ភ្នំពេញ: នៅថ្ងៃទី២ នៃពិធីបុណ្យចូលឆ្នាំចិន រយៈពេល ៣ ថ្ងៃ ចាប់ពីថ្ងៃអាទិត្យ គឺនៅថ្ងៃចន្ទនេះ ហាងទំនិញ ក្រុមហ៊ុន សាលារៀនឯកជន និងភោជនីយដ្ឋានមួយចំនួន បន្តបិទទ្វារ នៅក្នុងរាជធានីភ្នំពេញ។ រីឯចរាចរណ៍នៅភ្នំពេញក៏មិនសូវជាកកស្ទះ ដូចថ្ងៃធម្មតាឡើយ។
ថ្ងៃទី 11 កុម្ភៈ 2013
ដោយ: លី សិលា
CEN
តាមទំនៀមទម្លាប់ បងប្អូនកូនចៅចិន និងខ្មែរកាត់ចិន ត្រូវឈប់សម្រាក ចាប់តាំងពីថ្ងៃសែន ដែលនៅឆ្នាំនេះ ត្រូវនឹងថ្ងៃសៅរ៍ ទី៩កុម្ភៈ ឆ្នាំ២០១៣។ ក្នុងរយៈពេលបីថ្ងៃ ជាពិធីបុណ្យចូលឆ្នាំចិន ដែលនៅឆ្នាំនេះគិតចាប់ពីថ្ងៃអាទិត្យ រហូតដល់ថ្ងៃអង្គារ។ ដូច្នេះ ហាងទំនិញ ក្រុមហ៊ុន សាលារៀនឯកជន និងភោជនីយដ្ឋាន ដែលបានបិទទ្វារទាំងនោះ នឹងបើកដំណើរការឡើងវិញនៅថ្ងៃពុធ ទី១៣ ខែកុម្ភៈ ឆ្នាំ២០១៣។
កាលពីថ្ងៃសៅរ៍ ទី៩កុម្ភៈ ឆ្នាំ២០១៣ ដែលជាថ្ងៃសែន គឺនៅស្ទើរតែគ្រប់ផ្ទះ ពិសេសនៅភ្នំពេញ ប្រជាពលរដ្ឋបានរៀបចំសែនព្រេន តាមប្រពៃណីជនជាតិចិន និងវៀតណាម។ ពលរដ្ឋខ្មែរភាគច្រើនក៏បានរៀបចំពិធីសែនព្រេន ក្នុងរដូវបុណ្យចូលឆ្នាំចិននេះផងដែរ។
ដោយឡែកសម្រាប់មន្ទីរ ស្ថាប័នរដ្ឋ បានបើកទ្វារធ្វើការជាធម្មតា តែក៏មានមន្ត្រីមួយចំនួន ដែលមានសែស្រឡាយកាត់ចិន បន្តឈប់សម្រាកដូចបងប្អូនចិនផងដែរ ក្នុងរយៈពេល ៣ ថ្ងៃ នៃពិធីបុណ្យចូលឆ្នាំចិន-វៀតណាម ពេលនេះ៕ S
ខ្សែស្រលាយមន្រ្តីរាជការថ្នាក់ធំនិងអ្នកមានអំនាចភាគច្រើនគឺកាត់ចិន។ ដូច្នេះហើយទ្រាំទៅឈរយាមឈរបង្រៀននិងឈរធ្វើការទៅចំពោះបងប្អូនបុគ្គលិគ មន្រ្តីរាជាការតូចតាច កុំតូចចិត្តអី ស្រុកនេះគេមិនដែលយកច្បាប់ជាធំទេ មានតែអំណាចនឹងលុយទេដែលជាច្បាប់ក្នុងស្រុកនេះ ។
៣៥១ ហាស ហា ហាស ។ ហ៊ុន សែន ក៏៣៥១ ដែរ ហាស ហាស ហាស មានតែយួនទេដែលរួចផុត ពីការដាក់ងារដើម្បីតាមដានក្រុមជនជាតិភាគតិច ហ្នឺងអនិជនបរទេសនៅស្រុកខ្មែរ ហាស ហា ហាស