ថ្ងៃទី 3 ឧសភា 2013
ដោយ: រស្មី
CEN
ភ្នំពេញ: លោក អ៊ុក សិទ្ធិជាតិ នាយកមជ្ឈមណ្ឌលជាតិ ហ្វឹកហ្វឺនកីឡា បានចូលកាន់តំណែងជា អគ្គនាយកកីឡា ជាផ្លូវការហើយ នៅថ្ងៃទី ៣ ឧសភានេះ ។
ជាមួយគ្នានេះ លោក ប៉ុន សុខ នាយករងមជ្ឈមណ្ឌលជាតិហ្វឹកហ្វឺនកីឡាបានឡើងតំណែងជានាយកមជ្ឈមណ្ឌលជាតិហ្វឹកហ្វឺនកីឡាជំនួសលោក អ៊ុក សិទ្ធិជាតិ ដែលទៅកាន់តំណែងអគ្គនាយកកីឡាបន្តពីលោកឡាក់ សំអាត
ដែលចូលនិវត្តន៍ ។
លោក អ៊ឹម សិទ្ធី រដ្ឋមន្ត្រីក្រសួងអប់រំយុវជន និង កីឡាបានអញ្ជើញចូលរួមក្នុងពិធីប្រគល់ត្រា ព្រមទាំងព្រះរាជក្រឹត្យដល់លោកអគ្គនាយកថ្មី និង ប្រគល់អនុក្រឹត្យដល់លោកប្រធានមជ្ឈមណ្ឌលថ្មីដែរ ។
លោក អ៊ុក សិទ្ធិជាតិ ដែលធ្លាប់បានសិក្សាលើមុខជំនាញកីឡានៅអតីតសហភាពសូវៀត ហើយលោកមានបទពិសោធន៍ក្នុងការងារកីឡាអស់រយៈពេលយ៉ាងយូរ ពិសេសការងារជាមួយក្រុមកីឡាជម្រើសជាតិ ។ លោកធ្លាប់កាន់កាប់តំណែងជាអគ្គលេខាធិការសហព័ន្ធកីឡាបាល់ទាត់ហើយសព្វថ្ងៃនេះជា អគ្គលេខាធិការសហព័ន្ធកីឡាបាល់បោះ។
លោក ប៉ុន សុខ វិញបានបំពេញការងារនៅមជ្ឈមណ្ឌលជាតិហ្វឹកហ្វឺនកីឡាតាំងពីមន្ត្រីធម្មតារហូតក្លាយជាអនុប្រធានមជ្ឈមណ្ឌល ហើយពេលនេះក្លាយជាប្រធានមជ្ឈមណ្ឌលតែម្ដង ។
លោកមានសញ្ញាប័ត្របរិញ្ញាបត្រ ធ្លាប់សិក្សាវិក្រិតការមន្ត្រីជាន់ខ្ពស់ ធ្លាប់ជាអ្នកយកព័ត៌មានកីឡារបស់ទស្សនាវដ្ដីកីឡា ព្រមទាំងមានបទពិសោធន៍ច្រើនលើវិស័យកីឡា ។
នៅក្នុងការប្ដេជ្ញាចិត្តរបស់ខ្លួន លោក អ៊ុក សិទ្ធិជាតិ អះអាងថា ធ្វើកិច្ចសហប្រតិបត្តិការរវាងអង្គការកីឡារដ្ឋ និងអង្គការកីឡាសង្គមឲ្យបានល្អប្រសើរដើម្បីអភិវឌ្ឍន៍កីឡាកម្រិតខ្ពស់ ។ រៀបចំកែលម្អ និង ជួសជុល ហេដ្ឋារចនាសម្ព័ន្ធកីឡាតាមលទ្ធភាពជាក់ស្ដែង ។ ធ្វើកំណែទម្រង់ការប្រកួតកីឡាជាតិជាជំហានៗឈាន ទៅការប្រកួតថ្នាក់ជាតិ ជំរុញវិទ្យាស្ថានជាតិអប់រំកាយ និង កីឡាឲ្យមានសមត្ថភាពពេញលេញក្នុងការបណ្ដុះបណ្ដាលគ្រូអប់រំកាយ និងកីឡា ព្រមទាំងរៀបចំពហុកីឡដ្ឋានជាតិឲ្យមានសណ្ដាប់ធ្នាប់ និង
រៀបរយល្អ៕ S
សុីតែត្រីខនឹងត្រីអាំង ធ្វើម៉េចទៅឈ្នះគេកើត។
ចាំតាឥឡូវស៊ីសុទ្ធស៊ុប ផឹកជិវាក