ថ្ងៃ សៅរ៍ 03 សីហា 2013
ដោយ លី ម៉េងហួរ
RFI
បន្ទាប់ពីការបោះឆ្នោត មេដឹកនាំបក្សនយោបាយធំៗពីរ ដែលទទួលបានកៅអីច្រើនក្នុងសភា គឺគណបក្សប្រជាជនកម្ពុជា និងគណបក្សសង្គ្រោះជាតិ បាននាំគ្នាចុះទៅសួរសុខទុក្ខ និងថ្លែងអំណរគុណម្ចាស់ឆ្នោតដល់ផ្ទះ។
លោក សម រង្ស៊ី ក្នុងថ្ងៃបោះឆ្នោតកាលពីថ្ងៃទី ២៨ កក្កដា (Siv Channa/RFI)
ក្រោយការបោះឆ្នោតដែលគេអាចដឹងលទ្ធផលបណ្តោះអាសន្ន មេដឹកនាំគណបក្សនយោបាយធំៗពីរ ដែលជាប់ឆ្នោតគឺគណបក្សប្រជាជនកម្ពុជា និងគណបក្សសង្គ្រោះជាតិ ផ្តើមចុះជួបពលរដ្ឋម្ចាស់ឆ្នោតដល់ផ្ទះ។ កាលពីថ្ងៃសុក្រម្សិលមិញ លោកនាយករដ្ឋមន្ត្រី ហ៊ុន សែន បានដឹកនាំមន្ត្រីជាន់ខ្ពស់គណបក្សប្រជាជនកម្ពុជា ក្នុងនាមជារដ្ឋាភិបាលចាំផ្ទះ ទៅជួបសំណេះសំណាល និងជួយដកស្ទូងប្រជាកសិករ នៅស្រុកខ្សាច់កណ្តាល ខេត្តកណ្តាល។
ដោយឡែកមេដឹកនាំបក្សប្រឆាំង លោក សម រង្ស៊ី និងលោក កឹម សុខា ក៏ត្រូវធ្វើដំណើរទៅតាមបណ្តាខេត្តមួយចំនួនដែលខ្លួនបានទទួលអាសនៈច្រើននៅក្នុងការបោះឆ្នោត កាលពីថ្ងៃអាទិត្យ ទី២៨កក្កដា។ តាមកម្មវិធី លោក សម រង្ស៊ី និងលោក កឹម សុខា នឹងធ្វើដំណើររួមគ្នាទៅជួបប្រជាពលរដ្ឋម្ចាស់ឆ្នោត ដោយចាប់ផ្តើមពីព្រឹកថ្ងៃសៅរ៍ ទី៣ ខែសីហានេះ នៅឃុំកោះខែល ស្រុកស្អាង ខេត្តកណ្តាល ហើយបន្តទៅខេត្តកំពង់ចាម ព្រៃវែង កំពង់ស្ពឺ តាកែវ និងចុងក្រោយ នៅរាជធានីភ្នំពេញ នារសៀលថ្ងៃទី៦សីហា។
កាលពីរសៀលថ្ងៃទី២សីហាម្សិលមិញ លោក សម រង្ស៊ី និងលោក កឹម សុខា បានជួបប្រជុំជាមួយតំណាងអង្គការសង្គមស៊ីវិលជាច្រើន នៅទីស្នាក់ការធំគណបក្សក្នុងរាជធានីភ្នំពេញ។ ក្នុងកិច្ចប្រជុំនោះ លោក សម រង្ស៊ី និងលោក កឹម សុខា បានបញ្ជាក់ពីជំហរច្បាស់លាស់របស់ខ្លួន គឺមិនបែកបាក់គ្នាឡើយ។
ប្រមុខបក្សប្រឆាំងទាំងពីរក៏បានបញ្ជាក់ពីជំហររួមរបស់គណបក្សសង្គ្រោះជាតិ នាពេលនេះ គឺការទាមទារបង្កើតគណៈកម្មការចម្រុះ ដើម្បីស្រាវជ្រាវពីភាពមិនប្រក្រតីនៃការបោះឆ្នោត ហើយគ្មានទេលទ្ធភាពនៃការចរចាបង្កើតរដ្ឋាភិបាលចម្រុះជាមួយគណបក្សប្រជាជនកម្ពុជា៕
ក្រោយបោះឆ្នោត លោកសមរង្ស៊ីថ្លែងអំណរគុណអ្នកបោះឆ្នោត ដែលបោះឱ្យគាត់ចាញ់
ម៉េចបានត្រូវអរគុណពលរដ្ឋ?ពលរដ្ឋត្រូវអរគុណអ្នកនយោបាយវិញទើបត្រឹមត្រូវ ព្រោះអ្នកនយោបាយនឹងដោះស្រាយក្ដីកង្វល់ជាច្រើនឲ្យពលរដ្ឋ។
លោកសមរង្ស៊ីថ្លែងអំណរគុណអ្នកបោះឆ្នោត
នេះជាអំពើដឹងគុណប្រជាជនដ៍ត្រឹមត្រូវរបស់មនុស្សធ្លាប់បានរៀនសូត្រចេះដឹងនិងមានសីលធម៏ !
ប្រជាជនគឺជាកម្លាំងនៃជាតិមាតុភូមិ ! ប្រជាជនជាម្ចាស់នៃទឹកដី ! ប្រជាជនជាម្ចាស់នូវសំឡេងឆ្នោត !។ល។និង។ល។
លោកពិតជាដឹងគុណប្រជាជនដ៍ត្រឹមត្រូវមែន មិនដូចឧក្រិដ្ឋជនខ្លះដាក់ឈ្មោះបក្សប្រជាជន តែវាយបាញ់ប្រជាជន
ប្រើអំពើហឹង្សា ចាប់ដាក់គុក អូសដីធ្លីប្រជាជនបីដូចមេចោព្រៃភ្នំសែនអគតិមកប្លន់ប្រជាជនខ្លួនយ៉ាងសាហាវព្រៃផ្សៃ !!!
សូមអរគុណដល់ប្រជាជនដែលបានបោះឆ្នោតអោយបក្សប្រជាជនយើង អនុញ្ញាតិអោយបក្សយើងបានលួចជាតិទៅទៀត។យើងហ្នឹងប្តេជ្ញាកាត់
ទឹកដីអោយយួនតទៅទៀត ទោះអស់ព្រៃឈើ,ត្រី,ដីរ៉ែក៍ដោយក៍យើងនៅមានប្រេងកាតដែលនឹងត្រូវបូមនាពេលខាងមុខ បូមលក់ចែកយកលុយដាក់
ធនាគាជានិច្ចតទៅហោង។
ទាំងនេះគឺសិល្បៈមួយក្នុងការគួរសមដល់ម្ចាស់ឆ្នោត និងជាគន្លឹះសុំការគាំទ្រទៅអនាគត។ ប៉ុន្តែសូមកុំអំពាវនាវប្រជាពលរដ្ឋមកចូលរួមធ្វើបាតុកម្ម ទើបជាមនសិការពិតព្រោះប្រជាកសិករដល់រដូវបង្កបង្កើនផល។