រោងចក្រកាត់ដេរ សាប្រ៊ីណា (Sabrina) ដែលជារោងចក្រស៊ីឈ្នួលផលិតសំលៀកបំពាក់កីឡាល្បីរបស់ក្រុមហ៊ុនណៃគី (Nike) ដាក់ពាក្យប្ដឹងទៅសមត្ថកិច្ចទារថ្លៃខូចខាតទ្រព្យសម្បត្តិ និងប្រាក់ជំងឺចិត្ត ១៥ម៉ឺនដុល្លារ ពីមន្ត្រីសហជីព ៨នាក់ ដោយចោទថា ពួកគេបានបង្កកូដកម្មរហូតឈានទៅផ្ទុះហិង្សាកើតឡើង កាលពីថ្ងៃទី៣ មិថុនា ធ្វើឲ្យខូចខាតអាគារ និងទ្រព្យសម្បត្តិសម្ភារៈរោងចក្រយ៉ាងធ្ងន់ធ្ងរ។
ដោយ ទេព សុរ៉ាវី
2013-06-04
RFA
ស្ដាប់ ឬ ទាញយកសំឡេង
មេធាវីរោងចក្រ សាប្រ៊ីណា បានយកពាក្យបណ្ដឹងទៅដាក់នៅអធិការដ្ឋាននគរបាលស្រុកសំរោងទង ក្នុងខេត្តកំពង់ស្ពឺ ដើម្បីទាមទារសំណងជំងឺចិត្ត និងថ្លៃខូចខាតទ្រព្យសម្បត្តិរបស់ក្រុមហ៊ុន។
អធិការនគរបាលស្រុកសំរោងទង លោក ផុត សុផល ឲ្យដឹងនៅថ្ងៃទី៤ ខែមិថុនា ថាលោកបានទទួលពាក្យបណ្ដឹងពីមេធាវីរោងចក្រ សាប្រ៊ីណា រួចហើយ ដោយក្រុមហ៊ុនប្ដឹងមន្ត្រីសហជីព ៨នាក់ ដែលជាប់ពាក់ព័ន្ធនឹងការបង្កអំពើហិង្សាបំផ្លិចបំផ្លាញទ្រព្យសម្បត្តិក្រុមហ៊ុន និងទាមទារថ្លៃជួសជុលខូចខាតចំនួន ១០ម៉ឺនដុល្លារ និងថ្លៃជំងឺចិត្តចំនួន ៥ម៉ឺនដុល្លារ។
លោក ផុត សុផល៖ «មួយបំផ្លិចបំផ្លាញ មួយថ្លៃជំងឺចិត្ត គាត់វ៉ៃទ្រព្យគាត់ខ្ទេចខ្ទីអស់ កញ្ចប់បាយកម្មករដូចគ្នា ដែលគាត់ចូលធ្វើការហ្នឹងព្យួរតាមរបងនៅរោងបាយ គាត់ចេញមកម៉ោង ១២ហូបហ្នឹងយកជាន់ចោលអស់រលីង វ៉ៃកង់គ្នាខ្ទេចអស់ ៤៩គ្រឿង។ តាមអាគារបែកកញ្ចក់ដូចកាលខ្មែរក្រហមបាញ់អ៊ីចឹង។ វាមានអ្នកត្រូវដុំថ្មខ្លះ ៤ ទៅ ៥នាក់ដែរ តែគេថា កម្មករដូចគ្នាខ្ជិលប្ដឹង ប៉ុន្តែរោងចក្រគេប្ដឹង កម្មករធ្វើសាក្សីទៅ រត់ចូលទៅវាយកម្ទេចបាញ់ចម្ពាមកៅស៊ូបែកកញ្ចក់អស់»។
លោកបន្តថា ពាក្យបណ្ដឹងនោះ លោកបានរៀបចំបញ្ជូនទៅស្នងការនគរបាលខេត្តកំពង់ស្ពឺ រួចហើយ ហើយមន្ត្រីជំនាញនៅទីនោះនឹងបន្តបណ្ដឹងនេះទៅកាន់តុលាការ។ លោក ផុត សុផល បញ្ជាក់ថា មានកម្មករ ៤ ទៅ ៥នាក់ ដែលរងរបួសក្នុងការផ្ទុះហិង្សានោះ ត្រៀមចាំធ្វើសាក្សីឲ្យភាគីរោងចក្រក្នុងរឿងបណ្ដឹងនេះ។
ការដាក់ពាក្យបណ្ដឹង ធ្វើឡើងមួយថ្ងៃបន្ទាប់ពីកម្មកររោងចក្រកាត់ដេរ សាប្រ៊ីណា ដែលមាននិន្នាការសហជីព ២ផ្សេងគ្នា បានផ្ទុះហិង្សាកាលពីព្រឹកថ្ងៃទី៣ ខែមិថុនា ខណៈដែលមានកម្មករជិត ២ពាន់នាក់ បានធ្វើកូដកម្មនៅខាងមុខរោងចក្រ និងធ្វើឲ្យខូចខាតទ្រព្យសម្បត្តិជាច្រើនរបស់ក្រុមហ៊ុន។ សមត្ថកិច្ចសម្រេចឃាត់ខ្លួនថ្នាក់ដឹកនាំសហជីព និងសកម្មជនសហជីពសេរីកម្មករនៃព្រះរាជាណាចក្រកម្ពុជា ៨នាក់ទៅសួរចម្លើយនៅអគ្គស្នងការនគរបាលជាតិនៃក្រសួងមហាផ្ទៃ។
មកដល់រសៀលថ្ងៃទី៤ ខែមិថុនា ប្រធានសហជីពសេរីកម្មករមិនទាន់បានទទួលដំណឹងថា ខាងសមត្ថកិច្ចដោះលែង ឬបញ្ជូនពួកគេទៅតុលាការ ឬយ៉ាងណានៅឡើយទេ។ ខណៈដែលអ្នកនាំពាក្យអគ្គស្នងការនគរបាលជាតិ លោក គៀត ច័ន្ទថារិទ្ធ បដិសេធមិនអត្ថាធិប្បាយ ដោយប្រាប់ថាកំពុងជាប់ប្រជុំ។
ប្រធានសហជីពសេរីកម្មករ លោក ជា មុនី បានថ្លែងក្នុងសន្និសីទកាសែតកាលពីរសៀលថ្ងៃទី៤ ខែមិថុនា ដោយអំពាវនាវឲ្យអាជ្ញាធរគ្រប់លំដាប់ថ្នាក់ និងប្រធានគណៈកម្មការទប់ស្កាត់បាតុកម្ម កូដកម្ម ដោះលែងមន្ត្រីសហជីពទាំង ៨នាក់ឲ្យមានសេរីភាពវិញ ដោយសំអាងថា មន្ត្រីសហជីពរបស់លោកមិនបានប្រើអំពើហិង្សាណាមួយដល់សហគ្រាសរោងចក្រនោះទេ។ ផ្ទុយទៅវិញ លោកយល់ថា ហិង្សានោះផ្ទុះឡើងបានដោយមានការរៀបចំទុកជាមុនរបស់រោងចក្រ សាប្រ៊ីណា ជាមួយសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា។
លោក ជា មុនី ព្រមានថា ប្រសិនបើមិនមានការដោះលែងមន្ត្រីសហជីពរបស់លោកទេនោះបាតុកម្មទ្រង់ទ្រាយធំនឹងកើតឡើង ប៉ុន្តែលោកមិនទាន់កំណត់ថ្ងៃធ្វើនៅឡើយ។
ចំពោះបណ្ដឹងទាមទាររបស់ក្រុមហ៊ុន សាប្រ៊ីណា វិញ លោកស្វាគមន៍ ហើយបញ្ជាក់ថា ប្រសិនបើតុលាការមានយុត្តិធម៌មែននោះ តុលាការនឹងផ្ដល់យុត្តិធម៌ពិតឲ្យមន្ត្រីសហជីពរបស់លោក៖ «សម្រាប់ខ្ញុំអត់មានព្រួយបារម្ភទេក្នុងនាមសហជីពដើម្បីដោះស្រាយផ្លូវច្បាប់យុត្តិធម៌ និងសិទ្ធិសេរីភាពរបស់កម្មករកម្មការិនី គឺយើងតែងតែប្រាប់ថា មិនឲ្យប្រើអំពើហិង្សាទេ ហើយបើមានអំពើហិង្សាណាមួយ យើងចោទប្រកាន់ថា គឺជាហិង្សាដែរ។ កើតឡើងមានជនមួយក្រុមរៀបចំទុកជាមុន និយាយឲ្យចំទៅ គឺក្រុមហ៊ុន សាប្រ៊ីណា ហ្នឹងតែម្ដង ដែលរៀបចំជាមួយនឹងសហព័ន្ធសហជីពស៊ីខាវដូ រៀបចំធ្វើព្រឹត្តិការណ៍ហ្នឹងតែម្ដង»។
ប្រធានរដ្ឋបាលរោងចក្រ សាប្រ៊ីណា លោកស្រី ហុង លុយ មិនបានឆ្លើយតបណាមួយចំពោះការលើកឡើងរបស់លោក ជា មុនី ទេ។ ប៉ុន្តែអ្នកស្រីប្រាប់ថា កម្មករជាង ៣ពាន់នាក់ក្នុងចំណោមកម្មករសរុបជាង ៥ពាន់នាក់ បន្តធ្វើការងារជាធម្មតានៅថ្ងៃទី៤ ខែមិថុនា ហើយកម្មករដែលធ្វើកូដកម្មនៅមុខរោងចក្របានផ្អាកមួយរយៈ។
រោងចក្រ សាប្រ៊ីណា ទើបតែបើកទ្វារឡើងវិញកាលពីថ្ងៃទី៣ ខែមិថុនា ក្រោយពីបិទរយៈពេល ៣ថ្ងៃ បន្ទាប់ពីមានការបង្ក្រាបកូដកម្មទៅលើកម្មករ រហូតធ្វើឲ្យកម្មករជាង ២០នាក់របួស និងស្ត្រីមានផ្ទៃពោះ ២នាក់រលូតកូន កាលពីថ្ងៃទី២៧ ខែឧសភា។ កម្មករធ្វើកូដកម្មទាមទារសុំដំឡើងប្រាក់ខែគោលចំនួន ១៤ដុល្លារបន្ថែម។ ប៉ុន្តែខាងរោងចក្រថា ការទាមទារនោះមិនអាចធ្វើទៅរួច ព្រោះបានផ្ដល់ប្រាក់ឈ្នួលអប្បបរមា ៩៥ដុល្លារដល់កម្មកររួចហើយ ក្នុងនោះបូកប្រាក់សុខភាព ៥ដុល្លារ និងថ្លៃធ្វើដំណើរ ៧ដុល្លារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
មើលរូភាពខាងលើស្រដៀងនិងរូបភាពខ្មែរក្រហម……..
http://www.youtube.com/watch?feature=endscreen&v=_cYC7BJ0Zc8&NR=1
លិខិតមិត្តអ្នកអាន ៖ ដំបៅចាស់ រើឡើងវិញ !
*បញ្ជាក់៖មិនមែនលោកជាតិសរសេរទេ គ្រាន់តែជួយកែសម្រួលពាក្យពេជន៏ខ្លះប៉ុណ្ណោះ
ក្នុងនាមជាជនរួមជាតិ ខ្ញុំបាទ សូមចូលរួម បញ្ចេញមតិ ដែលខ្ញុំបាទ បានយល់ឃើញ នៅក្នុងបរិបទ សង្គមប្រជាធិបតេយ្យ តាមរយៈការព្យាយាម ចងក្រងនិពន្ធអត្ថបទ ទស្សនវិភាគនេះ ដោយមានការឈ្វេងយល់រក ការពិត យ៉ាងសុក្រិតអំពីព្រឹត្ដិការណ៍សង្គម ( ដំបៅចាស់រើឡើងវិញ) ដែលជាទស្សនទានមួយ សម្រាប់បងប្អូនជន រួមជាតិ ក្រេបយកធ្វើជាមូលដ្ឋាន ក្នុងការសម្រេចចិត្ដបោះឆ្នោត ជ្រើសរើសតំណាងរាស្ដ្រ នៅក្នុងគណបក្សណា មួយ ដែលខ្លួនពេញចិត្ដសម្រាប់ អាណត្ដិទី ៥ នេះ ។
ពិតណាស់ បងប្អូនជនរួមជាតិទាំងអស់ ដែលមានសំណាង កើតនៅលើដែនដីដែលជាទឹកដី អច្ឆរិយៈ និងចាស់ទុំ មួយនៅក្នុងតំបន់អាស៊ី ។ បងប្អូនបានដឹងច្បាស់ហើយ អំពីប្រវត្ដិសាស្ដ្រដ៏ជូរចត់របស់យើង ដែលឆ្លងកាត់នូវ ជម្លោះទាស់ទែងរវាងគ្នានឹងគ្នា តាំងពីសម័យបុរាណកាល ហើយបន្ដអូសបន្លាយរុំារៃ ស្ទើរគ្រប់ជំនាន់ ។ម្យ៉ាងទៀត បានធ្វើឱ្យបាត់បង់ទឹកដីមហានគររបស់យើង ស្ទើរតែអស់ទៅហើយ ។
កាន់តែគ្រោះថ្នាក់ជាងនេះទៅទៀត របបរាជានិយម ត្រូវបានផុតរលត់ កើតមានសង្គ្រាមកាប់ សម្លាប់រង្គាល រវាង ជាតិសាសន៍ខ្លួនឯង ។ ប៉ុន្ដែបច្ចុប្បន្ននេះ ខ្មែរយើងទើបតែទទួលបាននូវសេចក្ដីសុខសប្បាយ ហើយចាប់ផ្ដើមប្រឹង ប្រែងអភិវឌ្ឍប្រទេសឡើងវិញ ដើម្បីឱ្យស្មើមុខស្មើមាត់ នៅលើឆាកអន្ដរជាតិ ដែលជាគន្លងឆ្ពោះ ទៅរកភាពរីក ចម្រើន ដូចជាខ្មែរសម័យអង្គរ តាមរយៈការជ្រកក្រោមម្លប់ដ៏ត្រជាក់ត្រជុំ ពីព្រះមហាក្សត្រជាមួយនឹងការ ដឹកនាំ នៃរាជរដ្ឋាភិបាល របស់សម្ដេចតេជោ សែន នាពេលបច្ចុប្បន្ន ។ ផ្ទុយទៅវិញដំបៅចាស់ដែលបានបន្សល់ទុកពី អតីតកាលរបស់យើង បានចាប់ផ្ដើមរើឡើងវិញទៀតហើយ…! ។ គោលនយោបាយ ខ្មែរសាធារណរដ្ឋ ដឹកនាំ ដោយ លោក លន់ នល់ រួមនឹងបក្ខពួកជាច្រើន ក្នុងនោះមានទាំងព្រះអង្គម្ចាស់ ស៊ីសុវត្ថិ សិរីមតៈ គាំទ្រដោយសហ រដ្ឋអាមេរិក បានយកគ្រាប់បែករាប់រយតោន មកទម្លាក់លើក្បាល ប្រជាជនកម្ពុជាយើង ក្នុងរដ្ឋប្រហារទម្លាក់សម្ដេច ព្រះ នរោត្ដម សីហនុ ហើយលុបបំបាត់ របបរាជានិយម ។ របបកម្ពុជាប្រជាធិបតេយ្យ ដឹកនាំដោយលោក ប៉ុល ពត បានកាប់សម្លាប់ខ្មែរខ្លួនឯងស្លាប់រង្គាល រាប់លាននាក់ ហើយដាក់នូវគោលនយោបាយ គឺអ្វីៗទាំងអស់គ្មានកម្ម សិទ្ធិផ្ទាល់ខ្លួនឡើយ រួមទាំងទ្រព្យសម្បត្ដិបងប្អូន កូនចៅ ឪពុក-ម្ដាយ និងជីវិតខ្លួនឯង គឺសុទ្ធតែជារបស់អង្គការ ទាំងអស់ ដែលអង្គការ គ្រាន់តែសម្រេចឱ្យអ្នកណារស់ទើបអ្នកនោះរស់ ឱ្យអ្នកណាស្លាប់ អ្នកនោះនឹងស្លាប់ គ្មាន សិទ្ធិតវ៉ា គ្មានការវិនិច្ឆ័យអ្វី ដោយគ្រាន់តែអនុវត្ដនូវពាក្យស្លោករបស់ពួកគេមួយឃ្លាថា “ទុកក៏មិនចំណេញ ដក ចេញក៏មិនខាត” ។ នយោបាយទាំងពីរនេះ គឺចាត់ទុក ជាគោលនយោបាយ ដែលមានមនោគមន៍វិជ្ជា បិសាចចូល សណ្ឋិត (លទ្ធិបិសាច) វាឃោរឃៅបំផុត ដែលពួកយើងជំនាន់ក្រោយ មិនត្រូវយកគំរូតាមនោះឡើយ ព្រោះវាជា ដំបៅមួយគ្រោះ ថ្នាក់បំផុត នៅក្នុងសង្គមខ្មែរ ពីអតីតកាលក៏ដូចជាបច្ចុប្បន្ន ។
ឥឡូវនេះ ស្រមោលអតីតកាល នៃមនោគមន៍វិជ្ជាបិសាច សណ្ឋិតក្នុងរបបទាំងពីរនេះ បានសម្ងំក្នុងខួរក្បាលនៃ មនុស្សមួយចំនួន ស្ថិតក្នុងគណបក្សប្រឆាំងទាំងពីរសមរង្សី-កឹមសុខារួចស្រេចទៅហើយ ក្នុងប្រទេសរបស់យើង ដែលជាបក្សតាំងខ្លួន ជាបិតាប្រជាធិបតេយ្យ ហើយដំបៅនេះ វាកំពុងតែរីកធំធាត់យ៉ាងឆាប់រហ័ស នឹងជ្រាលជ្រៅបំផុត ចូលទៅក្នុង បណ្ដាញគោលនយោបាយ របស់ពួកគេក្នុងខណៈដែលបក្សប្រឆាំងទាំងពីរនេះ បានរួមបញ្ចូលគ្នា ហើយបង្កើតជា បក្សមួយហៅថា “ បក្សសង្គ្រោះជាតិ” ។
ពាក្យថា សង្គ្រោះជាតិ បើស្ដាប់មួយភ្លែត ដោយពុំចាប់អារម្មណ៍យើងគិតថា វាល្អសម្រាប់ជនរួមជាតិ គ្រប់គ្នា ព្រោះ វាអាចជួយសង្គ្រោះយើងទាំងអស់គ្នា ។ ប៉ុន្ដែបើលើកវាយកមកគិតបន្ដិចនោះ នឹងមានការភ័យខ្លាចរន្ធត់យ៉ាងខ្លាំង ដោយហេតុថា វាបង្កប់ទៅដោយភាពពិសពុលបំផុតទៅវិញព្រោះថា ប្រទេសជាតិរបស់យើងកំពុងតែសុខសប្បាយ រីកចម្រើន ឥតឈប់ឈរនោះ បែរជាក្រុមអ្នកទាំងនេះ ធ្វើនយោបាយសង្គ្រោះជាតិ សង្គ្រោះអ្នកណា សង្គ្រោះស្អីវា? ដែលការពិតវាជាគោលនយោបាយជាន់ ដានចាស់ នៃស្រមោលអតីតកាល ដែលកាលនោះ សម័យសង្គមរាស្ដ្រនិយម កំពុងរីកចម្រើនលេចធ្លោជាងគេ នៅ ក្នុងតំបន់អាស៊ីអាគ្នេយ៍ បែរជាលន់ នល់ ធ្វើរដ្ឋប្រហារទម្លាក់សម្ដេចព្រះនរោត្ដម សីហនុ ហើយបង្កើតរដ្ឋាភិបាល ថ្មី ឈ្មោះថា “ស្រោចស្រង់ជាតិ” ហើយផ្លាស់ប្ដូររបបរាជានិយម ទៅជារបបសាធារណរដ្ឋ ធ្វើឱ្យប្រទេសទាំងមូលដែល ទើបតែបានសុខសាន្ដ ធ្លាក់ចូលទៅក្នុងសង្គ្រាម កាប់សម្លាប់ខ្មែរខ្លួនឯង ។
បើទោះបីជា អ្នកនយោបាយមួយក្រុមនេះ ដែលលាយឡំ ជាមួយនឹងមនុស្សវង្វេងសញ្ជាតិ (សញ្ជាតិពីរ) កន្លងមក ខិតខំបិទបាំងធាតុពិត នៃជីវិតនយោបាយពិសពុលក្រោមស្លាក អ្នកប្រជាធិបតេយ្យយ៉ាងណាក៏ដោយ ក៏មិនអាច លាក់បាំងធាតុពិត របស់ខ្លួនក្រោមក្រសែភ្នែក បងប្អូនជនរួមជាតិទាំងឡាយ ដែលបានឃើញ បានដឹង បានឮ ហើយស្អប់ខ្ពើមពីទង្វើរបស់ពួកទាំងនេះ ។ ជាក់ស្ដែង កន្លងមកថ្មីៗនេះ ដែលកាន់តែបង្ហាញឱ្យឃើញច្បាស់ ថែម ទៀត នោះគឺ ខណៈដែល កឹម សុខា មានតួនាទីជាប្រធានស្ដីទី បក្សសង្គ្រោះជាតិ ធ្វើសេចក្ដីថ្លែងការណ៍ គាំទ្ររបបប៉ុលពត ដោយអះអាងមានន័យថា លោកមិនចង គំនុំរបបប៉ុលពត បើទោះបីជារបបនេះ សម្លាប់ឪពុក លោកក៏ដោយ និងគុកទួលស្លែង ជាឆាកសិប្បនិម្មិត ដោយវៀតណាម ជាអ្នកបង្កើត… ជាដើម ។
ទង្វើនេះ វាកាន់តែបង្ហាញពីភាពឃោរឃៅ ជាងមេដឹកនាំខ្មែរក្រហមមួយចំនួនទៅទៀត ដែលធ្លាប់ កាប់សម្លាប់ ប្រជាជនដូចជា លោក នួន ជា និងលោក ខៀវ សំផន ដែលអ្នកទាំងពីរ ចេញមុខសារភាព សុំទោស ព្រមទទួល ខុសត្រូវ នូវទង្វើរបស់ខ្លួនមុខតុលាការកូនកាត់ កាលពីថ្ងៃទី ៣០ ខែឧសភា ឆ្នាំ២០១៣ កន្លងមក ។ ដោយឡែក គង់ គាំ មានតួនាទីជាប្រធានគណបក្ស សម រង្ស៊ី បាននិយាយគាំទ្ររបប លន់ នល់ មានន័យថា សម្ដេច ព្រះនរោត្ដម សីហនុ ជាអ្នកបញ្ជាឱ្យលោក លន់ នល់ ធ្វើរដ្ឋប្រហារទម្លាក់ ព្រះអង្គដោយសារមានយួន នៅក្នុង ស្រុកទៅវិញ ក្នុងខណៈដែលព្រះអង្គរួម និងប្រជាជនទូទាំងប្រទេស ក្លាយជាអ្នករងគ្រោះ ដោយសាររបបនេះ រួច ស្រេចទៅហើយ ។ នៅក្នុងបណ្ដាញរបស់ពួកគេ ដែលមាន សុន ឆ័យ មានតួនាទី ជាប្រធានក្រុមតំណាង រាស្ដ្ររបស់គណបក្ស សម រង្ស៊ី និងលោក ម៉ម សូណង់ដូ ដែលជាប់ពិរុទ្ធ ពីបទបង្កើតតំបន់អបគមន៍ ប្រឆាំងរដ្ឋា ភិបាល ក្នុងទឹកដីខេត្ដក្រចេះកន្លងមក ទៅចូលរួមបញ្ចេញមតិជាមួយនឹងលោក សួន សិរីរដ្ឋា ដែលប្រជាជនកម្ពុជា ចាត់ ទុកជាមនុស្សក្បត់ជាតិ ក្បត់ប្រជាជនខ្លួនឯង ទៅគាំទ្រផ្ដល់ កម្លាំងចិត្ដពួកក្រុម សៀមអាវលឿងស្រែកឃ្លាន សង្គ្រាម តែងតែមានមហិច្ឆិតាចិញ្ចឹមចិត្ដ ចង់ដណ្ដើមយកទឹកដីរបស់យើងពីជំនាន់មួយទៅ ជំនាន់មួយ ។
ជាក់ស្ដែងកាលពីថ្ងៃទី១៥ ខែកក្កដា ឆ្នាំ២០០៨ កន្លងមកនេះ ពួកសៀមអាវលឿងដឹកនាំ ដោយអាប់ភីស៊ីត បាន បង្កើតសង្គ្រាមជាមួយកម្ពុជា ក្នុងគោលបំណងលេបត្របាក់ទឹកដី និងប្រាង្គប្រាសាទរបស់យើងមួយចំនួន នៅតាម បន្ទាត់ព្រំដែន ដូចជា ប្រាសាទព្រះវិហារ ប្រាសាទតាមាន់ ប្រាសាទ តាក្របី… ។ ក្នុងពេលដែលកងយោធពល ខេមរភូមិន្ទរបស់យើងជាប់ដៃ ទប់ទល់ការពារបូរណភាពជាមួយនឹងសង្គ្រាមឈ្លានពានទិសខាងលិច លោក សម រង្ស៊ី បង្កើតបញ្ហានៅទិសខាងកើត ដោយដកបង្គោលព្រំដែន រវាងកម្ពុជា វៀតណាម ក្នុងគោលបំណង បង្កឱ្យមាន អរិភាពរវាងប្រទេសទាំងពីរ ។ ចេតនានេះគឺលោក សម រង្ស៊ី ចង់កាត់បន្ថយកម្លាំង យោធាដែល កំពុងប្រយុទ្ធទប់ទល់នៅទិសខាងលិច ដើម្បីងាយស្រួល ឱ្យសៀមចូលឈ្លានពានកាន់កាប់ទឹកដីរបស់យើង ដែលអាចឱ្យក្រុមនេះ មានឱកាសបង្កចលាចល នយោបាយវឹកវរ នៅក្នុងប្រទេស ។ អ្នកនយោបាយបែបនេះ តើបានបង្ហាញពីមនុស្ស មានឆន្ទៈការពារប្រជាជន ស្រឡាញ់ជាតិ ស្រឡាញ់ទឹកដីដែរ ឬទេ? ។ មិនតែប៉ុណ្ណោះពួកក្រុម សួន សិរីរដ្ឋា ដែល តាំងខ្លួនឯង ជាអ្នកបន្ដវេន ស្នងរូបរបបសាធារណរដ្ឋ បានរៀបចំគម្រោងបង្កើត កងកម្លាំងប្រដាប់អាវុធនៅក្នុងទឹក ដី សៀមដោយមានការគាំទ្រ ពីសៀមអាវលឿង ដើម្បីប្រកាសសង្គ្រាមប្រឆាំងរដ្ឋាភិបាលដែល គ្រប់គ្រងដោយ គណបក្សប្រជាជនកម្ពុជា មានសម្ដេចទាំងបីជាប្រធាន ដែលកន្លងមក គណបក្សនេះបានប្រឹងប្រែងយកជីវិតធ្វើជា ដើមទុន ដើម្បីរំដោះប្រជាជន ឱ្យរួចផុតពីរបបប្រល័យពូជសាសន៍ប៉ុលពត ។
ម្យ៉ាងវិញទៀតគណបក្សនេះ (គណបក្សប្រជាជន) មានគោលនយោបាយច្បាស់លាស់ ក្នុងការការពារបូរណភាព ទឹកដី ការពារជាតិ ការពារសាសនា ការពារព្រះមហាក្សត្រ និងការការពារ ប្រជាជន តាមរយៈគោលនយោបាយ ឈ្នះឈ្នះ របស់សម្ដេចតេជោ សែន ។ មិនតែប៉ុណ្ណោះខិតខំរលាស់ខ្លួន ចេញពីសង្គ្រាម តាមរយៈការបង្រួបបង្រួម ជាតិ ហើយព្យាយាមប្រឹងប្រែង អភិវឌ្ឍប្រទេសឱ្យរួចផុតពីបន្ទាត់នៃភាពក្រីក្រ ។
នេះគឺជាគោលនយោបាយ ដែលមានមនោគមន៍វិជ្ជា ទេវតាចូលសណ្ឋិត (លទ្ធិទេវតា) ដែលស្ថិតក្នុងសភាវៈល្អ ចុះ ជួយជនរួមជាតិយើង តាមរយៈធ្វើផ្លូវ ធ្វើស្ពាន ធ្វើប្រឡាយទឹក ធ្វើវត្ដអារាម ធ្វើមន្ទីរពេទ្យ ធ្វើសាលារៀន រកការងារ ឱ្យប្រជាជនធ្វើដឹងសុខដឹងទុក្ខ ប្រជាជនធ្វើឱ្យប្រជាជនសុខសាន្ដមានជីវភាពកាន់តែប្រសើរ ។ទាំងនេះបានបង្ហាញ ឱ្យឃើញកាន់តែច្បាស់ណាស់ថា រវាងរបបដែលមានមនោគមន៍វិជ្ជាទេវតាសណ្ឋិត (លទ្ធិទេវតា) តំណាងឱ្យសភាវៈ ល្អ និងរបប ដែលមានមនោគមន៍វិជ្ជាបិសាច ចូលសណ្ឋិត (លទ្ធិបិសាច) តំណាងឱ្យសភាវៈអាក្រក់ នោះវាផ្ទុយ ស្រឡះពីគ្នាដូចទឹក និងប្រេង ព្រោះលទ្ធិបិសាចគេមិនដែលបានកសាងអ្វីទេ ដើរជេរប្រមាថ បោកបញ្ឆោតប្រជា ជន ដើរអំពាវនាវឱ្យបរទេសផ្ដាច់ជំនួយជាដើម… ។ ម្យ៉ាងវិញទៀត គេចង់ឱ្យមានសង្គ្រាមកាប់សម្លាប់ខ្មែរគ្នាឯង ឡើងវិញ ដើម្បីឱ្យលទ្ធិទេវតាដែលជាសភាវៈល្អ ដួលរលំនោះ ពួកគេនឹងមានឱកាសបំបាត់នូវរបបរាជានិយម ដូច ពីសម័យសាធារណរដ្ឋ ដែលក្រុមរបស់ពួកគេធ្លាប់បានធ្វើកន្លងមក ។
សម្រាប់បច្ចុប្បន្ន បើទោះបីជាពួកនេះ ក្រុមនេះមិនទាន់ប្រមូលផ្ដុំ ចេញជារូបរាងធំដុំក៏ដោយ ប៉ុន្ដែទង្វើរបស់ពួកគេ មិន ត្រូវមើលស្រាលបានឡើយ ដូចពាក្យចាស់លោកថា “អាតូចមិនឈ្នះអាធំ ប៉ុន្ដែអាតូចវាផ្ដុំ អាធំដួលគ្រាំង” ។ ការរីករាលដាលនៃស្លាកស្នាមដំបៅចាស់ ដែលបានចារទុកក្នុងប្រវត្ដិសាស្ដ្រនេះ ប្រសិនបើពុំមានថ្នាំព្យាបាល ទាន់ ពេលវេលាទេ ដំបៅនេះនឹងរីករាលដាលកាន់តែធំឡើងៗ ពាសពេញប្រទេសជាក់ជាមិនខាន ។ ដូច្នេះយើងជាជនរួមជាតិ ជាទំពាំងស្នងឫស្សីត្រូវតែចូលរួមទាំងអស់គ្នា ដើម្បីព្យាបាលជំងឺដំបៅនៅក្នុងសង្គម ដ៏កាចសាហាវនេះមិន ឱ្យរើឡើងវិញបានឡើយ ។ តាមរយៈការបោះឆ្នោតជ្រើសរើស តំណាងរាស្ដ្រអាណត្ដិទី៥ នេះ ឱ្យទៅគណបក្ស ប្រជាជនកម្ពុជាទាំងអស់គ្នា ដើម្បីដឹកនាំប្រទេសឱ្យកាន់តែរីកចម្រើន និងមិនធ្លាក់ចូលទៅក្នុងសង្គ្រាមឡើងវិញ ហើយការពាររបបរាជានិយម ដែលកន្លងមក សម្ដេចតេជោ សែន ធ្លាប់សន្យានៅចំពោះមុខព្រះភក្ដ្រព្រះបរមសព ព្រះបរមរតនកោដ្ឋ រួចមកហើយ ។ នេះអាច ចាត់ទុកថា ជាថ្នាំព្យាបាលយ៉ាងស័ក្ដិសិទ្ធបំផុត សម្រាប់សម្លាប់ ជំងឺ ដែលធ្លាប់បានរុករានទន្ទ្រាន ក្នុងរាងកាយសង្គមរបស់យើងពីអតីតកាល មិនឱ្យកើតមានបន្ដ មកបច្ចុប្បន្ននេះបាន ឡើយ ៕
កម្មករកំពុងរកទុក្ខ cheath និយាយបូបាច់ ចេះចុះ ទៅវិញ ឆ្កុយ អាជាតិ តុយ ។
មិនមែនលោកជាតិសរសេរទេ គ្រាន់តែកែសម្រួលពាក្យពេជន៏ខ្លះប៉ុណ្ណោះ
*************************************************************
សំដីប្រមាថមាក់ងាយរបស់កឹម សុខា ទៅលើព្រលឹងជនរងគ្រោះនៅគុកទួលស្លែងកំពុងតែទទួលរងប្រតិកម្មយ៉ាងក្ដៅគគុកពីគ្រប់ទិសទី ហើយតម្រូវឲ្យកឹមសុខា ត្រូវទៅលុតជង្គង់លើកដៃសំពះសុំខមាលទោសចំពោះព្រលឹងជនរងគ្រោះទាំងនោះនៅឯគុកទួលស្លែង។ ប៉ុន្មានសប្ដាហ៍ចុងក្រោយនេះគណបក្សសង្គ្រោះជាតិរបស់កឹម សុខា កំពុងតែធ្វើឲ្យប្រជាជនកើតមានការសង្ស័យថា បើគណបក្សនេះឈ្នះឆ្នោតសង្គ្រាមនឹងកើតឡើងវិញ ហើយរបបខ្មែរក្រហមក៏របូតរលូតមកជាមួយដែរ។ ហេតុអ្វី? ព្រោះថាក្រុមកឹមសុខា- សមរង្ស៊ីបានប្រកាសថា បើពួកគេឈ្នះឆ្នោតគេនឹងទៅដណ្ដើមយកទឹកដីកម្ពុជាពីប្រទេសជិតខាងមកវិញ ហើយគេនឹងចាប់យករដ្ឋមន្ត្រីក្នុងរាជរដ្ឋាភិបាលបច្ចុប្បន្នទៅកាត់ទោស។
គេថាបើគេឈ្នះឆ្នោតគេនឹងយកទ្រព្យសម្បត្តិ ផ្ទះសម្បែង ដីធ្លី របស់អ្នកមានទៅចែកជូនប្រជាជនក្រីក្រវិញ។ គេនិយាយទៀតថា បើគេឈ្នះឆ្នោតគេនឹងលុបបំណុលទាំងអស់របស់ប្រជាជននៅឯធនាគារ។ ប៉ុន្តែចុងក្រោយនេះកន្ទុយរបស់ក្រុមកឹម សុខា- សម រង្ស៊ី ធ្លាយចេញមកលើគោកតែម្ដងគឺគេឃោសនាថាគុកទួលស្លែងគ្រាន់តែជាគុកសិប្បនិម្មិត ដែលវៀតណាមរៀបចំឡើងគ្រាន់ជាឆាកល្ខោនឃោសនាតែប៉ុណ្ណោះ។ សំដីរបស់កឹម សុខា មួយឃ្លានេះធ្វើឲ្យយើងនឹកឃើញទៅដល់សំដីរបស់នួន ជា ដែលមានតួនាទីជាប្រធានសភា តំណាងប្រជាជននៃរបបកម្ពុជាប្រជាធិបតេយ្យ ដែលបាននិយាយកាលពីពាក់កណ្ដាលទសវត្សរ៍ឆ្នាំ៨០ថា គុកទួលស្លែងគឺគ្រាន់តែជាឆាកល្ខោនដែលវៀតណាមរៀបចំឡើងដើម្បីឃោសនាបង្កាច់បង្ខូចមេដឹកនាំកម្ពុជាប្រជាធិបតេយ្យតែប៉ុណ្ណោះ។ ឥឡូវនេះកឹមសុខា បាននិយាយការពារទឡ្ហីករណ៍ របស់នួន ជាដោយឥតមានខ្វះចន្លោះឡើយ។ ជាការពិតហើយនរណាក៏ដោយបើហ៊ាននិយាយការពារថា គ្មានការសម្លាប់មនុស្សនៅគុកទួលស្លែងគឺមានន័យស្មើនឹងការទទួលស្គាល់ថា នៅក្នុងរបបកម្ពុជាប្រជាធិបតេយ្យគឺគ្មានការសម្លាប់មនុស្សទេ ហើយវាមានន័យស្មើនឹងការនិយាយប្រឆាំងនឹងប្រជាជនកម្ពុជារាប់លាននាក់ ដែលបានរស់រានឡើងវិញក្រោយថ្ងៃ៧មករា និងជាការនិយាយប្រមាថយ៉ាងអាក្រក់បំផុតទៅដល់វិញ្ញាណក្ខន្ឋប្រជាជនកម្ពុជាដែលបានស្លាប់យ៉ាងអយុត្តិធម៌នៅក្នុងទូទាំងប្រទេស និយាយជារួម និងនៅក្នុងគុកទួលស្លែងនិយាយដោយឡែក។
កឹម សុខា និងបក្ខពួករបស់គាត់ពិតជាបានដឹងថា ទួលស្លែងគឺជាមន្ទីរឧក្រិដ្ឋកម្មដែលមេដឹកនាំកម្ពុជាប្រជាធិបតេយ្យបានបង្កើតឡើងជាកន្លែងធ្វើទារុណកម្មអ្នកទោសយ៉ាងឃោរឃៅ។ លោកកាំងហ្គេចអ៊ាវ ហៅឌុច ដែលជាប្រធានគុកទួលស្លែងកាលពីពេលនោះបានសារភាពនៅក្នុងសវនាការតុលាការកាត់ក្ដីមេដឹកនាំខ្មែរក្រហមរួចហើយ។ កាំងហ្គេចអ៊ាវបានសំដែងការសោកស្ដាយ និង បានទទួលស្គាល់ នូវទង្វើឧក្រិដ្ឋយ៉ាងធ្ងន់ធ្ងរ ដែលបានកើតឡើងនៅទីនោះ។ កាំងហ្គេចអ៊ាវ ក៏ត្រូវបានតុលាការកាត់ទោសអតីតមេដឹកនាំខ្មែរក្រហមផ្ដន្ទាទោសគាត់ឲ្យជាប់ពន្ធនាគារមួយជីវិត។ មានតែ កឹម សុខា ទេមិនទទួលយកការពិតនេះ។ កឹម សុខា អន់ជាង កាំងហ្គេចអ៊ាវឆ្ងាយណាស់។ សំដី កឹម សុខា មួយម៉ាត់នេះផ្ដល់ពិន្ទុយ៉ាងច្រើនឲ្យនួន ជានិងខៀវសំផន ដែលកំពុងត្រូវបានតុលាការបើកសវនាការកាត់ទោសក្នុងសំណុំរឿង០០២។ មិនដឹងថានៅក្នុងបេះដូងកឹម សុខា រំជើបរំជួលប៉ុណ្ណាទេ ប៉ុន្តែសំដីរបស់កឹម សុខា បែបនេះគឺមានន័យថាគាត់កំពុងស្វះស្វែងការពាររបបខ្មែរក្រហម ស្វះស្វែងរកយុត្តិធម៌ឲ្យរបបខ្មែរក្រហម ហើយមិនខ្លាចនឹងបង្កើតរបបខ្មែរក្រហមថ្មីមួយទៀតទេ ប្រសិនបើគាត់មានលទ្ធភាពនៅពេលណាមួយនោះ។
បើគណបក្សសង្គ្រោះជាតិរបស់កឹម សុខា ឈ្នះឆ្នោតរឿងដែលយើងមិននឹកស្មានដល់ជាច្រើនអាចនឹងកើតឡើងយ៉ាងពិតប្រាកដ។ ប៉ុន្តែដំបូងបំផុតពេលនេះកឹម សុខា ត្រូវទៅកាន់ទួលស្លែងដើម្បីសុំទោសដល់ព្រលឹងអ្នកស្លាប់ដើម្បីឲ្យប្រជាជនកម្ពុជាបានស្ងប់ចិត្ត។ ការពិតជាប្រវត្តិសាស្ត្រមួយដែលពិភពលោកបានឃើញ បានឮ បានដឹង យ៉ាងជាក់ស្ដែងបែបនេះទៅហើយ កោតតែលោក កឹម សុខា និយាយភូតកុហកទៅកើត ចុះទម្រាំពាក្យសន្យាខ្យល់ដទៃទៀតតើវានៅឯក្រហែងណាទៅ។ ប៉ុន្តែក្រុមកឹម សុខា មិនមែនចេះតែភូតកុហកគ្រប់រឿងនោះទេ។ រឿងខ្លះគឺគាត់និយាយពិតកុំអាលមើលស្រាលកឹមសុខាឲ្យសោះ…ជាពិសេសគឺការសន្យាដកយកដីធ្លី ទ្រព្យសម្បត្តិពីអ្នកមានឲ្យអ្នកក្រ ការលុបបំណុលរបស់ប្រជាជនដែលជំពាក់ធនាគារ នោះគឺមានន័យស្មើនឹងការលុបបំបាត់ធនាគារចោលតែម្ដង…តើពេលនោះស្រុកទេសនឹងច្របូកច្របល់យ៉ាងណា? តើរបបខ្មែរក្រហមវាមិនកើតឡើងវិញទេឬអី?ពីមុននោះចេះតែសង្ស័យ ចេះតែពិភាល់ក្នុងចិត្ត ឥឡូវនេះច្បាស់ណាស់ ខ្មោចរបបខ្មែរក្រហមកំពុងអង្រួនផ្នូរប្រុងពុះជ្រែកដីចេញមកវិញទៀតហើយ។ ប៉ុន្តែការសម្រេចចិត្តគឺស្ថិតនៅលើប្រជាជនកម្ពុជា។ ខ្មែរក្រហមងាប់បាត់ហើយ។ អ្នកណាចង់គាស់យករបបខ្មែរក្រហមមកហិតឡើងវិញ អ្នកនោះត្រូវតែបរាជ័យ ហើយជីវិតនយោបាយអ្នកនោះគឺចប់សូន្យសុងតែម្ដង!!
គេមិនអានទេអាជាតិ ុុុ
ខ្ញុំឆ្ងល់ណាស់ មនុស្ស ខ្លួនខុស ហើយ ម្តេច ចេះតែ ចោទគេ ដូច្នេះ? ប្រធាន សហជីប ថារោងចក្រជាអ្នក រៀប ចំគុំរោងទុកជាមុន បើ លោក ដឹង លោក ដឹកនាំ គេធ្វើបាតុកម្មធ្វើអី?
អ្នកដឹកនាំធ្វើបាតុកម្ម បើមានបញ្ហាដូច្នេះ ត្រូវ តែទទួលខុសត្រូវ ព្រោះបាតុកម្ម រឺ កូដកម្ម ច្បាប់ មិនអនុញ្ញាត អោយ បំផ្លាញ ទ្រព្វសម្បត្តិ សាធារណៈ និង ទ្រព្វសម្បត្ត អ្នកដទៃទេ អ្នកដឹក នាំត្រូវ គ្រប់ គ្រង អោយបាន តែ ពេល ដល់ គ្រប់គ្រង អត់បាន អ្នកធ្វើបាតុកម្ម មានកំហឹង វាយ ទ្រព្វសម្បត្តិ ក្រុមហ៊ុន បែជាចោទគេ ថា រៀបចំទុក ពាក្យ នេះ អត់ ត្រឹម ត្រូវ ទេ ជាពាក្យ ដោះសារ ស្អី ធ្វើបាតុកម្ម ស្អី ធ្វើបាតុកម្ម មុនធ្វើបាតុកម្ម ត្រូវ ស៊ីបសិន តើក្រុម ហ៊ុនរៀបចំទុក រឺ អត់ ។ ក្រុមហ៊ុនគេមានសិទ្ធប្តឹង គឺជាប្រការត្រឹម ត្រូវ ព្រោះ ជាក់ស្តែង អ្នកធ្វើបាតុកម្ម វាយកំទេច ទ្រព្វសម្បត្តិ ក្រុម ហ៊ុនមេន តែយ៉ាងណានោះ លុះត្រាតែ ការស៊ីបអង្កេត បានត្រឹម ត្រូវ ទើបកាត់ក្តី ដូច្នេះ ជនសង្សាយ ត្រូវ ស្ថិតក្នុង ការ ឃុំខ្លួនសិន ។ ម្យ៉ាង ទៀត បើយើង ខុស ត្រូវ តែទទួល កំហុស កុំចេះ តែចោទគេ ។
កសិករពិតជាកសិករមែន! តើពេលណាទើបមានចំណេះដឹងក្នុងការយល់អំពីស្ថានភាពស្រុកខ្មែរ???
នេះជាបទពិសោធន៍ដែលអ្នកដឹកនាំត្រូវឆ្លាតវាងវៃ មុននឹងធ្វើអ្វីមួយត្រូវគូសវាសឲ្យបាន
គ្រប់ជ្រុងជ្រោយ។ ទង្វើបែបនេះមិនមែនត្រឹមតែកើតពេលនេះទេ។ គេប្រើល្បិចទល់ល្បិច
ពឹសបន្សាបពឹស។ វិធីសាស្ត្រនេះ ថ្នាក់ដឹកនាំយើងលោកប្រើស្ទើនៅគ្រប់ស្ថានភាពនិងទីកន្លែង
ដែលត្រូវបង្ក្រាបតាមរូបមន្តបង្កើតរឿងដោះស្រាយបញ្ហា ដែលអ្នកទីក្រុងតែងនិយាយលែងថា
នេះជាល្បិចតាស៊ីឃ្លូ។