ថ្ងៃទី 4 ឧសភា 2012
ដោយ: សូផុន
CEN
សព ពលករ ខ្មែរ ៥ នាក់ ទៀត ដែល បាន ស្លាប់ ក្នុង គ្រោះថ្នាក់ ចរាចរ កាលពី រសៀល ថ្ងៃទី ២ ឧសភា ឆ្នាំ ២០១២ នៅ ខេត្ត នគរ នាយក ប្រទេស ថៃ ត្រូវបាន បញ្ជូន ត្រឡប់ មកដល់ ស្រុកកំណើត វិញ ហើយ
ព្រំដែនកម្ពុជា-ថៃ: ទាក់ទងនឹងករណីពលករខ្មែរឆ្លងដែនខុសច្បាប់ ទៅរកការងារនៅប្រទេសថៃ នឹងត្រូវអាជ្ញាធរខេត្តបន្ទាយមានជ័យ និងអាជ្ញាធរថៃ បើកកិច្ចប្រជុំបន្ទាន់មួយ នៅល្ងាចថ្ងៃទី៤ ឧសភា ឆ្នាំ២០១២។ កិច្ចប្រជុំនោះ នឹងដឹកនាំដោយលោក ទ្រី ណារិន អភិបាលរងខេត្តបន្ទាយមានជ័យ និងលោក ឆាត់ គិតិណុបផាដុន អភិបាលរងខេត្តស្រះកែវ របស់ថៃ។
កិច្ចប្រជុំបន្ទាន់ ពាក់ព័ន្ធនឹងការទប់ស្កាត់កុំឲ្យពលរដ្ឋខ្មែរឆ្លងដែនខុសច្បាប់ទៅប្រទេសថៃ នឹងត្រូវធ្វើឡើងតាមការស្នើសុំរបស់ភាគីកម្ពុជា។ ករណីនេះ ភាគីថៃបានយល់ព្រម ហើយនឹងបើកកិច្ចប្រជុំនៅលើទឹកដីថៃ ស្ថិតនៅស្រុកអារញ្ញប្រាថេត ខេត្តស្រះកែវ។
ភាគីកម្ពុជាដែលនឹងចូលរួមកិច្ចប្រជុំនារសៀលនេះ មានមន្ត្រីកងរាជអាវុធហត្ថ នគរបាល និងមន្ត្រីពាក់ព័ន្ធជាច្រើននាក់ទៀត ដែលដឹកនាំដោយលោកអភិបាលរងខេត្តបន្ទាយជ័យ ជួបជាសមភាគីថៃ។
មន្ត្រីដែលធ្វើកិច្ចការនេះ បានឲ្យដឹងថា ពង្រាងស្មារតីសម្រាប់កិច្ចប្រជុំនេះ ដូចជា សុំឲ្យភាគីថៃសហការជាមួយកម្ពុជា ជួយទប់ស្កាត់ពលករខ្មែរនៅតាមព្រំដែន កុំឲ្យឆ្លងដែនចូលប្រទេសថៃ។ ទី២ បើសិនពលករខ្មែរចូលទៅថៃដោយខុសច្បាប់ សូមឲ្យថៃ ផ្តល់ដំណឹងភាគីកម្ពុជា ហើយភាគីដែលពាក់ព័ន្ធចាប់បញ្ជូនពលករខ្មែរត្រឡប់មកវិញ។ ទី៣ ផ្តល់ព័ត៌មានមេខ្យល់ថៃ និងខ្មែរឲ្យភាគីទាំងសងខាងបានដឹង។ ទី៤ ជៀសវាងដាច់ខាតការប្រើអំពើហិង្សា ការបំពារបំពានលើសិទ្ធិ និងសូមឲ្យគោរពច្បាប់ប្រទេសថៃ និងអនុសញ្ញាផ្សេងៗទៀតរបស់អន្តរជាតិ។
គេបានប៉ាន់ប្រមាណថា ពលករខ្មែរដែលឆ្លងដែនចូលទៅក្នុងប្រទេសថៃ នឹងមានចំនួនកើនឡើងថែមទៀត បន្ទាប់ពីរដ្ឋាភិបាលថៃ របស់លោកស្រីយីង ឡាក់ ស៊ីណាវ៉ាត់ បានដំឡើងប្រាក់ឈ្នួលដល់និយោជិត ក្នុងមួយថ្ងៃចំនួន ៣០០ បាត ដើម្បីអបអរទិវាពលកម្មអន្តរជាតិ ១ឧសភា។ ជាមួយគ្នានោះ ពលករខ្មែរដែលចូលទៅធ្វើការនៅប្រទេសថៃ ក៏បានប្រឈមនឹងគ្រោះថ្នាក់ច្រើនជាងទទួលលាភសំណាង។
សពពលករខ្មែរ ៥ នាក់ទៀត ដែលបានស្លាប់ក្នុងគ្រោះថ្នាក់ចរាចរ កាលពីរសៀលថ្ងៃទី២ឧសភា ឆ្នាំ២០១២ នៅខេត្តនគរនាយក ប្រទេសថៃ ត្រូវបានបញ្ជូនត្រឡប់មកដល់ស្រុកកំណើតវិញហើយ កាលពីយប់ថ្ងៃទី៣ឧសភា នៅខេត្តបន្ទាយមានជ័យ តាមច្រកអន្តរជាតិប៉ោយប៉ែត។
សាកសពទាំងនោះ មានឈ្មោះ ម៉ៅ ភី ភេទប្រុស ២៦ឆ្នាំ ឈ្មោះហៅ សីហា ភេទប្រុស ២២ឆ្នាំ ឈ្មោះ ឃីម ភេទប្រុស អាយុ២៤ឆ្នាំ ឈ្មោះ អោក អាត ភេទស្រី អាយុ ២៦ឆ្នាំ និងកូនប្រុសឈ្មោះ អោក អាត អាយុ ៦ខែ។ ពួកគេមានទីលំនៅភូមិសូភីកណ្តាល ឃុំសូភី ស្រុកអូរជ្រៅ ខេត្តបន្ទាយមានជ័យ។
ពាក់ព័ន្ធនឹងករណី សម្តេចនាយករដ្ឋមន្ត្រី ហ៊ុន សែន កាលពីថ្ងៃទី១ឧសភា ទិវាពលកម្មអន្តរជាតិ សម្តេចបានប្រកាសអំពាវនាវឲ្យពលរដ្ឋកម្ពុជា បញ្ឈប់ការឆ្លងដែនដោយខុសច្បាប់ចូលទៅធ្វើការនៅក្នុងប្រទេសថៃ ព្រោះថា ក្នុងប្រទេសកម្ពុជាសព្វថ្ងៃ កំពុងតែខ្វះខាតកម្លាំងពលកម្ម ទាំងក្នុងវិស័យកាត់ដេរ សំណង់ វិស័យឧស្សាហកម្ម និងវិស័យកសិកម្ម ជាដើម។ ក្រៅពីនោះ ការឆ្លងដែនខុសច្បាប់ទៅធ្វើការនៅប្រទេសថៃ ក៏ប្រឈមនឹងគ្រោះថ្នាក់ រហូតដល់ត្រូវថៃបាញ់សម្លាប់ថែមទៀត៕ S
មិនមែនមនុស្សសាមញ្ញធម្មតាដែលគ្មានខ្សែបណ្តាញអាចរត់ការនាំចេញ
លួចនាំពលករចេញទៅរកការងារនៅប្រទេសថៃបានដោយងាយស្រួល
នោះទេ ទាល់តែអ្នកមានបណ្តាញសិ្នទ្ធជាមួយសមត្ថកិច្ចតាម
ព្រុំដែនខ្លះដោយបង់ភាគរយជូនគេទើបអាចអាចឆ្លងរួច ។
ការតាមដានស៊ើបអង្កេតស្វែងរកចាប់មេខ្យល់ដែលប្រមូលលុយ
ពីប្រជាពលរដ្ឋហើយធានានាំទៅរកការងារធ្វើដោយខុសច្បាប់
គួរប្រកាសដាក់ទណ្ឌកម្ម និង កំណត់ប្រាក់វិន័យអោយខ្ពស់
ទើបអាចទប់ស្កាត់បាន ហើយកអាចរកប្រាក់ចំណូលពីការងារនេះដែរ។
ជីវិតប្រជាជនលួចទៅរកការងារធ្វើប្រឈមនឹងគ្រោះថ្នាក់ខ្លាំងណាស់
បើស្រលាញ់ជីវិត គួរព្យាយាមស្វែងរកការងារណាដែលស្របច្បាប់
មានក្រុមហ៊ុននាំចេញត្រឹមត្រូវ ពីព្រោះបើស្លាប់ហើយមិនកើតមកវិញទេ ។
បើមានេជីវិតត្រូវតែមានសង្ឃឹម ជីវិតមនុស្សមិនអាចកាត់ថ្លៃបាន។
ការងារនេះអ្នកដឹកនាំមានចំណែកក្នុងការទទួលខុសត្រូវនិងជួយដោះស្រាយ ! ។
If passport costs only 15 dollars like Vietnam and easy to do it, it will help a lot of Khmer to deal with this problem. Hope Gov’t wil take this matter into account!
ការដោះស្រាយបញ្ហារឿងនេះគឺឲ្យលោក ហ៊ុន សែន ចាត់វិធានការតាមចាប់ខ្លួនមេខ្យល់ខុសច្បាប់នាំពលករ
ខ្មែរយើងលួចចូលប្រទេសគេមកផ្តន្ទាទោស៕
ខ្ញុំមិនបន្ទោសពួកពលករដែលខិតខំព្យាយាមរកការងាធ្វើនៅស្រុកថៃទាំងនោះទេព្រោះពាក្សចាស់ពោល ថា ទឹកត្រជាក់ត្រីកុំ មាន័យថាទីណាមានទឹកត្រជាក់ច្បាស់ជាមានត្រីច្រើនកកកុញនៅទីនោះហើយ។ យាងណាមិញរឿងរ៉ាវពលករចំណាកស្រុកខ្មែរទៅស្វែងរកការងារធ្វើនៅស្រុកថៃក៍ដូចគ្នាដែរ បើតាមខ្ញុំដឹងនៅតាមបណ្តាសហគ្រសរោងចក្រភាគច្រើននៅស្រុកថៃលោកថៅកែគេគោរពច្បាប់ខ្លាំងណាស់ ព្រោះតែពួកគេទាំងនោះខ្លាចរដ្ឋាភិបាលដាក់ពិន័យ។ ក្រឡេកមកមើលលោកថៅកែរកសីុស្រុក ខ្មែរវិញហាក់ដូចជាមិនបានគោរពច្បាប់ឲ្យបានពេញលេញទេ ខ្លះឈ្លៀតឪកាសធ្វើបាបនិងកេងប្រវញ្ច័កម្មករដោយមិនខ្លាចញញើតច្បាប់អីនោះទេ។ រឿងមួយដែលរដ្ឋាភិបាលត្រូវធ្វើនោះគឺទប់ស្កាត់ការយកលុយកាក់ក្រៅផ្លូវការរបស់អាជ្ញាធរពីថៅកែររកសីុទាំងនោះទើបថៅកែគោរព ច្បាប់និងផ្តល់ប្រាក់ខែខ្ពស់ដល់កម្មករ។ សូមចងចាំថានណាក៍ដោយមិនចូលចិត្តធ្វើការងារក្រោម សង្កត់សង្កិនពីថៅកែនិងបរិយាកាសអាប់អួរនោះទេ។
ជូនលោកមាំងRottanak បើថាភ្លើងថាភ្លើ បើថៅកែសៀមគោរពច្បាប់ ចឹងចាំបាច់យកកម្មករខ្មែរខុសច្បាប់ធ្វើអ្វី ?
ខ្ញុំក៍មានចំការហើយឲ្យប្រាក់ខែមិនចាញ់ពួកសៀមដែរ តែពួកនេះវារឹងណាស់មិនចង់ស៊ីឈ្នួល ខ្មែរគ្នាឯងទេចង់ស៊ីឈ្នួលបរទេស