• បក្សក្រៅរដ្ឋាភិបាល និងមហាជនខ្មែរប្រតិកម្មចំពោះការប៉ះទង្គិចនៅព្រំដែនកម្ពុជា-ថៃ

    1 year ago | Comments Off on បក្សក្រៅរដ្ឋាភិបាល និងមហាជនខ្មែរប្រតិកម្មចំពោះការប៉ះទង្គិចនៅព្រំដែនកម្ពុជា-ថៃ

    គណបក្សក្រៅរដ្ឋាភិបាល អ្នកនយោបាយខ្មែរក្រៅប្រទេស និងមហាជនខ្មែរទូទៅបាននាំគ្នាបញ្ចេញប្រតិកម្មជាហូរហែចំពោះការប៉ះទង្គិចនៅព្រំដែនកម្ពុជា-ថៃដែលបានកើតឡើងនៅថ្ងៃពុធទី២៨ ឧសភា។ បណ្តាបក្សក្រៅរដ្ឋាភិបាល និងអ្នកនយោយខ្មែរក្រៅប្រទេសបានស្នើឲ្យរដ្ឋាភិបាលកម្ពុជាបង្កើនការយកចិត្តទុកដាក់ដល់កងទ័ពដើម្បីបង្កើនស្មារតីឈរជើងរបស់ពួកគេ។ ចំណែកបណ្តាមហាជនខ្មែរបានបញ្ចេញប្រតិកម្មលើបណ្តាញសង្គមដោយថ្កោលទោសចំពោះការឈ្លានពានរបស់កងទ័ពថៃ និងចូលរួមរំលែកទុក្ខចំពោះការបាត់បង់នាយទាហានកម្ពុជាម្នាក់។

  • របាយការណ៍អឺរ៉ុប៖ លោក ហ៊ុន ម៉ាណែត មិនបានកែលម្អស្ថានភាពសិទ្ធិមនុស្ស ឱ្យខុសពីឪពុករបស់លោក

    1 year ago | Comments Off on របាយការណ៍អឺរ៉ុប៖ លោក ហ៊ុន ម៉ាណែត មិនបានកែលម្អស្ថានភាពសិទ្ធិមនុស្ស ឱ្យខុសពីឪពុករបស់លោក

    សហភាពអឺរ៉ុបសង្កេតឃើញថា នៅក្នុងឆ្នាំ២០២៤ រដ្ឋាភិបាលកម្ពុជានៅតែបន្តរឹតត្បិតសិទ្ធិពលរដ្ឋនិងសិទ្ធិនយោបាយ ដែលធ្វើឱ្យស្ថានភាពសិទ្ធិមនុស្សនិងលទ្ធិប្រជាធិបតេយ្យបន្តស្ថិតក្នុងក្ដីព្រួយបារម្ភដដែល។ សង្គមស៊ីវិលថា រដ្ឋាភិបាលកម្ពុជា អាចរកឱកាសបើកទីផ្សារបន្ថែម ប្រសិនដោះស្រាយក្ដីកង្វល់របស់សហភាពអឺរ៉ុប។

  • មេដឹកនាំអាស៊ានប្តេជ្ញារក្សាស្ថិរភាពសេដ្ឋកិច្ចតំបន់នៅចំពោះមុខរនាំងពន្ធរបស់អាមេរិក

    1 year ago | Comments Off on មេដឹកនាំអាស៊ានប្តេជ្ញារក្សាស្ថិរភាពសេដ្ឋកិច្ចតំបន់នៅចំពោះមុខរនាំងពន្ធរបស់អាមេរិក

    មេដឹកនាំនៃប្រទេសសមាជិកអាស៊ានបានប្រកាសជំហររួមគ្នាក្នុងការឆ្លើយតបនឹងភាពមិនប្រាកដប្រជាពាណិជ្ជកម្ម និងសេដ្ឋកិច្ចសកល និងគូសបញ្ជាក់ថា វិធានការឯកតោភាគីនៃការដំឡើងពន្ធរបស់រដ្ឋបាលអាមេរិក គឺជាវិធានការប្រឆាំងនឹងការហុចប្រយោជន៍ឲ្យគ្នាទៅវិញ ទៅមក។ តែដើម្បីទប់ទល់នឹងការដំឡើងពន្ធរបស់អាមេរិកនេះត្រូវបានសេដ្ឋវិទូយល់ថា ប្រទេសក្នុងប្លុកអាស៊ានគួរជ្រើសរើសផ្លូវចរចាជាលក្ខណៈតំបន់ជាមួយសហរដ្ឋអាមេរិកដើម្បីទទួលបានអត្ថប្រយោជន៍ស្មើគ្នាជាជាងការចាប់យកយន្តការទ្វេភាគី។

  • ទាហានខ្មែរម្នាក់ស្លាប់ក្នុងការផ្ទុះអាវុធជាមួយទាហានថៃ

    1 year ago | Comments Off on ទាហានខ្មែរម្នាក់ស្លាប់ក្នុងការផ្ទុះអាវុធជាមួយទាហានថៃ

    ទាហានខ្មែរម្នាក់ឈ្មោះ សួន រោន អាយុ៤៨ឆ្នាំ មានទីលំនៅក្នុងភូមិកំពេញ ឃុំយាង ស្រុកជាំក្សាន្ត ខេត្តព្រះវិហារ និងជាទាហានឈរជើងនៅតំបន់ព្រំដែនមុំបី បានស្លាប់នៅក្នុងការផ្ទុះអាវុធជាមួយទាហានថៃនៅព្រឹកទី២៨ឧសភានេះ។ ទាហាន​ខ្មែរ​និង​ថៃ បាន​បើក​ការ​បាញ់​ប្រហារ​គ្នា​ក្នុង​រយៈពេល​ខ្លី ស្ថិត​នៅ​ក្នុង​តំបន់​ជម្លោះ​តាម​ព្រំដែន​នៅ​ថ្ងៃ​ពុធ​នេះ។ នេះ​បើ​តាម​ការ​ចុះ​ផ្សាយ​ពី​ទីភ្នាក់ងារ​សារព័ត៌មាន AP និង​បណ្ដាញ​សារព័ត៌មាន​របស់​ថៃ។

  • សង្គមស៊ីវិលស្នើអាជ្ញាធរស៊ើបអង្កេតករណីយុវជនខ្មែរស្លាប់នៅជិតអាគារអនឡាញចិន

    1 year ago | Comments Off on សង្គមស៊ីវិលស្នើអាជ្ញាធរស៊ើបអង្កេតករណីយុវជនខ្មែរស្លាប់នៅជិតអាគារអនឡាញចិន

    មន្ត្រីសិទ្ធិមនុស្សស្នើឱ្យអាជ្ញាធរខេត្តព្រះសីហនុ បើកការស៊ើបអង្កេតរកការពិតជុំវិញយុវជនបម្រើការក្នុងទីតាំងអនឡាញម្នាក់ ដែលគេអះអាងថា បានធ្លាក់ពីលើអាគារស្លាប់។ ការស្នើនេះ ខណៈគ្រួសារនៅមិនទាន់អស់ចិត្ត និងសង្ស័យថាជាករណីធ្វើទារុណកម្ម។ យុវជន​ខ្មែរ​ម្នាក់​អាយុ​១៩​ឆ្នាំ ឈ្មោះ អ៊ន់ សំណាងដេវិត ត្រូវ​បាន​គេ​ប្រទះ​ឃើញ​ស្លាប់​នៅ​ជិត​អាគារ​បើក​ល្បែង​អនឡាញ​របស់​ជន​ជាតិ​ចិន​មួយ​កន្លែង ស្ថិត​នៅ​ក្នុង​ភូមិ​១ សង្កាត់​លេខ​៣ ក្រុង​ព្រះសីហនុ កាល​ពី​ថ្ងៃ​ទី​២៤​ឧសភា បន្ទាប់​ពី​ចូល​ធ្វើ​ការ​បាន​មួយ​ថ្ងៃ។ ខាង​គ្រួសារ​សង្ស័យ​ថា ជន​រង​គ្រោះ​អាច​ស្លាប់ ដោយសារ​ការ​ធ្វើ​ទារុណកម្ម និង​ឆក់ ពីព្រោះ​ពិនិត្យ​ឃើញ​នៅ​លើ​ដើម​ទ្រូង​សាកសព​មាន​ស្នាម​មុខ​របួស​ និង​រាងកាយ​មាន​សភាព​ស្លេកស្លាំង​ដូច​អស់​ឈាម​ពី​ខ្លួន។

  • កម្ពុជារកឃើញករណីស្លាប់ថ្មីដោយជំងឺផ្តាសាយបក្សីលើក្មេងប្រុសម្នាក់នៅខេត្តកំពង់ស្ពឺ

    1 year ago | Comments Off on កម្ពុជារកឃើញករណីស្លាប់ថ្មីដោយជំងឺផ្តាសាយបក្សីលើក្មេងប្រុសម្នាក់នៅខេត្តកំពង់ស្ពឺ

    ក្រសួងសុខាភិបាលកម្ពុជាបានរកឃើញករណីស្លាប់ថ្មីដោយជំងឺផ្តាសាយបក្សីលើក្មេងប្រុសម្នាក់អាយុ ១១ឆ្នាំ ក្នុងខេត្តកំពង់ស្ពឺ។ តាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី២៧ ខែឧសភា ឆ្នាំ២០២៥ ក្មេងប្រុសរងគ្រោះត្រូវបានវិទ្យាស្ថានប៉ាស្ទ័ររកឃើញមានផ្ទុកវិជ្ជមានវីរុសផ្តាសាយបក្សី ឬ H5N1។

  • ប្រមុខការពារជាតិកម្ពុជាថា មូលដ្ឋានទ័ពរាមមិនអាចបើកឲ្យភ្ញៀវចូលគ្រប់កន្លែងទេ

    1 year ago | Comments Off on ប្រមុខការពារជាតិកម្ពុជាថា មូលដ្ឋានទ័ពរាមមិនអាចបើកឲ្យភ្ញៀវចូលគ្រប់កន្លែងទេ

    ក្នុងពេលបិទបញ្ចប់លំហាត់សឹកលើកទី៧ ឆ្នាំ២០២៥ នេះ ប្រមុខការពារជាតិកម្ពុជា លោក ទៀ សីហា បានបំភ្លឺលើការចោទប្រកាន់មួយចំនួនពាក់ព័ន្ធនឹងការប្រើប្រាស់មូលដ្ឋានកងទ័ពជើងទឹកសមុទ្ររាមថា មូលដ្ឋានទ័ពនេះមិនអាចបើកឲ្យភ្ញៀវចូលមើលគ្រប់ទីកន្លែងបានទេ ពោលមានការហាមឃាត់សម្រាប់កន្លែងសំខាន់ខ្លះ។ អ្នកជំនាញកិច្ចការអន្តរជាតិវាយតម្លៃថា សំណុំរឿងមូលដ្ឋានទ័ពជើងទឹករាមនឹងបន្តស្ថិតក្រោមការតាមដានរបស់បស្ចិមលោក ល្គឹកណាចំណងយោធាចិន និងកម្ពុជាកាន់តែរីកធំឡើងពីមួយឆ្នាំទៅមួយឆ្នាំនោះ។

  • ទាហានខ្មែរ និងថៃប៉ះទង្គិចគ្នា​ជាថ្មី នៅតំបន់ចុងបូក

    1 year ago | Comments Off on ទាហានខ្មែរ និងថៃប៉ះទង្គិចគ្នា​ជាថ្មី នៅតំបន់ចុងបូក

    នៅព្រឹកព្រលឹមថ្ងៃទី២៨ ឧសភានេះ មានការប៉ះទង្គិចដោយអាវុធជាថ្មីរវាងទាហានខ្មែរ និងថៃដែលឈរជើងតាមព្រំដែននៅតំបន់ចុងបូក ជាប់ខេត្តអ៊ូប៊ុន រាចឆាឋានីរបស់ថៃ។ នេះបើតាមការបញ្ជាក់របស់មន្ត្រីអ្នកនាំពាក្យកងទ័ពថៃក្នុងកាសែតបាងកកប៉ុស្តិ៍។ មន្ត្រីអ្នកនាំពាក្យកងទ័ពថៃបានអះអាង គឺទាហានខ្មែរជាអ្នកបង្ករឿង ដោយការបំពានចូលក្នុងតំបន់ដែលបានព្រមព្រៀងរក្សាជា «status quo» និងថា ស្ថានភាពបានស្ងប់ស្ងាត់ទៅវិញ បន្ទាប់ពីមេទ័ពខ្មែរ និងថៃបានជជែកគ្នាតាមទូរស័ព្ទ។

  • សាលាឧទ្ធរណ៍ភ្នំពេញសម្រេចបន្តឃុំខ្លួនសកម្មជនបក្សប្រឆាំង មេសហជីព និងអ្នកជំនាញកសិកម្ម

    1 year ago | Comments Off on សាលាឧទ្ធរណ៍ភ្នំពេញសម្រេចបន្តឃុំខ្លួនសកម្មជនបក្សប្រឆាំង មេសហជីព និងអ្នកជំនាញកសិកម្ម

    សាលាឧទ្ធរណ៍ភ្នំពេញ នៅថ្ងៃទី២៧ ខែឧសភា បានសម្រេចបន្តឃុំសកម្មជនបីនាក់ នៅក្នុងសំណុំរឿងបីផ្សេងៗគ្នា។

  • គ្រួសារអំពាវនាវឱ្យតុលាការដោះលែងលោកស្រី អេង សុខា ដើម្បីបានមើលថែកូននិងម្ដាយចាស់

    1 year ago | Comments Off on គ្រួសារអំពាវនាវឱ្យតុលាការដោះលែងលោកស្រី អេង សុខា ដើម្បីបានមើលថែកូននិងម្ដាយចាស់

    សាលាដំបូងរាជធានីភ្នំពេញ នឹងប្រកាសសាលក្រមសំណុំរឿងបំផ្លិចបំផ្លាញទ្រព្យសម្បត្តិសារធារណ:លើលោកស្រី អេង សុខា នៅថ្ងៃទី១១ ខែមិថុនា ខាងមុខនេះ។

  • សង្គមស៊ីវិលទាមទារឲ្យមេដឹកនាំអាស៊ានការពារលទ្ធិប្រជាធិបតេយ្យ និងសិទ្ធិមនុស្ស

    1 year ago | Comments Off on សង្គមស៊ីវិលទាមទារឲ្យមេដឹកនាំអាស៊ានការពារលទ្ធិប្រជាធិបតេយ្យ និងសិទ្ធិមនុស្ស

    សេចក្តីថ្លែងការណ៍រួមរបស់ក្រុមអង្គការសង្គមស៊ីវិលចំនួន ៣៥ ក្នុងតំបន់អាស៊ានបានទទូចឲ្យរដ្ឋាភិបាលនៃប្រទេសសមាជិកអាស៊ានធ្វើសកម្មភាពយ៉ាងម៉ឺងម៉ាត់ដើម្បីការពារលទ្ធិប្រជាធិបតេយ្យ លើកស្ទួយសិទ្ធិនយោបាយ និងការពារលំហសេរីភាពរបស់ពលរដ្ឋ។ តាមក្រុមអង្គការសង្គមស៊ីវិលនេះដដែល ស្ថានភាពលទ្ធិប្រជាធិបតេយ្យក្នុងតំបន់អាស៊ានមិនត្រឹមតែស្ថិតក្រោមភាពតានតឹងប៉ុណ្ណោះទេ តែវាក៏កំពុងប្រឈមមុខនឹងការគំរាមកំហែងយ៉ាងធ្ងន់ធ្ងរដែរ។

  • លោក អាឡិច៖ អ្នកនេសាទវៀតណាមបានសារភាពថា ពួកគេចូលដែនទឹកកម្ពុជាដោយសេរី

    1 year ago | Comments Off on លោក អាឡិច៖ អ្នកនេសាទវៀតណាមបានសារភាពថា ពួកគេចូលដែនទឹកកម្ពុជាដោយសេរី

    វីដេ​អូចេញ​ផ្សាយ​ដោយ​គេ​ហ​ទំព័រ​ Mother Natural Cambodia នៅ​ថ្ងៃ​ទី​២៦ ខែ​ឧសភា ឆ្នាំ​២០២៥ បាន​បង្ហាញ​ឲ្យ​ឃើញ​ថា ​មាន​ទូក​នេសាទ​វៀត​ណាម​យ៉ាង​តិច ​១០៦៦​គ្រឿង​បាន​ចូល​នេសាទ​ក្នុង​សមុទ្រ​កម្ពុជា​ចាប់​ពី​ឆ្នាំ​២០២១ ដល់​ឆ្នាំ​២០២៥​។​ បទ​ល្មើស​នេសាទ​នេះ​កើត​ឡើង​នៅ​ខេត្ត​កំពត​ ព្រះសីហនុ ​និងកោះកុង​។​ ក្រសួង​កសិកម្ម​កម្ពុជា​នៅ​មិន​ទាន់​មាន​ប្រតិកម្ម​យ៉ាង​ណាលើ​វីដេអូ​នេះ​ទេ​។​ លោក អាឡិចហាន់ដ្រូ ​ហ្គន់សាឡេស​ ដេវីដសុន ស្ថាបនិក​អង្គការ​ចលនា​មាតា​ធម្មជាតិ បាន​អះអាង​ថា ​អ្នក​នេសាទ​វៀត​ណាម​បាន​សារ​ភាព​ប្រាប់​ក្រុម​អ្នក​ស៊ើប​អង្កេត​ថា​ ពួកគេ​អាច​ចូល​ដែន​ទឹក​កម្ពុជា​ដោយ​សេរី​។​ តាម​លោក អាឡិច​ ក្រៅពី​ទូក​នេសាទ​វៀត​ណាម ​កាប៉ាល់​នេសាទ​ថៃ និង​ចិន​ក៏​ឧស្សាហ៍​រំលោភ​ចូល​ដែន​ទឹក​របស់​កម្ពុជា​ដែរ​។

  • គណបក្សភ្លើងទៀនធ្វើសមាជវិសាមញ្ញកែសម្រួល​លក្ខន្តិកៈ​បក្ស

    1 year ago | Comments Off on គណបក្សភ្លើងទៀនធ្វើសមាជវិសាមញ្ញកែសម្រួល​លក្ខន្តិកៈ​បក្ស

    នៅថ្ងៃទី២៥ឧសភា គណបក្សភ្លើងទៀន បានធ្វើសមាជ​វិសាមញ្ញ​ និង​បានសម្រេចធ្វើវិសោធនកម្មលក្ខន្តិកៈគណបក្ស ដើម្បីឱ្យស្របតាមប្រកាសចុះថ្ងៃទី២៤ ខែមីនា ឆ្នាំ២០២៥ របស់ក្រសួងមហាផ្ទៃ ស្តីពីបែបបទ និងនីតិវិធីនៃការធ្វើសម្ព័ន្ធភាពគណបក្សនយោបាយ។ អង្គសមាជដែលមានមន្ត្រីតំណាងគណបក្សមកពីទូទាំងប្រទេសចូលរួម១៥០នាក់ បានបោះឆ្នោតគាំទ្រការកែប្រែលក្ខន្តិកៈគណបក្ស ត្រង់ជំពូក ៧ ស្តីពី ការធ្វើសម្ព័ន្ធភាពទ្វេភាគី ឬពហុភាគី ដែល​មាន​ចែង​ក្នុង​ប្រការ ៤៩ ថា «គណបក្សភ្លើងទៀន អាចធ្វើសម្ព័ន្ធភាពជាមួយនឹងគណបក្សនយោបាយមួយ ឬច្រើនបាន ដោយអនុវត្តស្របតាមច្បាប់ស្តីពីគណបក្សនយោបាយ។

  • វៀតណាម ថាសុខទុក្ខពលរដ្ឋខ្លួនដែលរស់នៅកម្ពុជា និងឡាវអាចជះឥទ្ធិពលដល់ទំនាក់ទំនងត្រីភាគី

    1 year ago | Comments Off on វៀតណាម ថាសុខទុក្ខពលរដ្ឋខ្លួនដែលរស់នៅកម្ពុជា និងឡាវអាចជះឥទ្ធិពលដល់ទំនាក់ទំនងត្រីភាគី

    វៀតណាមបានស្នើឱ្យកម្ពុជា និងឡាវបន្តផ្តល់ការគាំទ្រដល់ពលរដ្ឋវៀតណាមដែលកំពុងរស់នៅក្នុងប្រទេសកម្ពុជា និងឡាវ។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋវៀតណាម VNA។ សំណើនេះបានធ្វើឡើងនៅក្នុងជំនួបរវាងប្រមុខរដ្ឋាភិបាលវៀតណាម កម្ពុជា និងឡាវនាថ្ងៃទី២៦ ឧសភា។ សម្រាប់រដ្ឋាភិបាលវៀតណាម សុខទុក្ខរបស់ពលរដ្ឋខ្លួនអាចជះឥទ្ធិពលដល់ទំនាក់ទំនងត្រីភាគីរវាងកម្ពុជា ឡាវ និងវៀតណាម។

  • សមត្ថកិច្ចថៃ ថាមិនទាន់ទទួលបានការណែនាំណាមួយឱ្យចាប់ជនភៀសខ្លួនខ្មែរទេ

    1 year ago | Comments Off on សមត្ថកិច្ចថៃ ថាមិនទាន់ទទួលបានការណែនាំណាមួយឱ្យចាប់ជនភៀសខ្លួនខ្មែរទេ

    អ្នកនាំពាក្យរងការិយាល័យអន្តោប្រវេសន៍ថៃ បានប្រាប់វិទ្យុអាស៊ីសេរី កាលពីថ្ងៃទី២៦ ឧសភា ថា ការិយាល័យរបស់លោកមិនទាន់ទទួលបានបញ្ជាឱ្យតាមចាប់ខ្លួនជនភៀសខ្លួនខ្មែរ នៅឡើយទេ។

  • ACU បញ្ជូនមន្ត្រី ២នាក់ទៅតុលាការ ក្រោយរកឃើញទទួលលុយសំណូកចំនួន ៧៧ម៉ឺនដុល្លារ

    1 year ago | Comments Off on ACU បញ្ជូនមន្ត្រី ២នាក់ទៅតុលាការ ក្រោយរកឃើញទទួលលុយសំណូកចំនួន ៧៧ម៉ឺនដុល្លារ

    លោក សយ ចាន់វិចិត្រ អ្នកនាំពាក្យអង្គភាពប្រឆាំងអំពើពុករលួយបញ្ជាក់ថា ACU បានឃាត់ខ្លួន និងបញ្ជូនមន្រ្តីនគរបាលចំនួន ២នាក់ទៅតុលាការ គឺឈ្មោះ វ៉ន វាសនា ហៅ Mr Dorn មានតួនាទីជាអធិការរងនៃអធិការដ្ឋានស្រុកបវេល និងម្នាក់ទៀតឈ្មោះ តាំង សំណាង មានតួនាទីជាជំនួយការអគ្គនាយករងនៃអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ។ តាមអ្នកនាំពាក្យ ACU ក្រៅពីមន្រ្តីនគរបាលទាំង ២នាក់ គឺនៅមានអ្នកឃុបឃិតចំនួន ៤នាក់ផ្សេងទៀតដែល ACU កំពុងតាមរក។ ជនសង្ស័យទាំង ៦នាក់ បានចូលដៃគ្នាយកលុយ និងដោះលែងជនជាតិថៃចំនួន ៤៣នាក់ពីការបណ្តេញចេញរបស់សមត្ថកិច្ចចម្រុះនៅចន្លោះថ្ងៃទី៤ និងថ្ងៃទី៦ ខែឧសភា ឆ្នាំ២០២៥។

  • គណបក្សភ្លើងទៀនធ្វើសមាជដោយផ្តោតលើការចងសម្ព័ន្ធភាពនយោបាយ

    1 year ago | Comments Off on គណបក្សភ្លើងទៀនធ្វើសមាជដោយផ្តោតលើការចងសម្ព័ន្ធភាពនយោបាយ

    គណបក្សភ្លើងទៀនដែលជាគណបក្សជំទាស់សំខាន់មួយបានរៀបចំសមាជក្នុងថ្ងៃអាទិត្យ ទី២៥ ឧសភាដោយបានកែប្រែលក្ខនិ្តកៈគណបក្សមួយចំនួន ដូចជាការធ្វើសម្ព័ន្ធភាពគណបក្សនយោបាយជាលក្ខណៈទេ្វភាគី ឬច្រើនជាងនេះដោយផ្អែកតាមច្បាប់ស្តីពីគណបក្សនយោបាយ។ អ្នកវិភាគនយោបាយកត់សម្គាល់ថា គណបក្សនៅក្រៅរដ្ឋាភិបាលគួរផ្តោតលើការកសាងទំនុកចិត្តគ្នា និងគ្នាក្នុងពេលរៀបចំការចងសម្ព័ន្ធភាពដើម្បីចូលរួមប្រកួតការបោះឆ្នោតនាពេលខាងមុខ។

  • កម្មកររោងចក្រ WP SPORTS ក្នុងខេត្តស្វាយរៀងតវ៉ាទាមទារលក្ខខណ្ឌការងារល្អជាងមុន

    1 year ago | Comments Off on កម្មកររោងចក្រ WP SPORTS ក្នុងខេត្តស្វាយរៀងតវ៉ាទាមទារលក្ខខណ្ឌការងារល្អជាងមុន

    កម្មកររោងចក្រ WP SPORTS ជិត ១០០០នាក់ បានបដិសេធមិនចូលធ្វើការនៅព្រឹកថ្ងៃចន្ទ ទី២៦ ខែឧសភានេះ។ ពួកគេបានទាមទារឲ្យម្ចាស់ក្រុមហ៊ុនផ្តល់អត្ថប្រយោជន៍មួយចំនួន ដូចជាទឹកដោះគោសម្រាប់កូន កែប្រែលក្ខខណ្ឌម៉ោងចេញធ្វើការងារសម្រាប់អ្នកមានផ្ទៃពោះ រួមទាំងការផ្គត់ផ្តង់ទឹកសុទ្ធឲ្យបានគ្រប់គ្រាន់។ សហជីពដែលកំពុងតាមដានករណីនេះយល់ថា ម្ចាស់ក្រុមហ៊ុនគួរធ្វើតាមសំណើរបស់កម្មករ ព្រោះជាសំណើដែលអាចទទួលយកបាន និងស្របតាមច្បាប់ការងារផង។

  • ក្រសួងការបរទេសកម្ពុជាអះអាងថា តំណាងទូតខ្មែរមិនបានគំរាមសមាជិករដ្ឋសភាជប៉ុនទេ

    1 year ago | Comments Off on ក្រសួងការបរទេសកម្ពុជាអះអាងថា តំណាងទូតខ្មែរមិនបានគំរាមសមាជិករដ្ឋសភាជប៉ុនទេ

    ក្រសួងការបរទេសកម្ពុជាបានច្រានចោលលើការលើកឡើងដែលថា ឯកអគ្គរាជទូតកម្ពុជាប្រចាំនៅប្រទេសជប៉ុនបានផ្ញើលិខិតទៅគំរាមសមាជិកសភាជប៉ុន លោក ណាអូតូ សាកាហ្គុជិ ដែលបាននិយាយបរិហារបញ្ហាសិទ្ធិមនុស្សនៅសភាជប៉ុនកាលពីថ្ងៃទី១៦ មេសាកន្លងទៅ។ ផ្ទុយទៅវិញ និងបើតាមក្រសួងការបរទេសកម្ពុជា តំណាងទូតខ្មែរនៅជប៉ុនបានពន្យល់ឱ្យលោក ណាអូតូ សាកាហ្គុជិយល់ពីស្ថានភាពសិទ្ធិមនុស្ស និងប្រជាធិបតេយ្យជាក់ស្តែងនៅកម្ពុជា ដោយសារលោក ណាអូតូ សាកាហ្គុជិ អាចជឿ ឬស្តាប់សម្តីក្រុមប្រឆាំងដែលកំពុងរស់នៅក្នុងប្រទេសជប៉ុន។

  • សហភាពអឺរ៉ុបថា កម្ពុជាពុំបានស្ដារស្ថានភាពសិទ្ធិមនុស្សនិងលទ្ធិប្រជាធិបតេយ្យ

    1 year ago | Comments Off on សហភាពអឺរ៉ុបថា កម្ពុជាពុំបានស្ដារស្ថានភាពសិទ្ធិមនុស្សនិងលទ្ធិប្រជាធិបតេយ្យ

    នៅ​ថ្ងៃ​ទី​២២​ឧសភា សហភាព​អឺរ៉ុប​បាន​ចេញ​របាយការណ៍​ប្រចាំ​ឆ្នាំ ស្ដីពី​ស្ថានភាព​សិទ្ធិមនុស្ស​និង​លទ្ធិ​ប្រជាធិបតេយ្យ​នៅ​ជុំវិញ​ពិភពលោក សម្រាប់​២០២៤ ដោយ​ក្នុង​នោះ​សហភាព​អឺរ៉ុប​បាន​លើកឡើង​ថា ប្រទេស​កម្ពុជា ចាប់​តាំង​ពី​លោក ហ៊ុន មាណែត បាន​ក្លាយ​ជា​នាយករដ្ឋមន្ត្រី មិន​បាន​ធ្វើ​ឱ្យ​មាន​ការ​ផ្លាស់ប្ដូរ​ល្អ​ប្រសើរ​នៃ​ស្ថានភាព​សិទ្ធិមនុស្ស​និង​លទ្ធិប្រជាធិបតេយ្យ ខុស​ពី​ឪពុក​របស់​លោក គឺ​លោក ហ៊ុន សែន ឡើង។ សហភាព​អឺរ៉ុប​ក៏​បាន​រំឭក​ថា ការ​សម្រេច​កាត់​ប្រព័ន្ធ​អនុគ្រោះពន្ធ EBA ២០% តាំង​ពី​ឆ្នាំ២០២០ ដោយសារ​ស្ថានភាព​រំលោភ​សិទ្ធិមនុស្ស​និង​លទ្ធិប្រជាធិបតេយ្យ​ធ្ងន់ធ្ងរ និង​ជា​លក្ខណៈ​ប្រព័ន្ធ គឺ​នៅ​តែ​បន្ត​អនុវត្ត។