ហេង រស្មី
05 សីហា 2013
វីអូអេខ្មែរ
លោក ស ខេង រដ្ឋមន្ត្រីក្រសួងមហាផ្ទៃប្រកាសអំពីការដកខ្លួនរបស់គណបក្សសង្គ្រោះជាតិ ចេញពីគណកម្មការបីភាគី គ.ជ.ប. គណបក្សកាន់អំណាច និងគណបក្សប្រឆាំង។
ភ្នំពេញ — មន្ត្រីជាន់ខ្ពស់គណបក្សប្រជាជនកម្ពុជានៅ ថ្ងៃច័ន្ទនេះ បានជំរុញឲ្យគណបក្សសង្គ្រោះជាតិធ្វើការបន្ទន់ឥរិយាបទចូលរួមតុចរចាឡើងវិញ ដើម្បីដោះស្រាយភាពជាប់គាំងវិបត្តិនយោបាយក្រោយពីការបោះឆ្នោត បើមិនដូច្នេះទេ កម្ពុជានឹងមានវិបត្តិយ៉ាងធ្ងន់ធ្ងរ។
ការជំរុញរបស់មន្ត្រីរដ្ឋាភិបាលនេះបានកើតមានឡើងក្រោយពីគណបក្សសង្គ្រោះជាតិបានទាត់ចោលយន្តការរបស់គណៈកម្មាធិការជាតិរៀបចំការបោះឆ្នោតដែលបង្កើតគណៈកម្មការមួយដោយមានការចូលរួមពីត្រីភាគីគឺគណបក្សប្រជាជនកម្ពុជា គណបក្សសង្គ្រោះជាតិ និងគ.ជ.ប.ដើម្បីដោះស្រាយភាពជាប់គាំងក្រោយពីការបោះឆ្នោត។
លោកឧបនាយករដ្ឋមន្ត្រីស ខេង រដ្ឋមន្ត្រីក្រសួងមហាផ្ទៃ បានថ្លែងប្រាប់ក្រុមអ្នកកាសែតនៅឯក្រសួងមហាផ្ទៃថា ការដែលគណបក្សសង្គ្រោះជាតិទាត់ចោលយន្តការរបស់គ.ជ.ប.គឺមិនអាចទៅរួចទេ។ លោកបាននិយាយដោយជំរុញមិនចំថា ការស្នើសុំឲ្យបង្កើតគណៈកម្មការអ្វី ខុសច្បាប់ដែលមានចែងជាធរមានក្រែងលោថា មានបញ្ហាផ្សេងទៀតកាន់តែជ្រាលជ្រៅ។
លោកបានបញ្ជាក់ថា៖ «ខ្ញុំជជែកជាមួយឯកឧត្តមសម រង្ស៊ីតាមទូរស័ព្ទដែរថា ប្រសិនណា បើយើងទាត់ចោលនូវយន្តការ NEC ដែលមានស្រាប់នេះ ហើយទៅបង្កើតយន្តការផ្សេងទៀតនោះ វាកាន់តែធ្វើឲ្យច្របូលច្របល់ហើយ។ ប្រហែលជាធ្វើឲ្យរាំងស្ទះដល់ដំណើរការជាតិកម្ពុជារបស់យើង អនាគតកម្ពុជារបស់យើងផង»។
គណបក្សសង្គ្រោះជាតិ គណបក្សប្រជាជនកម្ពុជា និងគ.ជ.ប.បានបើកកិច្ចពិភាក្សាគ្នាកាលពីថ្ងៃសៅរ៍ដើម្បីស្វាត់ស្វែងទម្លុះទម្លាយភាពទាល់ច្រកអំពីភាពមិនប្រក្រតី ក្រោយពីបោះឆ្នោត។ ក៏ប៉ុន្តែគណបក្សប្រឆាំងបានទាត់ចោលនូវយន្តការគ.ជ.ប. ដើម្បីបង្កើតគណៈកម្មការមួយថ្មីដើម្បីដោះស្រាយវិបត្តិ។
គណបក្សប្រឆាំងមិនចង់ឲ្យបង្កើតយន្តការ NEC នេះទេ ដោយទាមទារឲ្យបង្កើតគណៈកម្មការចម្រុះមួយដោយមានការចូលរួមពីគណបក្សសង្គ្រោះជាតិ គណបក្សប្រជាជនកម្ពុជា គ.ជ.ប. អ្នកសង្កេតការណ៍ជាតិ និងអន្តរជាតិ ព្រមទាំងមានការចូលរួមពីអង្គការសហប្រជាជាតិ។
លោកស ខេងបាននិយាយថា គណបក្សប្រជាជនកម្ពុជាអនុញ្ញាតឲ្យមានការចូលរួម តែតាមការប្រកាសរបស់គ.ជ.ប.គឺចូលរួមជាអ្នកអង្កេតការណ៍គ្រប់បញ្ហាទាំងអស់ គ្មានអ្វីលាក់បាំងទេ។
លោកគួយ ប៊ុនរឿន មន្ត្រីទទួលបន្ទុកកិច្ចការបោះឆ្នោតរបស់គណបក្សសង្គ្រោះជាតិ បាននិយាយថា បើមិនអនុញ្ញាតឲ្យមានការចូលរួមពីអង្គការសង្គមស៊ីវិលជាតិ និងអន្តរជាតិ និងពីអង្គការសហប្រជាជាតិទេ នោះគណបក្សរបស់លោកនឹងមិនចូលរួមដោះស្រាយទេ។
លោកបាននិយាយថា មូលហេតុដែលគណបក្សសង្គ្រោះជាតិមិនចូលរួមបង្កើតគណៈកម្មការដែលជាយន្តការ NEC គឺយើងមិនក្បត់ឧត្តមគតិរាស្ត្រដែលបានបោះឆ្នោតឲ្យគណបក្សសង្គ្រោះជាតិ ហើយគ.ជ.ប.ធ្វើការមិនឯករាជ្យ។
លោកបញ្ជាក់ថា៖ «ដោយសារយើងយល់ថា គ.ជ.ប.ជាផ្នែកមួយដែលអនុវត្តមិនបានត្រឹមត្រូវដែលមិនបានធានាឲ្យមានការរៀបចំការបោះឆ្នោតបានត្រឹមត្រូវ និងយុត្តិធម៌ ហើយជាពិសេសធ្វើឲ្យប្រជាពលរដ្ឋជាច្រើនបាត់បង់សិទ្ធិបោះឆ្នោត»។
លោកទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោតបាននិយាយថា គ.ជ.ប.មិនអាចរង់ចាំការទាមទាររបស់គណបក្សសង្គ្រោះជាតិបានទេ ហើយគ.ជ.ប.នឹងដំណើរការអ្វីៗទៅតាមច្បាប់។
លោកបញ្ជាក់ថា បើគ.ជ.ប.រង់ចាំអ្វីដែលមិនអាចបង្កើតឡើងបាន និងធ្វើឲ្យការអនុវត្តរបស់យើងមិនត្រឹមត្រូវតាមច្បាប់ និងប្រតិទិនការងារដែលបានកំណត់។
លោកមានប្រសាសន៍ថា៖ «នេះជាការទាមទាររបស់គាត់តាំងពីមុនមក។ ក៏ប៉ុន្តែបើនិយាយតាមផ្លូវច្បាប់ គ.ជ.ប.មិនអាចធ្វើអញ្ចឹងបានទេ។ ច្បាប់មិនអាចឲ្យគ.ជ.ប.ទៅបង្កើតគណៈកម្មការដែលមានអង្គការសហប្រជាជាតិ ឬក៏អង្គការមិនមែនរដ្ឋាភិបាលជាតិ និងអន្តរជាតិបានទេ»។
គណបក្សសង្គ្រោះជាតិបានចោទប្រកាន់ថា គ.ជ.ប.បានរៀបចំបោះឆ្នោតជ្រើសរើសសមាជិកសភាអាណត្តិទី៥នេះ ដោយមានភាពមិនប្រក្រតីយ៉ាងធ្ងន់ធ្ងរ។ហើយគណបក្សប្រឆាំងកំពុងធ្វើយុទ្ធនាការប្រមូលភស្តុតាងអំពីភាពមិនប្រក្រតីទាំងនេះប្តឹងគ.ជ.ប.និងសហគមន៍អន្តរជាតិ៕
អត្ថបទព័ត៌មានទាក់ទង
- គណបក្សប្រជាជនកម្ពុជានិងគណបក្សសង្គ្រោះជាតិ នឹងពិភាក្សារឿងបង្កើតគណៈកម្មការចម្រុះ
- គណៈកម្មការជាតិរៀបចំការបោះឆ្នោតប្រាប់ឲ្យដឹងថា គ្មានលទ្ធភាពពីការស៊ើបអង្កេតរួមពីការបោះឆ្នោតទេ
- គណបក្សប្រឆាំងអាចត្រូវបានបំផ្លាញប្រសិនបើចូលក្នុងរដ្ឋាភិបាលចម្រុះ
ពហុព័ត៌មាន
ទេព នីថា <>។
គ.ជ.ប ដឹងខ្លួនឯងលម្អៀងច្បាស់ទៅរកបក្សកាន់អំណាចគ្មានទំនុកចិត្តពីបក្សសង្រ្គោះហើយ នៅហៅឱ្យគេទៅចូលស៊ងខ្លួននិងបក្សកាន់អំណាចអីទៀត ?
បើដឹងខ្លួនធ្វើការមិនមានយុត្តិធម៏ត្រឹមត្រូវហើយ នៅចង់បានមុខមាត់អីទៀត ?
នៅមានទៀតបើ គ.ជ.ប គ្មាមការស្មោះត្រង់ចំពោះប្រជាជន លុបឈ្មោះប្រជាជនដែលបោះឆ្នោតឱ្យបក្សសង្រ្គោះទៅហើយ
តើឱ្យបក្សសង្រ្គោះនៅមានសង្ឃឹមអីទៅលើ គ.ជ.ប ដែលជាផ្លែល្វា ពាក់មុខបក្សកាន់អំណាច លម្អៀងទាំងមុខទាំងក្រោយនោះ ។
ត្រូវតែមានការចូលរួមពិនិត្យរបស់សង្គមសុ៍វិលនិងអង្គការសហប្រជាជាតិ
ទើបមានតម្លាភាពនិងមានការកក់ក្ដៅ
មិនអាចចូលរួមតុជាមួយបក្ខពួកលំអៀង តែត្រីភាគីទេ !!!
គណបក្សសង្គ្រោះ! ខ្មែរឈ្មោះ ជា ប៊ុន សូមផ្តាំថា‹ កុំមុជទឺកក្រោមក្លៀកពួកហ៊ុន សែនទៀតអោយសោះៗៗៗៗៗៗៗៗ› លើកនេះគឺ‹ត្បូងចប›ហើយ។
យើងត្រូវការ‹ យុត្តិធម៌›។
យើងត្រូវការ‹ យុត្តិធម៌›។
អោយបន្ទន់យ៉ាងម៉េច..បើបក្សប្រជាជនចាញ់ឆ្នោតហើយមិនព្រមចេញពីអំណាច……
ចុះគណៈបក្សសង្រ្គោះជាតិបានបន្ទុនឥរិយាបថហើយតើ សុំអោយអង្គការសង្គមស៊ីវិល និង អ ស ប
ប្រញាប់ថាគេចាញ់ម្លេះ បើគ.ជ.ប. ដ៏មហិមា ពុំទាន់ប្រកាសលទ្ធផលផ្លូវការផងហ្នឹង! ហើយម៉េចក៏ចូលចិត្តរំខាន UN ខ្លាំងម្លេះ ? គេរវស់បញ្ហា១០០ជំពូកនៅតំបន់ផ្សេងនៃផែនដីនេះ។ កាលពីការសុំលើកលែងទោសម៉េចមិនពឹងUN ផងទៅ ។ គួរខ្មាសគេឯងជិតខាងផងថៃគេយកយន្តការព្រះករណាមកសម្របសម្រួល មិនដែលឃើញពឹង បរទេសផង ។ កុំអាងក្រុមមេយើងមានជំនាញខាងធ្វើបាតុកម្ម វាមិនចំណេញដល់ជាតិ នឹងជាពិសេសវានឹងស្រអាប់ពណ៍ដ៏បក្ស។
មេរៀនវាមានពីមុនមក ធម្មតាបើបួសយូរប្រកដជាដឹងចឹត្តព្រះហើយ។
ចុះខេង អែងមិននិយាយអោយចំសេចក្តីភ្លាមទៅ ។ ចាំបាច់នៅស្ទាបស្ទង់ទឹកចិត្តរបស់គេធ្វើអីទៀត
ការប្រើស្ទីលចាស់ដូចលើកមុនវាលែងមានន័យនិងប្រសិទ្ធភាពស្អីទៀតហើយខេង អើយ ។ ទាំងក្រុម
ខេង អែង និង គជប ក៏ដឹងច្បាស់រួចទៅហើយថា រើជាមួយគេលែងរួចទៅហើយ។
យក្សកំនាចកំពុងជាប់ក្នុងជុចរបស់បងប្អូនក្មេងកំព្រាពីរនាក់បងប្អូន ។
យក្សនោះដោយអំនាចនៃមហិទ្ធរិតដ៏សម្បើមរបស់ខ្លួនក៏សំរេចចិត្តដោយភាពក្អេងក្អាងអំនួតខ្វះការពិចារ
ណាក៏ត្បុលក្បាលរុលចូលក្នុងជុចក្មេងកំព្រាទាំងពីរនាក់នោះ ។
អ្វីត្បិតតែកំពុងជាប់នៅក្នុងជុចរបស់គេហើយក៏ដោយ
តែយក្សដ៏ក្អេងក្អាងមួយនេះពុំព្រមទទួលស្គាល់នៅការពិតនៃឥទ្ធិពលរបស់ជុចនោះឡើយវា
នៅតែគឹតថាខ្លួនអែងថាវានៅតែមានអំនាចនិងកម្លាំងអស្ចារ្យដើម្បីរើបំរះអោយរួចពីក្នុងជុចនេះ ។
សម្រែកលាន់ឮរំពងពេញព្រៃព្រឹក្សា ភ្ញាក់ផ្អើលអស់សព្វពពួកសត្វដែលមានជីវិតទាំងឡាយនៅជុំវិញទីនោះ ។ ប៉ុន្តែទីបំផុតសំលងនេះ
វាក៏បានស្ងាត់ផុតរលត់ទៅវិញក្នុងរយះពេលដ៏ខ្លីមួយ ដោយរាងកាយគួរអោយអាក្រក់របស់យក្សកំនាចនិងអំនួតនោះបានដេកស្តូកស្តឹងនៅកនុងជុចនោះយ៉ាងអាណោចអាធម៏ព្រមទាំងព្រលឹងនិងវិញាណបានចាកចេញពីដងខ្លួនហោះហើរទៅកាន់ទីសែនឆ្ងាយប្រហែលជាមិនមែនឋានសួគ៏នោះទេ ហើយវាលែងត្រលប់មកវិញជារាងរហូត។
ខ្ញុំក៍ចង់បន់ស្រន់ឲ្យបក្សទាំងពីបន្ទន់ជំហរដែរ តែការបន្ទន់ជំហរនោះក៍ត្រូវតែមានតម្លាភាពទើបក្រោយ ការដោះស្រាយវានិងមិនមានបញ្ហាម្តងទៀត។ តាមពិតទៅគជបជាអ្នកបង្កើតនូវបញ្ហានេះហើយចុះ បើគជបទៅធ្វើជាអាជ្ញារកណ្តាលដដែលនោះបញ្ហានៅតែជាបញ្ហាខាតពេលឥប្រយោជន៍ដូចច្នេះត្រូវ តែមានស្ថាបន័ឯករាជ្យធ្វើជាអាជ្ញាកណ្តាលទើបវាមិនមានបញ្ហា។ ត្រង់នេះខ្ញុំបានឃើញបក្សសង្គ្រោះ ជាតិក៍បានបន្ទន់ជំហរហើយដែរគឺគេចង់បានអង្គការសហប្រជាជាតិធ្វើជាអាជ្ញារកណ្តាលនៃគណះ កម្មការចំរុះហើយតា ដូច្នេះប្រសិនបើបក្សប្រជាជនចង់សម្តែងភាពស្អាតស្អំខ្លួនគួរតែបន្ទន់ជំហរយល់ ព្រមចូលក្នុងគណះកម្មការចំរុះនោះទៅនោះនិងមិនមានបញ្ហាទៀតនោះទេ។