ភ្នំពេញៈ ហាក់ដូចជាមិនចង់ឲ្យចាញ់ចិត្តតារាស្រករក្រោយដែលបានដឹកដៃគ្នា ចូលរោងការជាហូរហែនោះ ពិធីការិនីជើងខ្លាំងអ្នកនាង គង់ សុជាតិ ដែលរស់នៅម្នាក់ឯងជាមេម៉ាយសាច់ខ្ចីអស់រយៈពេលជាច្រើនឆ្នាំ នោះ បានបង្ហើបប្រាប់នៅក្នុងពិធីមង្គលការរបស់ពិធីការិនី សុខ សោម៉ាវត្តី ថា អ្នកនាងជិតចូលរោងការដែរហើយ។ ប៉ុន្តែសម្តីដែលបានបង្ហើរចេញពីមាត់ពិធីការិនីរូបនេះមិនដឹងជា ពិតប៉ុន្មានភាគរយឡើយ ខណៈដែលសម្តីរបៀបនេះ គេធ្លាប់បានឮប៉ុន្មានដងរួចមកហើយ។
Friday, 30 November 2012
សេត គឹមសឿន
ភ្នំពេញ ប៉ុស្តិ៍
ពិធីការិនីជើងចាស់អ្នកនាង គង់ សុជាតិ។ រូបថត សេត គឹមសឿន
បន្ទាប់ពីបែកបាក់ស្វាមី ទី១ គឺលោក ម៉ៅ សាលភាព អស់រយៈពេលជាច្រើនឆ្នាំ មួយរយៈចុងក្រោយនេះ ចំណងស្នេហ៍ទី២របស់ពិធីការិនីចាស់វស្សា គង់ សុជាតិ ត្រូវបានគេលើកយកមកនិយាយដូចប្រកាសដាក់មេក្រូម្តងជាមួយបុរស ម្នាក់នេះម្តងម្នាក់នោះ ហើយជាញឹកញយគេតែងបានឮចេញពីមាត់របស់នាងថា រូបនាងជិតរៀបការជាលើកទី២ហើយ។
ដោយមិនសូវសម្តែងភាពស្និទ្ធស្នាលដូចមុនជាមួយនឹងពិធីករ ជា វិបុល នៅពេលចូលរួមមង្គលការ សុខ សោម៉ាវត្តី នោះ អ្នកនាង គង់ សុជាតិ បង្ហើបឲ្យដឹងថា នាងក៏ជិតដល់ពេលចូលរោងការដែរហើយ ហើយគម្រោងទទួលយកជីវិតអាពាហ៍ពិពាហ៍ជាលើកទី២នេះ អាចនឹងកើតឡើងនៅដើមឆ្នាំ២០១៣ខាងមុខនេះ។
យ៉ាងណាមិញប្រិយមិត្តហាក់ដូចជាមិនទាន់ជឿនាងនៅឡើយ ទោះបីជានាងបញ្ជាក់ប្រកបដោយភាពប្រាកដប្រជាថា៖ «កុំថារៀបការតែសុខ សោម៉ាវត្តី ចំណែកខ្ញុំក៏ជិតរៀបការដែរ ហើយបន្តិចទៀតគឺពិតជាភ្ញាក់ផ្អើលមិនខាន»។
ការលើកឡើងបែប នេះ គេមិនទាន់ដឹងថា អនាគតស្វាមីរបស់ពិធីការិនីប៉ុស្តិ៍លេខ៣ អ្នកនាង គង់ សុជាតិ ជាមនុស្សស្អាតបាត ឬក៏មានរូបរាងសង្ហាប៉ុនណានៅឡើយ ខណៈដែលកន្លងមកបុរសជាច្រើនត្រូវបានគេផ្គូផ្គងស្នេហាចំពោះអ្នក សិល្បៈរូបនេះ ដោយបូករួមទាំងលោក ជា វិបុល ទៀតផងនោះ។ ទោះបីជាយ៉ាងណា ទស្សនិកជនដែលតែងតាមដានជីវិតស្នេហារបស់តារារូបនេះកំពុងរង់ចាំ មើលថា តើសម្តីចេញពីមាត់របស់អ្នកនាង សុជាតិ ថា នាងនឹងរៀបការនៅពេលដ៏ឆាប់ៗខាងមុខនោះ ជារឿងពិត ឬយ៉ាងណា។ តែអ្នកគាំទ្រអ្នកសិល្បៈជើងចាស់រូបនេះ នៅតែមានក្តីបារម្ភខ្លាចក្រែងសម្តីនេះគ្រាន់តែជាផេះផង់ ខណៈដែលទាក់ទងសួរបន្ថែមតាមទូរស័ព្ទ មិនអាចទទួលការហៅចូលបានកាលពីម្សិលមិញ៕
នៅទំនេយូរជូរមាត់ឬសុជាតិអូន?
ដើមទ្រូងស្អាតណាស់ទំហំក៍ត្រូវខ្នាតល្អដែរតែកុំប្រថុយប្រថានឆាប់ពេក គឺត្រូវប្រើពេលយូរបន្តិច
ប្រុសសម័យនេះមានល្បិចច្រើនមិនចាញ់ស្រីហក់លោតប៉ុន្មានទេណាអូន.
សឹមពុកុំបំបោល គង់បានដល់ដូចបំណងណា៎អូន.គឺអាចរួមរស់ជាមួយគ្នា១ជីវិត។
Na kne trov ja Srey art art cal this number 016657595 !