Wednesday, 17 July 2013
Kevin Ponniah
ភ្នំពេញ ប៉ុស្តិ៍
ភ្នំពេញៈ នៅពេលលោក សម រង្ស៊ី មកដល់ទីក្រុងភ្នំពេញ នៅព្រឹកថ្ងៃសុក្រ បន្ទាប់ពីនិរទេសខ្លួនឯងអស់រយៈពេលជិត៤ឆ្នាំអ្នកគាំទ្រគណបក្សសង្គ្រោះជាតិប្រមាណ៤ ម៉ឺននាក់ ត្រូវបានរំពឹងថានឹងទៅទទួលស្វាគមន៍លោក។
បើទោះបីជា ការវិលត្រឡប់របស់ឥស្សរជនគណបក្សប្រឆាំងនៅកម្ពុជានឹងទាក់ទាញអ្នកគាំទ្រយ៉ាងច្រើនក៏ដោយ ប៉ុន្តែអ្នកគាំទ្រទាំងនេះនឹងគ្រវីទង់ និងរូបសញ្ញាដែលមិនមែនមានតែរូបលោក សម រង្ស៊ី ម្នាក់នោះទេ គឺមានរូបលោកសម រង្ស៊ី.កាន់ដៃលោក កឹម សុខា ដែលជាអនុប្រធានគណបក្សផងដែរ។ ប៉ុន្តែ ចំពោះប្រជាជនកម្ពុជាជាច្រើននៅពេលសួរថា តើពួកគេបោះឆ្នោតឲ្យគណបក្សណា នៅថ្ងៃទី ២៨ ខែកក្កដា ចម្លើយនោះគឺមិនមែនគណបក្សទេ គឺឈ្មោះពីរ លោក ហ៊ុន សែន ឬលោក សម រង្ស៊ី។ នេះគឺជាការពិត បើទោះបីជាលោក សម រង្ស៊ី ពុំទាន់ត្រូវបានអនុញ្ញាតឲ្យឈរឈ្មោះជាបេក្ខជនផ្លូវការក៏ដោយ។
លោក ប៉ុល ហំម អតីតអ្នកនាំពាក្យគណបក្សសិទិ្ធមនុស្សនិងជាប្រធានគណៈកម្មាធិការ អចិន្រៃ្តយ៍នៃគណបក្សសង្គ្រោះជាតិ បានថ្លែងថា៖ «យើងលែងនិយាយពីគណបក្សសម រង្ស៊ី និងគណបក្សសិទិ្ធមនុស្សទៀតហើយ។ យើងនឹងនិយាយតែពាក្យមួយម៉ាត់ គឺគណបក្សសង្គ្រោះជាតិ។ អ្នករាល់គ្នា រាប់ទាំងលោក កឹម សុខា និងរូបខ្ញុំផ្ទាល់ រីករាយខ្លាំងណាស់ ដែលបានមើលឃើញលោក សម រង្ស៊ី វិលត្រឡប់មកវិញ»។
លោក David Chandler ប្រវតិ្តវិទូនៃប្រវតិ្តសាស្រ្តកម្ពុជា បានប្រាប់ ភ្នំពេញ ប៉ុស្តិ៍ នាពេលថ្មីៗនេះថា៖ «ខ្ញុំគិតថា ពួកគេសុទ្ធតែជាក្រុមមានមេតែម្នាក់ខ្ញុំគិតថា វាចម្លែកដែលបុរសទាំងពីរនាក់បានរួមសហការគ្នាដល់កម្រិតនេះ។ ការសហការមិនមែនជាប្រវតិ្តសាស្រ្តឬរបៀបធ្វើនយោបាយរបស់ពួកគេទេ»។
ប៉ុន្តែ លោកស្រី ជា វណ្ណាត អ្នកវិភាគនយោបាយឯករាជ្យ បានថ្លែងថា ពេលវេលាដែលបានចំណាយក្នុងការចរចាលើឧបសគ្គរាំងស្ទះផ្សេងៗលើផ្លូវឆ្ពោះទៅបង្រួបបង្រួមរវាងគណបក្សប្រឆាំងទាំងពីរ នៅទីបំផុត នឹងរក្សាគណបក្សសង្គ្រោះជាតិឲ្យរឹងមាំ។
លោកស្រី បានលើកឡើងថា៖ «វាត្រូវការពេលជាច្រើនសម្រាប់ពួកគេរួបរួមគ្នា។ ដូច្នេះ ផ្អែកលើចំណុចនោះខ្ញុំច្បាស់ថា ពួកគេបានពិចារណាពីគុណសម្បតិ្តនិងគុណវិបតិ្តក្នុងការរួមគ្នា នៅទីនេះ គឺដើម្បីផលប្រយោជន៍នៃគណបក្សប្រឆាំង។ ពួកគេត្រូវតែរួមគ្នា បើមិនអ៊ីចឹងទេ ពួកគេនឹងវិលទៅចំណុចចាប់ផ្តើមឡើងវិញ»។
លោក ឡៅ ម៉ុងហៃ អ្នកវិភាគម្នាក់ទៀត បានថ្លែងថា លទ្ធភាពនៃសម្ព័ន្ធភាពក្នុងការប្រមូលផ្តុំសំឡេងឆ្នោតនឹងរារាំង មិនឲ្យមានការបែកបាក់រហូតទាល់តែក្រោយការបោះឆ្នោត។ លោកបានបន្តថា៖ «ប្រហែលដោយសារសំឡេងភាគច្រើនរបស់គណបក្សប្រជាជនថយចុះបន្ទាប់ពីការបោះឆ្នោត គណបក្សប្រជាជនអាចទាក់ទាញមេដឹកនាំម្នាក់ ឬពីរនាក់ពីគណបក្សប្រឆាំង … នោះជាបញ្ហាប្រឈមមួយ»។
ទោះជាយ៉ាងណា លោកបានបន្ថែមថា ការរួបរួមអាចបន្តមាន ព្រោះបើទោះបីជាអ្នកខ្លះអាចមើលឃើញការស្នើរបស់គណបក្សប្រជាជនជាឱកាសចុងក្រោយក្នុងការចូលរួមក្នុងរដ្ឋាភិបាលក៏ដោយ ក៏ប៉ុន្តែប្រវតិ្តនៃដៃគូរដ្ឋាភិបាលចម្រុះដែលជាគណបក្ស ហ៊្វុនស៊ិនប៉ិចគឺមិនល្អទេ។
លោក ម៉ុងហៃ បានបញ្ជាក់ថា៖ «វានឹងជាទីបញ្ចប់នៃ[គណបក្សប្រឆាំង] ប្រសិនបើពួកគេផ្តាច់ខ្លួន … ខ្ញុំគិតថា គេទាំងអស់គ្នាដឹងអំពីយុទ្ធសាស្រ្តរបស់គណបក្សប្រជាជនគឺបំបែកបំបាក់ពួកគេ»។
ប៉ុន្តែ ដោយការវិលត្រឡប់របស់លោក សម រង្ស៊ី នឹងឈ្នះបានសំឡេងច្រើន លោក កែម ឡី អ្នកវិភាគនយោបាយម្នាក់ទៀតបានយល់ថា ការប៉ុនប៉ងរបស់គណបក្សប្រជាជន ក្នុងការបំបែកគណបក្សប្រឆាំងអាចកើតមានបន្ទាប់ពីការបោះឆ្នោត។
លោកបន្តថា៖ «[គណបក្សប្រជាជន] នឹងរកផ្លូវដើម្បីបញ្ចុះបញ្ចូលគណបក្សសង្គ្រោះជាតិឲ្យបង្កើតរដ្ឋាភិបាលរួមគ្នាដើម្បីកាត់បន្ថយចលនាប្រឆាំង។ ដូច្នេះ គណបក្សសង្គ្រោះជាតិ នឹងបែកជាពីរក្រុម»។ លោក កែម ឡី បានថ្លែងថា៖ «បើទោះបីជាពួកគេរួមគ្នា លោក កឹម សុខា ចង់ធ្វើជាមេដឹកនាំគណបក្ស និងចង់ធ្វើជានាយករដ្ឋមន្រ្តី ប្រសិនបើគេឈ្នះឆ្នោត»។
លោកអ៊ូ វីរៈ ប្រធានមជ្ឈមណ្ឌលសិទិ្ធមនុស្សកម្ពុជាបានថ្លែងថាការទទួលយកនូវ អាណតិ្តជាប្រធាន នឹងជាគន្លឹះសម្រាប់លោក សម រង្ស៊ី ប្រសិនបើលោកចង់រក្សាសម្ព័ន្ធភាពនៅរួមគ្នា។ លោកបានបន្តថា៖ «ប្រសិនបើមេដឹកនាំណាម្នាក់ចង់កាន់តំណែងរៀងរហូត ខ្ញុំគិតថា គេនឹងមានការបែកបាក់ផ្ទៃក្នុង»។
លោកបានបន្ថែមថា ការប៉ុនប៉ងបញ្ចុះបញ្ចូលតំណាងរាស្រ្តគណបក្សសង្គ្រោះជាតិ ឲ្យចូលរួមគណបក្សប្រជាជននឹងរំលោភលើច្បាប់បោះឆ្នោត។
លោក វីរៈ ថ្លែងថា៖ «នយោបាយប្រឆាំងរបស់លោក សម រង្ស៊ី និងគណបក្ស សម រង្ស៊ីនោះជាផ្នត់គំនិត។ [ប៉ុន្តែ សម រង្ស៊ី និងកឹម សុខា]មានជំនឿប្រហាក់ប្រហែលគ្នា…សំណួរសួរថា តើ អ្នកទាំងពីរនឹងអាចទ្រាំទ្ររលកនៃការបំបែកបំបាក់បានដែរឬអត់?»៕ TK
ទីបំផុតលោកសម រង្ស៊ី បានក្លាយខ្លួនជាអ្នក នយោបាយលំដាប់កំពូលប្រចាំប្រទេស
ក្នុងចំនោមអ្នកនយោបាយពីររូប ក្នុង នោះ រូបលោកផ្ទាល់និង លោក ហ៊ុន សែន ។
នៅពេលដែលព្យុះឧបសគ្គនៃដំនើរនយោបាយរបស់លោកបានឆ្លងកាត់នៅភាពលំបាកយ៉ាងខ្លាំងតែ
លោក អាចនៅតែឈរតស៊ូក្នុងឧបសគ្គនេះបាន ។
ពិតប្រាកដណាស់ បើ អាលេខ៤ វាឈ្នះឆ្នោត ពូជយួនវា
កាន់តែចូលកើនឡើងពេញស្រុក ខ្មែរ ថែមទៀតពុំខាន
https://www.youtube.com/watch?v=-3JlcVIGl2k
លេខ ៤ នាំយួនចូលស្រុកជា រឿងពិត
I bet! The CPP will win at least 86% of the registered votes!!!
I am so anxious to welcome H.E Sam Rainsy. I really hope that this mandate, the unity of all democratic people will defeat the dictators, intimidators, and corrupt leaders.
I can predict that CPP 4 will receive only 40 seats while CNRP 7, which is receiving tremendous supports from well-educated youths, intellectuals, people loving democracy and from international community, will certainly receive 70 seats.
បើគណបក្សសង្រ្គោះជាតិឈ្នះឆ្នោត មេដឹកនាំដែលចូលរួមកម្លាំងគ្នាគួរតែដូរវេនគ្នាធ្វើនាយករដ្ឋមន្រ្តី
មិនគួរប្រជែងគ្នានាំឱ្យបែកបាក់សាមគ្គីផ្ទៃក្នុង ឱ្យឱកាសអ្នកដទៃបំបែកបំបាក់បាននោះទេ !
DEUX MANDATS MAXIMUM NE FAIT PAS COMME NOTRE PREMIER MINISTRE LE PLUS INTELLIGENT DU MONDE IL DIRIGE LE PAYS PLUS DE 30 ANS ET FAIRE TRES RICHE QUE SA FAMILLE ET SES AMIS ,SI CE N EST PAS MAFIA C EST QUOI,…
The end of CPP is certainly coming soon… Down with the dictator !, down with the oppression ! down with the corruption !
គណបក្សប្រឆាំងសង្រ្គោះជាតិ ឥឡូវវិត្តន៏រហូតឈានដល់បំបែកទៅជានិកាយចំនួនពីរគឺ៖
និកាយទី១៖ និកាយសម រង្ស៊ី
និកាយទី២៖ និកាយគឹម សុខា
.
ត្បិតតែស្ថិតក្នុងបក្សប្រឆាំងដូចគ្នា តែនិកាយទាំងពីរក៏កំពុងប្រកួតប្រជែងរវាងគ្នាឯងដែរ។
Hopefully, Ah Cheat will be waiting for H.E. Sam Rainsy at the Air port to escort him to Prey Sar prison as promised.