តើការប្រារព្ធពិធីអបអរសាទរខួប ៥ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក អាចជារឿងឃោសនារកសំឡេងឆ្នោតដែរឬទេ?
2013-07-09
RFA
ស្ដាប់ ឬ ទាញយកសំឡេង
ពិធីរំលឹកខួប ៥ឆ្នាំ នៃការដាក់បញ្ចូលប្រាសាទព្រះវិហារ ជាសម្បតិ្តបេតិកភណ្ឌពិភពលោក នៅពហុកីឡាដ្ឋានជាតិអូឡាំពិក នៅរសៀលថ្ងៃទី៧ កក្កដា ឆ្នាំ២០១៣។ RFA
ប្រទេសកម្ពុជា បានប្រារព្ធខួប ៥ឆ្នាំ នៃការដាក់បញ្ចូលប្រសាទព្រះវិហារ ចូលជាសម្បត្តិបេតិកភណ្ឌពិភពលោកកាលពីថ្ងៃទី៧ កក្កដា។ មន្ត្រីរដ្ឋាភិបាលបានប្រកាសថា ការដាក់បញ្ចូលសម្បត្តិវប្បធម៌ប្រវត្តិសាស្ត្រទាំងរូបិយ និងអរូបិយនោះ ក៏បានបង្ហាញពីសក្ដានុពលនៃសម្បត្តិវប្បធម៌ខ្មែរ និងមោទនភាពជាតិចំពោះសម្បត្តិវប្បធម៌ទាំងអស់ដែលកម្ពុជាមាន។ មិនតែប៉ុណ្ណោះ កម្ពុជារឹតតែអាចបង្កើតនូវកិច្ចសហប្រតិបត្តិការជាមួយប្រទេសជាដៃគូក្នុងជួយអភិរក្សប្រាសាទបុរាណខ្មែរ និងការទាក់ទាញភ្ញៀវទេសចរបានយ៉ាងច្រើន។
ទិដ្ឋភាពយ៉ាងគគ្រឹកគគ្រេងនៃការអបអរសាទរខួប ៥ឆ្នាំ ក្នុងការដាក់បញ្ចូលប្រាសាទព្រះវិហារ ជាសម្បត្តិបេតិកភណ្ឌពិភពលោកធ្វើឡើងកាលពីថ្ងៃ៧ កក្កដា នៅពហុកីឡាដ្ឋានជាតិ រាជធានីភ្នំពេញ។ កម្មវិធីនេះមានការចូលរួមពីមន្ត្រីរាជរដ្ឋាភិបាល កងកម្លាំងប្រដាប់អាវុធ ប្រជាពលរដ្ឋ ព្រមទាំងសិស្សនិស្សិតប្រមាណជាជាង ១ម៉ឺននាក់។
ថ្លែងក្នុងពិធីនោះ លោក សុខ អាន ឧបនាយករដ្ឋមន្ត្រីបានលើកឡើងថា ការដាក់បញ្ចូលសម្បត្តិវប្បធម៌ខ្មែរទៅជាសម្បត្តិវប្បធម៌បេតិកភណ្ឌពិភពលោកនោះ រឹតតែបង្កភាពងាយស្រួលសម្រាប់ប្រទេសកម្ពុជា ក្នុងកិច្ចប្រតិបត្តិការដើម្បីអភិរក្សប្រាសាទបុរាណខ្មែរ។
លោក សុខ អាន៖ «នេះគឺបង្កើតសហប្រតិបត្តិការអន្តរជាតិ និងគឺបង្កើននូវអ្វីដែលគេហៅថា សាមគ្គីភាពអន្តរជាតិ ដែលគេហៅជាភាសាអង់គ្លេសថា International Solidarity ក្នុងការថែរក្សាបេតិកភណ្ឌឱ្យគង់វង្សក្នុងការថែរក្សាសម្បត្តិវប្បធម៌របស់ប្រទេសផ្សេងៗ ឱ្យបានគង់វង្សដែលជាផលប្រយោជន៍ចំពោះមុខមួយដ៏សំខាន់ដែលយើងទទួលបាន»។
ពិធីនេះមិនត្រឹមតែជាថ្ងៃប្រវត្តិសាស្ត្រសម្រាប់ប្រជាជាតិខ្មែរនោះទេ ប៉ុន្តែក៏ជាឱកាសសម្រាប់រដ្ឋាភិបាលវាយប្រហារទៅលើគណបក្សប្រឆាំងដែរ។ លោក សុខ អាន ដែលមានតួនាទីជាទេសរដ្ឋមន្ត្រី និងជារដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រីដែរនោះ បានលើករឿងចំណូលដែលអាជ្ញាធរអប្សរាទទួលបានពីវិស័យទេសចរណ៍នោះថា រដ្ឋាភិបាលបានប្រាក់ចំណូលប្រហែលជា ៣០លានដុល្លារពីសម្បត្តិវប្បធម៌ខ្មែរតាមរយៈភ្ញៀវទេសចរក៏ក្នុងឆ្នាំកន្លងទៅមិនមែនដូចមន្ត្រីគណបក្សប្រឆាំងអះអាងថា បានចំណូលប្រហែលចំនួន ១៥០លានដុល្លារនោះទេ។
លោក សុខ អាន៖ «ចំណុចនេះខ្ញុំសូមលើកបន្តិចដែរ មានគណបក្សខ្លះគាត់បានទិតៀនថា អាជ្ញាធរអប្សរាគាត់បានលក់សំបុត្រចូលមើលអង្គរបានលុយ ១៥០លាន។ អ៊ីចឹងគាត់អាចដកលុយនេះទៅបើកប្រាក់ខែជូនមន្ត្រី ឬបើកប្រាក់ខែជូនចាស់ៗម្នាក់ ៤ម៉ឺនរៀលជាឧទាហរណ៍ នេះហើយគាត់នឹងទៅប្រើអ្វីៗ ហើយគាត់បានលើកឡើងជាប្រាក់ផ្សេងៗទៀតជាច្រើនមុខណាស់។ ខ្ញុំសូមបញ្ជាក់ថា នេះជាការនិយាយដោយល្ងង់ខ្លៅបំផុត ដោយមិនយល់អំពីការងារបេតិកភណ្ឌទាល់តែសោះ»។
សម្រាប់បញ្ហានេះ ប្រធានក្រុមអ្នកតំណាងរាស្ត្រគណបក្សប្រឆាំង លោក សុន ឆ័យ បានលើកឡើងថា ការប្រារព្ធពិធីខួប ៥ឆ្នាំ នៃការដាក់បញ្ចូលប្រាសាទព្រះវិហារជាសម្បត្តិបេតិកភណ្ឌកាលពីថ្ង៧ កក្កដា គឺជារឿងកេងចំណេញខាងនយោបាយ ពីព្រោះជាឱកាសក្នុងយុទ្ធនាឃោសនា ហើយម្យ៉ាងទៀត គឺមានការចំណាយថវិកាជាតិសម្រាប់ការរៀបចំពិធីនេះ។
លោក សុន ឆ័យ៖ «ក្នុងឱកាសដែលយើងកំពុងតែរៀបចំការបោះឆ្នោត ហើយប្រើប្រាស់ថវិកាជាតិដើម្បីយកចំណេញ។ រឿងនេះគឺជាមួយរឿងដែលៗៗ។ ខ្ញុំយល់ថា គួរតែគណបក្សប្រជាជនយល់ថា ពេលនេះជាឱកាសក្នុងការបោះឆ្នោត ហើយរឿងប្រាសាទព្រះវិហារ បញ្ហាអ្វីដែលធ្វើកន្លងទៅ វាជាករណីរឿងជាតិទាំងអស់គ្នា វាមិនមែនជារឿងតែសម្រាប់គណបក្សប្រជាជននោះទេ»។
លោកបានបន្ថែមទៀតថា ចំពោះចំណូលថវិកាដែលទទួលបានពីភ្ញៀវទេសចរដែលលោក សុខ អាន បានលើកនោះ គឺជាការបង្ហាញពីភាពមិនស្មោះត្រង់ និងជាការឆ្លើយដោះសា៖ «ជាការងារមួយដែលបង្ហាញពីច្បាស់លាស់ថែមទៀតថា ឯកឧត្ដម សុខ អាន នេះ គឺមិនបង្ហាញភាពស្មោះត្រង់ចំពោះចំណូលដែលបានលក់សំបុត្រចូលអង្គរវត្តទេ។ ការប្រើប្រាស់ឱកាសនោះជាវេទិកាដើម្បីចោទប្រកាន់ថា គណបក្សសង្គ្រោះជាតិនេះថា ធ្វើការលើកឡើងពីបញ្ហាពុករលួយអង្គរវត្តនោះ ធ្វើដោយគ្មានការយល់ដឹង ឬធ្វើដោយគ្មានការពិតអីហ្នឹង នេះគឺជាការឆ្លើយដោះសាជាក់ស្ដែង»។
នាយកប្រតិបត្តិនៃគណៈកម្មាធិការអព្យាក្រឹតដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និចហ្វិក បានបញ្ជាក់ពីបញ្ហានេះថា ការប្រារព្ធពិធីខួប ៥ឆ្នាំនៃប្រាសាទព្រះវិហារ គឺជារឿងចាំបាច់ ប៉ុន្តែគ្រាន់តែពិធីនេះចំពេលនៃយុទ្ធនាការឃោសនា ប្រសិនបើអ្នករៀបចំមានគោលបំណងផ្សេងក៏អាចទាញយកផលចំណេញពីឱកាសនេះដែរ។
លោក ហង្ស ពុទ្ធា៖ «ខ្ញុំយល់ថា ការរៀបចំដើម្បីអបអរនូវទិវាដែលប្រាសាទព្រះវិហារត្រូវបានដាក់បញ្ចូលជាសម្បត្តិបេតិកភណ្ឌអន្តរជាតិ វាគឺជារឿងចាំបាច់មួយហើយ ប៉ុន្តែដោយសារកម្មវិធីនេះចំពេលនៃការឃោសនា អ៊ីចឹងពេលខ្លះ ក៏អាចជាការច្រឡំ ហើយប្រសិនបើអ្នករៀបចំមានគោលបំណងផ្សេង ក៏អាចប្រើប្រាស់វេទិកានេះដើម្បីគោលបំណងផ្សេងក៏អាចថាបាន»។
ប្រាសាទព្រះវិហារ ត្រូវបានដាក់បញ្ចូលជាសម្បត្តិបេតិកភណ្ឌពិភពលោក កាលពីថ្ងៃ៧ កក្កដា ២០០៨។ កម្មវិធីរំលឹកខួបនេះត្រូវបានប្រារព្ធជារៀងរាល់ឆ្នាំនៅថ្ងៃ៧ កក្កដា ចាប់ពីពេលដាក់បញ្ចូលប្រាសាទនេះជាសម្បត្តិបេតិកភណ្ឌពិភពលោកមក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អង្គការ៣១ប្រកាសគាំទ្របក្សណាលើកស្ទួយសិទ្ធិសេរីភាពទទួលព័ត៌មាន
- ទស្សនៈពលរដ្ឋចំពោះការប្រកាសត្រឡប់មកកម្ពុជារបស់លោក សម រង្ស៊ី
- ជនសង្ស័យបាញ់គំរាមលើក្បួនហែរបស់បក្សសង្គ្រោះជាតិត្រូវបានឃុំខ្លួន
- នគរបាលព្រមានចាប់លោក សម រង្ស៊ី ពេលមកដល់កម្ពុជា
- សកម្មជនបក្សប្រជាជនរងការចោទថាគំរាមសម្លាប់សកម្មជនបក្សប្រឆាំង
- បក្សសង្គ្រោះជាតិគ្រោងប្ដឹងមេភូមិបក្សប្រជាជនខេត្តមណ្ឌលគិរី
- សកម្មជនបក្សប្រជាជនប្ដឹងចោទសកម្មជនបក្សសង្គ្រោះជាតិរឿងប្រើហិង្សា
- លោក សម រង្ស៊ី ប្រកាសមកកម្ពុជាវិញមុនថ្ងៃបោះឆ្នោត
- ពិធីរំលឹកខួប៥ឆ្នាំនៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក
សូម្បីមាន់ជល់របស់គាត់ ក៏មានភព្វសំណាងជិះយន្តហោះដែរ
ចំរៀងនៃការវិលត្រឡប់មកវិញ របស់លោក សម រង្ស៊ី ជាចំរៀង ដដែលៗ ដែលយើងធ្លាប់ឮជាយូរណាស់មកហើយ ប៉ុន្តែធាតុពិតវាគ្រាន់តែជាចំរៀងលួងលោម កុំអោយម្ចាស់ស្រីបាក់ទឺកចិត្តប៉ុណ្ណោះ ឬ គេហៅថា ផោមដើម្បីអោយឆ្កែអរ បងត្រឡប់មកវិញ បងត្រឡប់មកវិញ បងត្រឡប់មកវិញ គឹត្រឡប់ពីប្រទេសបារាំង មក ហ្វីលីពីន ហើយត្រឡប់ពី ហ្វីលីពីន មកប្រទេសបារាំងវិញ
………………………………………………………………………………………
.បើ សម រង្ស៊ី វិលត្រឡប់មកខ្មែរពេលណា ពេលនោះ កឹម សុខា នឹងក្លាយជា ក្អាត់ក្នុងក្អម!
…………………………………………………………………………………………………………………………
បើលោក សម រង្ស៊ី មកដល់ខ្មែរពេលណា នោះនឹងក្លាយជាអន្លូងសំពងលោក កឹម សុខា អោយហារមាត់ជង្រ្គង់ និយាយលែងចេញ
……………………………………………………………………………………………………………………………
បើលោក សម រង្ស៊ី មកដល់ខ្មែរពេលណា នោះផែនការធ្វើបក្សប្រហារក្នុងគណបក្សសង្រ្គោះជាតិ របស់លោក កឹម សុខា ត្រូវបរាជ័យទាំងស្រុង
………………………………………………………………………………………………………………………………
បើលោក សម រង្ស៊ី មកដល់ខ្មែរពេលណា នោះលោក កឹម សុខា នឹងក្លាយជា ឆ្កែរដំបៅក្បាលមិនខាន
……………………………………………………………………………………………………………………………….
បើលោក សម រង្ស៊ី មកដល់ខ្មែរពេលណា នោះទ្វារគុកព្រៃសរនឹងបើកទ្វារស្វាគមន៏រង់ចាំជាស្រេច! ពេលនោះ លោក សម រង្ស៊ី នឹងត្រូវបានប្រសិទ្ធនាមថា ជា អ៊ុង សានស៊ូជី កម្ពុជា ។ អ៊ុង សានស៊ូជី ភូមាជាប់ឃុំក្នុងផ្ទះ តែ អ៊ុងសានស៊ូជីកម្ពុជាត្រូវជាប់ឃុំក្នុងគុកដូចអ្នកទោសផ្សេងៗទៀតស្មើភាពគ្នា ណ្ហើយទ្រាំទៅ! តែជាងដប់ឆ្នាំតើ! ជាងពីរអាណត្តិហ្នឹង! បាយស៊ីស្រាប់ អាចម៏គេសែង ទៅណាមកណាមានគេយាមការពារ ចេញពីគុកមកវិញ នឹងក្លាយជា ណែលសុនម៉ង់ដឺឡាទី២ ហើយអាចទទួលបានពានរង្វាន់ទៀត! គួរតែប្តូរហើយ ដើម្បីកិត្តិយស ដើម្បីគណបក្ស !!!!!!!
Khmer Family Your Family
says:
July 9, 2013 at 4:43 pm ពុទ្ធសាសនា បានមានឱវាតថា បោះឆ្នោតជូនគណបក្សប្រជាជន ជួបនូវពុទ្ធពរ ៤ប្រការ គឹ អាយុៈ វណ្ណៈ សុខៈ ពលៈ កុំបីខាន!!!
បោះឆ្នោតអោយ CPP គឹបោះឆ្នោតអោយខ្លួនឯង គ្រួសារអ្នក និងប្រទេសជាតិទាំងមូលព្រមទាំងអ្នករស់នៅឯក្រៅប្រទេស ! បោះឆ្នោតអោយ គណបក្សប្រជាជនកម្ពុជា គឹដើម្បីនាំមកនូវសុខ សន្តិភាព ស្ថេរភាព និងការអភិវឌ្ឌ្យន៏ ចេតនានៃការចង់ប្តូររបប គឹជាសញ្ញានៃការវិលទៅរកអតីតកាល(សង្រ្គាម) ដូចយើងមានឧទាហរណ៏នៃការប្តូររបបកន្លងមកជាគំរូស្រាប់! តើយើងចង់វិលទៅរកអតីតកាលវិញទេ នៅពេលដែលប្រជាជន និងប្រទេសជាតិ ព្រមទាំងបងប្អូនដែលរស់នៅឯក្រៅប្រទេស កំពុងតែរស់ក្នុងសុខសន្តិភាព ស្ថេរភាព និងការអភិវឌ្ដ្យន៏ប្រកបដោយលទ្ធិប្រជាធិប្បតេយ្យ សេរីពហុបក្ស ខ្ញុំយល់ថា អ្នកពិតជាមិនល្ងង់ទេ! ហេតុនេះ ជំរើសមានតែ១ទេ គឹបោះឆ្នោតអោយគណបក្សប្រជាជន ដែលមានលេខរៀងទី៤ សញ្ញាទេវតាបាចផ្កា!!!!! ទេវតា ដែលបានជួយសង្រ្គោះប្រជាជន និងប្រទេសកម្ពុជា អោយរួចផុតពីរបបប្រល័យពូជសាសន៏សាហាវយង់ឃ្នង ៣ឆ្នាំ ៨ខែ២០ថ្ងៃ ប៉ុលពត អៀងសារី ខៀវ សំផន នាថ្ងៃ៧មករា១៩៧៩នេះ។បច្ចុប្បន្ននេះ អន្តរជាតិកំពុងតែកាត់ទោសពួកវា។
Khmer Family
says:
July 8, 2013 at 3:33 pm ធ្លាយបូសទៀតហើយ ធ្លាយបូសទៀតហើយ បន្ទាប់ពីធ្លាយមុខបូសអ្នកបឹងកក់ ឥឡូវនេះ មុខបូស អ្នកបូរីកីឡា និងសហគមន៏៣៤៧ បានធ្លាយមុខទៀតហើយ ក្រោមការព្យាបាលវះកាត់ យកដុំមហារីកចេញ ពីសំណាក់លោក វេជ្ជបណ្ឌិតយ៉ាងចំណានៗ គឹលោក ហ៊ុន ម៉ាណែត បុត្រច្បង សម្តេច ហ៊ុន សែន និងលោក ប៉ា សុជាតិវង្ស អភិបាលរាជធានីភ្នំពេញ! សូមបងប្អូនប្រជាពលរដ្ឋទាំងអស់មានជំនឿជឿជាក់មកលើអាជ្ញាធរនិងគណបក្សប្រជាជន ដែលមានលេខរៀងទី៤ សញ្ញាទេវតាបាចផ្កា សង្ឃឹមថា នឹងធ្លាយមុខបូសនៅកន្លែងដ៏ទៃទៀតទូទាំងប្រទេសកម្ពុជា ពីព្រោះគោលនយោបាយរបស់គណបក្សប្រជាជន មិនទុកអោយប្រជាជនអត់ផ្ទះ អត់ដី សំរាប់បង្កបង្កើនផលចិញ្ចឹមជីវិតនោះទេ សូមកុំជឿលង់តាមការញោះញង់ អុជអាល របស់គណបក្សប្រឆាំង និងសង្គមស៊ីវិលអោយសោះ បងប្អូនពលរដ្ឋត្រូវចងចាំថា បើមានបញ្ហាដីធ្លីពាក់ពន្ធ័ជាមួយបក្សប្រឆាំងនិងសង្គមស៊ីវិលនោះគឹមិនអាចនឹងដោះស្រាយចេញទេ
Khmer Family Your Family
says:
July 9, 2013 at 5:38 pm ល្បិចតាស៊ីក្លូ! ល្បិចតាស៊ីក្លូ! ល្បិចតាស៊ីក្លូ! ហាស ហាស ហាស ហាស ហាស ហាស
……………………………………………………………………………………………………………………………….
គណបក្សសង្រ្គោះជាតិ បានប្រមែប្រមូលពលរដ្ឋដែលគាំទ្រខ្លួនមានចំនួនតិចតួចពីបណ្តាខេត្តជាច្រើន ដូចជា ខេត្តបាត់ដំបង ខេត្តបន្ទាយមានជ័យ ខេត្តឧត្តរមានជ័យ ខេត្តកំពុងធំ ខេត្តព្រះវិហ៊ារ និងខេត្តសៀមរាប អោយមកដេកចាំ៣យប់៣ថ្ងៃនៅខេត្តសៀមរាប ប្រមូលផ្តុំគ្នា ផ្គុំគ្នា ដើម្បីដង្ហែរឃោសនាគណបក្ស អោយមើលទៅឃើញភាពគគ្រឹកគគ្រេង អឹកអធឹក ក្នុងគោលបំណងបំភន្ត័ភ្នែកជាតិ និងអន្តរជាតិ មើលឃើញថា គណបក្សគេមានការគាំទ្រច្រើនណាស់ ហើយថតទុកជាភស្តុតាង ក្រោយពេលបោះឆ្នោតរួច គេនឹងឡាំប៉ាថា គេមានអ្នកគាំទ្រច្រើនណាស់ហេតុអ្វីក៏ចាញ់ឆ្នោត ហើយស្រែកថា ការបោះឆ្នោតនេះមិនត្រឹមត្រូវ មិនយុត្តិធម័ មានការលួចបន្លំសន្លឹកឆ្នោតជាមិនខាន ហាស ហាស ហាស ហាស ហាស ហាស ហាស ល្បិចតាស៊ីក្លូ! ល្បិចតាស៊ីក្លូ ! ល្បិចតាស៊ីក្លូ! គួរអោយអស់សំណើចមែន!!!!!!