ថ្ងៃ ពុធ 31 កក្កដា 2013
ដោយ ស៊ុន មេសា
RFI
លោកនាយករដ្ឋមន្ត្រី ហ៊ុន សែន បានអះអាងថា គណបក្សប្រជាជនកម្ពុជារបស់លោកបានបង្កើតក្រុមការងារមួយជាស្រេចដើម្បីចរចាជាមួយគណបក្សសង្គ្រោះជាតិដើម្បីនិយាយអំពីក្បាលម៉ាស៊ីនដឹកនាំរដ្ឋសភា។ សមាសភាពគណៈកម្មការនោះមានលោក ស ខេង, លោក សាយ ឈុំ និង លោក សុខ អាន។ ការប្រកាសបែបនេះបានធ្វើឡើងខណៈដែលលោកនាយករដ្ឋមន្ត្រីបានចុះទៅទៅពិនិត្យការដ្ឋានស្ពានអាកាសស្ទឹងមានជ័យ ក្នុងរាជធានីភ្នំពេញ នៅរសៀលថ្ងៃចន្ទនេះដែលជាការបង្ហាញមុខជាសាធារណៈ លើកដំបូងក្រោយការបោះឆ្នោត។ ប៉ុន្តែ បក្សប្រឆាំងទាមទារឲ្យដោះស្រាយភាពមិនប្រក្រតីរឿងបោះឆ្នោតជាមុនសិន មុននឹងជជែកពីការបែងចែកមុខនាទី។
លោកនាយករដ្ឋមន្ត្រីហ៊ុន សែន ដែលបានបញ្ចេញមុខជាសាធារណៈជាលើកដំបូង បន្ទាប់ពីការបោះឆ្នោតអាណត្តិទី៥។ rfi/siv channa
បីថ្ងៃក្រោយការបោះឆ្នោតតំណាងរាស្ត្រនីតិកាលទី៥ លោក នាយករដ្ឋមន្ត្រីហ៊ុន សែន ដែលបានឈ្នះឆ្នោតស្តួចស្នើងក្នុងរដ្ឋសភា បានប្រកាសថា ឱ្យមានការចរចារនយោបាយរវាងគណបក្សប្រជាជនកម្ពុជា និងគណបក្សសង្គ្រោះជាតិ ដែលជាបក្សប្រឆាំង ដើម្បីបង្កើតក្បាលម៉ាស៊ីនដឹកនាំរដ្ឋសភា។
អនុប្រធានគណបក្សប្រជាជន បានអះអាងថា គណបក្សរបស់លោក បានរៀបចំក្រុមការងាររួចរាល់អស់ហើយ ដើម្បីស្វែងរកដំណោះស្រាយនយោបាយជាមួយគណបក្សប្រឆាំងរបស់លោក សម រង្ស៊ី និងលោក កឹម សុខា។
លោក នាយករដ្ឋមន្ត្រី ក្នុងឋានៈប្រមុខរដ្ឋាភិបាលចាំផ្ទះ បានសង្កត់ធ្ងន់ថា អ្នកនយោបាយកម្ពុជា គឺពិតជាអាចដោះស្រាយបញ្ហានយោបាយរវាងគ្នានិងគ្នាបាន ព្រោះបញ្ហាជាប់គាំងនយោបាយ នៅកម្ពុជា មិនមែនទើបតែកើតឡើងនោះទេ។ ក្បាលដឹកនាំគណបក្សនយោបាយទាំងអស់ពិតជាតម្កល់ផលប្រយោជន៍ជាតិ ជាអតិភាព និងជាអ្វីដែលខ្មែរចង់បាន។
គួរំលឹកថា ក្រោយការបោះឆ្នោតនៅកម្ពុជា កាលពីចុងសប្តាហ៍នេះ ស្ថានការណ៍នយោបាយនៅកម្ពុជា បានកើតភាពតានតឹង។ ហើយមានពាក្យចចាមអារ៉ាម មួយចំនួនថា មានរដ្ឋប្រហារក្នុងគណបក្សប្រជាជនកម្ពុជា ទម្លាក់លោកនាយករដ្ឋមន្ត្រីហ៊ុន សែន និងការរត់ចោលប្រទេសរបស់លោកនាយករដ្ឋមន្ត្រីជាដើម។
នៅចំពោះ មុខថ្នាក់ដឹកនាំថ្នាក់ដឹកនាំកំពូលៗ របស់គណបក្សប្រជាជនកម្ពុជា លោកនាយរដ្ឋមន្ត្រី បានទាត់ចោលពាក្យចចាមអារ៉ាមទាំងអស់នេះ។
សម្រាប់កាបោះឆ្នោតអាណត្តិទី៥ ឆ្នាំ២០១៣នេះ តាមលទ្ធផលជាបឋម របស់ គណបក្សប្រជាជនកម្ពុជា បានបង្ហាញថា គណបក្សប្រជាជនកម្ពុជាបានទទួលអាសនៈ ៦៨ ហើយ គណបក្សសង្គ្រោះជាតិទទួលបាន ៥៥ អាសនៈ។ អាសនៈទាំងនេះហើយ ដែលត្រូវឱ្យគណបក្សទាំងពីរ ត្រូវចូលរួមបង្កើតក្បាលម៉ាស៊ីនដឹកនាំរបស់រដ្ឋសភា ដែលនឹងអាចប្រព្រឹត្តទៅក្នុងអំឡុង ខែកញ្ញាខាងមុខនេះ។
ទាក់ទិននឹងការសម្រុះសម្រួលផ្នែកនយោបាយដែលលើកឡើងដោយគណបក្សប្រជាជននោះ លោកកឹម សុខា អនុប្រធានគណបក្សសង្គ្រោះជាតិ បានលើកឡើងថា ជំហររបស់ គណបក្សសង្គ្រោះជាតិទាំងមូល នឹងមិនចរចាជាមួយគណបក្សប្រជាជនជាដាច់ខាត។
តែទោះជាយ៉ាងណាការប្រកាសរបស់លោកនាយករដ្ឋមន្ត្រីហ៊ុន សែន មកពីគណបក្សប្រជាជន នាពេលនេះគឺជាសញ្ញាមួយ គឺដើម្បីដោះភាពទ័លច្រកនៃនយោបាយ នៅកម្ពុជា ក្នុងការបង្កើតរដ្ឋសភា ដែលលោកអនុប្រធានគណបក្សប្រជាជនរូបនេះ អះអាងថា ពិតជាឆន្ទះបង្រួបបង្រួមនយោបាយ នៅកម្ពុជាក្រោយការបោះឆ្នោតបានបញ្ចប់៕
ដល់ពេលស្រឡាញ់មេក្រូទៀតហើយ បាត់មុខមួយរយះទៅពួនអែណាអេះ?។
ពួនថ្វាយបង្គំផ្នូរឪពុកទើបស្លាប់ថ្មីៗសុំឈ្នះឆ្នោតតាមក្បួនចោរ
មានពេលខ្លះលាក់ខ្លួនបញ្ជាឱ្យពួកទាហានទៅបន្លំបោះឆ្នោត ។
ធ្វើអ្វីត្រូវប្រុងប្រយ័ត្នពួកវាចោតថាទណ្ឌឹតនឹងចាប់ចូលគុក (បាតុកាំ )
នេះជាល្បិចចឆ្មាលាក់ក្រចក របស់យួនកុម្មុយនីស្ត អាចចាប់នឹងចោតខុសពីនេះពីនោះ។
លោក កឹម សុខា មិនចរចា ជាមួយគណបក្សប្រជាជនដាច់ខាត បើមានបាតុកម្មណាមួយកើតឡើង
រឿងលទ្ធផលបោះឆ្នោត លោកកឹម សុខាដាច់ខាតមិនត្រូវ អោយប្រជារាស្រ្តណាម្នាក់មានគ្រោះថ្នាក់ ឫបាត់បង់ជីវិត ហើយតរូវហ៊ានប្តេជ្ញា ដាច់ខាតមិនអោយមានការប៉ះពាល់ទ្រព្យសម្បត្តិអ្នកដទៃ ទ្រព្យ
សម្បត្តិសាធារណៈ។ ការដាច់ខាតអាចនាំអោយគណបក្សឺឈានទៅរកដាច់ខ្យល់ ព្រៅះលោកដឹកនាំ
គណបក្សពីអាណត្តិហើយ សូមលោកលាលែងពីតំណែងជាប្រធានទឿតទៅ អោយសមតាមការសន្យា!!!!! ដឹកនាំពីអាណត្តិ៕៕៕៕៕
១. សូមអបអរសាទរចំពោះការចរចាររវាងលោកសមរង្សី មកពីគណៈបក្សសង្រ្គោះជាតិនិងគណៈបក្សហ៊ុនសែន!!! ប៉ុន្តែការចរចារណាមួយជាមួយលោកហ៊ុន សែនត្រូវតែមានការប្រុងប្រយ័ត្នខ្ពស់!! វិធីចរចាររបស់លោកហ៊ុនសែន ច្រើនប្រើវិធីបោកប្រាស់!!
២. តើលោកហ៊ុន សែនត្រូវការអ្វីពីការចរចារនេះ? តើគណៈបក្សសង្រ្គោះជាតិត្រូវតែទទួលលទ្ធផលបែបណាទើប ប្រជារាស្រ្តមើលឃើញថា មិនលក់ខ្លួន?
២. A លោកហ៊ុនសែនត្រូវការតែពីរចំណុចប៉ុណ្ណោះគឺ ទី១. អោយគណៈបក្សសង្រ្គោះជាតិទទួលស្គាល់លទ្ធផលនៃការបោះឆ្នោតដែលប្រកាសដោយគ.ជ.ប។ ទី២គឺ លោកហ៊ុនសែនចង់អោយមានសភាបើកកិច្ចប្រជុំថ្ងៃទី១អោយបានដាច់ខាត!!!!
២.B គណៈបក្សសង្រ្គោះជាតិត្រូវការលទ្ធផលស្នូលនៃការចរចារគឺ រាជរដ្ឋាភិបាលថ្មី ត្រូវតែអនុវត្តគោលនយោបាយ៧ចំណុច ជាពិសេសគឺបា្រក់ខែមន្រ្តីរាជការ១លានរៀល និងកម្មករ១៥០ដុល្លារ។ បើទទួលលទ្ធផលដូច្នេះ ទើបអាចបញ្ចាក់ថា លោកសមរង្សីនិងលោកកឹមសុខា មិនលក់ខ្លួន!!! ចំណែកការទាមទារបាននូវតួនាទីសភា រាជរដ្ឋាភិបាលនិងចៅហ្វាយខេត្តគឺជាភាពឈ្លាសវៃរបស់លោកសមរង្សីនិងលោកកឹមសុខាប៉ុណ្ណោះ។
៣. ការចរចារជាមួយលោកហ៊ុន សែនឬក្រុមលោកហ៊ុន សែនត្រូវតែប្រុងប្រយ័ត្ន ពួកនេះច្រើនប្រើល្បិចភរនិងបោកប្រាស់!!! ជាក់ស្តែងនៅថ្ងៃបើកសភាដំបូងនៃនិតីកាលទី៤ សមាជិកសភាពបក្សប្រឆាំងត្រូវលោកហ៊ុន សែនបោកប្រាស់ម្តងហើយ ។ កាលនោះលោកសមរង្សីរត់ទៅប្រជុំភ្លេចស្លៀកលីអូ ចំណែកលោកជំទាវមួងសុខហួរភ្លេចពាក់អាវក្នុង ឯលោកកឹមសុខាភ្លេចសិតសក់។ វិធីបោកកាលនោះគឺលោកហ៊ុនសែនអនុវត្តដោយប្រើកូនអុកជ្រូកបាជេសយ សុភាព និងលោកគិត ម៉េង!! ដូច្នេះការចរចារលើកនេះ លោកហ៊ុន សែនប្រាកដជាប្រើសេះស៊ីទូក រួចអុកយកស្តេច មានន័យថាបោកអោយទទួលស្គាល់ការបោះឆ្នោត រួចកុហកអោយចូលប្រជុំសភា ក្រោយមកគឺភារកិច្ចបក្សប្រឆាំងត្រូវចប់!!!!
៤. តើបក្សប្រឆាំងត្រូវធ្វើរបៀបណា?
៤.A បក្សប្រឆាំងត្រូវគោរពគោលការណ័របស់ខ្លួនគឺ គោលការណ៍៧ចំណុច
៤.B ក្រុមការងារចរចារជាមួយក្រុមលោកហ៊ុន សែន ត្រូវមានលោកសមរង្សី លោកកឹមសុខា ជំទាវមួរសុខហួរ លោកស៊ុន ឆៃ និងលោកគង់គាំ។ លោកទាំងប្រាំនាក់នេះសុទ្ធតែត្រូវទទួលការប្រមាថមើលងាយ ជាន់ឈ្លីកិត្តិយសជាប្រវត្តិសាស្រ្ត និងចាប់ដាក់គុកដោយលោកហ៊ុន សែនរួចមកហើយ ដូច្នេះលោកទាំងប្រាំប្រាកដជាមិនលក់ខ្លួនអោយលោកសែនទៀតទេ។ ហេតុអ្វីត្រូវការប្រាំនាក់? ពីព្រោះប្រាំនាក់ជួយគិតគ្នា គឺលោកសមរង្សីនិងលោកកឹមសុខាជាអ្នកចរចារ លោកជំទាវមួរសុខហួរកត់ត្រា លោកស៊ុនឆៃនិងលោកគង់គាំជាអ្នកអង្គុយត្រឹះរិះសម្តីនិងកាយវិការរបស់ពួកលោកហ៊ុន សែន។
៤.Bទីកន្លែងចរចារ គឺមិនត្រូវទៅផ្ទះលោកហ៊ុន សែនទេ វិមានសន្តិភាពក៍ទេដែរ គឺទៅសណ្ឋាគារ ឬសណ្ឋាគារ Le Royalមុខសកលវិទ្យាល័យNUMក៍ល្អ ដើម្បីចៀសវាងពីការគៀបសង្កត់ខាងផ្លូវចិត្ត!! ជាពិសេសត្រូវទតមានការប្រុងប្រយ័ត្នការអាត់ថតសម្លេងយកមកចាក់អោយសាធារណៈជនស្តាប់ពីសំណាក់លោកហ៊ុន សេន។ ដូចនេះពាក្យសម្តីត្រូវប្រុងប្រយ័ត្ន ពីព្រោះលោកហ៊ុន សែនមានសណ្តានជាមនុស្សពាល ក្បត់។
៥. សេណារិយូរបស់បក្សប្រឆាំងចាប់ពីពេលនេះទៅគឺ អញ្ចើញទូតបរទេស ជាពិសេសទូតអាមេរិក អឺរ៉ុបនិងជប៉ុន មកស្តាប់ការបកស្រាយរបស់គណៈបក្សសង្រ្គោះជាតិអំពីដំណើរការបោះឆ្នោតមិនសេរីនិងយុតិ្តធម៌។ ក្នុងនេះក៍មានការលុបឈ្មោះប្រជារាស្ត្រពីបញ្ជីបោះឆ្នោត ដោយសារប្រជារាស្រ្តទាំងនោះមិនទៅធ្វើកាតចូលគណៈបក្សប្រជាជនជាង១លាននាក់ផង។ ជំហានទី២ គឺបន្ទាប់ពីគ.ជ.បប្រកាសលទ្ធផលបោះឆ្នោតបណ្តោះអាសន្នថ្ងៃទី១០សីហា ត្រូវតែមានបាតុកម្មមិនទទួលស្គាល់លទ្ធផលបោះឆ្នោត។ទោះបិយ៉ាងណាដំណើរការចរចារត្រូវធ្វើដដែល។
៦. បើគណៈបក្សហ៊ុនសែន មិនទទួលគោលការណ៍៧ចំណុចទេ នោះមិនត្រូវចូលរួមប្រជុំសភានៅថ្ងៃទី១ទេ……… បើមិនដូច្នេះទេគឺលោកសមរង្សីនិងលោកកឹមសុខាលក់ខ្លួនជាប្រវតិ្តសាស្រ្តហើយ ។អនាគតរបស់អស់លោកនឹងត្រូវចប់ភ្លាម ដូចទ្រង់ណានារិទ្ធអញ្ចឹង!!!!!