នាយកដ្ឋានជលផលនៃក្រសួងកសិកម្ម របស់ប្រទេសកម្ពុជាកាលពីម្សិលមិញ បានប្រកាសប្រាប់ដល់ប្រជាពលរដ្ឋ ឲ្យបង្កើនការប្រុងប្រយ័ត្នមុននឹងបរិភោគត្រីកំពត , ពិសេសត្រី កំពតចំនួន៣ប្រភេទ ដែលត្រូវបានគេរកឃើញថា មានផ្ទុកសារជាតិពុល។
មាស មុន្នី
Tuesday 23 April 2013
The Free Press Magazine
ត្រីកំពតទាំង៣ប្រភេទ ដែលគេរកឃើញ ថា មាន ផ្ទុក សារជាតិពុល
សេចក្ដីប្រកាសនោះ បានបញ្ជាក់ថា ត្រីកំពតប្រភេទខាងលើមានជាតិពុលខ្លាំង នៅរដូវបន្តពូជ ដែលស្ថិតក្នុងខែ កុម្ភៈ មីនា និង ចន្លោះពីខែកក្កដា ដល់ខែកញ្ញា ។ជាតិពុលនៅក្នុងត្រីមានកំរិតខុសៗគ្នា គឺ ស្ពែមនិង ពង មានជាតិពុលខ្លាំងជាងគេ បន្ទាប់គឺថ្លើម ពោះវៀន និង សាច់ ។
សេចក្ដីប្រកាសនោះ បានធ្វើឡើងបន្ទាប់ពីមានសេចក្ដីរាយការណ៏ថា មានពលរដ្ឋខ្មែរជាច្រើននាក់បានស្លាប់ និង រងគ្រោះ ជាបន្តបន្ទាប់ ដោយសារការទទួលទានត្រី កំពត ។ នាយកដ្ឋានជលផល បានប្រាប់ ពលរដ្ឋខ្មែរ ឲ្យបង្កើនការ ប្រុងប្រយ័ត្ន មុននឹង សម្រេចចិត្ត យកត្រីកំពត មកចម្អិន បរិភោគ ៕
តាំងពីដូនតាមកពុំដែលឮថាមានប្រជាពលរដ្ធខ្មែរម្នាក់ត្រូវបាត់បង់ជីវិតដោយសារតែការបរិភោគត្រីកំពតនោះឡើយ ស្ថានភាពបែបនេះទើបតែកើតឡើងប៉ុន្មានឆ្នាំកន្លងមកនេះ ។ សួរថា តើវាបណ្តាលមកពីមូលហេតុអ្វី ដែលនាំអោយពពួកត្រីកំពតប្រភេទនេះមានជាតិពុល សូមក្រសួងកសិកម្ម ត្រូវតែពន្យល់ហេតុផលទាំងនេះ អោយបានលំអិតជាងនេះបន្តិចផង ។ មកពីការចាប់ត្រីដោយប្រើជាតិគីមី ថ្មស្អុយ ឬ វត្ថុផ្សេងៗទៀតឬយ៉ាងណា ?