ភ្នំពេញ: នៅថ្ងៃទី១៤ ខែតុលា ឆ្នាំ២០១២ ត្រូវនឹងថ្ងៃដាក់បិណ្ឌ ឬកាន់បិណ្ឌទី១៤ គឺមួយថ្ងៃ មុនថ្ងៃបុណ្យភ្ជុំបិណ្ឌ ចរាចរណ៍តាមផ្លូវចេញពីភ្នំពេញ រាងធូរស្រាលបន្តិច ដោយមិនមានការកកស្ទះចរាចរណ៍ខ្លាំងពេក ដូចប៉ុន្មានថ្ងៃមុននេះទេ។ ក៏ប៉ុន្តែផ្លូវជាតិលេខ៦ ពីគល់ស្ពានជ្រោយចង្វារ រហូតដល់ស្ពានព្រែកតាម៉ាក ចរាចរណ៍ ហាក់ដូចជា កកស្ទះ ដោយសារតែផ្លូវនោះ តូចចង្អៀត ហើយការជួសជុលពង្រីកផ្លូវ មិនទាន់រួចរាល់។
ថ្ងៃទី 14 តុលា 2012
ដោយ: លី សិលា
CEN
ចរាចរណ៍ តាមផ្លូវចេញពីភ្នំពេញ ក្នុងពេលបុណ្យភ្ជុំបិណ្ឌ
ចរាចរណ៍កកស្ទះតាមដងផ្លូវដូច្នេះ បានកើតឡើង ពីរបីថ្ងៃមុននេះ ដោយសារតែអ្នករស់នៅភ្នំពេញ ទាំងកម្មកររោងចក្រកាត់ដេរ ជាដើម បានសំរុក ធ្វើដំណើរតាមម៉ូតូ ឡានឈ្នួល ឬឡានផ្ទាល់ខ្លួន ទៅកាន់ស្រុកកំណើត ដើម្បីជួបជុំក្រុមគ្រួសារ ក្នុងរដូវភ្ជុំបិណ្ឌ។
ប៉ូលិស និងប៉េអឹម ជាច្រើននាក់ ត្រូវបានដាក់ពង្រាយ ដើម្បីសម្រួលចរាចរណ៍ ពិសេសនៅតាមផ្លូវជាតិលេខ ៦ ចាប់ពីរង្វង់មូល គល់ស្ពានជ្រោយចង្វារ ហូរហែតាមផ្លូវ ពិសេសនៅត្រើយម្ខាង ខាងព្រែកលៀប។
យ៉ាងណាក៏ដោយ នៅថ្ងៃអាទិត្យ ថ្ងៃទី១៤តុលា ឆ្នាំ២០១២ ចរាចរណ៍លើផ្លូវជាតិលេខ១ ពិសេសនៅសាឡាងអ្នកលឿង គឺមិនកកស្ទះ ដូចកាលពីថ្ងៃទី១០ ថ្ងៃទី១១ ឬថ្ងៃទី១២ ខែតុលា ឆ្នាំ២០១២ ឡើយ។ ប៉ុន្មានថ្ងៃមុននេះ ជាពេលវេលា ដែលក្រុមកម្មករ បានសំរុកចេញពីភ្នំពេញ ទៅកាន់ស្រុកកំណើត ដែលនាំឲ្យកំពង់ចម្លងអ្នកលឿង តាមផ្លូវជាតិលេខ១ ត្រូវកក់ស្ទះ រាប់គីឡូម៉ែត្រ ដើម្បីឆ្លងសាឡាង។
ចំណែកនៅផ្លូវជាតិលេខ២ លេខ៣ លេខ៤ និងផ្លូវជាតិលេខ៥ ដែលជាផ្លូវជាតិសំខាន់ៗ ចេញពីភ្នំពេញ នៅថ្ងៃអាទិត្យ ទី១៤ ខែតុលា ឆ្នាំ២០១២ មិនសូវជាកកស្ទះប៉ុន្មានឡើយ៕
យុទ្ធសាស្រ្ត “បកស្បែកឆ្កែមួយក្បាល ដើម្បីបន្លាចឆ្កែផ្សេងទៀត”