ភ្នំពេញ: ទស្សនាវដ្ដីអង្គរធំ លេខចេញផ្សាយថ្ងៃ ១០-១៦កញ្ញា២០១២ បានលើកយកតារាបីដួងកំពុងលេចធ្លោនៅក្នុងតំណែងជាតួឯកមកចុះផ្សាយ ដែលតារាទាំងបីរូបនេះពោរពេញដោយសមត្ថភាព, ទេពកោសល្យ, សម្រស់ និងជាទីចាប់អារម្មណ៍ពីមហាជន ជាពិសេសផលិតករភាពយន្ដ។
តារាទាំងបីដួងនេះកំពុងប្រជែងក្នុងតំណែងជាតួឯក
ថ្ងៃទី 11 កញ្ញា 2012
ដោយ: សីហា
CEN
តារាបីដួងនោះគឺៈ សារ៉ាយ សក្ខណា, នី មុនីនាថ និង ម៉ាក សែនសូនីតា។
*សារ៉ាយ សក្ខណា ជា Freshie Girl ឆ្នាំ២០០៦ ចូលប្រឡូកក្នុងសិល្បៈទទួលបានជោគជ័យយ៉ាងត្រចះត្រចង់ ពោលក្រៅពីសម្ដែងដែលកំពុងមានឥទ្ធិល ជាតារាស្ប៉តពាណិជ្ជកម្ម , ពិធីការិនីដែលទាក់ទាញបានការចាប់អារម្មណ៍ខ្លាំង និងជាសមាជិកដ៏សកម្មរបស់ក្រុម Cambodia Super Model ។
មកទល់នឹងពេលនេះ សារ៉ាយ សក្ខណា ថតភាពយន្ដបានមិនតិចជាង៣០រឿងឡើយ ហើយរឿងបើកទំព័រជីវិតសិល្បៈកញ្ញា គឺរឿង ” សមុទ្របេះដូង” ក្នុងតំណែងជាតួឯក។ រឿងបន្ទាប់ មានៈ រឿង ” ព្រះចន្ទខៀវ”, ” ៥០០ឆ្នាំចាំស្នេហ៍”, ” បេះដូងរងគ្រោះ”…។ ក្នុងចំណោមរឿងដែលកញ្ញាបានសម្ដែង គឺមានតែមួយរឿងប៉ុណ្ណោះដែលកញ្ញាសម្ដែងជាតួរង ក្រៅពីនេះគឺនាងគ្រងតំណែងជាតួឯក ហើយឆាប់ៗនេះកញ្ញាត្រៀមសម្ដែងជាតួឯកក្នុងភាពយន្ដដែលផលិតដោយប្រទេសម៉ាឡេស៊ីទៀតផង។
សក្ខណា ទទួលស្គាល់ថា អាជីពសិល្បៈរបស់នាងពិតជាជោគជ័យ សព្វថ្ងៃនាងមមាញឹកក្នុងការងារមកពីគ្រប់ទិស ទាំងដើរបង្ហាញម៉ូដ, ថតស្ប៉ត, ពិធីការិនីនិងថតភាពយន្ដ ហើយបានបង្ខំចិត្តជម្រុះចោលតំណែងតួឯក ពីរ-បីរឿង ដោយសារតែគ្មានពេល។
តាមរយៈសកម្មភាពដ៏ផុលផុសនេះ ធ្វើឲ្យគេចាត់ទុក សារ៉ាយ សក្ខណា ជាតារាឆ្នើមប្រចាំប្រទេស ដែលកំពុងប្រជែងតំណែងតួឯកជាមួយតារាមួយចំនួនទៀត។
* នី មុនីនាថ ជាតារាទឹកភ្នែក, ជាសិល្បការិនីឆ្នើមដែលទទួលបានតំណែងជាតួឯកបន្ដបន្ទាប់ និងបានការចាប់អារម្មណ៍ពីមហាជន ជាពិសេសក្រុមផលិតករ ដែលពិបាកនឹងមើលរំលងពីទេពកោសល្យសម្ដែងបង្ហូរទឹកភ្នែកមិនចេះរីងស្ងួតរបស់នាង។
មុនីនាថ ប្រឡូកក្នុងវិស័យសិល្បៈនៅឆ្នាំ២០០៧ ហើយទទួលបានការគាំទ្រខ្លាំងតាមរយៈរឿង ” ផ្កាក្នុងផ្កា” និងរឿង ” រាជិនីដួងចិត្ត” ។ មកទល់ពេលនេះនាងសម្ដែងបានជាង១០រឿង ហើយរឿងដំបូងរបស់នាង គឺរឿង ” ជ្រោះព្រលឹងផ្ដាច់ស្នេហ៍” រឿងបន្ទាប់ ” បញ្ញើក្អែក”, ”រាជិនីដួងចិត្ត “…។ ក្រៅពីសម្ដែងភាពយន្ដ មុនីនាថ ក៏ល្បីតាមរយៈថតឈុតខារ៉ាអូខេ ស្ប៉តពាណិជ្ជកម្ម ដើរម៉ូដ និងពិធីការិនីផងដែរ។
មុនីនាថ បានឲ្យដឹងថា នាងទើបថតចប់រឿង ” លងម៉ាឆ្ងាញ់” និងកំពុងត្រៀមថតរឿងភាគថ្មីឲ្យទូរទស្សន៍បាយ័នមួយរឿងទៀត ហើយថ្មីៗនេះនាងក៏បានច្រានចោលតំណែងជាតួឯកចំនួនពីររឿង ព្រោះតែនាងមិនអាចបែងចែកពេលវេលាបាន។
* ម៉ាក សែនសូនីតា ជាកញ្ញាឯកប្រ៊ីដស្ដូន ឆ្នាំ២០០៧ ក៏ជោកជាំណាស់ដែរក្នុងតំណែងជាតួឯក ដោយកញ្ញាអះអាងថា អំឡុងឆ្នាំ២០១២នេះកញ្ញាច្រានចោលតំណែងតួឯកដល់ទៅ ៤-៥រឿង ព្រោះតែគ្មានពេលគ្រប់គ្រាន់។
ម៉ាក សែនសូនីតា ហៅ តូតា ធ្លាប់ថតរឿង “ទឹកភ្នែកជាយដែន “, រឿង “មេឃក្រហម “, ” ព្រះមហោសថ”…និងបានការចាប់អារម្មណ៍ខ្លាំងតាមរយៈរឿង ” គូព្រេងចម្លែក”។
កញ្ញាកាន់តែមានយីអ៊ុនបន្ទាប់ពីត្រឡប់មកពីអូស្ដ្រាលីវិញ ដោយនាងក្រសោបបានប្រាក់ចំណូលពីឈុតខារ៉ាអូខេរបស់ផលិតកម្មល្បីៗ បង្ហាញម៉ូដ, ថតស្ប៉ត, ពិធីការិនី ហើយថ្មីៗនេះកញ្ញាត្រូវសម្ដែងជាតួឯកមួយរឿងទៀត គឺរឿង ” អ្នកមានគុណ” របស់ទូរទស្សន៍ CTN ។
តារាទាំងបីដួងនេះ ត្រូវបានគេមើលឃើញថា កំពុងកញ្ជ្រោកបោកបក់ក្នុងពិភពសិល្បៈសម្ដែងប្រជែងក្នុងតំណែងជាតួឯក៕ S
b neath cute
គួរអោយស្រលាញ់ទាំងអស់!
(T.M.W.N.N)
.
ស្អាត ស្អាត មែន
ប្រហាក់ ប្រហែល គ្នា
អោយតែមានលុយ ចុយបានទាំង៣នាក! មួយប់វាលក់តំលៃ ២០០ទៅ៣០០ដុល្លារ!
ចុយបានទាំងម៉ែហ្អែងទៀត