លោក ប៉ុល សារឿន អគ្គបញ្ជាការកងទ័ពជើងគោក នៃកងយោធពលខេមរភូមិន្ទនៅថ្ងៃទី២៧ ខែមីនា បានចេញសេចក្តីជូនដំណឹងស្តីពីការចាត់តាំងបាញ់គ្រាប់ពិតកាំភ្លើងប្រតិកម្ម BM-21 និងកាំភ្លើងធំ១៣០ម.ម នៅតំបន់ ACO ដើម្បីកុំឲ្យប្រជាពលរដ្ឋដែលរស់នៅក្បែរទីតាំងបាញ់គ្រាប់ពិតនេះ មានការភ្ញាក់ផ្អើលរាល់សំឡេង ស្នូរ នៃកាំភ្លើង។
វ.វឍ្ឍតី
Thursday 28 March 2013
The Free Press Magazine
យោងតាមសេចក្តីជូនដំណឹងអគ្គបញ្ជាការ នៃកងយោធពលខេមរភូមិ នៅថ្ងៃទី២៧ ខែមីនា ឆ្នាំ២០១៣ ដែលមានបោះត្រា និងចុះហត្ថលេខាដោយលោកនាយឧត្តមសេនីយ៍ ប៉ុល សារឿន បានបព្ជាក់ថា អគ្គបញ្ជាការ នៃកងយោធពលខេមរភូមិសូមជម្រាបជូនដំណឹងដល់ អស់លោក លោកស្រី ប្រជាពលរដ្ឋនៅគ្រប់ក្រសួង ស្ថាប័ន និងអាជ្ញាធរដែនដីក្នុងរាជធានីភ្នំពេញ ខេត្តកំពង់ស្ពឺ ខេត្តកណ្តាល និងខេត្តតាកែវ ព្រមទាំងរដ្ឋលេខាធិការអាកាសចរណ៍ស៊ីវិលឲ្យបានជ្រាបថា ៖ អគ្គបញ្ជាការនៃកងយោធពលខេមរភូមិន្ទ នឹងធ្វើលំហាត់បាញ់គ្រាប់ពិតកាំភ្លើងប្រតិកម្ម BM-21និងកាំភ្លើងធំ១៣០មមរយៈចំងាយឆ្ងាយនៅតំបន់ ACO ស្រុកភ្នំស្រុកខេត្តកំពង់ស្ពឺ មកតំបន់ភ្នំចង្អោធំជាប់ព្រំប្រទល់បីស្រុក គឺស្រុកបសេដ្ឋ ស្រុកភ្នំស្រួច និងស្រុកសំរោងទង ខេត្តកំពង់ស្ពឺ នៅថ្ងៃទី១-២ខែមេសា ឆ្នាំ២០១៣ខាងមុននេះ។
អាស្រ័យដូចបានជម្រាបជូនខាងលើនេះ សូម អស់លោក លោកស្រី ប្រជាពលរដ្ឋនៅគ្រប់ក្រសួង ស្ថាប័ន និងអាជ្ញាធរដែនដីគ្រប់ថ្នាក់មេត្តាជ្រាប និងកុំមានការភ្ញាក់ផ្អើលរាល់សំឡេង ស្នូរ នៃកាំភ្លើង ព្រមទាំងធ្វើការហាមឃាត់ការចូល និងការហោះហើរឆ្លងកាត់តំបន់ខាងលើ ដោយប្រការណាមួយតាមកាលបរិច្ឆេទខាងលើជាដាច់ខាត។
អគ្គបញ្ជាការ នៃកងយោធពលខេមរភូមិ សង្ឃឹម និងជឿទុកចិត្តរាល់កិច្ចសហប្រតិបត្តិការទាំងឡាយដែលពាក់ព័ន្ធដល់ការបាញ់សាកល្បងកាំភ្លើងប្រតិកម្ម BM-21 និងកាំភ្លើងធំ១៣០មមនេះ ឲ្យប្រព្រឹត្តទៅបានទទួលជោគជ័យ និងធានាសុវត្ថិភាពខ្ពស់៕
វាស្រដៀងនឹងកូរ៉េខាងជើង ខ្លួនឯងកំពុងក្រតែយកលុយទៅបំផ្លាញ ឬចង់គំរាមប្រជាពលរដ្ឋឲ្យមានភាពបាក់ស្បាត?