ភ្នំពេញៈ ក្រោយពីជក់ខ្យល់នឹងដំណើរហោះហើរចេញទៅច្រៀងកើបប្រាក់នៅក្រៅប្រទេសមិនខ្វល់នឹងការកើបប្រាក់ក្នុងស្រុក ពិសេសឱកាសបុណ្យចូលឆ្នាំប្រពៃណីខ្មែរនោះ តារាចម្រៀងរូបស្រស់ទឹកមុខស្រទន់បែបស្រគត់ស្រគំរបស់ផលិតកម្មថោន និងជាអតីតសង្សារកម្សត់កម្ររបស់កវីជើងខ្លាំងប្រចាំផលិតកម្មរស្មី ហង្សមាស សុខ ជំនោរ នោះ នាងសុគន្ធ និសា បានវិលត្រឡប់មកដល់ប្រទេសកំណើតវិញ នៅចំថ្ងៃបញ្ចប់នៃពិធីបុណ្យចូលឆ្នាំប្រពៃណីខ្មែរទាំងភាពសោះកក្រោះ ដែលមានតែអ្នកគាំទ្ររបស់នាងពីរ បី នាក់ប៉ុណ្ណោះ ដែលបានទៅទទួលដល់ព្រលានយន្តហោះអន្តរជាតិភ្នំពេញ។
Friday, 19 April 2013
ស៊ូ វុទ្ធី
ភ្នំពេញ ប៉ុស្តិ៍
តារាចម្រៀងមុខស្រទន់នាង សុគន្ធ និសា។ សហការី
ដំណើរវិលត្រឡប់របស់នាងមកពីច្រៀងនៅប្រទេសបារាំងលើកនេះត្រូវបានមហាជនជាច្រើនលាន់មាត់ថា ក្នុងថ្ងៃដែល សុគន្ធ និសា ត្រឡប់មកវិញនេះ គេសង្កេតឃើញថាមានអ្នកគាំទ្ររបស់នាងពីរ បី នាក់ប៉ុណ្ណោះ ដែលបានទៅទទួលដល់ ព្រលានយន្តហោះអន្តរជាតិភ្នំពេញ និងពុំឃើញមានវត្តមានបុរសដែលល្បីថាគូស្នេហ៍ថ្មីរបស់នាងមកទទួលនាងនោះទេ។
បន្ថែមពីលើការតាមដាននោះដែរ មហាជនជាច្រើនក៏បានលើកឡើងទៀតថា ដំណើរចុះយន្តហោះរបស់សុគន្ធ និសា លើកនេះ ហាក់សោះកក្រោះ មិនដូចកាលដែលនាងនៅជុំគ្នាជាមួយលោកសុខ ជំនោរនោះទេ។ កាលនោះគ្រាន់តែនាងចុះពីយន្តហោះម្តងៗក្រៅពីវត្តមានលោក សុខ ជំនោរ នោះ ក៏មានអ្នកសារព័ត៌មានចោមរោមថតដើម្បីផ្សព្វផ្សាយពីការសម្ដែងនៅបរទេស និងអំពីការងារថ្មីៗ របស់នាងយ៉ាងច្រើនកុះករ។
ភាពសោះកក្រោះរបស់តារាចម្រៀងឈរលំដាប់ កំពូលមួយរូបនេះក៏ទំនងមិនមែនប្រជាប្រិយភាពរបស់នាងបានថមថយនោះទេ ពោលគឺនាងនៅតែជាតារាចម្រៀងក្នុងដួងចិត្តយុវវ័យដដែល។ ប៉ុន្តែនាងត្រូវបានមហាជនលើកឡើងផ្ទុយពីនោះដោយគេនិយាយថា តាំងពី សុគន្ធ និសា ផ្ដាច់ចំណងស្នេហ៍ពីកវី សុខ ជំនោរ មក សុគន្ធ និសា ក៏ផ្ដាច់ទំនាក់ទំនងជាមួយបណ្ដាញសារព័ត៌មាន ដែលនាងភ្លេចថា បណ្តាញសារព័ត៌មាននេះ ក៏មានចំណែក ក្នុងការកសាងប្រជាប្រិយភាពរបស់នាងដែរ។
ដូចគ្នានោះដែរ ទន្ទឹមនឹងដំណើរសង្វាតចេញច្រៀងនៅក្រៅប្រទេសរបស់សុគន្ធ និសា និងដល់ថ្នាក់មានពេលខ្លះឈរជើងនៅក្នុងស្រុកមិនបានក្តៅបាតជើងនោះក៏កើតជាចម្ងល់របស់មហាជនផងដែរដែលពួកគេលើកឡើងថា និសា នាងប្រឹងប្រែងក្នុងការច្រៀងនៅក្រៅប្រទេសគ្មានពេលសម្រាកយ៉ាងនេះ ដោយសារតែនាងកំពុងតែប្រឹងប្រែងរកប្រាក់ដើម្បីទិញវីឡាថ្មី។
ម្យ៉ាងក៏ដោយសារទីផ្សារក្នុងស្រុករបស់នាងត្រូវបានគេឆក់ដណ្ដើមយកអស់បាត់ទៅហើយសូម្បីតែការផ្សព្វផ្សាយផលិតផលសាំស៊ុង ក៏ត្រូវចែករំលែកជាមួយនឹងឱក សុគន្ធកញ្ញាដែរ។ ទន្ទឹមនោះទៀតគេក៏សង្កេតឃើញផងដែរថា តាំងពីចូលផលិតកម្មថ្មីមក និសា បានប្ដូរអត្តចរិតខុសពីមុនស្រឡះដែលកាលពីជ្រកក្នុងផលិតកម្មចាស់មើលទៅនាងជានារី សុភាពគួរឲ្យស្រឡាញ់ពិសេសទឹកដមសំឡេងត្រូវបានគេកោតសរសើរថា ច្រៀងបញ្ចូលមនោសញ្ចេតនាបានល្អជាងនៅផលិតកម្មថ្មី។
បន្ទាប់ពីផ្តាច់សម្ព័ន្ធភាពស្នេហ៍កម្សត់ជាមួយកវី សុខ ជំនោរ នោះ គេសង្កេតឃើញនាង សុគន្ធ នីសា ហាក់មិនសូវជាសង្វាតការងារសិល្បៈក្នុងស្រុកប៉ុន្មានឡើយ ហើយនាងសង្វាតតែការងារសិល្បៈក្រៅស្រុកច្រើនជាង ហើយទន្ទឹមនោះ រាល់ឱកាសចេញសម្តែងនៅក្រៅប្រទេសម្តងៗនោះទៀត នាងក៏មិនសូវជាចង់អើពើវិលមកស្រុកកំណើតវិញប៉ុន្មាននោះដែរ។
កាលពីប៉ុន្មានខែមុន គ្រាដែលនាងច្រៀងនៅអាមេរិកនោះក្រៅពីល្បីថានាងរកបានម្ចាស់ស្នេហ៍នៅទីនោះក៏ល្បីថានាងមានចេតនាចង់បន្តការច្រៀងរាំមិនចង់វិលមកស្រុកខ្មែរវិញដែរ។ ដូចគ្នានេះដំណើរចេញទៅច្រៀងនៅប្រទេសបារាំង កាលពីចុងខែកុម្ភៈនាងក៏មិនបានកំណត់ថាវិលមកវិញក្នុងឱកាសចូលឆ្នាំខ្មែរនេះដែរ។
នៅក្រោមចម្លើយមិនចំហនៅថ្ងៃទី១៦ មេសា ចំថ្ងៃបញ្ចប់បុណ្យចូលឆ្នាំប្រពៃណីខ្មែរក៏ស្រាប់តែលេចវត្តមានតារាចម្រៀងនាងសុគន្ធ និសា ដឹកដៃលោក ណុប បាយ៉ារិទ្ធ ដៃគូចាស់តាំងពីនៅផលិតកម្មចាស់ចុះពីយន្តហោះយ៉ាងគ្រមើមៗ។ ដំណើរវិលត្រឡប់មកវិញចំថ្ងៃបញ្ចប់បុណ្យចូលឆ្នាំរបស់នាង សុគន្ធ និសា នេះក៏មានការលើកជាចម្ងល់ដែរហេតុអ្វីក៏នាងត្រឡប់មកនៅថ្ងៃចុងក្រោយនៃថ្ងៃចូលឆ្នាំទៅវិញព្រោះនៅពេលចូលឆ្នាំថ្មី បើនៅក្រៅប្រទេសរកលុយបានច្រើនជាងពេលធម្មតា ឬក៏ការសម្ដែងរបស់នាងមិនជោគជ័យ? ម្យ៉ាងបើនាងមកដល់កម្ពុជាថ្ងៃចុងក្រោយនេះក៏មិនមានប្រយោជន៍អីដែរព្រោះនាងមិនបានសម្ដែងនៅស្ថានីយទូរទស្សន៍នានាដដែលនោះ។
បើទោះ ជាយ៉ាងណា ជុំវិញចម្ងល់របស់មហាជនទាំងនោះមិនបានស្រាយឡើយខណៈដែលភ្នំពេញ ប៉ុស្តិ៍មិនអាចសុំការបកស្រាយពីនាង សុគន្ធ និសា បានប៉ុន្តែនាងបានសរសេរផុសក្នុងហ្វេសប៊ុកថា៖ «បងប្អូន និងមិត្តភក្តិដែលនិយមគាំទ្រខ្ញុំ ខ្ញុំបានវិលត្រឡប់មកកម្ពុជាវិញ កាលពីថ្ងៃទី១៦ មេសា បន្ទាប់ពីចំណាយពេលសម្តែងនៅបារាំងជាងមួយខែ»។ តាមរយៈ Facebook និសា ប្រាប់ថា«ក្រៅពីការសម្តែងនៅប្រទេសបារាំង និសា ក៏បានទៅកាន់វត្តខ្មែរនៅទីនោះផងដែរ។ សុគន្ធ និសាបានដាក់ផ្សាយរូបមួយចំនួនទាក់ទងនឹងទស្សនកិច្ចរបស់នាង នៅប្រទេសបារាំងផងដែរ។
ជាមួយគ្នានោះ នៅ Facebook តារាចម្រៀង សុគន្ធ និសា ក៏បានធ្វើការជូនពរដល់ប្រជាជនកម្ពុជា សម្រាប់ឆ្នាំថ្មី ឲ្យបានទទួលជោគជ័យ និងរកស៊ីមានបានគ្រប់ៗគ្នា៕
ពួកមីបំផ្លាញជាតិខ្លួនឯង គ្មានប្រយោជន៏នេះ។។
girl us when she poor but when rich she will look for the man who rich like her,
សុគន្ធ នីសា នាងពិតជាស្អាតណាស់!!!
សុគន្ធ នីសា នាងពិតជាស្អាតណាស់ បើបានអង្គុយនិយាយទល់មុខគ្នានោះ ប្រហែលជាខ្ញុំសំលឹង
មើលមុខនាងឲ្យអស់ចិត្តហើយមើលទៅ ។