Wednesday, 19 June 2013
លាង ផាន់ណារ៉ា
ភ្នំពេញ ប៉ុស្តិ៍
ភ្នំពេញៈ កម្មកររោងចក្រកាត់ដេរ M&V 3 ប្រមាណជា ២០០០ នាក់បានផ្ទុះការតវ៉ានិងបានបិទផ្លូវជាតិលេខ ២ អស់រយៈពេលជាង ពីរម៉ោងតាំងពីព្រឹកព្រលឹម នៅថ្ងៃពុធ ទី១៩ ខែមិថុនានេះ ដើម្បីទាមទារលក្ខខណ្ឌការងារល្អប្រសើរចំនួន ១១ ចំណុច។
ការតវ៉ាបិទផ្លូវ នៅមុខរោងចក្រដែលស្ថិតនៅសង្កាត់ចាក់អង្រែក្រោម ខណ្ឌមានជ័យនេះ គឺដើម្បីបង្ខំឲ្យថៅកែរោងចក្រ និងអាជ្ញាធររកដំណោះស្រាយដល់ពួកគេ។ ប៉ុន្តែមិនមានការប៉ះទង្គិចជាមួយសមត្ថកិច្ចទេ។
ក្រុមកម្មករបានរំសាយការបិទផ្លូវវិញ នៅម៉ោងប្រមាណជា ៩ និង ៣០ នាទីព្រឹកនេះ។
យោងតាមលិខិតទាមទារលក្ខខណ្ឌការងារល្អប្រសើរទាំង ១១ ចំណុចនោះរួមមាន៖
១- ទាមទារឲ្យក្រុមហ៊ុនកាត់ប្រាក់រង្វាន់ធ្វើការទៀងទាត់ តាមគោលការណ៍សមាមាត្រ តាមចំនួនថ្ងៃដែលកម្មករនិយោជិត ឈប់សម្រាកមានការយល់ព្រមពីក្រុមហ៊ុនត្រឹមត្រូវ។
២-ទាមទារឲ្យក្រុមហ៊ុន ផ្តល់ប្រាក់តម្លៃឡូតិ៍ ជូនកម្មករនិយោជិតលើ PN ទាំងអស់ ឲ្យបានសមរម្យ អាចឲ្យកម្មករទទួលយកបាន។
៣-ទាមទារឲ្យក្រុមហ៊ុន ផ្តល់ប្រាក់ទ្រទ្រង់ជីវភាពចំនួន ៥ដុល្លារ ជូនកម្មករ និយោជិតទាំងអស់។
៤-ទាមទារឲ្យក្រុមហ៊ុនផ្តល់ប្រាក់ថ្លៃអាហារថ្ងៃត្រង់ ចំនួន៤.០០០រៀល ក្នុងមួយថ្ងៃ សម្រាប់កម្មករ និយោជិតម្នាក់។
៥-ទាមទារឲ្យក្រុមហ៊ុន ផ្តល់ប្រាក់លើកទឹកចិត្ត ៣ដុល្លារ ដល់កម្មករ និយោជិត ដែលបានធ្វើការថ្ងៃបុណ្យ។
៦-ទាមទារឲ្យក្រុមហ៊ុន ផ្តល់ប្រាក់ធ្វើដំណើរបន្ថែមទៀត ចំនួន៥ដុល្លារ ស្មើនឹង១២ដុល្លារ សម្រាប់កម្មករ និយោជិតម្នាក់។
៧- ទាមទារឲ្យក្រុមហ៊ុន បន្តកិច្ចសន្យាការងារជូនកម្មការិនី មានផ្ទៃពោះ និងមិនត្រូវបញ្ចប់កិច្ចសន្យាការងារ ពេលពួកគាត់ជិតសម្រាកលំហែមាតុភាព។
៨-ទាមទារឲ្យក្រុមហ៊ុន ផ្តល់ប្រាក់លើកទឹកចិត្តជូនកម្មករនិយោជិតដែលស៊ីឡូតិ៍ចំនួន៨ដុល្លារ សម្រាប់កម្មករធ្វើការលើសពីប្រាក់ឈ្នួលគោល។
៩-ទាមទារឲ្យ ក្រុមហ៊ុនផ្តល់ប្រាក់ថ្លៃបាយធ្វើការថែមម៉ោង ចាប់ពីម៉ោង៤និង៣០នាទី ដល់ម៉ោង៦និង៣០នាទី ទទួលបាន៤.០០០រៀល និងធ្វើការពីម៉ោង៦និង៣០នាទី ដល់ម៉ោង១០និង៣០នាទី ទទួលបាន៦.០០០រៀល។
១០-ទាមទារឲ្យក្រុមហ៊ុន ផ្តល់កន្លែងហូបអាហារ មានតុឲ្យបានត្រឹមត្រូវ និងកន្លែងដាក់កង់ ម៉ូតូ ឲ្យមានដំបូលត្រឹមត្រូវ។
១១-ទាមទារឲ្យក្រុមហ៊ុន ចាត់វិធានការចំពោះប្រធានផ្នែក ប្រធានអគារ ដែលប្រើអាកប្បកិរិយាមិនសមរម្យលើកម្មករ និយោជិត។
សេចក្តីទុក្ខលំបាករបស់បងប្អូនគឺគណះបក្សសង្គ្រោះជាតិពិតជាអាចដោះស្រាយបាន។
គណះបក្សសង្គ្រោះជាតិគឺជាកញ្ជះបងប្អូននិងប្រជាពលរដ្ធទាំងអស់យ៉ាងពិតប្រាកដ ។
ផ្តល់ឧិកាសអោយគណះបក្សនេះមានសិទ្ធនិងសម្ថភាពជួយបងប្អូនទៅមើល ។
ពីព្រោះគណះបក្សនេះពឹតជាងាយស្រួលទាញទំលាក់វិញណាស់ ។
.
EVERYWHERE IN CAMBODIAN WITH PROTESTS THAT EXPRESSING UN PLEASED WITH GOT AND RULE WITH PRIVATE SECTORS ” GARMENTS INDUSTRY”, LAND AND LAWS PROBLEMS IN CAMBODIA, AND NEUTRALITY OF CAMBODIAN ELECTION COMMITTEE. CAMBODIA FACE HUGE PROBLEMS NOW………PLEASE HELP$$$$$$$$$$$$!