05 July 2012
សេត គឹមសឿន
ភ្នំពេញ ប៉ុស្តិ៍
ពិធីករល្បីឈ្មោះរបស់ទូរទស្សន៍ស៊ីធីអិន លោក អ៊ឹង រដ្ឋា ហៅ ទុយ កំពុងកើតទុក្ខយ៉ាងចំបែងស្ទើរតែចង់ប្រកាសប្រាប់ពិភពលោកថា លោកកំពុងត្រូវការអ្នកជួយសង្គ្រោះ ខណៈដែលពេលនេះម្តាយរបស់លោកកំពុងស្ថិតនៅលើគ្រែពេទ្យវៀតណាមស្តូកស្តឹងអស់រយៈពេលពីរខែមកហើយដោយសារជំងឺដាច់សរសៃឈាមក្នុងខួរក្បាល មានកកឈាម និងរលាកសួតយ៉ាងធ្ងន់ធ្ងរនោះ។
ជារឿយៗនៅក្នុងកម្មវិធីតន្ត្រីថ្ងៃអាទិត្យ របស់ស្ថានីយទូរទស្សន៍ស៊ីធីអិន ពិធីករសម្បូរវោហាពូកែកំប្លុកកំប្លែងនាយទុយ តែងនិយាយរៀបរាប់ពីការលំបាករបស់លោកលាយឡំជាមួយនឹងទឹកភ្នែកកូនប្រុសដោយសារតែម្តាយរបស់ខ្លួនមានជំងឺជាទម្ងន់ ហើយពេលខ្លះលោកថែមទាំងសម្តែងអារម្មណ៍ខឹងសម្បារស្ថានទូតអាមេរិកទៀត ដែលមិនបានអនុញ្ញាតឲ្យលោកជាប់ក្នុងការសម្ភាសន៍ទៅសម្តែងនៅអាមេរិកដើម្បីរកប្រាក់មកព្យាបាលជំងឺម្តាយនោះ តែពេលនេះលោកបានប្រាប់ថា ការសម្ភាសនៅទូតអាមេរិកម្តងទៀតជាក្តីសង្ឃឹមចុងក្រោយរបស់លោកដើម្បីរកប្រាក់ព្យាបាលម្តាយ។
ម្តាយរបស់នាយទុយមានឈ្មោះថា នៅ សុភី អាយុ៥២ឆ្នាំ មានកូនប្រុសស្រី៣នាក់។ អ្នកស្រី នៅ សុភី ចាប់ផ្តើមធ្លាក់ខ្លួនឈឺយ៉ាងធ្ងន់ធ្ងរក្រោយពេលដែលលោក អ៊ឹង រដ្ឋា ហៅ ទុយ បញ្ចប់ជីវិតអាពាហ៍ពិពាហ៍របស់ខ្លួនជាមួយនឹងកូនសេដ្ឋិនីស្រុកខ្មែរនាយភូនោះ។
ពិធីកររូបនេះបាននិយាយខ្សឹបខ្សួលអួលដើមករជាមួយនឹងតំណក់ទឹកភ្នែកធ្លាក់ឥតឈប់ថា៖«គាត់ឈឺហ្នឹង ព្រោះគាត់ពិបាកចិត្តរឿងខ្ញុំ ដែលខ្ញុំការហើយលែងគ្នា បែកគ្នាហ្នឹង…(យំ) មុនហ្នឹង គាត់តែងនិយាយប្រាប់អ្នកជិតខាងថា គាត់ឈឺក្បាលណាស់។ បើខ្ញុំមិនការ ក៏ប្រហែលជារឿងមិនដល់ថ្នាក់ហ្នឹងដែរ»។
មកទល់នឹងពេលនេះ មានរយៈពេលជាងពីរខែហើយ តែស្ថានភាពម្តាយរបស់លោក អ៊ឹង រដ្ឋា ហៅ ទុយ នៅតែស្ថិតក្នុងស្ថានភាពស្រួចស្រាវនៅឡើយ។ អ្នកស្រី នៅ សុភី កំពុងសំរាន្តស្តូកស្តឹងអត់ដឹងខ្លួនអស់រយៈពេល២ខែមកហើយនៅមន្ទីរពេទ្យប្រទេសវៀតណាម បន្ទាប់ពីអ្នកស្រីបានទទួលការវះកាត់ពីរដងនៅមន្ទីរពេទ្យកាល់ម៉ែត្រប្រទេសកម្ពុជានោះ។
ទុយ អើយទុយ កុំយំអី អ្វីក៏ប្រែប្រួលមិនទៀងដែរ មិនថារូបម្ដាយឬ រូបទុយ ឬ ក៏អ្នកផ្សេង ។ តាមខ្ញុំតាមដាន ទុយជួបទុក្ខពីរ ទុកស្នេហា និង ទុក្ខព្យាធិរបស់ម្ដាយ ។ មួយជីវិតមនុស្សយើងជួបទុក្ខ១២ប្រភេទ ។ នេះគ្រាន់តែទុក្ខ២ ក្នុងចំណោម១២ ដូច្នេះ ត្រូវចេះពិចារណារនិងកាត់ចិត្តណា។
សូមជូនពរសំភាសន៏បានជាប់និងរកលុយបានជួយម្តាយនិងសូមបារមីព្រះអង្គចេកព្រះចម
ទេវាឆ្នាំថ្មីជួយតាមថែរក្សាជួយអុសទាញអ្នកមានចិត្តធមមកជួយដូចក្តីបំណងប្រាថ្នា
ខ្ញុំក៏ធ្លាប់មានវិបត្តិដូចនាយទុយដែរ កាលពីឆ្នាំ១៩៩៣ ។ ម្តាយមានជំងឺជាទម្ងន់ ចំណែកប្រពន្ធគេមិនចេះនៅជាមួយម្តាយក្មេកដែលមានជំងឺទេ គេថាគាត់ឈឺជំងឺនេះ មើលមិនជាទេ ទោះខំបប្រឹងមើលក៏អត់ ប្រយោជន៍ ចំណាយប្រាក់ច្រើន ។ យើងបានទាស់សម្តីគ្នា រហូតគេវេចបង្វិចចេញពីផ្ទះ ទៅរស់នៅជាមួយម្តាយគេវិញ ។ យើងក៏បានបែកបាក់គ្នារហូតមក ។ ខ្ញុំតស៊ូរកប្រាក់ មើលថែរក្សាអ្នកមានគុណរបស់ខ្ញុំ លុះដំណាក់កាលចុងក្រោយ ។ ភាពកត្តញ្ញូរបស់ខ្ញុំមិនសាបសូន្យទេ ទោះបខ្ញុំដួល ក៏មាន
អ្នកមកជួយលើកតម្កើងខ្ញុំ ខ្ញុំប្រកបរបរអ្វីៗ តែងបានសម្រេចដូចបំណងប្រាថ្នា រហូតមានបាន ថ្កុំថ្កើង ដល់បច្ចប្បន្ន ។ ខ្ញុំជឿថា បុណ្យ និងបាប ប្រាកដជាមាន ទុយ ជាកូនកត្តញ្ញូម្នាក់ ដូច្នេះ ជឿថា បំណងប្រាថ្នារបស់ទុយ គ្រប់យ៉ាងនឹងបានសម្រេច ក្នុងពេលឆាប់ៗខាងមុខ ។
Life is like this and no one can survey from this situation if not today someday will, all the best for you. At least you have been trying your best, you are good kid, God will bless you.
បើស្លាប់ដូចពោះរស់ដូចកង្កែប សូមកំុនៅយូរគួរតែទៅអោយបានឆាប់ជាការប្រសើរសំរាប់រូបខ្ញំុ
ផ្ទាល់។ វាជាការរំខានដល់អ្នកដែលនៅរស់ អាចបង្ករជាបញ្ហាផ្សេងៗដូចលោកខ្ាងលើបានលើកឡើងបើឈឺរាំ៉រ៉ៃរាល់ខែឆ្នាំនោះ។