ខេត្តបន្ទាយមានជ័យ: សាកលវិទ្យាល័យមានជ័យ (MCU) របស់រដ្ឋាភិបាល នៅខេត្តបន្ទាយមានជ័យ និងនាយិកាមជ្ឈមណ្ឌល អារ៉ាវ៉ា អន្តរជាតិ បណ្ដុះបណ្ដាលកសិកម្ម (ARAVA International Center for Agriculture Tranining: ICAP ) របស់ប្រទេសអ៊ីស្រាអែល បានចុះអនុស្សរណៈយោគយល់គ្នា (MOU) ស្ដីពីកិច្ចសហប្រតិបត្តិការ កាលពីថ្ងៃទី៥ ខែឧសភា ឆ្នាំ២០១២។ តាមរយៈកិច្ចព្រមព្រៀងនោះ និស្សិតកម្ពុជា ចំនួន ៥៥ នាក់ នៅសាកលវិទ្យាល័យមានជ័យ ត្រូវបានចេញដំណើរ ទៅបន្តការសិក្សាថ្នាក់អនុបណ្ឌិត នៅប្រទេស អ៊ីស្រាអែល។
និស្សិតនៃសកលវិទ្យាល័យមានជ័យ ៥៥ រូប ដំបូងបង្អស់ ជ្រើសរើសសកម្មភាពចប់សព្វគ្រប់ ត្រូវបានបញ្ជូនទៅបន្តការសិក្សាផ្នែកកសិកម្ម នៅប្រទេសអ៊ីស្រាអែល
ថ្ងៃទី 10 កញ្ញា 2012
ដោយ: សូផុន
CEN
និស្សិតនៃសកលវិទ្យាល័យមានជ័យ ៥៥ រូប ដំបូងបង្អស់ ជ្រើសរើសសកម្មភាពចប់សព្វគ្រប់ ត្រូវបានបញ្ជូនទៅបន្តការសិក្សាផ្នែកកសិកម្ម នៅប្រទេសអ៊ីស្រាអែល កាលពីព្រឹកថ្ងៃទី៨ ខែកញ្ញា ២០១២ ក្រោមវត្តមានជូនដំណើរពីលោក សំ ង៉ា សកលវិទ្យាធិការនៃសកលវិទ្យាល័យមានជ័យ ព្រឹទ្ធបុរសនៃមហាវិទ្យាល័យកសិកម្ម សាស្ត្រាចារ្យ មាតាបិតា និងនិស្សិតជាច្រើនរូប។
បន្ទាប់ពីការសម្ដែងភាពរឹងប៉ឹង និងជំហរក្នុងការងារស្វែងរកបច្ចេកវិជ្ជាថ្មីលើមុខវិជ្ជាកសិកម្មរបស់និស្សិតអាហារូបករណ៍ នៃសកលវិទ្យាល័យមានជ័យ នៅប្រទេសអ៊ីស្រាអែល ក្រុមនិស្សិតមានសង្ឃឹមយ៉ាងមុតមាំក្នុងការនាំយកនូវជំនាញទាំងនេះមកអនុវត្តន៍វិស័យកសិកម្ម នៅក្នុងខេត្ត ប្រែក្លាយកសិកម្មបែបយថាផល ឲ្យទៅជាកសិកម្មប្រកបដោយការអភិវឌ្ឍ។
មានប្រសាសន៍ក្នុងពេលជូនដំណើរនិស្សិតទាំង ៥៥ រូបនេះ លោក សំ ង៉ា សកលវិទ្យាធិការនៃសកលវិទ្យាល័យមានជ័យ បានផ្ដាំផ្ញើ និងណែនាំពីទម្លាប់ និងការរក្សាវិន័យថ្លៃថ្នូរ ក្នុងនាមជានិស្សិតកម្ពុជា ក្នុងការទៅបន្សាំក្នុងការសិក្សានៅប្រទេសអ៊ីស្រាអែល។
លោក សំ ង៉ា ថ្លែងនូវអំណរគុណចំពោះសម្ដេចតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកឧបនាយករដ្ឋមន្ត្រី កែ គឹមយ៉ាន និងលោកស្រី អាជ្ញាធរខេត្ត ព្រមទាំងសប្បុរសជន ដែលបានកសាងសកលវិទ្យាល័យមានជ័យនេះឡើង ក្នុងន័យបណ្ដុះសមត្ថភាព និងវិជ្ជាជីវៈដល់និស្សិតក្នុងខេត្តបន្ទាយមានជ័យ និងខេត្តផ្សេងៗ រហូតពួកគេបានបញ្ចប់មហាវិទ្យាល័យ និងប្រលងអាហារូបករណ៍ ទៅសិក្សាជំនាញកសិកម្មបន្តនាពេលនេះ។
លោក សំ ង៉ា សង្ឃឹមយ៉ាងមុតមាំថា ក្រៅពីបង្ហាញកិត្យានុភាព និងសមត្ថភាពរបស់និស្សិតកម្ពុជា ពួកគេពិតជានាំមកនូវបច្ចេកវិជ្ជា និងជំនាញលើវិស័យកសិកម្មពិតជាប្រយោជន៍ដល់ខេត្តបន្ទាយមានជ័យ និងបុគ្គលិកនិស្សិតផ្ទាល់។
សូមបញ្ជាក់ថា កិច្ចសហប្រតិបត្តិការនេះ ICAP នឹងទទួលនិស្សិតកម្ពុជាពី MCU នៅឆ្នាំដំបូង (២០១២-២០១៣) ៥៥ នាក់ ទៅបណ្ដុះបណ្ដាលជំនាញកសិកម្ម។ បើរីកចម្រើន ឆ្នាំបន្ទាប់នឹងទទួលនិស្សិតគ្រឹះស្ថាននេះ ១១០នាក់ ទៅ ១៦០នាក់ ឲ្យសិក្សាទៀត។
និស្សិតត្រូវមានជំនាញកសិកម្ម ចេះភាសាអង់គ្លេស និងកុំព្យូទ័រ ស្ទាត់ ហើយតាំងចិត្តកាយទៅធ្វើការសិក្សានៅ ICAP តំបន់ ARAVA ជាវាលខ្សាច់ តែបានកែច្នៃដោយបច្ចេកវិទ្យាខ្ពស់ ក្លាយជាតំបន់កសិកម្មដ៏ខ្លាំង និងក្លាយជាឋានសួគ៌។
និស្សិតកម្ពុជា នឹងរួមជាមួយនិស្សិតបរទេសប្រមាណ ៧០០ នាក់ទៀត ដើម្បីហ្វឹកហ្វឺនទីនោះ រួចវិលមកធ្វើកម្មសិក្សាជាក់ស្ដែង និងសរសេរនិក្ខេបបទនៅប្រទេសដើមវិញ (កន្លែងធ្វើកម្មសិក្សា) រួចយកទៅការពារចំពោះមុខគ្រូនៅអ៊ីស្រាអែល៕ S
ពេលមកវិញ ត្រូវមកកសាងជាតិ រួមគ្នាដើម្បីប្រជាធិបតេយ្យពិត!
យ៉ាសុទ្ធតែ ទៅអ៊ីស្រាអ៊ែលទៀត, មិនធម្មតាទេនៀក…សង្ឃឹមថានឹងអាចចាប់បាន
ចំនេះដឹងទាំងអស់!
មុនទៅត្រូវអរគុណហ៊ុនសែនហើយពេលត្រឡប់មកវិញសូមកុំភ្លេចអរគុណហ៊ុនសែនទឿតណា អ្នកទាំងអស់គ្នា។ ព្រោះថវិការសាងសង់សាលាទាំងនោះមិនមែនជាថវិការជាតិទេវាជាថវិការ ផ្ទាល់របស់ហ៊ុនសែនដែលមានជំនាញហ្មត់ចត់ពីការធ្វើពុករលួយថវិការជាតិ។ លើកលែងតែ ប្រទេសយួន ថៃ ឡាវ ដែលមិនមែនជាកម្មសិទ្ធដាច់មុខរបស់ហ៊ុនសែន អ្វីៗទាំងអស់នៅក្នុង ប្រទេសខ្មែរទាំងមូលជាពិសេសមនុស្សទាំងអស់ដែលកំពុងតែរស់់នៅកម្ពុជាសុទ្ធតែជាកម្មសិទ្ធ
ឯកជនរបស់ហ៊ុនសែនតែម្នាក់គត់។
អាណឹងបានល្អព្រោះប្រទេសយើងជាប្រទេសកសិកម្ម