បន្ចាប់ពីស្ដ្រីវ័យ២៧ឆ្នាំម្នាក់បានសម្រាលកូននៅតាមផ្លូវ ក្រោយពេលនាងជិះម៉ូតូឌុបទៅមន្ទីរ ពេទ្យបង្អែកសម្ដេច ឪគីឡូម៉ែត្រ លេខ៦ ហើយត្រូវគ្រូពេទ្យប្រាប់ថាអត់មានពេទ្យ ប្រចាំការទេ កាលពីថ្ងៃទី ១២ កុម្ភៈ។
ដោយ៖ វឍ្ឍតី
Thursday 14 February 2013
The Free Press Magazine
ស្រ្តីដែលបាន សម្រាលកូន នៅលើផ្លូវរទេះភ្លើង កាលពីថ្ងៃ ទី១២ កុម្ភៈ។
ក្រសួងសុខាភិក៏បានបង្កើតគណៈកម្មការចម្រុះមួយដើម្បីស្រាវជ្រាវ និងស៊ើបអង្កេត នៅមន្ទីរពេទ្យបង្អែកសម្ដេចឳ ស្ថិតក្នុងសង្កាត់គីឡូម៉ែត្រលេខ៦ ខណ្ឌ ឫស្សីកែវ ក្នុងករណីចោទប្រកាន់ថា ពេទ្យឆ្មបបដិសេធមិនទទួលសម្រាលកូនឲ្យស្ត្រី អ្នកលក់លៀសហាលម្នាក់នោះ។
ការបង្កើតគណៈកម្មការនេះ គឺបន្ទាប់ពីស្ត្រីម្នាក់ឈ្មោះ ជា ចែត អាយុ ២៧ឆ្នាំ រស់នៅភូមិក្រោលគោ សង្កាត់គីឡូម៉ែត្រលេខ៦ មានមុខរបរជាអ្នកលក់លៀសហាល បានឈឺពោះគ្រប់ខែសម្រាលកូនទី៣ ទៅមន្ទីរពេទ្យបង្អែកសម្ដេចឳ ហើយគ្រូពេទ្យប្រចាំការបានដេញឲ្យនាងទៅសម្រាលកូននៅមន្ទីរពេទ្យផ្សេង ទើបនាងត្រឡប់មកផ្ទះវិញក៏សម្រាលកូនស្រីម្នាក់នៅលើផ្លូវរថភ្លើង កាលពីថ្ងៃចន្ចដើមសបា្តហ៏នេះ ។
លោក សុខ សុគន្ធ ប្រធានមន្ទីរសុខាភិបាលរាជធានីភ្នំពេញថ្លែង កាលពីល្ងាចថ្ងៃទី១៣ ខែកុម្ភៈ ឆ្នាំ២០១៣នេះថា ការបង្កើតគណៈកម្មការត្រួតពិនិត្យនេះ គឺមានការចូលរួមពីគ្រប់សមាសភាពជំនាញ ដើម្បីរកកំហុសជាក់ស្ដែងចាត់វិធានការជាបន្ទាន់ ជៀសវាងកុំឲ្យមានគ្រូពេទ្យមិនគោរពក្រមសីលធម៌ និងវិជ្ជាជីវៈ។
លោកបន្តថា មន្ទីរសុខាភិបាលបានបង្កើតគណៈកម្មការចម្រុះមួយដែលមានក្រុមប្រឹក្សាវិន័យ ដែលក្នុងនោះមានឆ្មប មន្ត្រីបច្ចេកទេសរដ្ឋបាល បានចុះទៅស្រាវជ្រាវដល់មន្ទីរពេទ្យបង្អែកសម្ដេចឪគីឡូម៉ែត្រលេខ៦ ដើម្បីរកឲ្យដឹងមូលហេតុនិងបូកសរុបលទ្ធផលចង់ដឹងថា តើព័ត៌មានដែលបានផ្សព្វផ្សាយនានានោះពិតឬមួយយ៉ាងណា? បន្ទាប់មកយើងនឹងមានចំណាត់ការបន្តទៅលើបុគ្គលិកប្រចាំការនោះទៅតាមច្បាប់រដ្ឋបាល។
សូមរំលឺកថា ស្ដ្រីដែលសម្រាលកូនគួរឱ្យអាណិតអាសូរនេះឈ្មោះជា ចែត អាយុ ២៧ឆ្នាំ មានប្ដីឈ្មោះឌី ប្រកបមុខរបរលក់លៀសហាល មានទីលំ នៅផ្លូវរទេះភ្លើង ស្ថិតនៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។ នៅព្រឹកថ្ងៃ ទី១១កុម្ភៈ២០១៣ គាត់បានឈឺពោះយ៉ាងខ្លាំងក៏បានជិះម៉ូតូឌុបទៅមន្ទីរពេទ្យបង្អែកសម្ដេចឪ នៅសង្កាត់គីឡូម៉ែត្រ លេខ៦ ដែលស្ថិតនៅក្បែរនោះ ។ ពេលទៅដល់មន្ទីរពេទ្យបង្អែកសម្ដេចឪគ្រូពេទ្យនៅទីនោះប្រាប់គាត់ថា គ្មានពេទ្យឆ្មបប្រចាំការទេ។ ដោយគ្មានជម្រើស នាង “ជា ចែត ” ក៏បានឡើងជិះម៉ូតូឌុបវិលត្រឡប់ទៅផ្ទះវិពា្ញ ដល់ចំណុចផ្លូវរទេះភ្លើង ទ្រាំមិនបានក៏ឱ្យម៉ូតូឌុបឈប់ គ្រាន់តែចុះពីលើម៉ូតូក៏សម្រាលកូនតែម្ដងទៅ។ ភ្លាមនោះប្រជាពលរដ្ឋចិត្ដធម៌ចាស់ទុំនៅក្បែរនោះក៏មកជួយជ្រោមជ្រែង កូនដែលនាងចែតសម្រាលមកជាកូនស្រី ត្រូវបានអ្នកស្រុកលាងទឹករៀបចំឱ្យ ហើយក៏ប្រញាប់ហៅរថយន្ដសង្គ្រោះដឹកយកទៅមន្ទីរពេទ្យកាល់ម៉ែត្រ៕
It is very sad to see this happening to my poor people in the Cambodia.
Doctor had refused to help delivery her baby because she was so poor.
As known as this cuture deasease has been happening in Cambodia
without care from nobody to help cure this deasease inside the country.
ពេទ្យអត់យកលុយថ្លៃព្យាបាលពីអ្នកជំងឺទេ តែអត់មានTip បង់មុនអត់យកចិត្តទុកដាក់។ មិនដឹងជាគ្រូពេទ្យអស់ហ្នឹង ម៉ែ ឪ វាអត់ចេះងាប់ទេអី?
មិនចាំបាច់ប្រើពេលយូរក្នុងការសេីុបអង្កេតនោះទេ រឿងការរើសអើងរបស់គ្រូពេទ្យលើអ្នកក្រីក្រ
នៅសម័យឥឡូវមានរបាយការណ៍ដឹកមួយកុងតន័រឡាន ក៍មិនអស់ផង។
រឿងក្រមសិលធម៌នៅស្រុកខ្មែរគ្មានចាំបាច់សើបអង្កេតទេ វាកើតមានឡើងសឹងគ្រប់ស្ថាប័ណ្ណ
រដ្ឋនិងក្រសួង ព្រោះក្រមសិលធម៌វិជ្ជាជីវះវាទាក់ទងនិងអំពើពុករលួយ បើអ្នកគ្មានលុយ គឺគ្មានសេវ៉ាព្យាបាល ដ៍រាបណារដ្ឋាភិបាលអសមត្តភាពក្នុងការបង្ក្រាបអំពើពុករលួយ បញ្ហាគឺនៅតែមាន។