Monday, 10 June 2013
ធឹក កល្យាណ
ភ្នំពេញ ប៉ុស្តិ៍
សៀមរាប : ស្ថិតនៅតាមបណ្ដោយដងស្ទឹងសៀមរាបក្បែរវត្តក្នុងភូមិដូនប៉ា ក្នុងសង្កាត់ស្លក្រាម ផ្ទះឈើដែលហ៊ុមព័ទ្ធដោយដើមចេក និងដើមឈើដទៃទៀតនោះបានបង្កប់នូវអតីតកាលដ៏ជូរចត់។ ផ្ទះម៉ូដបុរាណសង់ក្នុងឆ្នាំ២០០៣ មួយនេះធ្លាប់ជាកន្លែងរស់នៅរបស់គ្រួសារខ្មែរមួយដែលជួបជុំគ្នាមិនបានប៉ុន្មានខែ ស្រាប់តែមានសមាជិកស្លាប់ជាបន្តបន្ទាប់់។ នៅឆ្នាំ២០០៤ គ្រួសារនេះក៏រើចេញ ដោយទុកផ្ទះទំនេរចោល។
ក្មេងប្រុសម្នាក់ឈ្មោះ ហ៊ុច ដែលរស់នៅក្បែរនោះ បានអះអាងថា ខ្លួនតែងឮសូរសំឡេងចម្លែកចេញពីផ្ទះឈើនោះ។
ដៀងភ្នែកមើលផ្ទះនោះបណ្ដើរ ហ៊ុច និយាយបណ្ដើរថា៖«គួរឲ្យខ្លាចណាស់ឮសូរសំឡេងអ៊ីចឹងពាក់កណ្ដាលយប់»។
ក្មេងប្រុសនេះរៀបរាប់ទៀតថា៖«យប់មួយពេលខ្ញុំ និងប៉ាខ្ញុំទើបមកពីញ៉ាំការ ស្រាប់តែខ្ញុំឮសូរសំឡេងមនុស្សជជែកគ្នាហើយសើចឮៗចេញពីផ្ទះឈើនោះ។ ខ្ញុំស្មានតែក្មេងៗប្រឡែងគ្នាលេងនៅក្នុងផ្ទះ តែពេលខ្ញុំក្រឡេកមើលវាស្ងាត់ជ្រាបគ្មានឃើញស្រមោលអ្នកណាម្នាក់»។
ហ៊ុច អះអាងថា៖«មិនមែនមានតែ ខ្ញុំទេដែលឮសំឡេងនោះ គ្រួសារខ្ញុំក៏បានឮដែរ។ ជួនកាលពួកគេ (ខ្មោច)បោសផ្ទះ និងនិយាយគ្នាលេងដូចយើងអ៊ីចឹង»។
នៅរដូវបុណ្យទានដូចជាចូលឆ្នាំខ្មែរ ឬភ្ជុំបិណ្ឌ ហ៊ុច និយាយថា ខ្លួនបានឮសូរសំឡេងវេចនំអន្សម និងស្នូរគោះជើង។
ទាំងព្រឺសម្បុរ ហ៊ុច និយាយទៀតថា៖«ខ្ញុំខ្លាចសឹងស្លាប់ហើយ ពេលឮសំឡេងនោះ ហើយយប់ឆ្កែលូខ្លាំងណាស់។ ខ្ញុំខ្លាចមិនហ៊ានដេកម្នាក់ឯងទេ»។
ក្រៅពីក្មេងប្រុសខាងលើនៅមានអ្នកភូមិដទៃទៀតដែលជឿថា ផ្ទះឈើនោះមានខ្មោចលង គ្រាន់តែពួកគេមិនហ៊ានសួរនាំគ្នាច្រើនពីរឿងនេះ។ ពេលសួរនាំពីរឿងរ៉ាវផ្ទះឈើដដែល ម្ដាយរបស់ក្មេងប្រុសឈ្មោះហ៊ុច បានសម្លឹងបែបភ្លឹក ហើយណែនាំថា មនុស្សយកល្អ មិនគួររវល់នឹងរឿងអ្នកនៅឋានដទៃទេ។
ស្ត្រីដែលសុំមិនបញ្ចេញឈ្មោះនេះ បាននិយាយថា៖«បើយើងមិនធ្វើអ្វីគេ គេក៏មិនធ្វើបាបយើងដែរ»។
កាលពី៧ឆ្នាំមុន ពេលដែលគ្រួសារម្ចាស់ផ្ទះផ្ដើមរស់នៅទីនេះ កូនប្រសាប្រុស ពូ និងកូនប្រុសបានស្លាប់បន្តគ្នា។ គ្រួសារនោះក៏រើចេញ ហើយលក់ផ្ទះឲ្យស្ត្រីអ្នកមានម្នាក់នៅភ្នំពេញ។
អ្នកស្រីបានសន្និដ្ឋានថា៖«ព្រលឹងខ្មោចនៅផ្ទះនោះយកតែជីវិតប្រុសៗទេ។ ខ្ញុំគិតថាជាខ្មោចស្រី តែខ្ញុំមិនធ្លាប់ឃើញផ្ទាល់ភ្នែកទេ។ ខ្ញុំគ្រាន់តែឮសូរសំឡេងស្រីបំពេរកូនចេញពីផ្ទះនោះ»។
អ្នកស្រីថា៖ «មិនដឹងហេតុអ្វីទេ ម្ចាស់ផ្ទះថ្មីកម្រមកមើលផ្ទះនេះណាស់។គាត់ក៏មិនដែលជួសជុលកែកុនអ្វីដែរ ទំនងជាចង់ទុកវាឲ្យនៅដូចដើម។ កាលពីឆ្នាំមុន មានព្រះសង្ឃមកសូត្រធម៌ឧទ្ទិសឲ្យខ្មោចទាំងនោះទៅចាប់កំណើតថ្មី។ ក្រោយមកសំឡេងស្រីបំពេរកូនក៏បាត់ទៅ»។
អ្នកស្រីបានឲ្យដឹងថា បច្ចុប្បន្នម្ចាស់ផ្ទះចង់លក់វាហើយ ព្រោះគ្មានពេលចុះមកមើលថែទាំ។ ផ្ទះនេះស្ថិតលើដីទំហំ២០គុណនឹង១៥០ម៉ែត្រ ដែលសរុបមានផ្ទៃក្រឡា ៣ពាន់ម៉ែត្រការ៉េ។ ខណៈដែលតម្លៃដីអាចឡើងដល់ប្រមាណ៤៥០ដុល្លារក្នុង១ម៉ែត្រការ៉េនោះ មានន័យថា ដីរបស់ផ្ទះនេះអាចមានតម្លៃសរុប១,៣៥លានដុល្លារឯណោះ៕
ផ្ទះនេះស្ថិតលើដីទំហំ២០គុណនឹង១៥០ម៉ែត្រ ដែលសរុបមានផ្ទៃក្រឡា ៣ពាន់ម៉ែត្រការ៉េ។ ខណៈដែលតម្លៃដីអាចឡើងដល់ប្រមាណ៤៥០ដុល្លារក្នុង១ម៉ែត្រការ៉េនោះ មានន័យថា ដីរបស់ផ្ទះនេះអាចមានតម្លៃសរុប១,៣៥លានដុល្លារឯណោះ៕
បើអស់លោកណាទិញ គឺភ្លើ សុទ្ធសាធ ១,៣៥លានដុល្លារ ហា!!
ទុកលក់អោយខ្មោចនិយាយកុហកទាំងអស់ខ្ញុំធ្លាប់នៅផ្ទះនេះដែរហើយក៏មិនមែនកសាងនៅ២០០៣ដែរអ្នកកាសែតប្រហែលគេអោយលុយច្រើនមើលទៅបានជាចុះបំបោងយ៉ាងនេះ
មានអ្នកបង្អាប់ដើប្បីចង់បាននិងបន្ថោកថ្លៃ
យកខ្មោចជាដើមទុន ពួកមនុស្សឆ្កួតប្រភេទបីក្នុងសម័យអាយងនិមយួន តែធំធាត់ឈ្លក់និង
ឥទ្ធិលប្រាក់ ។
នៅក្នុងដំណើរទេសចរណ៏នាឆ្នាំ១៩៩៩ ខ្ញុំបានដើរចូលទៅមើលដល់ក្រោមផ្ទះ និង
ដើរឆ្វែលរំពៃមើលជុំវិញបរិវេណ របស់ផ្ទះនេះ។ ភាពស្ងាត់ជ្រងំ ជុំវិញផ្ទះសុទ្ធតែរុក្ខ-
ជាតិដុះស៊ុបទ្រុបយ៉ាងសេរី ខ្ញុំខំសម្លឹងរកមើលផ្ទះអ្នករស់នៅជិតខាងមិនឃើញ ខ្ញុំ
តែម្នាក់ឯង ក៏ត្រូវព្រឺក្បាល និងខ្នងខ្ញាកៗ ខ្លះៗផងដែរ។ តាមការរាយរ៉ាប់ ពីប្រជា-
រាស្ត្រខ្មែរនៅម្តុំនោះ ខ្ញុំមានពិចារណាយល់ឃើញថា ការស្លាប់របស់សមាជិកគ្រួសារ
នេះ ជាបន្តបន្ទាប់ គឺវាអាចបណ្តាលមកពី ការធ្វេសប្រហែស អំពី សន្តិសុខគ្រួសារ
មានជាអាថ៌ ដូចជា : ការបរិភោគទឹក និងចំណីអាហារតែប៉ុណ្ណោះ។ បើចង់ច្បាស់
លោក អ្នក ដែលមានវាសនាទៅលេងប្រាសាទអង្គរ គួរតែចូលទៅមើល នៅពេល
ថ្ងៃមានពន្លឺច្បាស់ ផងទៅចុះ។ បើទៅពេលយប់ប្រយ័ត្នមានអារម្មណ៏ថា ខ្លាចខ្មោច
លង មែនទែន។
ទុកដាំខ្ទឹមទៅ។
បើដីនិងផ្ទះដែលសំបូរដោយខ្មោចហើយមានមនុស្សភាគច្រើនខ្លាចអញ្ចឹង
លក់ថោកៗឲ្យខ្ញុំមក ខ្ញុំទៅនៅ ដើម្បីកុំឲ្យមានអ្នកខ្លាច