ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ នៅថ្ងៃច័ន្ទ ទី៨ ខែតុលា ឆ្នាំ២០១២ នេះ បានចូលទៅបំភ្លឺនៅស្ថាប័នអយ្យការតុលាការខេត្តរតនគិរី រួចហើយ ក្នុងដំណើររឿងញុះញង់ឲ្យប្រព្រឹត្តបទឧក្រិដ្ឋបានសម្រេច។
ដោយ រដ្ឋា វីសាល
2012-10-08
វិទ្យុអាស៊ីសេរី
ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ (ស្ដាំ) នៅតុលាការខេត្តរតនគិរី កាលពីថ្ងៃទី៨ តុលា ឆ្នាំ២០១២។ RFA/Ratha Visal
មន្ត្រីស្ថាប័នអយ្យការតុលាការខេត្តរតនគិរី បានសាកសួរប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ រួចហើយ ក៏ប៉ុន្តែមិនមានការឃាត់ខ្លួនរូបលោកឡើយ។
ព្រះរាជអាជ្ញារងតុលាការខេត្តរតនគិរី លោក ជា សុភ័ក្ត្រ មានប្រសាសន៍ដោយមិនអនុញ្ញាតឲ្យថតសំឡេងថា ការកោះហៅមកសាកសួរនេះ គឺធ្វើឡើងតាមនីតិវិធីរបស់តុលាការតែប៉ុណ្ណោះ។ លោកមិនអត្ថាធិប្បាយពីលទ្ធផល និងការសម្រេចបន្ទាប់ពីការសាកសួរនោះទេ។
នៅព្រឹកថ្ងៃច័ន្ទ ទី៨ ខែតុលា ឆ្នាំ២០១២ នៅមុខបរិវេណតុលាការខេត្តរតនគិរី គេសង្កេតឃើញមានអ្នកសង្កេតការណ៍អង្គការសិទ្ធិមនុស្សជាតិ អន្តរជាតិ និងអ្នកសារព័ត៌មាននៅរង់ចាំឃ្លាំមើលការចូលទៅបំភ្លឺរបស់លោក អ៊ូ វីរៈ អស់រយៈពេលប្រមាណ ៣០នាទី។
ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍បន្ទាប់ពីចាកចេញពីបន្ទប់សាកសួររបស់ព្រះរាជអាជ្ញារងថា ការសាកសួរនេះលោករកឃើញថា មេឃុំប៉ាតាង គឺជាអ្នកប្តឹង ក៏ប៉ុន្តែមិនមានវត្ថុតាងដាក់បន្ទុកណាមួយចោទប្រកាន់ទៅលើរូបលោកបានឡើយ។
លោកបន្តថា រឿងក្តីនេះគឺជាប់ពាក់ព័ន្ធទៅនឹងក្រុមហ៊ុនឯកជនមួយឈ្មោះ ឌី អ៊ឹម ហ្គ្រូប (DM GROUP) ដែលមានជម្លោះដីធ្លីជាមួយសហគមន៍ជនជាតិដើមភាគតិចភូមិប៉ាតាង ឃុំប៉ាតាង ស្រុកលំផាត់ ខេត្តរតនគិរី កាលពីឆ្នាំ២០០៨។ រឿងក្តីនេះគឺអតីតអនុប្រធានតុលាការខេត្តរតនគិរី លោក ថោ សារ៉ន ដែលបានចូលនិវត្តន៍ទៅហើយនោះ លោកជាចៅក្រមស៊ើបសួរ ក៏ប៉ុន្តែខណៈពេលកំពុងដំណើររឿងក្តីនេះ មជ្ឈមណ្ឌលសិទ្ធិមនុស្សកម្ពុជា បានចេញសេចក្ដីថ្លែងការណ៍ និងធ្វើញត្តិសុំព្រះរាជអន្តរាគមន៍ទៅព្រះមហាក្សត្រជាប្រធានក្រុមប្រឹក្សានៃអង្គចៅក្រម ស៊ើបអង្កេតទៅលើបញ្ហាមិនប្រក្រតីរបស់លោក ថោ សារ៉ន ដូចជាបញ្ហាប្រព្រឹត្តអំពើពុករលួយ និងខ្វះឯករាជ្យភាព។
លោកបន្តថា ទំនងជាដោយសារមិនពេញចិត្តនឹងរបាយការណ៍នេះ ទើបមានចលនាប្តឹងលោកទៅស្ថាប័នតុលាការ ត្រូវបានប្រើប្រាស់តាមរយៈមេឃុំប៉ាតាង ដែលមានទំនាក់ទំនងពីភាពមិនប្រក្រតីជាមួយចៅក្រម ថោ សារ៉ន នេះ៖ «មានរឿងបីដែលចោទប្រកាន់មកខ្ញុំ គឺញុះញង់ឲ្យប្រជាពលរដ្ឋប្រព្រឹត្តអំពើហិង្សា បទល្មើសបំផ្លាញទ្រព្យសម្បត្តិ ឌីអ៊ឹម ហ្គ្រូប ប្រឆាំងនឹងអាជ្ញាធរ។ ការសាកសួរហ្នឹងខ្លីទេ បើតាមឯកសារដែលខ្ញុំដឹង ទាក់ទងការបរិហារកេរ្តិ៍នេះអត់មានទាក់ទងទាល់តែសោះជាមួយមេឃុំអ្នកដើមបណ្ដឹងហ្នឹង។ ប្រហែលជាទាក់ទងចៅក្រម ថោ សារ៉ន គាត់ខឹងអាចជាមូលហេតុធំជាងគេ»។
មេឃុំប៉ាតាង លោក គឹត ចេន នៅថ្ងៃច័ន្ទ ទី៨ ខែតុលា មានប្រសាសន៍បញ្ជាក់ថា លោកមិនបានចងចាំថា បានប្ដឹងមន្ត្រីសិទ្ធិមនុស្សទេ ក៏ប៉ុន្តែលោកកត់សំគាល់ថា បានធ្វើរបាយការណ៍មួយដាក់ជូនអាជ្ញាធរខេត្ត ដើម្បីសុំកិច្ចអន្តរាគមន៍បញ្ឈប់មិនឲ្យមន្ត្រីសិទ្ធិមនុស្សចូលទៅរំខានប្រជាពលរដ្ឋនៅមូលដ្ឋានរបស់លោកតែប៉ុណ្ណោះ៖ «វាយូរណាស់ហើយ ខ្ញុំមិនដឹងទេ តាំងពីឆ្នាំណា ទើបមកដល់ថ្ងៃនេះគាត់ក្រឡុកខ្ញុំពេក។ ការងារពលរដ្ឋខ្ញុំ គឺខ្ញុំចង់បានតែសុខ»។
កាលពីថ្ងៃទី២៦ ខែកញ្ញា ឆ្នាំ២០១២ ព្រះរាជអាជ្ញារងតុលាការខេត្តរតនគិរី លោក ជា សុភ័ក្ត្រ បានចេញដីកាចំនួន ៤ផ្សេងគ្នា កោះហៅប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មន្ត្រីសមាគមការពារសិទ្ធិមនុស្សអាដហុក លោក ប៉ែន ប៊ុណ្ណារ៍ និងលោក ឆាយ ធី និងអ្នកយកព័ត៌មានវិទ្យុអាស៊ីសេរី ប្រចាំខែត្ររតនគិរី ក្នុងដំណើររឿងញុះញង់បរិហារកេរ្តិ៍ឲ្យប្រព្រឹត្តបទឧក្រិដ្ឋបានសម្រេច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្វីដែលសម្តេចជោរ មិនចាប់អារម្មណ៍នោះគឺពួកអ្នកប្រឆាំងរិះគន់ការដឹកនាំដ៏លាមករបស់ខ្លួន ធ្វើម៉េចហ៊ានស្រែកថា ត្រូវតែចាប់ឃាតករ និងអ្នកពាក់ព័ន្ធឲ្យឃើញ។
សួរតែទណ្ឌិតហេង ពៅ ទៅដឹងហើយ នរណាជាអ្នកបញ្ជា នៅពីក្រោយខ្នង??? សម្តេចជោរប្រហែលជាដេកមិនលក់ រួចចាប់គេចោទថាជាឃាតករហើយមើលទៅ???
ដូចរឿងចាប់សុខ សំអឿន និង ប៊ន សំណាង ដាក់ទោសគ្នាអស់ជិត5ឆ្នាំ ដោយគ្មានសំណងផ្លូវចិត្តសម្បីតែបន្តិច ហើយមន្រ្តីតុលារការ Police គ្មាននរណាមានទោសសោះ?
អញ្ចឹងហើយ ពាក្យចាស់ថា ស្ថិតក្រោមការដឹកនាំដោយមនុស្សពាល សង្គមនឹងពាលាដអីចឹង !
មិនឲ្យសរសើរវៀតណាមម៉េចនឹងកើត បើវៀតណាមរើសបានពូជឆ្កែល្អបំរើម្ចាស់គ្រប់យ៉ាង មិនគិតថាពេលណាជាពេលណាទេ ឲ្យតែបញ្ចាវាខាំមិនរើសមុខទេ។ វៀតណាមថា អាពូជឆ្កែភ្នែក១មិនងាយរកបានទេ!!! ពេលប្រើរួចរាល់ចាំកាប់ស៊ីជាក្រោយ ព្រោះវៀតណាមចូលចិត្តស៊ីសាច់ឆ្កែណាស់!!!!
There are two destinies of people who are against Mr. Hun Sen :
– They are arrested and then sent to prison.
– They are killed and then the killer disappeared
This is a culture of leader in Cambodia. Mr. Hun Sen knows this very well, I think.