ថ្ងៃទី 1 សីហា 2013
ដោយ: ម៉ាម្លិះ
CEN
ភ្នំពេញ: តារាស្រីស្រស់ស្អាត សូ ដានីតា ពីមុនធ្លាប់ល្បីឈ្មោះសម្បើមដែរ តែផ្អាកមួយរយៈ ខណៈនេះ នាងបានវិលចូលមកវិញ ដោយក្លាយជាពិធីការិនីប្រចាំទូរទស្សន៍ ស៊ីធីអិន។ មិនយូរទេ នាងនឹងចូលទៅសម្ភាសន៍នៅស្ថានទូតអាមេរិក មិនដឹងជាប់ រឺធ្លាក់នោះទេ តែមានសង្ឃឹមខ្ពស់ដោយសារធ្លាប់ចេញទៅសម្តែងពីរប្រទេសរួចមកហើយ គឺអូស្ត្រាលី កាណាដា បារាំង។
ដោយចង់ស្គាល់ទឹកដីអាមេរិក កញ្ញា សូ ដានីតា បានឲ្យ CEN ដឹងកាលពីថ្ងៃទី៣១ កក្កដាថា “នេះជាលើកទី៣ សម្រាប់ការអញ្ជើញ ទៅសម្តែងនៅអាមេរិក កាលពីឆ្នាំមុនគាត់ បានហៅម្តង ខ្ញុំជាប់ទៅកាណាដា។ សម្រាប់លើកនេះ គឺមានពេលទំនេរច្រើនការចេញទៅសម្តែង។ ម្យ៉ាងទៀតខ្ញុំ ក៏ចង់ស្គាល់ប្រទេសអាមេរិកដែរ ព្រោះបើបានទៅវាជាលើកទីមួយ សម្រាប់ខ្ញុំ។ កន្លងមក ខ្ញុំធ្លាប់ទៅបីប្រទេសរួចមកហើយ ដូចជា អូរស្ត្រាលី កាណាដា បារាំង”។
ចំពោះការចេញទៅសម្តែងនិងច្រៀងក្រៅលើកទី៤ នេះ នីតា បន្តថា នាងក៏មិនសង្ឃឹមបានទៅ ១០០ ភាគរយដែរ ព្រោះកន្លងមកដូចយើងដឹងស្រាប់ហើយថា សិល្បៈជាច្រើនរូបក៏បរាជ័យ មិនបានទៅប្រទេសនេះដែរ។ គិតទៅពិបាកដែរ ព្រោះសំខាន់លើអ្នកឧបត្ថម្ភ ដូចជា គាត់មានមេធាវីខ្លាំង ដើម្បីធានាបំពេញបែបបទ ឲ្យនាងបានចេញយ៉ាងណានោះទេ។
តែនាងនៅតែមានការរំពឹងទុកជាខ្លាំង ព្រោះបើបានចេញទៅគឺជាការ សប្បាយចិត្តមួយដែរ។
ទោះយ៉ាងណា ស្រីស្រស់រូបនេះ មិនបានបញ្ជាក់ពេលវេលានៃការចូលសម្ភាសន៍ នៅស្ថានទូតអាមេរិកនៅឡើយទេ។
សូមរំលឹកថា កញ្ញារូបស្រស់ សូ ដានីតា ជាតារាសិល្បៈដ៏មានរូបសម្រស់ម្នាក់ និងមានចរិកមនុស្សធម៌។ ក្រៅពីអាជីពសិល្បៈ នាងបានបើកលក់សម្លៀកបំពាក់នៅផ្ទះល្វែងរបស់នាងផ្ទាល់ ដែលស្ថិតនៅក្បែរផ្សារដីហុយ។ ពិតណាស់ថា ខណៈដែលពីមុន តារាសម្ដែង និងជាពិធីការិនី ធ្លាប់មានឈ្មោះល្បី សូ ដានីតា ក្រោយមកបានលេចចេញនូវរឿងអាស្រូវជាច្រើន រហូតដល់នាងសុំបើករង្វង់ក្រចកមិននិយាយ។
ចំពោះសកម្មភាព មនុស្សធម៌មួយនេះ ស្ដែងឲ្យឃើញពីទឹកចិត្តចេះ ជួយគ្នាក្នុងគ្រាលំបាកក្នុងនាមជាខ្មែរដូចគ្នា។ តែមានអ្នកសិល្បៈមួយចំនួន បានរិះគន់នាងថា បង្កើតមូលនិធិឡើងដោយសារចង់ល្បីឲ្យកាន់តែខ្លាំង លើវិថីសិល្បៈទៅវិញ៕
She wants show off in USA . Her face to old now.