ថ្ងៃ ព្រហស្បតិ៍ 01 សីហា 2013
ដោយ ប៉ែន បូណា
RFI
អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោក សុរិយា ប្រាសាទ ស៊ូប៉ែឌី បានកោតសរសើរការបោះឆ្នោតនៅកម្ពុជា កាលពីថ្ងៃអាទិត្យ និងបានអំពាវនាវឲ្យមានសភាពស្ងប់ស្ងាត់ និងការបង្រួបបង្រួមជាតិ។ លោកក៏បានស្នើឲ្យមានការស៊ើបអង្កេតភាពមិនប្រក្រតីឲ្យបានម៉ត់ចត់ផងដែរ។ ក្រសួងការបរទេសជប៉ុនក៏ចង់ឲ្យមានភាពស្ងប់ស្ងាត់ក្រោយការបោះឆ្នោតដូចគ្នាដែរ។
លោក សូរិយា ប្រាសាទ ស៊ូប៊ែឌី អ្នករាយការណ៍ពិសេសអ.ស.ប ទទួលបន្ទុកសិទ្ធិមនុស្សប្រចាំកម្ពុជា (Chana Siv/FRI)
លោក សុរិយាប្រាសាទ ស៊ូប៊ែឌី បានកត់សម្គាល់ថា ការបោះឆ្នោតនៅកម្ពុជាកាលពីថ្ងៃអាទិត្យបានបង្ហាញឲ្យឃើញអំពីភាពចាស់ទុំខាងប្រជាធិបតេយ្យនៅកម្ពុជា។ លោកអះអាងថា លោកស្វាគមន៍ចំពោះប្រជាជនកម្ពុជាដែលបានចេញទៅបោះឆ្នោតយ៉ាងច្រើនកុះករ និងដោយសន្តិវិធី។ នេះបើយោងតាមសេចក្តីថ្លែងការណ៍មួយពីទីក្រុងហ្ស៊ឺណែវដែលចេញកាលពីល្ងាចថ្ងៃទី៣១កក្កដា។
លោក ស៊ូប៊ែឌី បានអំពាវនាវឲ្យមានភាពស្ងប់ស្ងាត់ និងការបង្រួបបង្រួមជាតិដើម្បីឧត្តមប្រយោជន៍របស់ប្រទេស។ ទន្ទឹមនឹងការអំពាវនាវឲ្យមានភាពស្ងប់ស្ងាត់ក្រោយការបោះឆ្នោត អ្នករាយការណ៍ពិសេសសហប្រជាជាតិទទួលបន្ទុកសិទ្ធិមនុស្សនៅកម្ពុជាក៏បានអំពាវនាវផងដែរឲ្យបង្កើនល្បឿននៃកំណែទម្រង់ស្ថាប័នរដ្ឋ ក៏ដូចជាកំណែទម្រង់ គណៈកម្មាធិការជាតិរៀបចំការបោះឆ្នោតដើម្បីធានាការគោរពសិទ្ធិប្រជាពលរដ្ឋ ដំណើរការនីតិរដ្ឋ និងប្រជាធិបតេយ្យនៅកម្ពុជា។
លោក ស៊ូប៊ែឌី បានអំពាវនាវឲ្យប្រជាជនកម្ពុជា និងតួអង្គនយោបាយសំខាន់ៗរបស់កម្ពុជាឲ្យ កសាងសង្គមប្រជាធិបតេយ្យសេរី ប្រកបដោយការអត់ធ្មត់ និងការយល់យោគគ្នាដោយចៀសវាងការរើសអើងនិងស្អប់ខ្ពើមជាតិសាសន៍។
យ៉ាងណាក៏ដោយ លោក ស៊ូប៊ែឌី បានកត់សម្គាល់ថា អនុសាសន៍របស់លោកភាគច្រើនទាក់ទងនឹងកំណែទម្រង់ការបោះឆ្នោតមិនត្រូវបានអនុម័តឡើយនៅមុនការបោះឆ្នោត។ សម្រាប់លោក ស៊ូប៊ែឌី ប្រសិនបើអនុសាសន៍ទាំងនោះត្រូវបានអនុវត្ត ស្ថានការណ៍ពេលនេះនឹងកាន់តែល្អប្រសើរជាងនេះទៅទៀត។ ទាក់ទងទៅនឹងភាពមិនប្រក្រតីនានា លោក ស៊ូប៊ែឌី ក៏បានស្នើឲ្យមានការស៊ើបអង្កេត និងសុំឲ្យគ.ជ.ប បង្ហាញឲ្យបានច្បាស់លាស់សន្លឹកឆ្នោតដែលមិនបានប្រើប្រាស់។
ចំណែកឯក្រសួងការបរទេសជប៉ុន ក៏បានសាទរការបោះឆ្នោតនេះដែរ។ តាមរយៈសេចក្តីថ្លែងការណ៍មួយកាលពីថ្ងៃទី ៣១ កក្កដា អ្នកនាំពាក្យក្រសួងការបរទេសជប៉ុនបានស្វាគមន៍ការបោះឆ្នោតកាលពីថ្ងៃអាទិត្យដែលបានប្រព្រឹត្តទៅដោយរលូន និងសន្តិភាព។
យ៉ាងណាក៏ដោយ ជប៉ុនអះអាងថា នឹងឃ្លាំមើលបន្តទៀតស្ថានការណ៍ក្រោយការបោះឆ្នោត និងផ្តោតក្តីសង្ឃឹមថា ការដោះស្រាយបណ្តឹងនានានឹងដំណើរការទៅដោយផ្នែកលើច្បាប់ និងការពិភាក្សាគ្នាដើម្បីឲ្យមានយុត្តិធម៌ សន្តិវិធី និងធានាសណ្តាប់ធ្នាប់ក្នុងប្រទេស៕
គណបក្សប្រជាជនកម្ពុជានៅតែបន្តការដឹកនាំប្រទេស នេះជាទឹកចិត្តស្រលាញ់ ពេញចិត្ត អាណិត
សម្តេច តេជោសែន របស់ប្រជាជនកម្ពុជាទាំងមូល ថ្វីត្បិតកៅអីមានការថយចុះមែនប៉ុន្តែគណបក្ស
ប្រជាជន នៅតែបន្តឈ្នះនៅណីទីកាលទី ៥នេះទៀត ។ សូមអបអរសាទរប្រជាជនខ្មែរបានជួយជាតិ
ខ្មែរឲ្យកាន់តែរីកចំរើនទៅមុខបន្តទៀត ដោយប្រគល់ភារកិច្ចទាំងនេះជូនសម្តេច តេជោសែន ជាប្រមុខ
រាជរដ្ឋាភិបាលអាណត្តិទី ៥ ២០១៣ ដល់ ២០១៨ ។ សូមអរគុណយ៉ាងស្មោះសគ្រ័ និងសូមជូនពរ
សម្តេច អគ្គមហាសេនា បតិតេជោសែន ជានាយករដ្ឋមន្រ្តព្រះរាជាណាចក្រកម្ពុជា សូមសម្តេចជូបតែ
វិបុលសុខ សេរីសួស្តី ដល់ក្រុមគ្រួសារ ។
ពត៏មានសំងាត់ បក្សប្រជាជនបានដាក់បញ្ជាអោយមន្រ្តីក្រោមឱវាទតាមក្រសួង មន្ទីរ ស្រុក ការិយាល័យទាំងអស់ បានអោយមេៗតសមកន្លែងនិមួយៗធ្វើលិខិតដើម្បីអោយមន្ត្រីរាជការ ប្រជាជន ផ្តិតមេដៃគាំទ្រថាការបោះឆ្នោតនេះយុត្តិធម៏ តើមន្ត្រីរាជការណា ប្រជាជនណាដែលមិនហ៊ានផ្តិតនោះប្រាកដជានៅក្នុងblacklistរបស់cppហើយ
Thank you so much, Mr. Surya Subedi for his kind concern about Cambodia.
CPP stop to play dangerous games to your own people.
CPP you serve the own people or you serve Vietnamese people?
Your bad trick , people know very well, and people unbelievable all your groups to operate the country any more.
Get down Hun Sen and all CPP staffs !!!!!
ខំធ្វើជាស្លូត អាខ្លាពាក់ស្បែកលា ជាងសាមសិបឆ្នាំ គ្មានអ្នកណាល្ងង់ជៀហែងទៀតទេ អាក្បត់ជាតិ ហ៊ុន សែន ។