Cambodia News | Khmer News - ពត៌មានខ្មែរ|newspaper

ល្បិចសាមកុករបស់ ហ៊ុន សែន

ពលរដ្ឋមួយចំនួនមិនរំពឹងថា សេដ្ឋកិច្ចឆ្នាំ២០២៥នឹងល្អប្រសើរ ដើម្បីឱ្យពួកគាត់សងបំណុលឆាប់អស់នោះឡើយ

1 year ago | Comments Off on ពលរដ្ឋមួយចំនួនមិនរំពឹងថា សេដ្ឋកិច្ចឆ្នាំ២០២៥នឹងល្អប្រសើរ ដើម្បីឱ្យពួកគាត់សងបំណុលឆាប់អស់នោះឡើយ

ប្រជាពលរដ្ឋមួយចំនួន ដែលជាប់បំណុលធនាគារមិនរំពឹងថា ឆ្នាំថ្មី២០២៥ ដែលនឹងចូលមកដល់ខាងមុខនេះ សេដ្ឋកិច្ចនឹងប្រសើរឡើងជាងឆ្នាំចាស់ធ្វើឱ្យពួកគាត់រកស៊ីកាក់កបឆាប់សងលុយធនាគារអស់នោះឡើយ។ ពួកគាត់មើលឃើញថា ការដឹកនាំរបស់រដ្ឋាភិបាលបច្ចុប្បន្ន នៅមានអំពើពុករលួយច្រើន និងហាក់ផ្ដោតសំខាន់តែទៅលើការរកវិធីបង្ក្រាបអ្នកនយោបាយប្រឆាំង ដោយមិនសូវគិតគូរពីជីវភាពរបស់ប្រជាពលរដ្ឋឡើយ។
ជនភៀសខ្លួនកំពុងជាប់ឃុំលោកស្រី ហុង អាន រក្សាជំហររឹងមាំ

1 year ago | Comments Off on ជនភៀសខ្លួនកំពុងជាប់ឃុំលោកស្រី ហុង អាន រក្សាជំហររឹងមាំ

ជនភៀសខ្លួនម្នាក់ក្នុងចំណោមជនភៀសខ្លួន៦នាក់ កំពុងជាប់ឃុំនៅពន្ធនាគារព្រៃស គឺលោកស្រី ហុង អាន ផ្ញើលិខិតចេញពីពន្ធនាគារ ពឹងឱ្យសកម្មជនបក្សប្រឆាំង ជួយមើលថែកូនលោកស្រីផង។ សកម្មជនបក្សប្រឆាំងរូបនេះ នៅតែបង្ហាញជំហររឹងមាំ និងមិនតក់ស្លុត បើទោះជាលោកស្រី កំពុងជាប់ពន្ធនាគារ ហើយសកម្មជនបក្សប្រឆាំងផ្សេងទៀតកំពុងរងការគៀបសង្កត់និងធ្វើទុក្ខបុកម្នេញពីរដ្ឋាភិបាលត្រកូលហ៊ុនក្ដី។ លោកស្រី ហុង អាន ចង់ឱ្យកូនប្រុសរបស់ខ្លួនដែលកំពុងរស់នៅប្រទេសថៃបានចូលរៀន បើទោះជាគ្មានម្ដាយនៅក្បែរមើលថែក៏ដោយ។ ខ្លឹមសារក្នុងលិខិតដែលបានផ្ញើចេញពីពន្ធនាគារព្រៃស កាលថ្ងៃទី១៦ ខែធ្នូ របស់លោកស្រី ហុង អាន ក៏បានផ្ដាំដល់សកម្មជន និងជនភៀសខ្លួនផ្សេងទៀត ត្រូវរឹងមាំនិងកុំតក់ស្លុត។
អង្គការសង់ត្រាល់ និងពលរដ្ឋ នៅខេត្តបន្ទាយមានជ័យជាង ៤០០នាក់ ប្រារព្ធទិវាពលករចំណាកស្រុកអន្តរជាតិ ដើម្បីលើកកម្ពស់ និងការពារសិទ្ធិពលករ

1 year ago | Comments Off on អង្គការសង់ត្រាល់ និងពលរដ្ឋ នៅខេត្តបន្ទាយមានជ័យជាង ៤០០នាក់ ប្រារព្ធទិវាពលករចំណាកស្រុកអន្តរជាតិ ដើម្បីលើកកម្ពស់ និងការពារសិទ្ធិពលករ

មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) និងពលរដ្ឋជាង ៤០០នាក់ នៅខេត្តបន្ទាយមានជ័យ បានប្រារព្ធទិវាពលករចំណាកស្រុកអន្តរជាតិលើកទី២៥ ដើម្បីលើកកម្ពស់ និងការពារសិទ្ធិពលករ។ ពួកគាត់លើកឡើងថា ប្រជាពលរដ្ឋនៅក្នុងខេត្តជាប់ព្រំដែនថៃនេះភាគច្រើន ធ្វើចំណាកស្រុកទៅធ្វើការនៅប្រទេសថៃ ដោយប្រថុយប្រថានទាំងខុសច្បាប់ ដោយពុំទាន់មានអាជ្ញាធរពាក់ព័ន្ធណា ផ្ដល់កិច្ចការគាំពារសង្គម និងផ្ដល់ប្រឹក្សាយោបល់ផ្នែកច្បាប់ឱ្យបានត្រឹមត្រូវ និងមានប្រសិទ្ធភាពខ្ពស់នៅឡើយ។
ពលរដ្ឋនៅខេត្តព្រះវិហារស្នើឱ្យអាជ្ញាធរបញ្ឈប់ក្រុមហ៊ុនឌែលខមកម្ពុជា ដែលយកទាហានប្រើកាំភ្លើងគំរាមបាញ់ពលរដ្ឋ

1 year ago | Comments Off on ពលរដ្ឋនៅខេត្តព្រះវិហារស្នើឱ្យអាជ្ញាធរបញ្ឈប់ក្រុមហ៊ុនឌែលខមកម្ពុជា ដែលយកទាហានប្រើកាំភ្លើងគំរាមបាញ់ពលរដ្ឋ

ពលរដ្ឋប្រមាណ ២០០នាក់នៅខេត្តព្រះវិហារស្នើឱ្យអាជ្ញាធរបញ្ឈប់សកម្មភាពក្រុមហ៊ុន ឌែលខមកម្ពុជា (Delcom Cambodia) ដែលយកកម្លាំងទាហាន ប្រដាប់អាវុធគំរាមបាញ់ពលរដ្ឋណា ដែលទៅរុករករ៉ែមាស តាមតំបន់ភ្នំលុង ជាលក្ខណៈគ្រួសារបែបប្រពៃណី។ ពលរដ្ឋទាំងនោះភាគច្រើនជាជនជាតិដើមភាគតិចកួយ រស់នៅក្នុងឃុំរមណីយ និងឃុំរមទម្យ ស្រុករវៀង បានថ្លែងនៅចំពោះមុខមន្ត្រីជាន់ខ្ពស់ក្រសួងរ៉ែ និងអាជ្ញាធរខេត្តព្រះវិហារ ដោយទាមទារឱ្យក្រុមហ៊ុន ឌែលខម កម្ពុជា បញ្ឈប់យកទាហានពាក់ឯកសណ្ឋាន ស្ពាយកាំភ្លើងអាកា (AK) កាងហួងហែងដីព្រៃសាធារណៈរបស់រដ្ឋ ឋិតក្នុងតំបន់ភ្នំលុង និងហាមពលរដ្ឋមិនឱ្យចូលទៅរករ៉ែមាស។
អ្នកជំនាញ៖ ៧៥ឆ្នាំនៃទំនាក់ទំនងកម្ពុជា-ថៃ កម្ពុជាគួរចរចារឿងព្រំដែនជាមួយថៃឲ្យបានច្បាស់លាស់

1 year ago | Comments Off on អ្នកជំនាញ៖ ៧៥ឆ្នាំនៃទំនាក់ទំនងកម្ពុជា-ថៃ កម្ពុជាគួរចរចារឿងព្រំដែនជាមួយថៃឲ្យបានច្បាស់លាស់

ឆ្នាំ ២០២៥ ខាងមុខជាខួបលើកទី៧៥ឆ្នាំនៃទំនាក់ទំនងទ្វេភាគីរវាងកម្ពុជា និងថៃ។ តែកាលពីថ្ងៃទី១៦ ធ្នូថ្មីៗកន្លងទៅនេះ ប្រមុខការទូតនៃប្រទេសទាំងពីរបានជួបពិភាក្សាគ្នាតាមទូរសព្ទដោយភាគីទាំងពីរបានបន្តបេ្តជ្ញាពង្រឹងកិច្ចសហប្រតិបត្តិការ និងចំណងមិត្តភាពនៃប្រទេសទាំងពីរ។ ក្រៅពីនេះក៏មានដែរការពង្រឹងការជឿទុកចិត្តផ្នែកនយោបាយ និងភាពជាអ្នកជិតខាងល្អ តែមិនមានឡើយប្រធានបទស្តីពីបញ្ហាខ្សែបន្ទាត់ព្រំដែន។ តែសម្រាប់អ្នកជំនាញ ខួប៧៥ឆ្នាំនៃទំនាក់ទំនងកម្ពុជា និងថៃប្រៀបដូចជាការស្រឡាញ់ និងស្អប់គ្នាព្រោះថា ប្រទេសទាំងពីរតែងមានទំនាស់ជុំវិញវប្បធម៌ប្រពៃណី និងខ្សែបន្ទាត់ព្រំដែន។ ក្នុងន័យនេះត្រូវបានអ្នកជំនាញយល់ថា កម្ពុជាគួរបញ្ជាក់ជំហររបស់ខ្លួនឲ្យបានច្បាស់លាស់ពីបញ្ហាព្រំដែន ដូចយ៉ាងតំបន់ត្រួតស៊ីគ្នាកោះគុត និងបញ្ហាមួយចំនួនទៀត។
អ្នកវិភាគ៖ វត្តមានរបស់នាវាចម្បាំងអាមេរិកបង្ហាញពីការខិតខំរបស់កម្ពុជាមិនឲ្យខ្លួនស្ថិតក្រោមមហាអំណាចណាមួយ

1 year ago | Comments Off on អ្នកវិភាគ៖ វត្តមានរបស់នាវាចម្បាំងអាមេរិកបង្ហាញពីការខិតខំរបស់កម្ពុជាមិនឲ្យខ្លួនស្ថិតក្រោមមហាអំណាចណាមួយ

អ្នកវិភាគនិងអ្នកឃ្លាំមើលមួយចំនួនបានវាយតម្លៃថា ការវិវឌ្ឍចុងក្រោយនេះគឺជាការខិតខំរបស់រដ្ឋាភិបាលកម្ពុជា នៅក្នុងការសម្របខ្លួននឹងការប្រកួតប្រជែងដែលកាន់តែតានតឹងរវាងសហរដ្ឋអាមេរិកនិងចិន។ លោក អ៊ា សុផល ព្រឹទ្ធបុរសរងជាន់ខ្ពស់និងសាស្ត្រាចារ្យជំនួយប្រចាំសាលា Thunderbird School of Global Management នៃសាកលវិទ្យាល័យរដ្ឋ Arizona ប្រាប់វីអូអេតាមសារអ៊ីមែលមួយថា ការវិលត្រឡប់មកវិញនៃនាវាចម្បាំងសហរដ្ឋអាមេរិក USS Savannah បង្ហាញអំពីការផ្លាស់ប្តូរដ៏គួរឲ្យកត់សម្គាល់នៅក្នុងទំនាក់ទំនងកម្ពុជានិងសហរដ្ឋអាមេរិក និងជានិមិត្តរូបនៃកិច្ចខិតខំប្រឹងប្រែងមួយ ដើម្បីពង្រឹងទំនាក់ទំនងទ្វេភាគី បន្ទាប់ពីទំនាក់ទំនងមានភាពរកាំរកូសអស់ជាច្រើនឆ្នាំ។
អាមេរិកបញ្ជាក់ជំហរគោរពអធិបតេយ្យភាពកម្ពុជាក្នុងការអភិវឌ្ឍមូលដ្ឋានទ័ពជើងទឹករាមជាមួយចិន

1 year ago | Comments Off on អាមេរិកបញ្ជាក់ជំហរគោរពអធិបតេយ្យភាពកម្ពុជាក្នុងការអភិវឌ្ឍមូលដ្ឋានទ័ពជើងទឹករាមជាមួយចិន

នាយឧត្តមនាវី Samuel J. Paparo មេបញ្ជាការនៃបញ្ជាការដ្ឋានអាមេរិកប្រចាំឥណ្ឌូប៉ាស៊ីហ្វិកបានបញ្ជាក់នៅក្នុងសន្និសីទកាសែតនាថ្ងៃទី១៨ ធ្នូថា សហរដ្ឋអាមេរិកតែងគោរពអធិបតេយ្យភាពរបស់កម្ពុជាចំពោះការធ្វើទំនើបភាវូបនីយកម្មមូលដ្ឋានទ័ពជើងទឹករាមជាមួយប្រទេសចិន។ តែក្រោមក្តីបារម្ភពីការពង្រីកឥទ្ធិពលរបស់ចិននៅក្នុងតំបន់ នាយឧត្តមនាវី Samuel J. Paparo បានអះអាងថា សហរដ្ឋអាមេរិកនឹងបន្តឃ្លាំមើលទំនាក់ទំនងជាក់ស្តែងរបស់ប្រទេសចិននៅមូលដ្ឋានទ័ពរាម និងថា សហរដ្ឋអាមេរិកក៏កំពុងរង់ចាំឱកាសចូលមើលមូលដ្ឋានទ័ពរាមនេះដោយផ្ទាល់ភ្នែកនៅថ្ងៃខាងមុខដែរ។
លោក ហ៊ុន ម៉ាណែត ថា កម្ពុជាលើកកម្ពស់សេរីភាពសារព័ត៌មាន ខណៈរដ្ឋាភិបាលបិទខ្ទប់សារព័ត៌មានឯករាជ្យ

1 year ago | Comments Off on លោក ហ៊ុន ម៉ាណែត ថា កម្ពុជាលើកកម្ពស់សេរីភាពសារព័ត៌មាន ខណៈរដ្ឋាភិបាលបិទខ្ទប់សារព័ត៌មានឯករាជ្យ

លោកនាយករដ្ឋមន្ត្រី ហ៊ុន ម៉ាណែត ថា កម្ពុជាបានប្រឹងប្រែងលើកកម្ពស់សេរីភាពសារព័ត៌មាន និងជំរុញឱ្យអ្នកសារព័ត៌មានហ៊ាននិយាយការពិត រិះគន់ ដើម្បីស្ថាបនាពីបញ្ហាអយុត្តិធម៌ និងអំពើពុករលួយក្នុងសង្គម។ អ្នកឃ្លាំមើលថាការលើកឡើងនេះ ហាក់ពុំឆ្លុះបញ្ចាំងពីការពិតនោះទេ ខណៈដែលរដ្ឋាភិបាល ដឹកនាំដោយត្រកូល «ហ៊ុន» នៅតែបន្តបិទខ្ទប់ស្ថាប័នសារព័ត៌មានឯករាជ្យ និងរឹតត្បិតសិទ្ធិសេរីបញ្ចេញមតិរបស់ពលរដ្ឋកាន់តែខ្លាំង នាពេលបច្ចុប្បន្ន។
សហជីពស្នើឱ្យរដ្ឋាភិបាលផ្ដល់ប្រាក់គ្រោះថ្នាក់ការងារ និងចូលនិវត្តន៍ដល់អ្នកសេដ្ឋកិច្ចក្រៅប្រព័ន្ធ

1 year ago | Comments Off on សហជីពស្នើឱ្យរដ្ឋាភិបាលផ្ដល់ប្រាក់គ្រោះថ្នាក់ការងារ និងចូលនិវត្តន៍ដល់អ្នកសេដ្ឋកិច្ចក្រៅប្រព័ន្ធ

រដ្ឋាភិបាលកម្ពុជា កំពុងលើកទឹកចិត្តឱ្យក្រុមអ្នករកស៊ី ក្នុងវិស័យសេដ្ឋកិច្ចក្រៅប្រព័ន្ធ ស្ម័គ្រចិត្តចុះឈ្មោះ ទៅក្នុងបញ្ជីការងាររបស់រដ្ឋ ដោយមិនគិតថ្លៃដើម្បីទទួលបានការថែទាំសុខភាពពីបេឡាជាតិសន្តិសុខសង្គម (បសស) របស់រដ្ឋព្រមទាំងការបណ្ដុះបណ្ដាលលើជំនាញផ្សេងៗ។ ក៏ប៉ុន្តែសហជីពកម្មករ យល់ថា ការជំរុញឱ្យអ្នកសេដ្ឋកិច្ចក្រៅប្រព័ន្ធចុះឈ្មោះ ក្នុងបញ្ជីការងាររបស់រដ្ឋនេះ នៅមិនបានផ្ដល់ប្រយោជន៍ឱ្យដូចគ្នា និងបុគ្គលិកដែលធ្វើការនៅតាមក្រុមហ៊ុនឯកជននិងបុគ្គលិករដ្ឋ ដែលមានប្រាក់ធានារ៉ាប់រងនៅពេលគ្រោះថ្នាក់ការងារ និងប្រាក់សម្រាប់ចូលនិវត្តន៍នៅឡើយទេ។
ក្រុមកូដករណាហ្គាវើលដ៍ជិត១០០នាក់ជួបជុំគ្នានៅថ្ងៃទី១៨ ខែធ្នូ រំឭកខួប៣ឆ្នាំនៃ ការ ចេញធ្វើកូដកម្ម

1 year ago | Comments Off on ក្រុមកូដករណាហ្គាវើលដ៍ជិត១០០នាក់ជួបជុំគ្នានៅថ្ងៃទី១៨ ខែធ្នូ រំឭកខួប៣ឆ្នាំនៃ ការ ចេញធ្វើកូដកម្ម

ក្រុមកូដករណាហ្គាវើលដ៍ជិត១០០នាក់ជួបជុំគ្នានៅថ្ងៃទី១៨ ខែធ្នូ រំឭកខួប៣ឆ្នាំនៃ ការ ចេញធ្វើកូដកម្មតវ៉ានឹងការបញ្ឈប់បុគ្គលិកដោយការរើសអើងសហជីពពីសំណាក់ថៅកែបនល្បែងមួយនេះ។ ក្រុមកូដករអះអាងថា នឹងបន្តកូដកម្មតវ៉ាតទៅទៀតរហូតមានដំណោះស្រាយ ទៅតាម ការទាមទាររបស់ពួកគេ ដែលចង់ឱ្យក្រុមហ៊ុនកាស៊ីណូណាហ្គាវើលដ៍បញ្ឈប់ការរើសអើងសហជីព ទទួលយកក្រុមតំណាងសហជីព និងសមាជិកសហជីព ដែលក្រុមហ៊ុនបានបញ្ឈប់ពីការងារកាលពី៣ឆ្នាំឱ្យចូលធ្វើការវិញ ព្រមទាំងទម្លាក់ចោលរាល់បណ្ដឹង និងបទប្រកាន់លើតំណាងសហជីពទាំងអស់។
លោក ហ៊ុន សែន សមាជិកបក្សកាន់អំណាច ផ្ដល់ភាពកក់ក្ដៅដល់ពលរដ្ឋ

1 year ago | Comments Off on លោក ហ៊ុន សែន សមាជិកបក្សកាន់អំណាច ផ្ដល់ភាពកក់ក្ដៅដល់ពលរដ្ឋ

ប្រធានគណបក្សប្រជាជនកម្ពុជា លោក ហ៊ុន សែន ដាក់ទិសដៅការងារឆ្នាំ២០២៥ ខាងមុខនេះ ដោយត្រូវផ្ដល់ភាពកក់ក្ដៅដល់ពលរដ្ឋ ដោយលោកបញ្ជាក់ថា អ្វីកាន់តែពិសេសនោះគ្រប់គ្រងសមរភូមិសតិអារម្មណ៍ពលរដ្ឋ។ ទោះយ៉ាងណាក្ដី អ្នកវិភាគថា សាររបស់លោក ហ៊ុន សែន នឹងគ្មានប្រសិទ្ធភាពឡើយ ព្រោះបញ្ហាអសមត្ថភាពរបស់មន្ត្រីថ្នាក់ក្រោម និងពុករលួយ។
កម្ពុជាស្នើអាមេរិកពិនិត្យលទ្ធភាពរៀបចំធ្វើសមយុទ្ធយោធា «ឆ្មាំអង្គរ» រួមគ្នាឡើងវិញ

1 year ago | Comments Off on កម្ពុជាស្នើអាមេរិកពិនិត្យលទ្ធភាពរៀបចំធ្វើសមយុទ្ធយោធា «ឆ្មាំអង្គរ» រួមគ្នាឡើងវិញ

អគ្គមេបញ្ជាការនៃកងយោធពលខេមរភូមិន្ទលោក វង្ស ពិសេន បានស្នើដល់សហរដ្ឋអាមេរិក (US) ឱ្យពិនិត្យមើលលទ្ធភាពរៀបចំធ្វើសមយុទ្ធយោធា «ឆ្មាំអង្គរ» និងសមយុទ្ធទេវតាប៉ាស៊ីហ្វិក (Pacific Angel) រួមគ្នាឡើងវិញ។ អ្នកជំនាញកិច្ចការអន្តរជាតិយល់ថា សំណើរបស់កម្ពុជានេះអាចជាសញ្ញាវិជ្ជមានមួយ ដើម្បីបញ្ចៀសកម្ពុជាកុំឱ្យបន្តផ្ដេកផ្ដួល និងស្ថិតក្រោមឥទ្ធិពលចិន (China) ដូចពេលបច្ចុប្បន្ន។
អ្នកជំនាញច្បាប់ថា រដ្ឋាភិបាលត្រកូលហ៊ុនមិនឆ្លើយតបរឿងកោះគជ់ជាមួយថៃ អាចដើម្បីរក្សាអំណាច

1 year ago | Comments Off on អ្នកជំនាញច្បាប់ថា រដ្ឋាភិបាលត្រកូលហ៊ុនមិនឆ្លើយតបរឿងកោះគជ់ជាមួយថៃ អាចដើម្បីរក្សាអំណាច

រដ្ឋាភិបាលកម្ពុជា ឪពុក និងកូន គឺលោក ហ៊ុន សែន និង លោក ហ៊ុន ម៉ាណែត មិនទាន់ឆ្លើយតបឬបញ្ចេញប្រតិកម្មណាមួយទៅរដ្ឋាភិបាលថៃ ឬអតីតនាយករដ្ឋមន្ត្រី លោក ថាក់ ស៊ីន (Thaksin Shinawatra) ដែលអះអាងថា កោះគជ់ជាកម្មសិទ្ធិរបស់ថៃនៅឡើយទេ។ អ្នកសិក្សាច្បាប់សង្ស័យថា មូលហេតុដែលរដ្ឋាភិបាលត្រកូលហ៊ុនរក្សាភាពស្ងៀមស្ងាត់នេះ ទំនងជារដ្ឋាភិបាលកម្ពុជា មានកិច្ចសន្យាសម្ងាត់ណាមួយជាមួយត្រកូល ថាក់ ស៊ីន ដើម្បីពង្រឹងអំណាចនៃត្រកូល ថាក់ ស៊ីន និង ត្រកូល “ហ៊ុន” ពីព្រោះ ត្រកូលទាំងពីរនេះ មានទំនាក់ទំនងជាបងប្អូនធម៌នឹងគ្នាផងនោះ។
របាយការណ៍របស់មន្ត្រីសិទ្ធិមនុស្ស អ.ស.ប ស្ដីពីការបណ្ដេញពលរដ្ឋទាំងបង្ខំនៅតំបន់អង្គរ «គឺជារឿងពិត»

1 year ago | Comments Off on របាយការណ៍របស់មន្ត្រីសិទ្ធិមនុស្ស អ.ស.ប ស្ដីពីការបណ្ដេញពលរដ្ឋទាំងបង្ខំនៅតំបន់អង្គរ «គឺជារឿងពិត»

មន្ត្រីសង្គមស៊ីវិល និងពលរដ្ឋរស់នៅក្នុងតំបន់អង្គរអះអាងថា របាយការណ៍របស់អ្នករាយការណ៍ពិសេសទទួលបន្ទុកស្ថានភាពសិទ្ធិមនុស្សនៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិ ដែលព្រួយបារម្ភចំពោះពលរដ្ឋក្នុងតំបន់អង្គរទៅតាំងទីលំនៅថ្មីដោយបង្ខំ គឺឆ្លុះបញ្ចាំងពីការពិត និងស្នើឱ្យមានដំណោះស្រាយករណីបង្ខំឱ្យពលរដ្ឋចាកចេញពីតំបន់អង្គរបន្ថែមទៀត។ ការលើកឡើងនេះ ស្របពេលដែលអាជ្ញាធរជាតិអប្សរា បានបដិសេធចំពោះរបាយការណ៍នេះ ដោយចាត់ទុកថា ផ្ទុយពីការពិត និងមិនបានស្វែងយល់ព័ត៌មានពិតក្នុងតំបន់នោះ។
ក្រសួងការពារជាតិកម្ពុជាថា ទស្សនកិច្ចលោក ទៀ សីហា នៅវៀតណាមបញ្ជាក់ពីចំណងមិត្តភាពស៊ីជម្រៅ

1 year ago | Comments Off on ក្រសួងការពារជាតិកម្ពុជាថា ទស្សនកិច្ចលោក ទៀ សីហា នៅវៀតណាមបញ្ជាក់ពីចំណងមិត្តភាពស៊ីជម្រៅ

នៅថ្ងៃទី១៨ ខែធ្នូ ឆ្នាំ២០២៤នេះ រដ្ឋមន្ដ្រីក្រសួងការពារជាតិកម្ពុជា លោក ទៀ សីហាបានបំពេញទស្សនកិច្ចនៅក្នុងប្រទេសវៀតណាមដើម្បីចូលរួមព្រឹត្តិការណ៍ពិព័រណ៍ការពារជាតិអន្ដរជាតិវៀតណាមឆ្នាំ២០២៤ និងខួបអនុស្សាវរីយ៍កងទ័ពប្រជាជនវៀតណាមលើកទី៨០។ តាមក្រសួងការពារជាតិកម្ពុជា ដំណើរទស្សនកិច្ចរបស់លោកទៀ សីហាជាការបញ្ជាក់ជាថ្មីនូវចំណងមិត្តភាពរបស់ប្រទេសទាំងពីរកម្ពុជា វៀតណាមឱ្យកាន់តែស៊ីជម្រៅ និងរឹងមាំ។
អ្នកឃ្លាំមើលថា រដ្ឋាភិបាលត្រកូល ហ៊ុន នឹងងាកទៅប្រទេសលោកសេរីវិញ នៅពេលលែងមានចិនជាបង្អែកផ្នែកហិរញ្ញវត្ថុ

1 year ago | Comments Off on អ្នកឃ្លាំមើលថា រដ្ឋាភិបាលត្រកូល ហ៊ុន នឹងងាកទៅប្រទេសលោកសេរីវិញ នៅពេលលែងមានចិនជាបង្អែកផ្នែកហិរញ្ញវត្ថុ

អ្នកតាមដានបញ្ហាសង្គម និងនយោបាយថា រដ្ឋាភិបាលត្រកូល ហ៊ុន នឹងលែងមានជម្រើសអ្វីទៀតក្រៅតែពីងាកទៅរកប្រទេសលោកសេរីវិញ នៅពេលលែងមានចិនជាបង្អែកផ្នែកហិរញ្ញវត្ថុ។ ពួកគេថា កម្ពុជាមិនអាចលាក់បាំងបញ្ហានៅចំពោះមុខ ដែលចិនផ្អាកផ្ដល់កម្ចីមកឱ្យកម្ពុជាបានទេ នៅពេលដែលចិនកំពុងមានបញ្ហារឿងហិរញ្ញវត្ថុ និងមិនអាចផ្ដល់កម្ចីជាច្រើនទៅឱ្យគម្រោងហេដ្ឋារចនាសម្ព័ន្ធជាច្រើននៅតាមបណ្ដាប្រទេសក្នុងតំបន់អាស៊ាន។ ការលើកឡើងនេះធ្វើឡើងនៅពេលដែលអ្នកនាំពាក្យក្រសួងសេដ្ឋកិច្ច និងហិរញ្ញវត្ថុបានចេញវីដេអូច្រានចោលព័ត៌មានដែលថា ប្រទេសចិនផ្អាកផ្ដល់កម្ចីឱ្យកម្ពុជា។
ក្រុមកូដករនៃក្រុមហ៊ុនណាហ្គាវើលដ៍នៅតែបន្តទាមទារយុត្តិធម៌

1 year ago | Comments Off on ក្រុមកូដករនៃក្រុមហ៊ុនណាហ្គាវើលដ៍នៅតែបន្តទាមទារយុត្តិធម៌

ក្រុមកូដករនៃក្រុមហ៊ុនណាហ្កាវើលដ៍ (NagaWorld) បន្តទាមទារយុត្តិធម៌ និងទាមទារឲ្យក្រុមហ៊ុនល្បែងស៊ីសងមួយនេះ ទទួលយកបុគ្គលិកដែលត្រូវបានក្រុមហ៊ុនបានបញ្ឈប់កាលពី៣ឆ្នាំមុនឱ្យចូលធ្វើការវិញ។ ពួកគេក៏បានស្នើឲ្យបញ្ឈប់ការគំរាមកំហែង និងលាបពណ៌គ្រប់បែបយ៉ាងលើកម្មករនិយោជិតផងដែរ។ នេះបើតាមសេចក្តីថ្លែងការណ៍មួយច្បាប់ស្តីពី «ខួបបីឆ្នាំ ភាពអយុត្តិធម៌នៅតែបន្ត» របស់សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្កាវើលដ៍។
ក្រុមកូដករណាហ្គាវើលដ៍ ថាសំណុំរឿងវិវាទការងាររយៈពេល៣ឆ្នាំកន្លងទៅនៅមិនទាន់ដោះស្រាយបាន

1 year ago | Comments Off on ក្រុមកូដករណាហ្គាវើលដ៍ ថាសំណុំរឿងវិវាទការងាររយៈពេល៣ឆ្នាំកន្លងទៅនៅមិនទាន់ដោះស្រាយបាន

វិវាទការងាររវាងបុគ្គលិក និងថៅកែក្រុមហ៊ុនណាហ្គាវើលដ៍រយៈពេល ៣ឆ្នាំកន្លងទៅនេះនៅមិនទាន់អាចដោះស្រាយបានដោយសន្តិវិធីនៅឡើយទេ។ នេះបើតាមសេចក្តីថ្លែងការណ៍ស្តីពីខួប៣ឆ្នាំ «ភាពអយុត្តិធម៌នៅតែបន្តនៃការធ្វើកូដកម្មរបស់កម្មករនិយោជិតក្រុមហ៊ុនណាហ្គាវើលដ៍» ដែលវិទ្យុបារាំងអន្តរជាតិ RFI ទទួលបាននៅថ្ងៃទី១៨ ធ្នូនេះ។ តាមសេចក្តីថ្លែងការណ៍ ក្រុមកម្មករនិយោជិតក្រុមហ៊ុនណាហ្គាវើលដ៍បញ្ជាក់ថា គឺមានរយៈពេល ៣ឆ្នាំមកហើយ ពោលតាំងពីថ្ងៃទី១៨ ធ្នូ ឆ្នាំ ២០២១ ដែលពួកគេបានចេញធ្វើកូដកម្មទាមទាររកយុត្តិធម៌ និងការពារសិទ្ធិការងារ។
លោក ហ៊ុន សែន ចាត់ទុកការមកដល់របស់នាវាចម្បាំងអាមេរិកជា «ការបង្កើនទំនុកចិត្ត» លើកិច្ចសហប្រតិបត្តិការ

1 year ago | Comments Off on លោក ហ៊ុន សែន ចាត់ទុកការមកដល់របស់នាវាចម្បាំងអាមេរិកជា «ការបង្កើនទំនុកចិត្ត» លើកិច្ចសហប្រតិបត្តិការ

អតីតនាយករដ្ឋមន្រ្តី លោក ហ៊ុន សែន ដែលបច្ចុប្បន្នជាប្រធានព្រឹទ្ធសភាបានអះអាងថា វត្តមាននាវាចម្បាំងសហរដ្ឋអាមេរិក USS SAVANNAH នៅក្នុងខេត្តព្រះសីហនុ បង្ហាញពីទំនាក់ទំនងល្អនៅក្នុងវិស័យការពារជាតិ និងកងទ័ព ហើយជាការបង្កើនទំនុកចិត្តលើកិច្ចសហប្រតិបត្តិការរវាងប្រទេសទាំងពីរ។ លោក ហ៊ុន សែន លើកឡើងបែបនេះនៅក្នុងជំនួបកាលពីថ្ងៃអង្គារជាមួយអ្នកស្រី ប្រៃហ្គេត អែលវ៉កឃឺរ (Bridgette L. Walker) ភារធារីស្តីទីនៃស្ថានទូតសហរដ្ឋអាមេរិកប្រចាំកម្ពុជាដែលចូលជួបសម្ដែងការគួរសម ជាមួយលោក ហ៊ុន សែន នៅវិមានព្រឹទ្ធសភា។
លោក ហ៊ុន សែន ថា តំណាងស្ថានទូតអាមេរិកបានសុំបទពិសោធន៍ស្វែងរកសន្តិភាពនៅកម្ពុជាពីលោក

1 year ago | Comments Off on លោក ហ៊ុន សែន ថា តំណាងស្ថានទូតអាមេរិកបានសុំបទពិសោធន៍ស្វែងរកសន្តិភាពនៅកម្ពុជាពីលោក

លោក ហ៊ុន សែន ប្រធានព្រឹទ្ធសភាកម្ពុជាបានអះអាងក្នុងថ្ងៃទី១៧ ធ្នូថា ភារធារីស្តីទីនៃស្ថានទូតសហរដ្ឋអាមេរិកប្រចាំកម្ពុជាលោកស្រី Bridgette L. Walker បានស្នើឱ្យលោកចែករំលែកបទពិសោធន៍ស្វែងរកសន្តិភាពនៅប្រទេសកម្ពុជា។ តាមលោក ហ៊ុន សែន ក្រៅពីស្នើសុំបទពិសោធន៍ លោកស្រី Bridgette L. Walker ក៏បានរំលេចក្តីព្រួយបារម្ភរបស់សហរដ្ឋអាមេរិកអំពីបទល្មើសឆបោកអនឡាញដោយលើកហេតុផលថា វាបានជះឥទ្ធិពលមិនល្អដល់បរិយាកាសវិនិយោគ និងសេដ្ឋកិច្ចនៅកម្ពុជា និងនៅក្នុងតំបន់។