សមាជិកអង្គការក្រៅរដ្ឋាភិបាលឈ្មោះ អង្គការសមាគមសុវណ្ណភូមិវង្សភ័ក្តបូរី ៥រូប ត្រូវបានអាជ្ញាធរប៉ូលិសចាប់ឃាត់ខ្លួនដោយសារអាជ្ញាធរឃុំអន្សាចំបក់ ក្នុងខេត្តពោធិ៍សាត់ ប្ដឹងពីបទឆបោកប្រជាពលរដ្ឋក្នុងឃុំនេះ។ តែប្រធានអង្គការនេះចាត់ទុកថា ការចាប់ខ្លួនសមាជិកអង្គការលោកជាបញ្ហានយោបាយ។
ដោយ មណ្ឌល កែវ
2013-05-19
RFA
ស្ដាប់ ឬ ទាញយកសំឡេង
ប្រធានអង្គការសមាគមសុវណ្ណភូមិវង្សភ័ក្តបូរី ប្រចាំខេត្តពោធិ៍សាត់ គឺលោក ឆាត សារ៉ន បានឲ្យដឹងនៅព្រឹកថ្ងៃទី១៩ ឧសភា ថា សមាជិកសមាគមលោកចំនួន ៥នាក់ ត្រូវបានអាជ្ញាធរប៉ូលិសឃុំអន្សាចំបក់ ឃាត់ខ្លួនដោយពុំដឹងពីមូលហេតុ។ លោកបន្តថា កាលពីថ្ងៃ១៨ ឧសភា ក្នុងការជួបប្រជុំជាមួយប្រជាពលរដ្ឋក្នុងឃុំនេះ មេឃុំអន្សាចំបក់ លោក ឡាញ់ ស៊ីធន បានគំរាមកំហែងនិយាយប៉ះពាល់ដល់កិត្តិយសអង្គការសមាគមសុវណ្ណភូមិវង្សភ័ក្តបូរី ហេតុនេះហើយ លោកក៏ចាត់តាំងឲ្យសមាជិកសមាគមដែលជាចាស់ព្រឹទ្ធាចារ្យទៅជួបពន្យល់ការពិត ស្រាប់តែលោកមេឃុំខឹងសម្បា ហើយប្ដឹងប៉ូលិសឲ្យចាប់តែម្ដង។
លោក ឆាត សារ៉ន៖ «យើងបញ្ជូនក្រុមការងារឲ្យទៅបញ្ជាក់ប្រាប់លោកមេភូមិ មេឃុំអន្សាចំបក់ និងប្រធានប៉ុស្តិ៍។ តែទៅដល់ស្រាប់តែគាត់ធ្វើការឃាត់ខ្លួនតាំងពីល្ងាចថ្ងៃទី១៨ រហូតដល់ល្ងាចថ្ងៃ១៩ នេះនៅមិនទាន់លែងសមាជិកខ្ញុំទៀត…»។
មេឃុំអន្សាចំបក់ លោក ឡាញ់ ស៊ីធន មិនព្រមបកស្រាយការចោទប្រកាន់របស់ប្រធានអង្គការសមាគមសុវណ្ណភូមិវង្សភ័ក្តបូរី ប្រចាំខេត្តពោធិ៍សាត់ គឺលោក ឆាត សារ៉ន ទេនៅរសៀលថ្ងៃទី១៩ ឧសភា៖ «ខ្ញុំមិនទាន់ហ៊ានឆ្លើយទេ អាហ្នឹងទុកឲ្យខាងជំនាញគេធ្វើសិនបាទ…!»។
សមាជិកអង្គការសមាគមសុវណ្ណភូមិវង្សភ័ក្តបូរីចំនួន ៥រូប គឺលោក ម៉ៅ ស៊ិន អាយុ ៦៥ឆ្នាំ លោក ទូច ផាត អាយុ ៤០ឆ្នាំ លោក ទិត្យ ប៊ុនធឿន អាយុ ៦១ឆ្នាំ លោក ហែម ហម អាយុ ៨២ឆ្នាំ និងលោក ឈឹត ផាត អាយុ ២៩ឆ្នាំ ត្រូវបានប៉ូលិសឃុំអន្សាចំបក់ ឃាត់ខ្លួនកាលពីល្ងាចថ្ងៃទី១៨ ឧសភា ដោយពុំបានប្រាប់ពីមូលហេតុរួចបានបញ្ជូនទៅអធិការដ្ឋាននគរបាលស្រុក។
អធិការរងនគរបាលស្រុកក្រគរ គឺលោក ម៉ោល សុទ្ធ មានប្រសាសន៍ថា ប៉ូលិសពិតជាបានឃាត់ខ្លួនប្រជាពលរដ្ឋ ៥នាក់ តាមបណ្ដឹងរបស់មេឃុំអន្សាចំបក់ គឺលោក ឡាញ់ ស៊ីធន ដែលបានប្ដឹងចោទប្រកាន់ពីបទឆបោកប្រជាពលរដ្ឋក្នុងឃុំអន្សាចំបក់៖ «គេប្ដឹងថា បានលក់ក្រណាត់សដែលមានគូរយ័ន្តក្នុងតម្លៃមួយដុំ ៣ម៉ឺនរៀល។ តែបន្ទាប់ពីខ្ញុំសាកសួរពួកគាត់ថា មិនមែនជាការឆបោកទេ គឺជាការព្រមព្រៀងគ្នាខាងអ្នកលក់និងអ្នកទិញ។ តែរឿងនេះចាំខ្ញុំឆ្លងប្រធានសិនថា តើត្រូវធ្វើយ៉ាងណា?»។
អគ្គនាយកអង្គការសមាគមសុវណ្ណភូមិវង្សភ័ក្តបូរី គឺលោក វង្សភ័ក្ដ ភូម្មារិន្ទ ប្រតិកម្មចំពោះការឃាត់ខ្លួនសមាជិកសមាគមរបស់លោកថា ជាការរំលោភសិទ្ធិមនុស្ស និងរំលោភលើមាត្រា ៣៨ នៃរដ្ឋធម្មនុញ្ញដែលជាច្បាប់កំពូលនៃព្រះរាជាណាចក្រកម្ពុជា។ លោកថា ការចែកក្រណាត់សដែលមានចារយ័ន្តទៅឲ្យសមាជិកគាំទ្រ និងការទទួលប្រាក់ចូលរួមបុណ្យវិសាខបូជា រួមនឹងបុណ្យទក្ខិណានុប្បទាន ដាបង្សុកូលថ្វាយព្រះរាជកុសលដល់ព្រះមហាវីរក្សត្រដោយគ្មានការបង្ខិតបង្ខំពីសមាជិកសមាគមនោះពុំមានអ្វីខុសច្បាប់ឡើយ។
លោក វង្សភ័ក្ដ ភូម្មារិន្ទ៖ «គេនៅតែសង្ស័យថា ខ្ញុំធ្វើនេះគឺធ្វើនយោបាយ។ បើខ្ញុំចង់ធ្វើនយោបាយនោះគឺខ្ញុំមិនខ្លាចអីទេ តែអង្គការខ្ញុំនេះមិនមែនធ្វើនយោបាយទេ។ ប៉ុន្តែធម្មតាអង្គការគឺមានគោលនយោបាយរបស់ខ្លួន គ្រាន់តែមិនមែនជាគោលនយោបាយដែលធ្វើដើម្បីដណ្ដើមអំណាចនោះទេ គឺធ្វើតាមលក្ខន្តិកៈរបស់អង្គការ ប៉ុន្តែគេនៅតែម៉ៃថា ខ្ញុំធ្វើនយោបាយ…»។
ទាក់ទិនចំពោះបញ្ហានេះ មន្ត្រីសម្របសម្រួលសមាគមអាដហុក ការពារសិទ្ធិមនុស្ស ខេត្តពោធិ៍សាត់ លោក ភួង សុធា មានប្រសាសន៍ថា សមាគមអាដហុក ទើបតែទទួលពាក្យបណ្ដឹងពីបញ្ហានេះហើយ ពុំទាន់បានធ្វើការអង្កេតនៅឡើយ។ យ៉ាងនេះក្ដី លោកថា ប្រជាពលរដ្ឋមានសិទ្ធិសេរីភាពពេញលេញក្នុងជំនឿសាសនា និងការធ្វើបុណ្យទានតាមប្រពៃណីដោយពុំត្រូវមានការរាំងស្ទះពីអាជ្ញាធរមានសមត្ថកិច្ចឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ពលរដ្ឋឥណ្ឌូនេស៊ី៖ សម្តេចតេជោ ហ៊ុន សែន ជាឥស្សរជន នយោបាយ ដ៏គួរឲ្យគោរពស្រឡាញ់
.ភ្នំពេញៈ មិនត្រឹមតែប្រជាពលរដ្ឋកម្ពុជានោះទេ ដែលបានចាត់ទុកសម្តេចតេជោ ហ៊ុន សែន នាយករដ្ឋមន្រ្តីកម្ពុជា ជារដ្ឋបុរស ជាមេដឹកនាំប្រកបដោយភាពប៉ិនប្រសប់នោះ ប្រជាពលរដ្ឋឥណ្ឌូនេស៊ី នៅខេត្តស៊ូឡាវេស៊ី ដែលជាជាតិ សាសន៍ដទៃ ក៏បានចាត់ទុក សម្តេចជាពលរដ្ឋកិត្តិយសរបស់ពួកគេ ជាឥស្សរជននយោបា ដ៏គួរឲ្យគោរពស្រឡាញ់ ជាមួយនិងគុណបំណាច់ សេចក្តីគោរពស្រ ឡាញ់ ចំពោះការដឹកនាំរបស់សម្តេចកសាងសន្តិភាព និងអភិវឌ្ឍន៍ កម្ពុជា ចេញផេះផង់រហូតមានការអភិវឌ្ឍន៍ ជឿនលឿនគ្រប់វិស័យ។
នៅក្នុងពិធីលាងសាយភោជន៍នារាត្រីថ្ងៃទី១៩ ឧសភា នៅឯប្រទេសឥណ្ឌូនេស៊ី លោក Syahrul Yasin Limpo អភិបាលខេត្តស៊ូឡាវេស៊ីខាងត្បូង មានប្រសាសន៍ថា ថ្ងៃនេះថ្នាក់ដឹកនាំ និងប្រជាពលរដ្ឋខេត្តស៊ូឡាវេស៊ី ខាងត្បូង មានមហាកិត្តិយសខ្លាំងណាស់ ក្នុងការទទួលបដិសណ្ឋារកិច្ច ស្វាគមន៍យ៉ាងស្និទ្ធស្នាល រាក់ទាក់បំផុត ចំពោះវត្ត មានដ៏ឧត្តុង្គឧត្តមបំផុត របស់សម្តេចតេជោនាយករដ្ឋមន្រ្តី ដែលបានអញ្ជើញមក ចូលរួមមហាសន្និបាត លើកទី២ របស់មហាសន្និបាត លើកទី២ នៃអង្គការអ្នក ប្រជាធិបតេយ្យ និយមកណ្តាល អន្តរជាតិអាស៊ីប៉ាស៊ីហ្វីក ( CAPDI ) នៅទីក្រុងម៉ាកាសា ដែលជាទីក្រុងដ៏ស្រស់ប្រិមប្រិយ របស់ខេត្តស៊ូឡាវេស៊ី ខាងត្បូង នៃសាធារណរដ្ឋ ឥណ្ឌូណេ ស៊ី។
បើតាមគេហទំព័រទូរទស្សន៍ជាតិកម្ពុជា បានដកស្រង់ប្រសាសន៍អភិបាលខេត្តស៊ូឡាវេស៊ី ទៀតថា សម្តេចតេជោ គឺជាឥស្ស រជននយោបាយ ដ៏គួរឲ្យគោរពស្រឡាញ់ ខ្លាំងណាស់ និងជាភ្ញៀវដ៏ពិសេសបំផុតរបស់ថ្នាក់ដឹកនាំ និងប្រជាពលរដ្ឋ ខេត្តស៊ូឡាវេស៊ីខាងត្បូង។
អភិបាលខេត្តរូបនេះ មានប្រសាសន៍សង្កត់ធ្ងន់ថា ថ្នាក់ដឹកនាំ និងប្រជាពលរដ្ឋ សូមស្វាគមន៍ជានិច្ច ចំពោះវត្តមាន របស់សម្តេចតេជោនាយករដ្ឋមន្រ្តី ក្នុងការអញ្ជើញមកកាន់ខេត្តស៊ូឡាវេស៊ីខាងត្បូង គ្រប់ពេលវេលាទាំងអស់។
បន្ទាប់ពីការបញ្ចប់សុន្ទរកថា រលោក Syahrul Yasin Limpo អភិបាលខេត្តស៊ូឡាវេស៊ីខាងត្បូង បានបំពាក់មួក ដំបងដាវ និងវត្ថុអនុស្សាវរីយ៍ តាមបែបប្រពៃណី នៃជនជាតិដើម របស់ខេត្តស៊ូឡាវេស៊ីខាងត្បូង ជូនសម្តេចតេជោ ហ៊ុន សែន។
តាមរយៈការស្រឡាញ់ពេញចិត្តមិនត្រឹមតែប្រជាពលរដ្ឋកម្ពុជា ដែលទទួលបាននូវគុណបំណាច់ដ៏ធំធេងរបស់ សម្តេចនោះ រហូតដល់ឆាកអន្តរជាតិ ក៏សម្តេចទទួលបាននូវការគោរពកោតសរសើរផងដែរ ពីសំណាក់ប្រជាពលរដ្ឋឥណ្ឌូនេស៊ី ដែលនេះ បានបង្ហាញឲ្យឃើញកាន់តែច្បាស់ថា សម្តេចតេជោ ជារដ្ឋបុរសនៅកម្ពុជា មានចក្ខុវិស័យវែងឆ្ងាយក្នុងការដឹក នាំ និងស្ថាបនាវាកម្ពុជា ឲ្យរីកចម្រើន និងនាំមកនូវសុខសន្តិភាពបរិបូរណ៍ជូនប្រជាពលរដ្ឋរបស់ខ្លួន។
សូមបញ្ជាក់ដែរថា ខេត្តស៊ូឡាវេស៊ី ខាងត្បូង គឺជាខេត្តមួយរបស់សាធារណរដ្ឋឥណ្ឌូណេស៊ី ស្ថិតនៅប៉ែកខាងលិច នៃប្រជុំកោះខាងត្បូង ដោយត្រូវបែងបែកជា ២៦តំបន់ និងមាន ៣ទីក្រុង។ មានផ្ទៃក្រឡាជាង ៤៦ពាន់ ៧១៧ គីឡូម៉ែត្រក្រឡា និងមានប្រជាពលរដ្ឋ រស់នៅជាង ៨លាននាក់។ ដោយឡែកម៉ាកាសា គឺជាទីក្រុងកំពង់ផែមាន ការតភ្ជាប់ ការដឹកជញ្ជូន ទាំងក្នុងស្រុក និងអន្តរជាតិ៕
សហរដ្ឋអាមេរិក កោតសរសើរសេដ្ឋកិច្ចកម្ពុជាថា រីកចំរើនខ្លាំង ក្នុងរយៈពេល ១០ឆ្នំាចុងក្រោយនេះ
.ភ្នំពេញ៖ ថ្លែងក្នុងគេហទំពរប្លក់របស់ខ្លួន កាលពីកន្លងទៅថ្មីៗនេះ ឯកអគ្គរដ្ឋទូតអាមេរិក ប្រចាំនៅកម្ពុជាលោក William E. Todd បានកោតសរសើរដល់ ព្រះរាជា ណាចក្រកម្ពុជាថា បានរីកចំរើនគួរជាទីមោទនភាព ផ្នែកខាងសេដ្ឋកិច្ច ក្នុងរយៈពេល ១០ឆ្នាំចុងក្រោយនេះ ដែលការរីកចំរើននោះ មានវិស័យកាត់ដេរ ទេសចរណ៍ និងកសិកម្ម។
លោក William E. Todd បានលើកឡើងថា ក្រៅតែវិស័យខាងលើនេះ ប្រទេសកម្ពុជាក៏បានកំពុង រីកចំរើនខ្លាំងក្លាផងដែរ នៅបច្ចេកវិទ្យា ដែលតួលេខបានបញ្ជាក់ថា កាន់តែច្រើនឡើងៗ ពីមួយឆ្នាំទៅមួយឆ្នាំសម្រាប់ អ្នកប្រើប្រាស់ប្រព័ន្ធដ៏ទំនើបនេះ។
លោក Todd បានបញ្ជាក់ថា “ការរីកចម្រើននូវបច្ចេកវិទ្យា គឺលូតលាស់លឿនបំផុត នៅក្នុងប្រទេសកម្ពុជា។ បច្ចេកវិទ្យា គឺត្រូវបានចូលរួម រួចទៅហើយ សម្រាប់ផ្តល់ប្រយោជន៍ដល់ជាតិកម្ពុជា”។
លោកឯកអគ្គរដ្ឋទូត បានលើកឡើងទៀតថា “ក្នុងចំណោមបច្ចេកវិទ្យា ដែលប្រទេសកម្ពុជាបានកំពុង រីកចំរើននេះគឺទូរស័ព្ទ ចល័ត និងប្រព័ន្ធអ៊ីនធើណែត គឺបានឈានមុខគេ នេះបើតាមការពិភាក្សារបស់ខ្ញុំ ទៅលើសេរីភាពប្រព័ន្ធផ្សព្វផ្សាយ កាលពីកន្លងទៅ”។
បើយោងតាមតួលេខ របស់ក្រសួងប្រៃសណី និងទូរគមនាគមន៍ បានឲ្យដឹងកាលពីពេលកន្លងទៅថា ក្នុងរយៈពេលពេញមួយឆ្នាំ ២០១២ ប្រជាពលរដ្ឋកម្ពុជា បានប្រើប្រាស់ទូរស័ព្ទ មានចំនួន ១៩ លាននាក់ កើនឡើងជាងឆ្នាំ ២០១១ ដែលមានត្រឹមតែ ១៦ លាននាក់តែប៉ុណ្ណោះ ។
តួលេខបានបន្តថា គិតត្រឹមថ្ងៃទី៣១ ខែធ្នូ ឆ្នាំ២០១២ ចំនួនអ្នកប្រើប្រាស់ទូរស័ព្ទសរុប (អចល័ត និងចល័ត) បានកើនឡើង រហូតដល់ជាង ១៩ លាននាក់ ស្មើអត្រា ១៣៣,៥៦ ក្នុងប្រជាជន ១០០នាក់ កើនខ្ពស់ជាងឆ្នាំ២០១១ ដែលមានជាង ១៦ លាននាក់។ អត្រានៃអ្នកប្រើប្រាស់ទូរស័ព្ទ និងអ៊ីនធឺណេត មានការកើនឡើងយ៉ាងលឿន ជាពិសេសនៅតាមតំបន់ជនបទ អ្នកប្រើប្រាស់ កុំព្យូទ័រ អ៊ីម៉ែល និងបច្ចេកវិទ្យាអ៊ីនធឺណេត កំពុងមានការកើនឡើង នៅទូទាំងប្រទេស។
ថ្លែងជាបន្តក្នុងវេបសាយប្លក់របស់ខ្លួន លោក William E. Todd បានលើកឡើងទៀតថា បច្ចេកវិទ្យាបានធ្វើឲ្យប្រជាជន រស់នៅរៀនសូត្រ និងការ ទំនាក់ទំនងខ្លាំង។ ការកែលម្អ និងបច្ចេកវិទ្យាកម្រិតខ្ពស់ ក្នុងពេលបច្ចុប្បន្ននេះ ត្រូវបានគេអនុញ្ញាតឱ្យ បុគ្គលជាសហគមន៍ និងគ្រួសារអាជីវកម្មកាន់តែប្រសើរឡើង ក្នុងការតភ្ជាប់ជាមួយគ្នាទៅវិញទៅមក។
ឧទាហរណ៍មនុស្សកាន់តែច្រើនឡើង ត្រូវបានទំនាក់ទំនង និងការទទួលព័ត៌មាន តាមរយៈប្រព័ន្ធផ្សព្វផ្សាយសង្គម ជាពិសេសនៅ ក្នុងប្រទេសកម្ពុជាជាដើម។ បច្ចេកវិទ្យាក៏ជាស្ពានដ៏អស្ចារ្យ សម្រាប់មនុស្សជាតិទាំងមូលផងដែរ។ ហើយសហរដ្ឋអាមេរិក បានទទួលស្គាល់ការរួមចំណែក ថាបច្ចេកវិទ្យាអាចធ្វើឱ្យឆ្ពោះទៅកាន់ ភាពរីកចំរើនរបស់ប្រទេសកម្ពុជា៕
“សហរដ្ឋអាមេរិក កោតសរសើរសេដ្ឋកិច្ចកម្ពុជាថា រីកចំរើនខ្លាំង ក្នុងរយៈពេល ១០ឆ្នំាចុងក្រោយនេះ…”
ពិភពលោកពិតជាបានទទួលស្គាល់ការដឹកនាំរបស់សម្តេចថារីកចម្រើនគ្រប់វិស័យ នោះមកពីគេងងឹត ភ្នែក រឺបានមើលតែរបាយការណ៍ប៉ុណ្ណោះ
-បើរីកចម្រើនម្តេច ក៏ចេះតែដើរសុំទានគេ តាំងពីកំពូលរហូតដល់ថ្នាក់ក្រោម តាំងពីលានរៀល ធ្លាក់ដល់ពាន់ដុល្លារក៏សុំដែរ ។
-បើរីកចម្រើន ម្តេចក៏រាស្ត្រខ្មែររត់រកការងារធ្វើនៅស្រុកគេ គេធ្វើបាបដូចតិរច្ឆាន មិនដែលឃើញទាមទាររកយុត្តិធម៌ជូនជនរងគ្រោះទេ គេបាញ់សំលាប់ដូចសត្វធាតុ
-ម៉្យាងទៀតពួកគេមកស្រុកខ្មែរដេកនៅអូតែល ម្តេចដឹងថានៅជនបទរាស្ត្រខ្មែរលំបាកយ៉ាងណា
-តើពួកមានបានមើលឃើញអ្នកសុំទាន ក្មេងអនាថានៅស្រុកខ្មែរមានប៉ុន្មានទេ
នៅមានច្រើនទៀត ចូរមកស្រុកខ្មែរយកភ្នែកមកមើលតថភាពជាក់ស្តែងផង កុំមើលតែរបាយការណ៍