ស្ថានទូតអាមេរិកបានផ្ដល់អាហារូបករណ៍មួយឈ្មោះថា ហ្វូលប្រាយ (Fulbright) ដល់និស្សិតខ្មែរប្រុសស្រីចំនួន ៨នាក់បន្ថែមទៀត ឲ្យបន្តការសិក្សាថ្នាក់អនុបណ្ឌិតនៅសាកលវិទ្យាល័យល្បីៗក្នុងសហរដ្ឋអាមេរិក។
ដោយ ខែ សុណង
2013-06-04
RFA
ស្ដាប់ ឬ ទាញយកសំឡេង
ពិធីជួបជុំបង្ហាញមុខនិស្សិតដែលជាប់អាហារូបករណ៍និងផ្ដល់វិញ្ញាបនបត្រ បានរៀបចំឡើងនៅឯស្ថានទូតអាមេរិកប្រចាំកម្ពុជា នៅថ្ងៃទី៤ មិថុនា។
ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ថត (William Todd) បានអះអាងនៅចំពោះមុខឪពុកម្ដាយនិស្សិតដែលបានជាប់អាហារូបករណ៍ ហ្វូលប្រាយ ទៅសិក្សានៅសហរដ្ឋអាមេរិកថា សហរដ្ឋអាមេរិកនឹងផ្ដល់ឱកាសដល់យុវជនជំនាន់ក្រោយបន្ថែមទៀតដើម្បីឲ្យពួកគេបានទៅសិក្សារៀនសូត្រពង្រីកចំណេះដឹង ត្រឡប់មកកសាងសង្គមនិងប្រទេសជាតិឲ្យកាន់តែរីកចម្រើន។
លោក វីល្លៀម ថត បានថ្លែងថា អ្នកដែលបានត្រឡប់មកពីកម្មវិធី ហ្វូលប្រាយ មួយចំនួន កំពុងធ្វើការក្នុងមុខតំណែងសំខាន់ៗ ក្នុងជួររដ្ឋាភិបាល វិស័យឯកជន និងអង្គការមិនមែនរដ្ឋាភិបាលនានា។ លោកសង្ឃឹមថា តាមរយៈអាហារូបករណ៍នេះ នៅពេលពួកគេត្រឡប់មកវិញពួកគេនឹងទទួលបានលទ្ធផលដូចគ្នាដែរ។ ដូច្នេះ ការចាកចេញពីប្រទេសកម្ពុជា ទៅសហរដ្ឋអាមេរិកនៅពេលនេះ ខ្ញុំជឿជាក់ថា នៅពេលដែលពួកគេត្រឡប់មកវិញ ពួកគេនឹងនាំរឿងដ៏អស្ចារ្យបំផុតមកកម្ពុជា។
លោក វីល្លៀម ថត៖ «អាហារូបករណ៍ប្រភេទនេះ គឺជាការផ្លាស់ប្ដូរដើម្បីភាពរីកចម្រើនសម្រាប់យើងទាំងអស់គ្នា។ វាមានសារសំខាន់មិនត្រឹមតែសម្រាប់បុគ្គលខ្លួនឯងប៉ុណ្ណោះទេ ពីព្រោះអាហារូបករណ៍នេះបានផ្ដល់យើងអាចរៀនសូត្រអំពីភាពរីកចម្រើន ហើយសិស្សនិស្សិតត្រឡប់មកប្រទេសកម្ពុជាវិញ ដោយមានសញ្ញាបត្រថ្មី និងជំនាញថ្មី។ នេះគឺជាការធ្វើឲ្យប្រទេសជាតិរីកចម្រើនដែរ។ បើយើងក្រឡេកមើលអតីតនិស្សិតពីប្រទេសផ្សេងៗដែលទទួលបានអាហារូបករណ៍នេះ ពួកគេបានធ្វើកិច្ចការជាច្រើនដែលមិនគួរឲ្យជឿឡើយ។ ពួកគេទាំងនោះ បានជួយជំរុញកំណើនសេដ្ឋកិច្ចជាតិ និងក្លាយជាអ្នកដឹកនាំរដ្ឋាភិបាល»។
និស្សិតចំនួន ៨នាក់ មានស្រី ៤នាក់ និងប្រុស ៤នាក់ នឹងចេញដំណើរទៅសិក្សាថ្នាក់អនុបណ្ឌិតនៅបណ្ដារដ្ឋមួយចំនួនរយៈពេល ១ឆ្នាំ និង ២ឆ្នាំ ទៅតាមមុខវិជ្ជាផ្សេងៗគ្នា គឺមុខវិជ្ជាច្បាប់ សេដ្ឋកិច្ច អប់រំ អនុបណ្ឌិតផ្នែកភាសា បង្រៀនភាសាអង់គ្លេស និងអនុបណ្ឌិតផ្នែកប្រវត្តិសាស្ត្រ។ ក្នុងនោះមាននិស្សិតស្រីឈ្មោះ ជា សៀវហ័ង ហុង ចិន្ដា ប៉ិល ដាឡែន តាំង សុខគុង និងនិស្សិតប្រុស ហឿន រតនៈ គា សុធី ឡោ ណារិន និង វុធ លីណូ។
និស្សិត ឡោ ណារិន ដែលបានអាហារូបករណ៍អនុបណ្ឌិតផ្នែកបង្រៀនភាសាអង់គ្លេសនៅសាកលវិទ្យាល័យរដ្ឋអារីសូណា (Arizona State University) បានថ្លែងដោយទឹកមុខរីករាយថា ប្រាថ្នារបស់ខ្លួនថា នឹងបានអាហារូបករណ៍ទៅរៀននៅសហរដ្ឋអាមេរិក បានក្លាយជាការពិតហើយ៖ «នៅពេលត្រឡប់មកវិញខ្ញុំចង់ជួយសង្គមយើងផ្នែកអប់រំ ពីព្រោះខ្ញុំទៅសិក្សានេះគឺផ្នែកសិក្សាភាសាអង់គ្លេស ត្រឡប់មកវិញខ្ញុំចង់ធ្វើជាអ្នកដែលសរសេរកម្មវិធីបង្រៀនភាសាអង់គ្លេសសម្រាប់គោលបំណងផ្សេងៗគ្នា ឧទាហរណ៍ដូចជា អង់គ្លេស មគ្គុទ្ទេសក៍ទេសចរណ៍ និងអង់គ្លេសបែបផ្សេងៗទៀត ដែលតម្រូវការអនាគតនេះ នៅក្នុងឆ្នាំ២០១៥ ប្រសិនបើយើងធ្វើសមាហរណកម្មសម្រាប់ប្រជាជាតិអាស៊ីអាគ្នេយ៍ ពេលនោះនឹងតម្រូវការភាសាអង់គ្លេសនឹងមានការកើនឡើង»។
ទីប្រឹក្សាក្រសួងព័ត៌មានផ្នែកតន្ត្រីសម័យ លោក ប៉ិល សំអុន ជាឪពុករបស់និស្សិតឈ្មោះ ប៉ិល ដាឡែន ដែលជាប់អាហារូបករណ៍ផ្នែកអប់រំ បានសម្ដែងក្ដីរំភើបចំពោះកូនស្រីរបស់គាត់ដែលបានជាប់អាហារូបករណ៍នេះ៖ «យើងគ្រាន់តែប្រាប់ថា កូនអើយខំរៀនខំសូត្រទៅ ពីព្រោះប្រទេសជាតិយើងគេត្រូវការអ្នកចេះជាងដឹង ហើយពូជាតន្ត្រីករទេ ជាសិល្បករវាយស្គរនៅក្រសួងព័ត៌មាន ក្រុមតន្ត្រីក្រសួងព័ត៌មាន អត់មានធ្វើការអ្វីក្រៅពីលេងភ្លេងយកលុយទាំងអស់ហ្នឹង ដែលខំសន្សំសំចៃហ្នឹងទៅរៀនឲ្យបានតម្រិះលែងបានបួនដប់ម្ភៃរៀលចេះតែសន្សំទៅ»។
កម្មវិធីផ្ដល់អាហារូបករណ៍ ហ្វូលប្រាយ បានបង្កើតឡើងនៅឆ្នាំ១៩៤៦ ដោយសមាជិកព្រឹទ្ធសភាសហរដ្ឋអាមេរិកម្នាក់ ឈ្មោះ ចេម វីលៀម ហ្វូលប្រាយ (James William Fulbright) មកពីគណបក្សប្រជាធិបតេយ្យនៅរដ្ឋអាកាន់សាស់ (Arkansas) ដែលកម្មវិធីនេះមានបំណងបង្កើនការយល់គ្នារវាងប្រជាជននៅសហរដ្ឋអាមេរិក និងប្រជាជននៃបណ្ដាប្រទេសដទៃទៀត។ ចំណែកនៅប្រទេសកម្ពុជា កម្មវិធីបានចាប់ផ្ដើមឆ្នាំ១៩៩៤ ដែលមកដល់ពេលនេះ មាននិស្សិតកម្ពុជា ទៅរៀនថ្នាក់អនុបណ្ឌិត និងថ្នាក់បណ្ឌិតនៅសហរដ្ឋអាមេរិក ជាង ១៣០នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Congraulation!
You’re all the best, I am happy for you.
You have the successful and jion long life learning in the U.S.
Good luck, every one.
មិនមែនលោកជាតិសរសេរទេ គ្រាន់តែកែសម្រួលពាក្យពេជន៏ខ្លះប៉ុណ្ណោះ
*************************************************************
សំដីប្រមាថមាក់ងាយរបស់កឹម សុខា ទៅលើព្រលឹងជនរងគ្រោះនៅគុកទួលស្លែងកំពុងតែទទួលរងប្រតិកម្មយ៉ាងក្ដៅគគុកពីគ្រប់ទិសទី ហើយតម្រូវឲ្យកឹមសុខា ត្រូវទៅលុតជង្គង់លើកដៃសំពះសុំខមាលទោសចំពោះព្រលឹងជនរងគ្រោះទាំងនោះនៅឯគុកទួលស្លែង។ ប៉ុន្មានសប្ដាហ៍ចុងក្រោយនេះគណបក្សសង្គ្រោះជាតិរបស់កឹម សុខា កំពុងតែធ្វើឲ្យប្រជាជនកើតមានការសង្ស័យថា បើគណបក្សនេះឈ្នះឆ្នោតសង្គ្រាមនឹងកើតឡើងវិញ ហើយរបបខ្មែរក្រហមក៏របូតរលូតមកជាមួយដែរ។ ហេតុអ្វី? ព្រោះថាក្រុមកឹមសុខា- សមរង្ស៊ីបានប្រកាសថា បើពួកគេឈ្នះឆ្នោតគេនឹងទៅដណ្ដើមយកទឹកដីកម្ពុជាពីប្រទេសជិតខាងមកវិញ ហើយគេនឹងចាប់យករដ្ឋមន្ត្រីក្នុងរាជរដ្ឋាភិបាលបច្ចុប្បន្នទៅកាត់ទោស។
គេថាបើគេឈ្នះឆ្នោតគេនឹងយកទ្រព្យសម្បត្តិ ផ្ទះសម្បែង ដីធ្លី របស់អ្នកមានទៅចែកជូនប្រជាជនក្រីក្រវិញ។ គេនិយាយទៀតថា បើគេឈ្នះឆ្នោតគេនឹងលុបបំណុលទាំងអស់របស់ប្រជាជននៅឯធនាគារ។ ប៉ុន្តែចុងក្រោយនេះកន្ទុយរបស់ក្រុមកឹម សុខា- សម រង្ស៊ី ធ្លាយចេញមកលើគោកតែម្ដងគឺគេឃោសនាថាគុកទួលស្លែងគ្រាន់តែជាគុកសិប្បនិម្មិត ដែលវៀតណាមរៀបចំឡើងគ្រាន់ជាឆាកល្ខោនឃោសនាតែប៉ុណ្ណោះ។ សំដីរបស់កឹម សុខា មួយឃ្លានេះធ្វើឲ្យយើងនឹកឃើញទៅដល់សំដីរបស់នួន ជា ដែលមានតួនាទីជាប្រធានសភា តំណាងប្រជាជននៃរបបកម្ពុជាប្រជាធិបតេយ្យ ដែលបាននិយាយកាលពីពាក់កណ្ដាលទសវត្សរ៍ឆ្នាំ៨០ថា គុកទួលស្លែងគឺគ្រាន់តែជាឆាកល្ខោនដែលវៀតណាមរៀបចំឡើងដើម្បីឃោសនាបង្កាច់បង្ខូចមេដឹកនាំកម្ពុជាប្រជាធិបតេយ្យតែប៉ុណ្ណោះ។ ឥឡូវនេះកឹមសុខា បាននិយាយការពារទឡ្ហីករណ៍ របស់នួន ជាដោយឥតមានខ្វះចន្លោះឡើយ។ ជាការពិតហើយនរណាក៏ដោយបើហ៊ាននិយាយការពារថា គ្មានការសម្លាប់មនុស្សនៅគុកទួលស្លែងគឺមានន័យស្មើនឹងការទទួលស្គាល់ថា នៅក្នុងរបបកម្ពុជាប្រជាធិបតេយ្យគឺគ្មានការសម្លាប់មនុស្សទេ ហើយវាមានន័យស្មើនឹងការនិយាយប្រឆាំងនឹងប្រជាជនកម្ពុជារាប់លាននាក់ ដែលបានរស់រានឡើងវិញក្រោយថ្ងៃ៧មករា និងជាការនិយាយប្រមាថយ៉ាងអាក្រក់បំផុតទៅដល់វិញ្ញាណក្ខន្ឋប្រជាជនកម្ពុជាដែលបានស្លាប់យ៉ាងអយុត្តិធម៌នៅក្នុងទូទាំងប្រទេស និយាយជារួម និងនៅក្នុងគុកទួលស្លែងនិយាយដោយឡែក។
កឹម សុខា និងបក្ខពួករបស់គាត់ពិតជាបានដឹងថា ទួលស្លែងគឺជាមន្ទីរឧក្រិដ្ឋកម្មដែលមេដឹកនាំកម្ពុជាប្រជាធិបតេយ្យបានបង្កើតឡើងជាកន្លែងធ្វើទារុណកម្មអ្នកទោសយ៉ាងឃោរឃៅ។ លោកកាំងហ្គេចអ៊ាវ ហៅឌុច ដែលជាប្រធានគុកទួលស្លែងកាលពីពេលនោះបានសារភាពនៅក្នុងសវនាការតុលាការកាត់ក្ដីមេដឹកនាំខ្មែរក្រហមរួចហើយ។ កាំងហ្គេចអ៊ាវបានសំដែងការសោកស្ដាយ និង បានទទួលស្គាល់ នូវទង្វើឧក្រិដ្ឋយ៉ាងធ្ងន់ធ្ងរ ដែលបានកើតឡើងនៅទីនោះ។ កាំងហ្គេចអ៊ាវ ក៏ត្រូវបានតុលាការកាត់ទោសអតីតមេដឹកនាំខ្មែរក្រហមផ្ដន្ទាទោសគាត់ឲ្យជាប់ពន្ធនាគារមួយជីវិត។ មានតែ កឹម សុខា ទេមិនទទួលយកការពិតនេះ។ កឹម សុខា អន់ជាង កាំងហ្គេចអ៊ាវឆ្ងាយណាស់។ សំដី កឹម សុខា មួយម៉ាត់នេះផ្ដល់ពិន្ទុយ៉ាងច្រើនឲ្យនួន ជានិងខៀវសំផន ដែលកំពុងត្រូវបានតុលាការបើកសវនាការកាត់ទោសក្នុងសំណុំរឿង០០២។ មិនដឹងថានៅក្នុងបេះដូងកឹម សុខា រំជើបរំជួលប៉ុណ្ណាទេ ប៉ុន្តែសំដីរបស់កឹម សុខា បែបនេះគឺមានន័យថាគាត់កំពុងស្វះស្វែងការពាររបបខ្មែរក្រហម ស្វះស្វែងរកយុត្តិធម៌ឲ្យរបបខ្មែរក្រហម ហើយមិនខ្លាចនឹងបង្កើតរបបខ្មែរក្រហមថ្មីមួយទៀតទេ ប្រសិនបើគាត់មានលទ្ធភាពនៅពេលណាមួយនោះ។
បើគណបក្សសង្គ្រោះជាតិរបស់កឹម សុខា ឈ្នះឆ្នោតរឿងដែលយើងមិននឹកស្មានដល់ជាច្រើនអាចនឹងកើតឡើងយ៉ាងពិតប្រាកដ។ ប៉ុន្តែដំបូងបំផុតពេលនេះកឹម សុខា ត្រូវទៅកាន់ទួលស្លែងដើម្បីសុំទោសដល់ព្រលឹងអ្នកស្លាប់ដើម្បីឲ្យប្រជាជនកម្ពុជាបានស្ងប់ចិត្ត។ ការពិតជាប្រវត្តិសាស្ត្រមួយដែលពិភពលោកបានឃើញ បានឮ បានដឹង យ៉ាងជាក់ស្ដែងបែបនេះទៅហើយ កោតតែលោក កឹម សុខា និយាយភូតកុហកទៅកើត ចុះទម្រាំពាក្យសន្យាខ្យល់ដទៃទៀតតើវានៅឯក្រហែងណាទៅ។ ប៉ុន្តែក្រុមកឹម សុខា មិនមែនចេះតែភូតកុហកគ្រប់រឿងនោះទេ។ រឿងខ្លះគឺគាត់និយាយពិតកុំអាលមើលស្រាលកឹមសុខាឲ្យសោះ…ជាពិសេសគឺការសន្យាដកយកដីធ្លី ទ្រព្យសម្បត្តិពីអ្នកមានឲ្យអ្នកក្រ ការលុបបំណុលរបស់ប្រជាជនដែលជំពាក់ធនាគារ នោះគឺមានន័យស្មើនឹងការលុបបំបាត់ធនាគារចោលតែម្ដង…តើពេលនោះស្រុកទេសនឹងច្របូកច្របល់យ៉ាងណា? តើរបបខ្មែរក្រហមវាមិនកើតឡើងវិញទេឬអី?ពីមុននោះចេះតែសង្ស័យ ចេះតែពិភាល់ក្នុងចិត្ត ឥឡូវនេះច្បាស់ណាស់ ខ្មោចរបបខ្មែរក្រហមកំពុងអង្រួនផ្នូរប្រុងពុះជ្រែកដីចេញមកវិញទៀតហើយ។ ប៉ុន្តែការសម្រេចចិត្តគឺស្ថិតនៅលើប្រជាជនកម្ពុជា។ ខ្មែរក្រហមងាប់បាត់ហើយ។ អ្នកណាចង់គាស់យករបបខ្មែរក្រហមមកហិតឡើងវិញ អ្នកនោះត្រូវតែបរាជ័យ ហើយជីវិតនយោបាយអ្នកនោះគឺចប់សូន្យសុងតែម្ដង!!
សូមជួយគាំទ្រផង លោក លោកស្រី ជានិស្សិតគំរូ គួរឲ្យកោតសសើរខ្លាំណាស់ ! អស់លោកគឺជា
ធនធានមនុស្សពិតប្រាកដរបស់ជាតិយើង ។ ខុសពីក្រុមនិសិ្សតត្បាញអាយមួយចំនួនមិនគិតខិតខំ
រៀនសូត្រដើម្បីខ្លួនឯង និងប្រទេសជាតិ បែរជាបង្ករឲ្យមានភាពវឹកវរខាងនយោបាយទៅវិញ ។
សូមសរសើរដោយស្មោះនូវសមត្ថភាពលោក លោកស្រី ដែលទទួលបាននូវអាហារូបករណ៍នេះ សូមយកចំណេះដឹងទាំងនេះមកបម្រើប្រជាពលរដ្ឋដោយស្មោះ។
I see only 7 students, lost one.