Tuesday, 02 April 2013
ឈឹម ស្រីនាង
ភ្នំពេញ ប៉ុស្តិ៍
ភ្នំពេញ : សហការរៀបចំឡើងដោយអង្គការស្នាមញញឹមនៃកុមារ និងក្រសួងទេសចរណ៍នៃព្រះរាជាណាចក្រកម្ពុជា ម្ហូបប្រចាំខេត្តនិងតំបន់នានាជាច្រើន ត្រូវបានលើកយកមកបង្ហាញនៅ «ពិធីបង្ហាញម្ហូបអាហារខ្មែរ» ឯពហុកីឡដ្ឋានជាតិអូឡាំពិក កាលពីថ្ងៃសុក្រ និងសៅរ៍ចុងសប្ដាហ៍មុនជាមួយនឹងវត្តមានអ្នកចូលរួមទស្សនា និងភ្លក្សម្ហូបអាហារយ៉ាងកកកុញ។
ក្នុងចំណោមមុខម្ហូបទាំងនោះ ភ្លាផ្លិតឃ្មុំ ដែលជាម្ហូបប្រចាំខេត្តកំពង់ស្ពឺ បានទាក់ទាញមនុស្សម្នាឲ្យចូលភ្លក្សនិងថតរូប ដោយសារតែឈ្មោះ និងរសជាតិអាហារគួរឲ្យចាប់អារម្មណ៍ជាងគេ។
គ្រឿងផ្សំរបស់ភ្លា ផ្លិតឃ្មុំរួមមាន : ផ្លិតឃ្មុំកូនខ្ចី ទឹកដូង ខ្ទិះដូង ក្រូចឆ្មារ ទឹកត្រី ម្ទេស ស្ករស ប៊ីចេង ខ្ទឹមស ស្លឹកគ្រៃ និងខ្ទឹមក្រហម។
ចំណែកឯបន្លែញ៉ាំផ្ទាប់ជាមួយភ្លាមានដូចជា : ការ៉ុត ត្រយូងចេក ស្ពៃក្ដោប និងជីរគ្រប់មុខ។
វិធីចម្អិន : ដំបូងត្រូវធ្វើទឹកត្រីកោះកុង ដោយបុកខ្ទឹមស និងម្ទេសចូលគ្នារួចទុកមួយអន្លើសិន។ ខ្ទិះដូងត្រូវយកទៅរម្ងាស់ រួចចាក់គ្រឿងខ្ទឹម និងម្ទេសដែលបុករួចចូលហើយសឹមបន្ថែមទឹកត្រី អំបិល ស្ករស និងប៊ីចេងចូល។
ចំណែកឯផ្លិតឃ្មុំត្រូវស្រុសក្នុងទឹកក្ដៅឧណ្ហៗមួយភ្លែត ហើយស្រង់វាទុកឲ្យត្រជាក់ មុននឹងយកទឹកត្រីកោះកុងដែលលាយរួចមកចាក់ស្រូបពីលើ ហើយបន្ថែមខ្ទឹមក្រហម និងស្លឹកគ្រៃផ្អាប់រយៈពេលប្រមាណ២ម៉ោងនោះជាការស្រេច។
ភ្លាផ្លិតឃ្មុំនេះ អាចទទួលទានដោយកាត់ជាដុំៗ ផ្ទាប់ជាមួយបន្លែខាងលើ។ លោកអ្នកក៏អាចស្រូបទឹកត្រីបន្ថែមពេលទទួលទានតាមចំណូលចិត្ត។
មុខម្ហូបភ្លាផ្លិតឃ្មុំនេះត្រូវបានចម្អិនដោយមេចុងភៅ សន ណៃ មកពីខេត្តកំពង់ស្ពឺ។
ទាក់ទងលេខទូរស័ព្ទ ០១២ ៤៥ ៧៣ ៧២ និង ០១៧ ៧៦ ៥៧ ៦២៕
មកដល់សម័យនេះទៅហើយ នៅមិនទាន់មានអ្នកអប់រំដល់ជនជាតិខ្មែរយើងឲ្យបានយល់ពីផលប្រយោជន៏នៃសត្វឃ្មុំ
ឃ្មុំនឹងសត្វល្អិតផ្សេងៗទៀតដែលរោមផ្កាមានសារៈសំខាន់ចំពោះដំណាំដែលយកផ្លែ មិនគួរយកវាមកធ្វើជាអាហារទេ
ឃ្មុំនឹងសត្វល្អិតផ្សេងៗទៀតដែលរោមផ្កា ជាពួកសត្វPollinatorsនាំលំអងពីផ្កាមួយទៅផ្កាមួយទៀតធ្វើឲ្យដំណាំមាន
ផ្លែរច្រើនផ្លែល្អដូចជាដំណាំស្រូវ ពោត សណ្ដែកនឹងដំណាំធំៗផងដែរ ដូចជាដូង ត្នោត ស្វាយនឹងដំណាំយកផ្លែរជាច្រើនទៀត។ ការសម្លាប់សត្វលអិតដែលក្រេបលំអងផ្កា ធ្វើឲ្យខូចខាតប្រយោជខាងកសិកម្ម យ៉ាងជាក់លាក់។ សូមបងប្អូនកុំ
បំផ្លាញសត្វល្អិតប្រភេទក្រេបលំអងផ្កា បើគ្មានសត្វទាំងនេះទេ ដំណាំអាចមានផលផ្លែបានដោយសាខ្យលនាំលំអងតែ
ប៉ុណ្ណុះ។ មិនគួរយកឃ្មុំមកធ្វើជាអាហារទេ
That’s right Endrea!
Some Bondiths were never been attended University.
This bee nest is not from the forest, it is from the bee keeping house by the NGO. Nowadays, u cannot find bee nests from the forest so many like before. I think u should know
To what had been known to me, wild bee of this kind cannot be domesticated due to their wild nature. the only bee that can be domesticate is the one that make their hive in tree hollow.
or in the small cave, we can make boxes for them too, we don’t kill or eat them. we only collect their honey. I have my own boxes right in my backyard.