ភ្នំពេញៈ ពិធីការិនីឯករាជ្យ ដែលលេចមុខ ស្ទើរគ្រប់កញ្ចក់ទូរទស្សន៍ នឹងតែងមានវត្តមាន ក្នុងកម្មវិធីតំណាងជាតិធំៗនៅក្រៅស្រុកក្នុងកម្មវិធីទេសចរណ៍ អាស៊ាន នាង ឌួង ហ្សូរីដា បានពោលទាំងអារម្មណ៍ក្តុកក្តួលថា ជាតិនេះនាងស្ដាយដែលគ្មានវាសនា បានចូលគាល់ព្រះករុណា ព្រះបាទសម្ដេច នរោត្តម សីហនុ ដោយផ្ទាល់នោះ។
Tuesday, 23 October 2012
ស៊ូ វុទ្ធី
ភ្នំពេញ ប៉ុស្តិ៍
ឌួង ហ្សូរីដា ក្នុងកម្មវិធីសម្ពោធទូរស័ព្ទកន្លងទៅនេះ។ រូបថត ឈឹម ស្រីនាង
កញ្ញា ឌួង ហ្សូរីដា បានពោលទាំងអណ្តឺតអណ្តកថា៖ «នាងត្រូវមានសំណាងបានចូលគាល់ និងបានថ្វាយបង្គំមុខព្រះភក្ត្រព្រះអង្គ តាំងពីមុនចូលសិល្បៈម្ល៉េះ»។
កញ្ញា ឌួង ហ្សូរីដា បានរំឭកថា៖«លោកប៉ានាងគឺជាវេជ្ជបណ្ឌិតម្នាក់ ដែលធ្វើការនៅក្នុងក្រសួងសុខាភិបាល ហើយគាត់ក៏ជាមនុស្សម្នាក់មានទំនាក់ទំនងការងារក្នុងព្រះបរមរា ជវាំងដែរ។ ពេលនោះខ្ញុំតែងសុំឲ្យគាត់នាំខ្ញុំចូលវាំង នឹងបានចូលគាល់ក្រាបថ្វាយបង្គំព្រះអង្គ ដោយផ្ទាល់ តែពេលនោះលោក បានប្រាប់ថាបើកូនចង់ចូលគាល់ព្រះអង្គនោះ មិនជាពិបាកទេ ប៉ានឹងជូនទៅ តែសូមកូនខំរៀនភាសាបារាំងឲ្យចេះសិនទៅ»។
ពិធីការិនី ដែលរៀនចប់ថ្នាក់អនុបណ្ឌិត ផ្នែកគ្រប់គ្រង នាងឌួង ហ្សូរីដា បានបញ្ជាក់ថា៖ «លោកប៉ាខ្ញុំ បានប្រាប់ខ្ញុំថា ព្រះបាទសម្តេច នរោត្តម សីហនុ ទ្រង់ចូលចិត្តអ្នកដែលចេះភាសា បារាំងណាស់ ហើយទ្រង់ក៏ចូលចិត្តនិយាយភាសាបារាំងជាមួយអ្នកនោះណាស់ដែរ ពិសេសក្មេងៗ ដូច្នេះលោកប៉ាគាត់ក៏ឲ្យខ្ញុំរៀនភាសាបារាំង ដើម្បីបានចូលគាល់ទ្រង់ហើយនឹងបានទូលថ្វាយព្រះអង្គជាភាសា បារាំង»។
កញ្ញា ឌួង ហ្សូរីដា ប្រាប់ថា ក្រោយពីលោកប៉ានាងប្រាប់ដូចនេះ បានខិតខំរៀនភាសាបារាំង រហូតចេះចាំសរសេរ និងនិយាយបានច្រើនគួរសម ហើយតែងគិតថា ថ្ងៃណាមួយនឹងបានទូលថ្វាយព្រះអង្គដោយប្រើភាសាបារាំងនេះ ប៉ុន្តែក្តីសង្ឃឹមនោះត្រូវបានបញ្ចប់ក្រោយពេលដែលឪពុករបស់នាង ចែកឋានទៅ។
កញ្ញា ឌួង ហ្សូរីដា បានប្រាប់ថា៖ «លោកប៉ារបស់ខ្ញុំស្លាប់នៅក្នុងឆ្នាំ២០០០ ក្នុងវ័យ៤៩ឆ្នាំ ដោយជំងឺមហារីកតម្រង់នោម ដែលកាលនោះខ្ញុំមានអាយុមិនទាន់២០ឆ្នាំ និងមិនទាន់ចូលប្រឡូកក្នុងវិថីសិល្បៈនេះទេ»។
ប៉ុន្តែនាងប្រាប់ ថា៖ «ដោយមហិច្ឆតា និងក្ដីប្រាថ្នាចង់និយាយភាសាបារាំងជាមួយព្រះកុណា ខ្ញុំក៏បានទទួលចំណេះដឹងផ្នែកភាសាបារាំងខ្លះផងដែរ»។
យ៉ាង ណាក៏ដោយ ការខកខានមិនចូលគាល់ព្រះអង្គកាលនោះ នៅមិនឲ្យនាងអស់សង្ឃឹម នោះឡើយ ហើយកាលនោះនាងតែងគិតថា ថ្ងៃណាមួយនឹងបានចូលគាល់ទ្រង់មិនខាន។
ឌួង ហ្សូរីដា បានបន្តថា នាងចាប់ផ្តើមមានសង្ឃឹមជាថ្មីម្តងទៀតក្រោយ ពេលដែលនាងបានប្រឡូកក្នុងវិថីសិល្បៈ និងទទួលបានប្រជាប្រិយភាពគួរសម ហើយស្របពេលនេះ នាងក៏បានឃើញសិល្បៈករ សិល្បការិនីខ្មែរយើងជាហូរហែ តែងទទួលបានរាជានុញ្ញាត ចូលគាល់ និងថតសម្តែងភាពយន្តថ្វាយព្រះអង្គ។
សម្រាប់ ពិធីការិនីរូប និងតារាភាពយន្តរូបនេះ កន្លងមកនាងតែងស្រមៃថា ថ្ងៃណាមួយនឹងដល់វេនរូបនាងម្តង ដែលត្រូវបានរាជានុញ្ញាត មហាកិត្តិយសពីព្រះមហាវរក្សត្រ ឲ្យបានថតខ្សែភាពយន្ត និងចូលគាល់ព្រះអង្គដោយផ្ទាល់ជាមិនខាន។
ប៉ុន្តែដោយក្ដីខកខាន កញ្ញា ឌួង ហ្សួរីដា បានថ្លែងទាំងអួលដើមកថា៖ «ពេលនេះខ្ញុំអស់ឱកាសនឹងបានគាល់ទ្រង់ទៀតហើយ ខណៈដែលទ្រង់បានយាងចូលទិវង្គតចោលរូបខ្ញុំ ក៏ដូចជាប្រជារាស្រ្តឯទៀតនោះទៅហើយ»។
ក្រៅពីភាពអស់សង្ឃឹម ប្រធានក្រុមបង្ហាញម៉ូដស៊ុបភើរម៉ូដែលរូបនេះ ក៏បានប្រាប់ឲ្យដឹងផងដែរ ការយាងចូលទិវង្គតរបស់ព្រះមហាវរក្សត្រ នរោត្តម សីហនុ ដ្បិតថា រូបនាងក៏ដូចជាក្រុមគ្រួសារមិនមានអនុស្សាវរីយ៍ជិតដិតជា មួយទ្រង់ក៏ដោយ តែក្រុមគ្រសារនាងទាំងមូលបានប្រកាស់កាន់ទុក្ខក្នុងសម្លៀក បំពាក់ អាវស សំពត់ខ្មៅ រយៈពេលមួយសប្តាហ៍ និងបួងសួងសូមឲ្យវិញ្ញាណក្ខន្ធទ្រង់បានយាងទៅឋានសួគ៌ឋាន ឋានព្រហ្មនឹងសូមឲ្យវិញ្ញាណក្ខន្ធព្រះជួយថែរក្សាកូនចៅផងដែរ។
កញ្ញា ក៏បានបួងសួងថា៖ «សូមកើតជាតិក្រោយបានរស់ក្រោមម្លប់សុខរបស់ព្រះអង្គ និងសូមបានជួបព្រះអង្គដោយផ្ទាល់ម្តង កុំឲ្យរំលងដូចជាតិនេះ»៕
ស្រីក្រមំម្នាក់នេះត្រគាកធំម្លេះ? សង្ស័យតែបែកក្រឡប្រហុកវ៉ល់បាត់ទៅហើយ
ស្រីមុខកញ្ចាស់នេះ និយាយយកចំនេញទេ តាមពិតបានជេរប្រមាថគេរហូតដល់គេប្តឹងឡើងតុលាការថ្មីៗនេះទេ។ កុំចង់ទាញប្រជាប្រិយតាមការធ្វើបែបនេះ ស្មានតែខ្លួនមានតំលៃនៅហ្ស៊ីន??? ជឿទេ???
កុំទោមនស្សចំពោះភាពអាក់ខាន ឬ គ្មានវាសនាបានចូលគាល់សម្តេចតា អីនាងអើុយ!
ចូរខំសាងតែកុសលទៅបានហើយ ផ្ទុយទៅវិញបើនាងបានចូលគាល់ទ្រង់ ហើយនៅតែ
ប្រព្រឹត្តអំពើអាក្រក់ជាដដែលនោះ ព្រលឹងស្តេចល្ខោនអង្គនេះ ក៏មិនអាចជួយនាងបានដែរ
គ្រាន់តែចូលគាល់សម្តេចតា ចាំបាច់ចេះភាសាបារាំង! ចឹងភាសាខ្មែរយើងអន់ណាសទៅឬ? លោកប៉ារបស់នាង
មានន័យផ្សេងទេ នាងយល់ច្រឡំធំហើយ!! ។
ចង់គាល់ស្តេចតា ឬ ស្តេចកូន ? នាងចេះរាំអប្សរាទេ? បើចេះ កូនរិតអូខេ………….
បើនៅក្រមុំ ហ៊ាលភ្នាល់ដាក់ជីវិត ! ធ្វើឬកឯងដូចអ្នកល្អណាស់អពា្ចឹង ចាយលុយលោកឧកពា្ញា៉សោះហ្នឹងអាស់ ។៕