ដីឡូត៌ចំនួនពីរកន្លែងរបស់លោក ណាន់ ស៊ី អតីតរាជទូតខ្មែរ ប្រចាំប្រទេសប្រ៊ុយណេ ត្រូវបានតុលាការក្រុងភ្នំពេញប្រកាសលក់ឡាឡុង តាមរយៈអំណាចសាលក្រមមួយកាលពីខែកុម្ភះ ដែលបានសម្រេចឲ្យក្រសួងការបរទេសឈ្នះ ។
សិលាពល
Friday 19 October 2012
The Free Press Magazine
លោក ណាន់ ស៊ី ដែលកំពុង ត្រូវ បាន តុលាការ ប្រកាស លក់ ឡាយ ឡុង ដី
លោក គី តិច មេធាវីតំណាងឲ្យក្រសួងការបរទេសនៃ រដ្ឋាភិបាលកម្ពុជាបានថ្លែងប្រាប់ក្រុមអ្នករាយការណ៏ព័ត៌មានកាលពីម្សិលមិញថា ” សាលាដំបូងក្រុងភ្នំពេញបានដាក់ឡាយឡុងដីឡូត៌ពីរ កន្លែងរបស់លោក ណាន់ ស៊ី កាលពីសប្ដាហ៏មុន ។តាមសាលក្រមតុលាការការលក់ឡាយឡុងទ្រព្យសម្បត្តិលោក ណាន់ ស៊ី នឹងមានប្រសិទ្ធិភាពរយៈពេលមួយខែ គិតចាប់ផ្ដើមពីពេលនេះទៅ ។ បើសាម៉ីខ្លួនគិតថា តម្លៃនេះ ថោកពេក គាត់អាចទិញយកវិញបាន ”។
បើតាមមេធាវីរូបនេះថា ដីឡូត៌ទាំងពីរកន្លែងនោះមួយកន្លែងមានទីតាំងស្ថិតនៅក្នុងខេត្ត កំពង់ឆ្នាំង និងមួយកន្លែងទៀតស្ថិតនៅក្នុងទីក្រុងភ្នំពេញ ទំហំ១០មx២០ម ដែលអាចលក់បានតម្លៃ៤០ម៉ឺនដុល្លារ។
ការសម្រេចនេះដោយផ្អែកទៅលើសាលក្រមកំបាំងមុខមួយ របស់តុលាការក្រុងភ្នំពេញ ចុះកាលបរិច្ឆេទថ្ងៃទី ២ ខែ កុម្ភៈ ឆ្នាំ ២០១២ ដែលបានសម្រេចឲ្យលោក ណាន់ ស៊ី អាយុ៤៨ឆ្នាំ ជាប់ពន្ធនាគាររយៈពេល៤ឆ្នាំ និង បង្គាប់ឲ្យបង់ប្រាក់ ៤៣២៨៧៦ ដុល្លារ និងសងប្រាក់ជម្ងឺចិត្ត១៥០លានរៀលទៅក្រសួងការបរទេស ។
លោក ណាន់ ស៊ី ត្រូវបានចោទប្រកាន់ដោយក្រសួងការបរទេស ពីការកឹបកេងប្រាក់សាងសង់អគារទូត អំឡុងលោកបំពេញការងារជារាជទូតខ្មែរ ប្រចាំប្រទេសប៊្រុយណេ ៕
ពួកក្រុមបក្សប្រឆាំងឃើញជាក់ស្តែងហើយ អ្នកដែលរត់ចូលទៅCPP ត្រូវតែទទួលលទ្ធផលបែបនេះ។
បន្តិចទៀតមានជាបន្តបន្ទាប់ ដូចជា បង កែវ រេមី និង ផៃស៊ីផានជាដើម។ ទម្រាំតែកាត់ទោសក្រុមប្រឆាំងដែលរត់ចូលអស់់ CPP លាងខ្លួនស្អាតចែស។
យួនចូលពេញស្រុក។