ភ្នំពេញ: ថ្មីៗនេះ ស្ថានឯកអគ្គរាជទូតកម្ពុជា ប្រចាំប្រទេសម៉ាឡេស៊ី បានអន្តរាគមន៍ ជួយដោះស្រាយករណីពលការិនី ដែលជាជំនួយការមេផ្ទះ នៅប្រទេសម៉ាឡេស៊ី ចំនួន ៨នាក់។ នេះបើតាមសេចក្តីប្រកាសរបស់អ្នកនាំពាក្យក្រសួងការបរទេសកម្ពុជា។
ថ្ងៃទី 21 សីហា 2012
ដោយ: ចៅចិត្រ
CEN
សេចក្តីប្រកាស ចុះផ្សាយនៅថ្ងៃទី២១ ខែសីហា ឆ្នាំ២០១២ របស់អ្នកនាំពាក្យក្រសួងការបរទេស លោក កុយ គួង បានបង្ហាញនូវឈ្មោះរបស់ពលការិនីទាំង ៨ នាក់ ដែលមានរាយនាមដូចខាងក្រោម៖
១- ពលការិនីឈ្មោះ អ៊ុន សុផល និង វ៉ាន់ សុផាក បានធ្វើការនៅប្រទេសម៉ាឡេស៊ី រយៈពេល១ឆ្នាំ ១០ខែ ហើយសុំត្រឡប់មកផ្ទះវិញ។ ស្ថាតទូត បានអន្តរាគមន៍ ជួយអន្តរាគមន៍ឲ្យពលការិនីទាំងពីរនាក់ទទួលបានប្រាក់ខែត្រឹមត្រូវ និងត្រឡប់មកកម្ពុជាវិញ នាពេលឆាប់ៗខាងមុខនេះ។
២- ពលការិនីឈ្មោះ ហែម សុឃឿន បានធ្វើការនៅប្រទសម៉ាឡេស៊ីរយៈពេល១០ខែ ហើយសុំត្រឡប់មកផ្ទះវិញ។ ស្ថានទូតបានជួយអន្តរាគមន៍ ឲ្យនាងត្រឡប់មកកម្ពុជាវិញ កាលពីថ្ងៃទី១៤ ខែមិថុនា ឆ្នាំ២០១២។
៣- ពលការិនីឈ្មោះ ង៉ោល ពេជ្រ បានធ្វើការនៅប្រទសម៉ាឡេស៊ីរយៈពេល ជិត២ឆ្នាំ។ ស្ថាតទូតបានជួយឲ្យនាងអាចទំនាក់ទំនង ជាមួយគ្រួសារ និងត្រឡប់មកកម្ពុជាវិញនៅថ្ងៃទី២៣ ខែសីហា ឆ្នាំ២០១២ ខាងមុខនេះ។
៤- ពលការិនីឈ្មោះ រ៉េត ភេទ បានធ្វើការនៅប្រទសម៉ាឡេស៊ីរយៈពេល ២ឆ្នាំ។ ស្ថាតទូតបានជួយឲ្យនាងអាចទំនាក់ទំនង ជាមួយគ្រួសារ និងត្រឡប់មកកម្ពុជាវិញ នាពេលឆាប់ៗខាងមុខនេះ។
៥- ពលការិនីឈ្មោះ គង់ សំភី បានធ្វើការនៅប្រទសម៉ាឡេស៊ីរយៈពេលជាង២ឆ្នាំ។ ស្ថាតទូតបានជួយឲ្យនាងអាចទំនាក់ទំនង ជាមួយគ្រួសារ និងអាចមកលេងស្រុកកំណើត្នុងខែកញ្ញា ឆ្នាំ២០១២ រួចត្រឡប់ទៅធ្វើការវិញ។
៦- ពលការិនីឈ្មោះ ឈឿន សុឃា បានធ្វើការនៅប្រទសម៉ាឡេស៊ីរយៈពេលជាង២ឆ្នាំ។ ស្ថាតទូតបានជួយឲ្យនាងអាចទំនាក់ទំនង ជាមួយគ្រួសារ ហើយនាងសុំនៅធ្វើការបន្តទៀត។
៧- ពលការិនី ឈ្មោះ សែម រ៉ាន់ បានលើកឡើងពីការបំពានពីថៅកែ ឥឡូវនេះ ស្ថានទូតកំពុងសាកសួរដើម្បីរកយុត្តិធម៌ជូននាង៕
សូមអបអរសាទរ