Tuesday, 02 July 2013
ឃុត សុភចរិយា
ភ្នំពេញ ប៉ុស្តិ៍
ភ្នំពេញៈ សកម្មជនដីធ្លីមកពីសហគមន៍បឹងកក់ និងបុរីកីឡាប្រមាណជាង ១០០នាក់ កាលពីព្រឹកម្សិលមិញ បានប្រមូលផ្ដុំគ្នាតវ៉ានៅលើទ្រូងផ្លូវព្រះមុនីវង្ស មុខសាលារាជធានីដើម្បីទាមទារឲ្យអាជ្ញាធរពន្លឿននីតិវិធីដោះស្រាយជម្លោះដីធ្លីដ៏រ៉ាំរ៉ៃរបស់ពួកគាត់ ឲ្យបានសម្រេចមុនថ្ងៃបោះឆ្នោតមកដល់។
ការតវ៉ារបស់ប្រជាពលរដ្ឋទាំងនេះ ធ្វើឡើងខណៈដែលគណបក្សនយោបាយនីមួយៗ រួមទាំងគណបក្សប្រជាជនកំពុងឃោសនាពីគោលនយោបាយ«អភិវឌ្ឍន៍ សេដ្ឋកិច្ច និងកំណែទម្រង់ដីធ្លី» របស់ខ្លួន ដើម្បីស្វែងរកសំឡេងគាំទ្រនៅក្នុងអំឡុងនៃយុទ្ធនាការឃោសនាបោះឆ្នោត។
ក្រុមអ្នកភូមិបានសម្តែងនូវក្ដីបារម្ភថា ក្រោយថ្ងៃបោះឆ្នោតពួកគាត់អាចនឹងត្រូវបណ្ដេញចេញពីលំនៅឋាន ដោយបង្ខំសាជាថ្មី ប្រសិនបើអាជ្ញាធរមិនគិតគូរដោះស្រាយបញ្ហាវិវាទដីធ្លីឲ្យពួកគាត់ឲ្យបានរួចរាល់មុនថ្ងៃបោះឆ្នោតទេនោះ។
លោកយាយ ង៉ែត ឃុន អាយុ ៧៣ឆ្នាំ អ្នកភូមិបឹងកក់ បានថ្លែងថា៖«ខ្ញុំចង់បានដំណោះស្រាយផ្ដល់ប្លង់កម្មសិទ្ធិពិតប្រាកដមុនថ្ងៃបោះឆ្នោតចូលមកដល់។ ខ្ញុំឈប់ជឿការសន្យាអ្វីទាំងអស់ ព្រោះបទពិសោធជាច្រើនឆ្នាំកន្លងមកវាគ្រប់គ្រាន់សម្រាប់ខ្ញុំនិងសហគមន៍យើងខ្ញុំហើយ»។
ចំណែកអ្នកស្រី ជុំ ង៉ាន់ មកពីសហគមន៍បុរីកីឡា បាននិយាយថា ចាប់តាំងពីព្រឹត្តិការណ៍ថ្ងៃទី០៣ មករាឆ្នាំ២០១២ មកប្រជាពលរដ្ឋក្រីក្រក្នុងសហគមន៍របស់គាត់ អស់ជំនឿលើការសន្យារបស់អាជ្ញាធរទៀតហើយ។ អ្នកស្រីបន្តថា៖«យើងខ្ញុំបារម្ភខ្លាចក្រោយថ្ងៃបោះឆ្នោត អាជ្ញាធរបណ្ដេញយើងខ្ញុំចេញពីរាជធានីទៅកាន់តំបន់ដាច់ស្រយាលណាមួយ ព្រោះអាជ្ញាធរមិនដែលអនុវត្តតាមអ្វីដែលខ្លួនបានសន្យានោះទេ»។
ចាប់តាំងពីម៉ោង៨ព្រឹកក្រុមអ្នកតវ៉ា បាននាំគ្នាឈរនៅលើទ្រូងផ្លូវជាអ្វីដែលសមត្ថកិច្ចអះអាងថា ជាការបង្កភាពកកស្ទះចរាចរណ៍ និងភាពឥតសណ្ដាប់ធ្នាប់នៅលើដងផ្លូវសាធារណៈ។ សមត្ថកិច្ច បានអំពាវនាវម្ដងហើយម្ដងទៀត សុំឲ្យក្រុមអ្នកតវ៉ា ចាកចេញពីទ្រូងផ្លូវ ប៉ុន្តែក្រុមអ្នកភូមិនៅតែមានៈមិនព្រមចាកចេញឡើយ។ នៅម៉ោងប្រមាណ២និង២៥នាទី រសៀល ក្រុមសមត្ថកិច្ចបាននាំគ្នាចាប់សែងអ្នកភូមិមួយចំនួនចេញពីទ្រូងផ្លូវ ដែលក្នុងចំណាត់ការនោះ មានការប្រទូសរ៉ាយគ្នាធ្វើឲ្យស្ត្រីពីរនាក់រងរបួសធ្ងន់។
សកម្មជនស្ត្រីនិងដីធ្លី នៃសហគមន៍បឹងកក់ អ្នកស្រី បូវ សោភា ដែលទទួលបានការជួយព្យាបាលពីអង្គការលីកាដូ បានប្រាប់ភ្នំពេញ ប៉ុស្តិ៍ថា ក្នុងពេលប្រទូសរ៉ាយនោះ ក្រុមសន្តិសុខ បានវាយទាត់ធាក់គាត់ និងអ្នកស្រីខែក ចាន់រស្មី ដែលកំពុងមានគភ៌ជាច្រើនជើងចំ ពោះនិងប្រដាប់ភេទ បណ្ដាលឲ្យគាត់ចុកឆ្អល់ ចំណែកអ្នកស្រី ខែក ចាន់រស្មី បានធ្លាក់ឈាម នឹងដួលសន្លប់ភ្លាមៗនៅនឹងកន្លែង។ អ្នកស្រីបានថ្លែងថា៖ «ពួកគេបានចាប់ហែកអាវ និងខោរបស់ខ្ញុំ ហើយបានធាក់ចំ ប្រដាប់ភេទរបស់ខ្ញុំ ចំនួន២ជើង និងទាត់ចំ ពោះខ្ញុំមួយជើង បណ្ដាលឲ្យចុកឆ្អល់ស្ទើរទ្រាំពុំបាន»។
អ្នកស្រី ខែក ចាន់រស្មី ដែលត្រូវបានបញ្ជូនទៅកាន់គ្លីនិកឯកជនមួយ ឈ្មោះលីនី ដើម្បីសង្គ្រោះនោះ បានរួចផុតពីគ្រោះថ្នាក់ដល់អាយុជីវិត ប៉ុន្តែទារកនៅក្នុងផ្ទៃនាងអាយុពីរខែកន្លះ ត្រូវបានបាត់បង់។
គិលានុបដ្ឋាយិកាម្នាក់នៃគ្លីនិកនេះ ដែលស្នើសុំមិនបញ្ចេញឈ្មោះបាននិយាយថា៖«ដោយសារទារក មានការប៉ះទង្គិចធ្ងន់ធ្ងរពេក បណ្ដាលឲ្យស្លាប់នៅក្នុងពោះ ដូច្នេះយើងមិនអាចជួយសង្គ្រោះបានទេ ប៉ុន្តែស្ត្រីជាម្ដាយរួចផុតពីគ្រោះថ្នាក់ហើយ»។
អ្នកស្រី ខែក ចាន់រស្មី បាននិយាយទាំងទឹកមុខស្លេកស្លាំងថា ៖«កូនក្នុងផ្ទៃខ្ញុំបាត់បង់ហើយ ខ្ញុំឈឺចាប់ណាស់នៅពេលនេះ គ្រូពេទ្យប្រាប់ខ្ញុំថាខ្ញុំមិនអាចមានកូនទៀតបានឡើយ»។
តំណាងសកម្មជនស្ត្រី និង ដីធ្លី នៃសហគមន៍បឹងកក់ អ្នកស្រី ទេព វន្នី បានរិះគន់ដោយចាត់ទុកចំណាត់ការរបស់អាជ្ញាធរខណ្ឌដូនពេញថា«ជាការប្រើអំពើហិង្សាយ៉ាងឃោរឃៅនិងអមនុស្សធម៌ប្រឆាំងនឹងស្ត្រី»។
អ្នកស្រីបានថ្លែងថា៖«យើងខ្ញុំគ្រាន់តែតវ៉ាទាមទារសូមឲ្យអាជ្ញាធរ ដោះស្រាយបញ្ហាដីធ្លីរបស់សហគមន៍យើងខ្ញុំ ប៉ុន្តែអាជ្ញាធរបែរជាប្រើវិធានការហិង្សាមកលើយើងខ្ញុំជាស្ត្រីបែបនេះទៅវិញ»។
ក្រុមអង្គការក្រៅរដ្ឋាភិបាលដែលឃ្លាំមើលពីបញ្ហានេះបានចេញសេចក្ដីថ្លែងការណ៍ភ្លាមៗផងដែរ កាលពីល្ងាចម្សិលមិញ ដោយចាត់ទុកវិធានការបង្ក្រាបនោះថា ជាអំពើ«រំលោភច្បាប់ និងសិទ្ធិមនុស្សយ៉ាងធ្ងន់ធ្ងរ»។
លោក យី សុខសាន្ត មន្ត្រីស៊ើបអង្កេតជាន់ខ្ពស់នៃសមាគមសិទ្ធិមនុស្សអាដហុក បានថ្លែងថា សង្គមស៊ីវិល មិនចង់ឃើញការប្រើប្រាស់កម្លាំងវាយបង្ក្រាបទៅលើក្រុមស្ត្រីអ្នកតវ៉ាដីធ្លីបែបនេះទេ ព្រោះវាជាអំពើហិង្សារំលោភសិទ្ធិមនុស្សយ៉ាងធ្ងន់ធ្ងរ។ លោកបានបន្ថែមថា៖ «យើងចង់សួរថា តើករណីទំនាស់ដីធ្លីដែលនៅសេសសល់តិចតួចក្នុងតំបន់បឹងកក់នេះ អាជ្ញាធរមានឆន្ទៈដោះឬគ្មាន? បើមានកុំបាច់ចាំពន្យារពេល ដោះតែម្ដងទៅ តែបើគ្មានទេពង្រីកអគារពន្ធនាគារបន្ថែម សម្រាប់ឃុំខ្លួនពលរដ្ឋដែលតវ៉ាទាំងនោះ ព្រោះពួកគាត់ពិតជាមិននៅស្ងៀមទេ ពួកគាត់នឹងតវ៉ារហូតដល់ទីបំផុត ហើយភាពអនាធិបតេយ្យនឹងកើតមានជារៀងរាល់ថ្ងៃនៅលើដងផ្លូវ»។
លោកអំ សំអាត មន្ត្រីជាន់ខ្ពស់អង្គការសិទ្ធិមនុស្សលីកាដូ បានថ្លែងថា៖ «ការបង្ក្រាបដោយហិង្សាមកលើក្រុមអ្នកតវ៉ាជាស្ត្រី ដោយក្រុមសមត្ថកិច្ចពេលនេះ គឺជាការខាតបង់ដ៏ធំមួយរបស់គណបក្ស កាន់អំណាចនាពេលបច្ចុប្បន្ន គឺគណបក្សប្រជាជនកម្ពុជា ព្រោះពេលនេះ ជារដូវកាលនៃការឃោសនារកសំឡេងឆ្នោត»។ លោកបន្តថា គណបក្សប្រជាជន អាចទាក់ទាញសំឡេងគាំទ្រមកវិញបានប្រសិនបើករណីដីធ្លីនៅក្នុងតំបន់បឹងកក់ បុរីកីឡា និងតំបន់ផ្សេងៗទៀតទូទាំងប្រទេសត្រូវបានដោះស្រាយជាស្ថាពរមុនថ្ងៃបោះឆ្នោតមកដល់»។
ពាក់ព័ន្ធទៅនឹងបញ្ហានេះ ក្រុមមន្ត្រីគណបក្សប្រជាជនកម្ពុជា មិនអាចទំនាក់ទំនងសុំការអធិប្បាយបានឡើយកាលពីម្សិលមិញ ហើយលោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានបដិសេធមិនព្រមផ្ដល់អត្ថាធិប្បាយឡើយជុំវិញបញ្ហានេះ៕
បោះឆ្នោតអោយ CPP គឹបោះឆ្នោតអោយខ្លួនឯង គ្រួសារអ្នក និងប្រទេសជាតិទាំងមូលព្រមទាំងអ្នករស់នៅឯក្រៅប្រទេស ! បោះឆ្នោតអោយ គណបក្សប្រជាជនកម្ពុជា គឹដើម្បីនាំមកនូវសុខ សន្តិភាព ស្ថេរភាព និងការអភិវឌ្ឌ្យន៏ ចេតនានៃការចង់ប្តូររបប គឹជាសញ្ញានៃការវិលទៅរកអតីតកាល(សង្រ្គាម) ដូចយើងមានឧទាហរណ៏នៃការប្តូររបបកន្លងមកជាគំរូស្រាប់! តើយើងចង់វិលទៅរកអតីតកាលវិញទេ នៅពេលដែលប្រជាជន និងប្រទេសជាតិ ព្រមទាំងបងប្អូនដែលរស់នៅឯក្រៅប្រទេស កំពុងតែរស់ក្នុងសុខសន្តិភាព ស្ថេរភាព និងការអភិវឌ្ដ្យន៏ប្រកបដោយលទ្ធិប្រជាធិប្បតេយ្យ សេរីពហុបក្ស ខ្ញុំយល់ថា អ្នកពិតជាមិនល្ងង់ទេ! ហេតុនេះ ជំរើសមានតែ១ទេ គឹបោះឆ្នោតអោយគណបក្សប្រជាជន ដែលមានលេខរៀងទី៤ សញ្ញាទេវតាបាចផ្កា!!!!! ទេវតា ដែលបានជួយសង្រ្គោះប្រជាជន និងប្រទេសកម្ពុជា អោយរួចផុតពីរបបប្រល័យពូជសាសន៏សាហាវយង់ឃ្នង ៣ឆ្នាំ ៨ខែ២០ថ្ងៃ ប៉ុលពត អៀងសារី ខៀវ សំផន នាថ្ងៃ៧មករា១៩៧៩នេះ។បច្ចុប្បន្ននេះ អន្តរជាតិកំពុងតែកាត់ទោសពួកវា។
សារព័ត៌មាន បរទេស ស្ទង់មតិគណបក្ស ប្រជាជន បន្ដឈ្នះឆ្នោត ភ្លូកទឹកភ្លូកដី .ភ្នំពេញ៖ សារព័ត៌មាន បរទេសមួយចំនួន បានបង្កប់ការស្ទង់មតិ និងវិភាគរបស់ខ្លួន នៅក្នុងអត្ថបទ ដែលសរសេរ ចេញផ្សាយ ក្នុងរយៈពេលប៉ុន្មានថ្ងៃនេះ ដោយបង្ហាញថា គណបក្សប្រជាជនកម្ពុជា ដែលជាបក្សកាន់អំណាច បច្ចុប្បន្ន នៅប្រទេសកម្ពុជា និងមានបុរសខ្លាំង តេជោ សែន ជាបេក្ខភាពនាយករដ្ឋមន្ដ្រីនោះ នឹងបន្ដការឈ្នះឆ្នោត ភ្លូកទឹកភ្លូកដី សម្រាប់ការបោះឆ្នោត នាថ្ងៃអាទិត្យ ទី២៨ ខែកក្កដា ឆ្នាំ ២០១៣ ខាងមុខនេះ ។
យោងតាម ការចុះផ្សាយ របស់គេហទំព័រ Channel News Asia កាលពីថ្ងៃទី២៩ ខែមិថុនា ឆ្នាំ ២០១៣ អ្នកនិពន្ធ បានបង្កប់មួយឃ្លា ក្នុងអត្ថបទរបស់ខ្លួន ដែលមានចំណងជើងថា “សហរដ្ឋអាមេរិកបាន ជំរុញប្រទេសកម្ពុជាឱ្យ បោះបង់ចោល នូវការបិទផ្សាយវិទ្យុបរទេស ” ដែលក្នុងមួយឃ្លានោះ អ្នកនិពន្ធបានសរសេរថា “យុទ្ធនាការបោះ ឆ្នោតជាផ្លូវការ សម្រាប់ការបោះឆ្នោត ជាសកលក្នុងខែក្រោយនេះ ដែលគេរំពឹងថា នឹងត្រូវទទួលជ័យជំនះ ដោយ បុរសខ្លាំង លោក ហ៊ុន សែន នាយករដ្ឋមន្ដ្រី បានចាប់ផ្ដើម កាលពីថ្ងៃព្រហស្បតិ៍ហើយ ” ។
ជាមួយគ្នានេះ សារព័ត៌មាន ស៊ិនហួរ ចុះ ថ្ងៃទី៣០ ខែមិថុនា ឆ្នាំ២០១៣ ក្នុងអត្ថបទ របស់ខ្លួនមួយ ដែលមាន ចំណងជើងថា “ប្រទេសកម្ពុជា បានលើកបម្រាមលើការ ផ្សាយឡើងវិញរបស់វិទ្យុបរទេសដោយ វិទ្យុក្នុងស្រុក” អ្នកនិពន្ធបានសរសេរឃ្លាមួយថា “បណ្ដាអ្នកសង្កេតការណ៍នយោ បាយ បានព្យាករណ៍ថា គណបក្សរបស់ លោក ហ៊ុន សែន នឹងទទួលជ័យជំនះភ្លូក ទឹកភ្លូកដីនៅក្នុងការបោះឆ្នោតនាពេលខាង មុខ ”។
ដោយឡែកសម្រាប់កាសែតSouth China Post ចុះថ្ងៃទី៣០ ខែមិថុនា ឆ្នាំ ២០១៣ តាមរយៈអត្ថបទ មួយរបស់ខ្លួន អ្នកនិពន្ធក៏បានបញ្ជាក់ឃ្លាមួយ នៅក្នុងអត្ថ បទនោះថា “នាយករដ្ឋមន្ដ្រី ហ៊ុន សែន មេដឹកនាំដែល កាន់អំណាចដ៏យូរមួយរូប ក្នុង ពិភពលោក ហើយគណបក្សប្រជាជនកម្ពុជា របស់គាត់ត្រូវបានគេរំពឹងថា នឹងឈ្នះ ការបោះឆ្នោត នាថ្ងៃទី២៨ ខែកក្កដា ខាងមុខ នេះ ”។
តាមរយៈការវិភាគ និងស្ទង់មតិរបស់ សារព័ត៌មានបរទេសខាងលើនេះ បានបង្ហាញឱ្យឃើញថា សម្រាប់គណបក្ស ប្រជាជនកម្ពុជា ដែលមានសម្ដេចតេជោ ហ៊ុន សែន ជាបេក្ខភាពនាយករដ្ឋមន្ដ្រីនោះ នៅតែជាគណបក្សដែលស័ក្ដិ សមបំផុត ក្នុងការដឹកនាំនាវាកម្ពុជា ឆ្ពោះទៅរកការរីកចម្រើន និងអភិវឌ្ឍន៍ខណៈដែលបក្សប្រឆាំង ដែលគ្មាន គោលនយោបាយច្បាស់លាស់ ធ្លាក់ប្រជាប្រិយភាពបន្ដិចម្ដងៗ ៕
CPP as Khmer Family for an example of annoying and trouble maker in our society.
If we votes for CPP it group will disturb us for ever.
ម៉េចក៏ចាប់គេចឹង ? ចង់រំលោភគេមែននឹង ?
សូមមេត្តាកុំសម្លាប់ពលរដ្ឋខ្មែរ រដ្ឋាភិបាលមិនបានដោះស្រាយបញ្ហាតូចតាចឲ្យបានត្រឹមត្រូវ ទុកឲ្យរីករាលដាល ទៅជាឈ្នាន់របស់អ្នកនយោបាយ ត្រីស្អុយលាយលាយត្រីឆ្អាប ច្របូកច្របល់ក្នុងសង្គម។
លោក កឹម សុខុន ប្រាប់ប្រជាពលរដ្ឋ កុំឲ្យយកវាសនាផ្ញើលើ លោក កឹម សុខា
.- លោក ស៊ុន ចាន់ថុល៖ កុលបុត្រខ្មែរ សម្តេចតេជោ សែន នឹងបន្តបេសកកម្ម គ្រប់បែបយ៉ាង ដើម្បីភាពរីកចម្រើន នៅកម្ពុជា
កណ្តាល៖ ជាថ្មីម្តងទៀតប្អូនប្រុសរួមផ្ទៃរបស់លោក កឹម សុខា គឺលោក កឹម សុខុន បានអំពាវនាវឲ្យប្រជាពលរដ្ឋ ជាម្ចាស់ឆ្នោតទាំងអស់ កុំយកជោគវាសនារបស់ខ្លួន និងប្រទេសជាតិ ផ្ញើលើលោក កឹម សុខា តាមរយៈការបោះ ឆ្នោតថ្ងៃទី២៨ ខែ កក្កដា ឆ្នាំ២០១៣ ឲ្យសោះ។
មិនឲ្យផ្ញើវាសនា ក៏ដូចជាបោះឆ្នោតជូនលោក កឹម សុខា ក៏ដោយសារមូលហេតុថា លោក កឹម សុខា ជាអ្នកនយោ បាយមួយរូបមើលឃើញប្រយោជន៍ផ្ទាល់ខ្លួនជាធំ ជាពិសេសយកប្រជាពលរដ្ឋជាឈ្នាន់ ដើម្បីសម្រេចមហិច្ឆតា នយោបាយរបស់ខ្លួន មិនគិតពីប្រយោជន៍រួមនោះឡើយ។ នេះបើយោងតាមលោក កឹម សុខុន ដែលជាអ្នកស្និទ្ធ ស្នាល និងដឹងពីបុគ្គលិកលក្ខណៈរបស់ លោក កឹម សុខា យ៉ាងជាក់ច្បាស់បំផុតនោះ។
លោក កឹម សុខុន អតីតជាសមាជិកជាន់ខ្ពស់ និងសំខាន់មួយរូបនៅគណបក្សសមរង្ស៊ី និងសិទ្ធិមនុស្ស ក្នុងដំណើរ ចុះសំណេះសំណាលជាមួយប្រជាពលរដ្ឋក្នុងឃុំកំពង់កុង និងព្រែកថ្មី ស្រុកកោះធំ ជាង២ពាន់នាក់នាព្រឹកថ្ងៃអង្គារ ទី២ ខែកក្កដា ឆ្នាំ២០១៣ បានថ្លែងបកអាក្រាតជាច្រើនលើបុគ្គលិកលក្ខណៈសម្បត្តិថ្នាក់ដឹកនាំបក្សប្រឆាំង ទោះ បីជាមិនបានបញ្ចេញចំឈ្មោះ តែគេដឹងយ៉ាងច្បាស់ថា សំដៅលើក កឹម សុខា និង លោក សម រង្ស៊ី។
លោក កឹម សុខុន បានថ្លែងថា លោកជាមនុស្សតែម្នាក់គត់ ដែលស្និទ្ធស្នាល និងដឹងពីពុតត្បុតថ្នាក់ដឹកនាំគណ បក្សប្រឆាំង យ៉ាងជាក់ច្បាស់ក្នុងនាមជាបងប្អូន និងអតីតជាសមាជិក ដ៏សំខាន់ម្នាក់ក្នុងគណបក្សប្រឆាំង ។
បងប្អូនរួមផ្ទៃរបស់លោក កឹម សុខា រូបនេះ បានបន្តបកអាក្រាតទៀតថា មេដឹកនាំបក្សប្រឆាំង ហ៊ានធ្វើអ្វីៗគ្រប់ បែបយ៉ាង ដើម្បីសម្រេចមហិច្ឆតារបស់ខ្លួន។ ដើម្បីសម្រេចមហិច្ឆតានយោបាយមេបក្សប្រឆាំងហ៊ាននិយាយបំភ្លៃ ប្រវត្តិសាស្រ្ត និងព្យាយាមយកប្រជាពលរដ្ឋធ្វើជាខែល ញុះញង់តាមរូបភាពផ្សេងៗជាច្រើន។
លោក ក៏បានលើកឡើងផងដែរថា ថ្នាក់ដឹកនាំបក្សប្រឆាំង ព្យាយាមយកបញ្ហាអន្តោប្រវេសន៍មករិះគន់រាជរដ្ឋាភិ បាល និងញុះញង់ឲ្យប្រជាពលរដ្ឋកម្ពុជា មានការរើសអើងពូជសាសន៍ និងពណ៌សម្បុរ សុទ្ធសឹងជាបញ្ហាបង្កឲ្យ មានអរិភាព និងអាចមានជម្លោះជាតិសាសន៍ជាមួយប្រទេសជិតខាងផងដែរ ដែលនេះវាមិនជាដំណោះស្រាយ នោះឡើយ ផ្ទុះទៅវិញជាការញុះញង់យ៉ាងជាក់ច្បាស់។
ពាក់ព័ន្ធបញ្ហាដកបង្គោលព្រំដែន លោក កឹម សុខុន ក៏បានបញ្ជាក់ផងដែរថា សកម្មភាពនេះ ធាតុពិតគឺជាការស្វែង រកប្រជាប្រិយភាព និងប្រយោជន៍ផ្ទាល់ខ្លួន ដោយយកប្រជាពលរដ្ឋធ្វើជាខែល ខណៈដែលរូបគេដឹងយ៉ាងច្បាស់ថា មិនអាចធ្វើបែបនេះបានឡើយ។ «បញ្ហាព្រំដែនរវាងប្រទេស និងប្រទេស គេត្រូវមានគណៈកម្មការព្រំដែនជាអ្នក ដោះស្រាយ បើទៅដើរដកបង្គោលបែបនេះ ច្បាស់ណាស់វាខុសនឹងច្បាប់។ ពេលមានបញ្ហាក្នុងនាមជាអ្នកមាន សញ្ជាតិ២ បានរត់គេចខ្លួនបាត់ ទុកឲ្យប្រជាពលរដ្ឋជាប់ទោសជំនួសទៅវិញ នេះឬអ្នកដឹកនាំដែលល្អនោះ? យក ប្រជាពលរដ្ឋជាប់ទោសជំនួសខ្លួន»។
លោក កឹម សុខុន បានរិះគន់ធ្ងន់ៗថា លក្ខណៈសម្បត្តិរបស់ថ្នាក់ដឹកនាំបក្សប្រឆាំងតាមរយៈសកម្មភាពជាច្រើន កន្លងមកនេះ បញ្ជាក់យ៉ាងច្បាស់ណាស់ថា ជាមនុស្សមើលឃើញតែប្រយោជន៍ ហើយមិនហ៊ានទទួលខុសត្រូវ ចំពោះទង្វើរបស់ខ្លួននោះឡើយ។ ដូច្នេះប្រជាពលរដ្ឋកម្ពុជា មិនអាចយកវាសនារបស់ខ្លួន ក៏ដូចជាជោគវាសនា ប្រទេសជាតិ ទៅផ្ញើលើបុគ្គលគ្មានលក្ខណៈសម្បត្តិជាអ្នកដឹកនាំ និងជាមនុស្សគ្មានទំនួលខុសត្រូវបែបនេះ បាន ឡើយ។
ក្នុងជំនួបសំណេះសំណាលជាមួយប្រជាពលរដ្ឋជាង ២ពាន់នាក់ នាគ្រាការបោះឆ្នោតកាន់តែខិតជិតមកដល់នេះ លោក ស៊ុន ចាន់ថុល ប្រធានគណៈពង្រឹងការងារស្រុក កោះធំ អមដំណើរដោយលោកឧកញ៉ា ឡាវ ម៉េងឃីន និងលោកស្រី ឧកញ៉ា ជឹង សុភាព ក្រោមដំណក់ទឹកភ្លៀងដ៏សែនត្រជាក់ត្រជុំនោះ ក៏បានថ្លែងទៅកាន់ប្រជាពល រដ្ឋផងដែរ ពីសមិទ្ធិផល ដែលរាជរដ្ឋាភិ បាលកម្ពុជាកើតចេញពីគណបក្សប្រជាជនកម្ពុជា សម្រេចបានជាច្រើនឆ្នាំ កន្លងមកនេះ។
លោក ក៏បានពន្យល់ផងដែរពីសារៈសំខាន់ នៃសន្លឹកឆ្នោតក្នុងនាមជាម្ចាស់ប្រទេស ព្រមទាំងជំរុញប្រជាពលរដ្ឋធ្វើ ការគិតគូរឲ្យបានវែងឆ្ងាយ និងសម្រេចចិត្តឲ្យបានត្រឹមត្រូវជាទីបំផុតសម្រាប់ជោគវាសនាប្រទេសជាតិ មិនអាចឮ គេនិយាយថាល្អ ស្រាប់តែជឿភ្លាមៗនោះទេ។ «ចូរចងចាំថា ការនិយាយពិតជាស្រួល តែសំខាន់ការអនុវត្តន៍ជាក់ ស្តែង តើពួកគេអាចធ្វើបានតាមការសន្យាដែរឬទេ? បញ្ហាប្រទេសជាតិ មានប្រជាពលរដ្ឋរហូតដល់ជាង ១៤លាន នាក់ ដូច្នេះបញ្ហាមានរហូតដល់ជាង ១៤លានបញ្ហា វាមិនមែនជារឿងងាយស្រួលនោះឡើយ»។
លោក ស៊ុន ចាន់ថុល ក៏បានថ្លែងជំរុញឲ្យប្រជាពលរដ្ឋទៅបោះឆ្នោតជូនគណបក្សប្រជាជនកម្ពុជាលេខរៀងទី៤ រូបសញ្ញាទេវតាបាចផ្កា ដែលជាគណបក្សចាស់ទុំខាងនយោបាយ និងមានភាពចាស់ទុំក្នុងការដឹកនាំ ជាពិសេស បេក្ខភាពនាយករដ្ឋមន្រ្តីកម្ពុជា សម្តេចតេជោ ហ៊ុន សែន ជាកុលបុត្រខ្មែរ ដែលស្រឡាញ់ស្នេហាជាតិមាតុភូមិ ហ៊ានធ្វើពលីកម្មគ្រប់បែបយ៉ាង ក្នុងចលនាតស៊ូរំដោះជាតិ រំដោះប្រជាជនចេញពីរបបអាវខ្មៅ។ ដូច្នេះកុលបុត្រខ្មែរ រូបនេះ នឹងបន្តធ្វើការងារគ្រប់យ៉ាង ដើម្បីអភិវឌ្ឍជាតិមាតុភូមិ និងជួយឲ្យប្រជាពលរដ្ឋកម្ពុជាកាន់តែមានសេចក្តី សុខសប្បាយក្រោមដំបូលសន្តិភាព៕
បើតាមខ្ញុំគិតចំពោះអ្នកបឹងកក់គឺមានតែវិធីតែមួយទេដែលត្រូវដោះស្រាយសម្រាប់ស្ថានការណ៍ បច្ចុប្បន្នគឺសាលាក្រុងត្រូវតែចេញបញ្ជារឲ្យបាញ់សំលាប់អ្នកទាំងនោះឲ្យអស់ទៅទើបពួកគាត់ លែងធ្វើការតវ៉ាហើយលំបាកដល់រដ្ឋាភិបាលនិងសាលាក្រុង។ បើមិនបាញ់សំលាប់អ្នកក្ររទាំង នោះឲ្យអស់រលុតផុតសូន្យសុងពីព្រះរាជាណាចក្រដ៍អច្ឆរិយៈនេះទេគឺពួកគាត់និងធ្វើការតវ៉ាមិន ងាយនិងឈប់នោះទេ ហើយធ្វើឲ្យខូចសណ្តាប់ធ្នាប់រាជធានីភ្នំពេញដ៍ស្រស់ឆើតឆាយនៅក្នុង បណ្តារប្រទេសនៅអាសីុអាគ្នេយ៍យើងនេះ ជាពិសេសធ្វើឲ្យបាក់មុខបាក់មាត់ហ៊ុនសែនដែល ពិភពលោកគេកំពុងតែសរសើរថាជាបុរសខ្លាំងប្រចាំសតវត្សទី២១យើងនេះ។ ជាសរុបបើសិន ជារដ្ឋាភិបាលគ្មានសមត្ថភាពដោះស្រាយនូវជំលោះដីមួយបង្វិចនេះទេគឺមានតែផ្លូវមួយទេដែល អាចទំលាយភាពទាល់ច្រកនេះគឺហ៊ុនសែនគួរតែចេញបញ្ជារឲ្យបាញ់សម្លាប់ពួកអ្នកភូមិបឹងកក់ និងអ្នកបុរីកីឡាចោលទៅទើបអាចកាត់បន្ថយអ្នកក្រនៅរាជធានីភ្នំពេញបាន ហើយទុកដីសម្រាប់ អ្នកមានរស់នៅទៅបានហើយ។