្រប់គ្រងក្លឹបនិស្សិតនៅសមាគមជួយស្រុកកំណើតយើង លោក ស៊ាត លីឃាង បានលើកឡើងថា តារាកំប្លែងសម្ដែងនៅលើឆាកនិយាយលើកគណបក្សមួយ ហើយរិះគន់គណបក្សមួយទៀត វាជារឿងមិនត្រូវទេ ពីព្រោះថា ប្រជាពលរដ្ឋដែលគាំទ្រ តារាកំប្លែងទាំងនោះមកពីគ្រប់និន្នាការគណបក្សនយោបាយ ដូច្នេះក្រុមកំប្លែងសម្ដែងលំអៀងដូច្នេះ ធ្វើឲ្យប៉ះពាល់ដល់សតិអារម្មណ៍ប្រជាពលរដ្ឋ៖ «ការលេងកំប្លែងគួរតែលេងជាសារអប់រំដូចជាឲ្យប្រជាជនទៅបោះឆ្នោត កុំផឹកស្រា អញ្ចឹង បើសិនជាយកវេទិកាកំប្លែងធ្វើដូច្នេះល្អជាង ជាជាងយកវេទិកាកំប្លែងជេរប្រមាថគណបក្សដទៃ វាមិនល្អទេ»។
ឆ្លើយតបទៅនឹងបញ្ហានេះ នាយ ក្រឹម បានទទួលស្គាល់ពីការសម្ដែង និងឃោសនាបោះឆ្នោតនេះថា លោកហ៊ានរិះគន់ទៅលើគណបក្សប្រឆាំងមែន ប៉ុន្តែលោកមិនគិតអំពីការបាត់បង់ប្រជាប្រិយរបស់លោកនោះទេ៖ «ខ្ញុំនិយាយនេះ ទោះបីជាថា ប៉ះពាល់ដល់ពួកគណបក្សប្រឆាំង ក៏ដោយខ្ញុំមិនខ្វល់អំពីការធ្លាក់ចុះប្រជាប្រិយខ្ញុំទេ ពីព្រោះថា នៅទីក្រុងភ្នំពេញនេះ អ្នកដែលស្រឡាញ់សម្ដេច ស្រឡាញ់គណបក្សប្រជាជនហ្នឹងជាង ៨០% ឬ៩០% ទៅហើយ។ ម្យ៉ាងទៀតដូចថា ពួកគណបក្សប្រឆាំងហ្នឹង មិនដែលជួលយើងទៅសម្ដែងទេ»។
ហ្សាការីយ៉ា៖ «អញ្ចឹង ប្រសិនបើគណបក្សប្រឆាំងជួលក្រុមកំប្លែងរបស់លោកទៅសំដែងជាលក្ខណៈឃោសនាដែរ លោក ទៅដែរឬ?»
នាយក្រឹម៖ «បាទ ទស្សនៈខ្ញុំ គឺអត់មានទេ ព្រោះតាំងពីណា ពីណីមក ដូចថាស្លាប់មិនដូរឈ្មោះរស់មិនដូរបក្ស»។
ទោះបីជាយ៉ាងណាក៏ដោយ ក្រុមអ្នកឃ្លាំមើលការបោះឆ្នោតបានពន្យល់ថា ចំនួនប្រជាពលរដ្ឋគាំទ្រគណបក្សប្រជាជនកម្ពុជានៅទីក្រុងភ្នំពេញនេះ មិនមែនមានប្រជាពលរដ្ឋគាំទ្ររហូតដល់ ៨០% ឬ៩០% ដូចនាយ ក្រឹម បានលើកឡើងនោះទេ។ កាលពីបោះឆ្នោតជាតិអាណត្តិទី ៤ ឆ្នាំ២០០៨ កន្លងទៅ នៅទីក្រុងភ្នំពេញ ចំនួនអាសនៈសរុបមានចំនួន ១២ ក្នុងនោះគណបក្សប្រជាជនកម្ពុជា ទទួលបាន ៧អាសនៈ គណបក្ស សម រង្ស៊ី មានចំនួន ៥អាសនៈ។
ម្យ៉ាងវិញទៀត ប្រធានសមាគមសិល្បករខ្មែរ លោក សុះ ម៉ាច មានប្រសាសន៍ថា សិល្បករខ្មែរគ្រប់រូប មានសិទ្ធិចូលរួមក្នុងឆាកនយោបាយ ប៉ុន្តែការសំដែងរបស់ក្រុមកំប្លែងនេះ មិនត្រូវសំដែងដោយធ្វើការវាយប្រហារទៅលើគណបក្សដែលខ្លួនមិនគាំទ្រនោះទេ វាធ្វើឲ្យប៉ះពាល់ដល់វិជ្ជាជីវៈខ្លួនជាអ្នកសិល្បៈ ដែលមានការគាំទ្រពីមហាជនជាទូទៅ៖ «ការសម្ដែងដូចដែលខ្ញុំធ្លាប់បានជម្រាបហើយ សិល្បករទាំងអស់ ការសម្ដែង ទោះបីជាគាំទ្រគណបក្សណាក៏ដោយ សម្ដែងលើកតែពីគោលនយោបាយល្អគណបក្សហ្នឹងទៅ កុំទៅវាយប្រហារគណបក្សដទៃ ប៉ុន្តែការតាម ឬមិនតាមជារឿងរបស់គាត់»។
លើសនេះទៀត អ្នកជំនាញផ្នែកសារព័ត៌មានបានពន្យល់ថា សិល្បៈជារូបភាពមួយនៃប្រព័ន្ធផ្សព្វផ្សាយដែរ ដូច្នេះសិល្បករ ឬក្រុមកំប្លែងត្រូវគោរពក្រមសីលធម៌វិជ្ជាជីវៈផ្នែកប្រព័ន្ធផ្សព្វផ្សាយ ឬច្បាប់សារព័ត៌មាន ដែលមានគោលការណ៍សំខាន់ ត្រូវរក្សាជំហរ អព្យាក្រឹត្យ និងតុល្យភាព។ ហើយច្បាប់សារព័ត៌មាន ក៏បានហាមអំពីការប្រើប្រាស់ភាសាអសុរោះ ការតិះដៀលទៅលើក្រុមណាមួយ ឬបុគ្គលណាមួយនោះដែរ។
លោកបញ្ជាក់ថា អ្វីដែលជាកត្តាសំខាន់ជាងនេះទៅទៀត តារាកំប្លែងទាំងនេះ និងប្រឈមនឹងការធ្លាក់ចុះប្រជាប្រិយភាពរបស់ខ្លួននៅពេលអនាគត ប្រសិនបើការសម្ដែងរបស់ពួកគាត់មិនបានឆ្លុះបញ្ចាំងអំពីភាពឯករាជ្យ និងការគោរពវិជ្ជាជីវៈរបស់ខ្លួនទេនោះ។
ឆ្លើយតបទៅនឹងបញ្ហានេះ រដ្ឋមន្ត្រីក្រសួងព័ត៌មាន និងជាមន្ត្រីជាន់ខ្ពស់គណបក្សប្រជាជនកម្ពុជា លោក ខៀវ កាញារិទ្ធិ បានឲ្យដឹងកាលពីដើមខែឧសភា ថា កម្មវិធីឆាកកំប្លែងនេះ ត្រូវបានរៀបចំឡើងដោយទូរទស្សន៍អប្សរា គឺមិនមែនជាយុទ្ធសាស្ត្ររបស់គណបក្សប្រជាជនកម្ពុជាទេ៖ «គោលនយោបាយគណបក្សប្រជាជនកម្ពុជា គឺមិនវាយប្រហារលើគណបក្សនយោបាយណាមួយទេ ប៉ុន្តែគណបក្សនេះមានគោលការណ៍និយាយតែអំពីស្នាដៃ និងអំពើល្អរបស់ខ្លួនកន្លងមក»។
ទោះបីជាយ៉ាងនេះក្ដី អ្នកជំនាញផ្នែកសារព័ត៌មាន បានអះអាងថា ការកំប្លែងនេះជាយុទ្ធសាស្ត្ររបស់គណបក្សនយោបាយ ដែលគេគិតថា ប្រជាពលរដ្ឋធុញទ្រាន់នឹងសារនយោបាយដដែលៗ របស់គណបក្សនយោបាយ ដូច្នេះហើយ ទើបគេប្រើយុទ្ធសាស្ត្ររៀបចំឲ្យមានជាឈុតឆាកកំប្លែងនេះឡើង។
បញ្ហានេះ អ្នកជំនាញផ្នែកសារព័ត៌មាន បានលើកហេតុផលថា តារាកំប្លែងទាំងនោះ កំពុងត្រូវបានគណបក្សកាន់អំណាចប្រើប្រាស់ និងស្ថិតនៅក្រោមឥទ្ធិពលអ្នកនយោបាយ។ លោកបញ្ជាក់ថា តារាកំប្លែងនៅកម្ពុជា គឺខុសពីតារាកំប្លែងនៅប្រទេសប្រកាន់លទ្ធិប្រជាធិបតេយ្យ ដូចជានៅសហរដ្ឋអាមេរិក តារាកំប្លែង រ៉ុបប៊ីន វីលៀម (Rorbin Williams) លោកជាតារាកំប្លែងឯករាជ្យ ដែលមានឥទ្ធិពលទៅលើប្រធានាធិបតីអាមេរិកទាំងលោក George W. Bush ទាំងលោក Barack Obama។ លោក William មានសិទ្ធិសម្ដែង លើកពីចំណុចខ្វះខាតណាមួយរបស់ប្រធានាធិបតីអាមេរិក ដើម្បីជាសារមួយឲ្យប្រជាពលរដ្ឋអាមេរិកបានដឹង។ ការធ្វើដូច្នេះ លោក William កាន់តែមានប្រជាពលរដ្ឋគាំទ្រលោកកាន់តែខ្លាំងថែមទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Xman យល់ថា មិនចាំបាច់ចោទទេ ព្រោះវាជាសេរីភាពរបស់បុគ្គល និងក្រុម ពួកគេមិនមានកំហុស ឡើយ ។
មនោរ៉ា គិតថា អ្នកកំប្លែង អាចត្រិះរិសនៅចំនុចខ្វះខាតរបស់បុគ្គលណាមួយដោសេរី បុន្តែមិនត្រូវប្រមាថមើលងាយគេទេ។ តែអាឆ្កែក្រិមនឹងគ្នារបស់វាធ្វើនេះវាមិនសមទេ។
ក្រុមកំប្លែងប្រទេសនេះ សំបូរទៅដោយពាក្យអសរោះ ពាក្យចំអេសចំអាសគ្នានក្រមសីលធម័ឡើយ។
នេះគ្រាន់តែជារបៀបធ្វើជំនួញរបស់ពួកគាត់ប៉ុណ្ណោះ។ បើសិនជាគាត់មិនធ្វើអញ្ចឺងទេនោះប្រាកដជា ដូចលោកឡោស៊ីមិនខានឡើយ។ គណបក្សណាដែលកាន់អំណាចគាត់នឹងរត់ទៅរកខាងនឹងហើយ។
ក្រុមកំប្លែងទាំងនោះមាន លោក អ៊ួ ប៊ុណ្ណារ៉ាត់ ហៅ នាយ ក្រឹម, លោក ជួង ជី ហៅ នាយ កុយ , ឯ.ឧ.ឡោស៊ី ជាដើម។
ពួកគាត់ត្រូវគាបសង្កត់ទេ! សង្គមយើងត្រូវការជឹងទើបមានជីវិតរស់បានយូរ ! កុំបន្ទោសពួកគាត់អី! ខ្ញុំជឿរជាក់ថានរណាក៏មិនចង់ជឹងដែរនៅក្នុងស្ថាបន័រដ្ឋ មានច្រើនណាស់! ចាំប្រទេសជិតអាលាយអស់សិនបានគាត់នាំគ្នាក្រោកឈរណាបងៗ!
ខ្ញុំគិតថាប្រទេសកម្ពុជាមិនរលាយទេ គ្រាន់តែផ្ទៃដីរួមតូច ឬអ្នកដែលរស់នៅលើទឺកដីខ្មែរមិនមែនជាខ្មែរតែប៉ុណ្ណឹង។។។។
សូមកំុប្រកាន់គាត់ ទោះបីជាគេអោយគាត់ពាក់ដួននឹងអាវផាយមកសំដែងក៍គាត់ត្រូវតែធ្វើដែរ គឺដើម្បីរស់ព្រោះគាត់កំពុងរស់នៅក្រោមចង្កូមមច្ចុរាជសញ្ញាទេវតាស្រីលើកជើង។
វាជាសិទ្ធមានជំនឿរបស់គេ ចង់អ្នកណាចូលខាងក៏ចូលទៅ
កុំទៅឈឺក្បាលវិលមុខអី គិតតែខំធ្វើអ្វីៗដើម្បីសេចក្តីជឿទុក្ខ
ចិត្តរបស់ប្រជាជនទៅវាមិនខុសទេ កុំបានតែមាត់ស្ងីមិនធ្វើនោះ ។
សំណាងដែល ដែរខ្ញុំមិនស្ថិនៅក្រោមចង្កូមមច្ចុរាជសញ្ញាទេវតាសឬីលើកជើងនោះ។ខ្ញុំនឹងមិននូវជារៀងរហូត។។
. . .ឈប់បោករាស្រ្តខ្មែរ
១- ពេលរដូវភរក៏ចូលមកដល់ បក្ខធំប្រើកលកេងយកចំណេញ
រៀបចំផែនការប្រមូលសម្លេង ដោយអួតក្អាងក្អេងចែកដីអ្នកស្រែ ។
២- ដីមានថ្លៃល្អ ហ្វូងចោរដេញរាស្រ្ត ដីព្រៃវាលល្បះក៏ជាដីខ្មែរ
ហ៊ុន សែនបែងចែក ហាក់ដីកេរម៉ែ បំណាច់ចែកខ្មែរ ចែកគ្រប់អ្នកក្រ ។
៣- ជនឫកឆ្កែព្រៃបញ្ឆោតលលេង–ឱ្យខ្មែរវង្វេង គិតថាខ្លួនល្អ
រាស្រ្តអត់លំនៅយំយែកវឹកវរ ពួកជនមេភរ ធ្វើជាមិនដឹង!
៤- គណៈបក្ខឫកថោកបោកតែខេមរា ទៅចែកទីណាដែលមានលំនឹង
ជនឥតលំនៅ ពួកវាបន្តឹង ចងចោទចាប់ប្តឹងញាត់ព័ន្ធនាគារ ។
៥- បក្ខមានឈ្មោះថា‹‹បក្ខប្រជាជន›› តាមពិតខ្ញុំយួន ខ្មែរដឹងគ្រប់គ្នា
ជះជាន់ជាតិខ្មែរជាម្ចាស់ភារា ឱ្យរងវេទនារស់ហាលភ្លៀង-ក្តៅ ។
៦- គណៈបក្ខឫកថោកឈប់បោករាស្រ្តខ្មែរ អ្នកមិនឆ្លាតទេ ខ្មែរដឹងក្រយៅ
ចែកតែទីណា រាស្រ្តមានលំនៅ ត្រង់រាស្រ្តហាលក្តៅ ម្តេចអ្នកព្រងើយ?
៧- ពួកជនគគ្រិចប្រើល្បិចឆ្កែព្រៃ ខ្មែរម្ចាស់ទឹកដីមិនជឿឯងឡើយ
ពួកអ្នកខ្ញុំយួន យើងក៏ដឹងហើយ បើបោះឆ្នោតឱ្យ យើងធ្លោយហើយខ្មែរ!
ពិតណាស់ បុគ្គលសាធារណៈដូចសិល្បៈករ សិល្បៈការនី ព្រមទាំងមន្រ្តីរាជការជាដើម គឺភាគច្រើនត្រូវតែចូលរួមជាមួយបក្សកាន់អំណាចដើម្បីបំពេញការងារបានល្អ ប៉ុន្តែពុំមែនសុទ្ធតែដើម្បីផលប្រយោជន៍ផ្ទាល់ខ្លួនទាំងស្រុងទេ នេះជារបត់នយោបាយស្រុកខ្មែរ។ ទោះយ៉ាងណា អ្នកកំប្លែងគួរកុំលេងបំរើនយោបាយជ្រុលពេកអាចបាត់បង់ការគាំទ្រមួយចំនួនធំ ព្រោះប្រជាជនខ្មែរពុំមែនមាននិន្នការនយោបាយតែមួយទេ។ សម្រាប់ខ្ញុំ នាយក្រឹមបក្សនិយមជ្រុលពេកហើយ។
មេទ័ពបាញ់ទាខុ្ញំសូមអរគុណនៅកំណាព្យដ៏ល្អ្!
សុទ្ធតែជាពួកអាមានគំនិតអាប៉ុលពត ពួកអាប្រល័យពូជសាសន៏ទាំអស់
បើមិនដូចច្នោះក៏សុទ្ធតែពួកអាមមាចមិនស្គាល់ភ្លើង គ្មានខួរក្បាលពិចារណា
ដោយសាគំនិតនិន្ទាឈ្នានីសបែបនេះហើយទើបមានរបបខ្មែរក្រហម
ដោយសារគំនិតនេះហើយទើប គេសម្លាប់សូម្បីអ្នកចម្រៀង ស៊ិន ស៊ីសាមុត
រស់ សេរីសុទ្ធា មាស សាម៉ន .ល។ព្រមទាំងអ្នកកំប្លែងមួយចំនួនធំទៀតដែល
គ្រាន់តែជាសិល្បៈនោះ សូមប្រាប់ក្រុមប្រឆាំងដែលមានខួរក្បាលអន់ជាងខ្ចង
ធម្មតាប្រជាធិបតេយ្យដោយស្មោះគេមិនចេះច្រណែនអ្នកណាទេ គេគាំទ្រ
ខាងណាក៏ដោយមិនមានគំនិតគំគួន ចងអាឃាដនិងគេទេ មានតែពួកអា
ប្រជាធិបតេយ្យក្លែងក្លាយនៅស្រុកខ្មែរ និងនៅក្រៅស្រុកប៉ុន្មាននាក់នេះឯង
មានអាមួយនោះរស់ដោយសារ ៧ មករាហើយបានទៅនៅស្រុកគេធ្វើឯង
គ្រាន់បើប្រដៅគេ ភ្លេចគ្រាលំបាកកំសត់ បានសុខស្រួលដៀលគេទៀត តែ
កុំភ័យស្រុកខ្មែរឥឡូវមិនដូចពីមុនទេ មិនបាច់ពួកឯងមកជួយក៏ខ្មែរចេះរស់
ដែរ ហើយរង់ចាំទទួលអាណាដែលដាច់យ៉ៃពីស្រុកគេចូលស្រុកខ្មែរវិញស្មើរ
ណាក៏បាន មិនខ្វល់មិនព្រួយអ្វីទេស្រុកខ្មែរកុំតែដើរធ្វើចោរ ឬដើវាយគេ កុំ
តែបង្ករចលាចលគឺមានសេចក្តីសុខហើយ សូមពួកឯងដឹងផង ។
មេដឹកនាំស្រុកខ្មែរគឺខុសគេតែអញ្ចឹង មិនចេះបើកភ្នែកមើលប្រទេសគេជិតខាងអីបន្តិចសោះហើយ។ នេះហើយមកពីអំពើរលោភ និងការស្រេកឃ្លាននិងអំណាចហួសប្រមាណ ជាប្រភេទមនុស្សឲ្យលុយ និងអំណាចដឹកមុខរួមផ្សំនិងចំណេះដឹងទាប ទើបបណ្តាលឲ្យអំណាចអូសទាញទាំងទទឹងទទែង មិន ដឹងម៉ែងកាលែងអ្វីទាំងអស់ ដូចជាដណ្តើមនិងសំលាប់ប្រពន្ធគេ ធ្វើគត់ព្រះសង្ឃ បោកគ្រាប់បែក សំលាប់បាតុករក្រាន់តែសម្តែងមតិដោយអហិង្សារ និងសំលាប់ប្រជាពលរដ្ឋខ្លួនដែលគ្រាន់តែមាន គំនិតស្នេហាជាតិ។ ដោយសារតែស្រែកឃ្លាននិងអំណាចខ្លាំងពេក ហ៊ុនសែន ហានប្រើនូវគ្រប់លកវិធីដើម្បីអោបអំណាចដែលគាត់កំពុងតែគិតថាជាកេរ្ត៍ដែលម៉ែឪគាត់ទុកឲ្យទៀតផង រហូតដល់ហ៊ុនសែនមិនដឹងថាតួនាទីរបស់រដ្ឋភិបាលមានសិទ្ធអំណាចត្រឹមណាផងដូចជា ហ៊ុនសែនហ៊ានប្រើអំណាចដែលគ្រាន់តែជាអង្គការនីតិប្រតិបត្តទៅលូកកកូរកកាយលើល្ថាប័នឯករាជ្យដ៍ទៃទាំងមិនចេះខ្មេះមេដឹកនាំអាស៊ានអីបន្តិចសោះ
ហើយ មិនត្រឹមតែប៉ុណ្ណោះហ៊ុនសែនលូកកកូកកាយរហូតដល់អ្នកកំប្លែងទៀតពិតជានាយករដ្ឋមន្ត្រីឥសន្តាប់ធ្នាប់និងគំរក់រកអ្វីប្រៀបគ្មាន។
មានកង្កែបមួយខំស្រែកពីក្នុងអណ្តូង…ជឹតបានពាក់ដួននឹងអាវផាយហើយ។ ជ៍យយោ៧មករាសញ្ញាទេវតាស្រីលើកជើង…ចាំ។