មេធាវីការពារក្តីឲភរិយាលោក ជា វិជ្ជា អតីតប្រធានសហជីពកម្មករសេរីនៃព្រះរាជាណាចក្រកម្ពុជា បានឲដឹងថា នៅថ្ងៃអង្គារ៍ ទី ៦ កញ្ញានេះថា សាលាឧទ្ធរណ៍ នឹងបើកការជំនុំជម្រះឡើងវិញលើរឿងក្តីរបស់លោក ជា វិជ្ជានៅព្រឹកថ្ងៃ ពុធ ទី ៧ ខែវិច្ឆិកា ឆ្នាំ២០១២នេះ។
Tuesday, 06 November 2012
ប៊ុត រស្មីគង្គា
ភ្នំពេញ ប៉ុស្តិ៍
លោក កៅ ទី មេធាវីការពារក្តីឲ្យភរិយាលោក ជា វិជ្ជា ។ រូបថត ប៊ុត រស្មីគង្គា
លោក កៅ ទី មេធាវីការពារក្តីឲ្យអ្នកស្រី ជា គឹមនី ភរិយារបស់លោក ជា វិជ្ជា បានថ្លែងថា កូនក្តីរបស់លោក បាននឹងកំពុងរង់ចាំយុត្តិធម៌ឲ្យស្វាមីរបស់គាត់អស់រយៈពេលជាច្រើនឆ្នាំមកហើយ ៗ សង្ឃឺមថា សាលាឧទ្ធរណ៍ នឹងស្វែងរកឃាតករពិតប្រាកដ និងយុត្តិធម៌ជូនស្វាមីគាត់នៅក្នុងរឿងក្តីនេះ។
លោក មេធាវី កៅ ទី បានប្រាប់ភ្នំពេញប៉ុស្តិ៍ថា៖ «កូនក្តីរបស់ខ្ញុំ បាននិងកំពុងរងចាំយុត្តិធម៌ឲ្យស្វាមីរបស់គាត់អស់រយៈពេលជាច្រើនឆ្នាំមកហើយ។ ខ្ញុំ សង្ឃឺមថា សាលាឧទ្ធរណ៍ នឹងរកឃាតករពិតប្រាកដ និងយុត្តិធម៌ជូនគាត់នៅក្នុងរឿងក្តីនេះ»។
ចំណែកឯ លោក ជា មុនី ប្អូនប្រុសរបស់លោក ជា វិជ្ជា និងជាប្រធានសហជីពកម្មករសេរីនៃព្រះរាជាណាចក្រកម្ពុជា បាមមានប្រសាសន៍ថា លោក ប៊ន សំណាង និងលោក សុខ សំអឿន មិនមែនជាឃាតករពិតប្រាកដដែលបានសម្លាប់បងប្រុសរបស់លោកឈ្មោះ លោក ជា វិជ្ជា កាលពីឆ្នាំ២០០៤ទេ។
លោក បានបញ្ជាក់ថា៖«រូបខ្ញុំផ្ទាល់៩៩ភាគរយមិនជឿលើប្រព័ន្ធតុលាការស្រុកខ្មែរទេ។ ដូច្នេះខ្ញុំ មិនសង្ឃឺមថា សាលាឧទ្ធរណ៍ នឹងអាចស្វែងរកការពិត និងយុត្តិធម៌សម្រាប់បងប្រុសរបស់ខ្ញុំក្នុងរឿងក្តីនេះដែរ»។
គួរបញ្ជាក់ថា ជនជាប់ចោទ ប៊ន សំណាង និងលោក សុខ សំអឿន ត្រូវបានចាប់ខ្លួន និងត្រូវផ្តន្ទាទោសដោយសាលាដំបូងរាជធានីភ្នំពេញឲ្យជាប់ពន្ធនាគារ២០ឆ្នាំក្នុងម្នាក់ៗក្រោមការចោទប្រកាន់ពីបទឃាតកម្មគិតទុកជាមុនលើអតីតប្រធានសហជីបលោក ជា វិជ្ជា កាលពីឆ្នាំ២០០៤។ ពួកគេ ត្រូវបានដោះលែងដោយតុលាការកំពូលឲ្យនៅក្រៅឃុំបណ្តោះអាសន្នកាលពីថ្ងៃទី៣១ ខែធ្នូ ឆ្នាំ២០០៨៕
លោក ដុល្លារការ