អង្គការឃ្លាំមើលសិទ្ធិមនុស្ស (Human Rights Watch) មានមូលដ្ឋាននៅសហរដ្ឋអាមេរិកបានធ្វើការអំពាវនាវមួយកាលពីយប់មិញឲ្យមេដឹកនាំនានាលើពិភពលោក លុបចោលដំណើរមកកាន់ប្រទេសកម្ពុជារបស់ខ្លួនសម្រាប់កិច្ចប្រជុំកំពូលអាស៊ានដែលគ្រោងធ្វើនៅខែវិច្ឆិកាខាងមុខ ដើម្បីជាការដាក់សម្ពាធឲ្យរដ្ឋាភិបាលក្រុងភ្នំពេញដោះលែងលោក ម៉ម សូណង់ដូ។
Wednesday 03 October 2012
The Free Press Magazine
លោក ម៉ម សូណង់ដូ ពេលចេញពីស្តាប់សវនាការ
Human Rights Watch បានលើកឡើងនៅក្នុងសេចក្តីថ្លែងការណ៍ថា ការកាត់ទោសថ្មីៗនេះ បាននាំឲ្យមានការចោទសួរថា តើប្រទេសកម្ពុជាសមនឹងធ្វើជាម្ចាស់ផ្ទះ នៃកិច្ចប្រជុំកំពូលអាស៊ាននៅខែវិច្ឆិកាដែរឬទេ?
ស្របគ្នានេះ Human Rights Watch ក៏បានធ្វើការអំពាវនាវដល់ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា និងមេដឹកនាំលើពិភពលោកដទៃទៀតដែលនឹងមកចូលរួមកិច្ចប្រជុំកំពូលអាស៊ានក្នុងទីក្រុងភ្នំពេញនាខែវិច្ឆិកាខាងមុខ លុបចោលដំណើរទស្សនកិច្ចនេះវិញ ប្រសិនបើការផ្តន្ទាទោសដោយគ្មានមូលដ្ឋានមកលើលោក ម៉ម សូណង់ដូ និងអ្នកផ្សេងទៀតមិនត្រូវបានលុបចោលទេនោះ។
សូមរំលឹកថា កាលពីដើមសប្តាហ៍នេះ តុលាការក្រុងភ្នំពេញបានផ្តន្ទាទោសលោក ម៉ម សូណង់ដូ ប្រធានស្ថានីយ៍វិទ្យុសំបុកឃ្មុំឲ្យជាប់ពន្ធនាគារ២០ឆ្នាំចំពោះបទចោទថាបានដឹកនាំធ្វើអបគមន៍នៅស្រុកឆ្លូង ខេត្តក្រចេះ។ ក្នុងសំណុំរឿងនេះប្រជាពលរដ្ឋចំនួន១៣នាក់ផ្សេងទៀតក៏ត្រូវបានផ្តន្ទាទោសឲ្យជាប់ពន្ធនាគារពី១០ខែដល់៣០ឆ្នាំ ហើយមួយចំនួនទៀតត្រូវបានព្យួរទោសបន្ទាប់មកត្រូវបានដោះលែង៕
ពេលមានអំនាចពេញដៃហើយ មិនខ្ចីស្តាប់………ជិះសេះលែងដៃយ៉ាងសប្យាយ !!