ថ្ងៃ អាទិត្យ 11 សីហា 2013
ដោយ អ៊ឹម រចនា
RFI
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. នៅថ្ងៃនេះ ឲ្យដឹងថា ខ្លួននឹងប្រកាសលទ្ធផលបណ្ដោះអាសន្ននៃការបោះឆ្នោតជ្រើសតាំងតំណាងរាស្ត្រ នីតិកាលទី៥ នៅថ្ងៃស្អែក ថ្ងៃទី១២ខែសីហា។ ប្រឈមមុខនឹងការប្រកាសលទ្ធផលពី គ.ជ.ប. គណបក្សសង្គ្រោះជាតិ បានសម្ដែងនូវសេចក្ដីសោកស្ដាយ។ ហើយថា ជំហររបស់ គ.ជ.ប. នាពេលនេះ កំពុងតែជំរុញឲ្យមានការបដិសេធពីសំណាក់មហាជនដែលជាម្ចាស់ឆ្នោត។
កិច្ចប្រជុំរបស់ គ.ជ.ប. កាលពីពេលកន្លងទៅ (RFI/Siv Channa)
ថ្ងៃចន្ទ ទី១២ខែសីហា វេលាម៉ោង៩ព្រឹក ជាពេលដែលលទ្ធផលបណ្ដោះអាសន្ន នៃការបោះឆ្នោតជ្រើសតាំងតំណាងរាស្ត្រ នីតិកាលទី៥ ឆ្នាំ២០១៣ នឹងត្រូវប្រកាសឲ្យដឹងជាសាធារណៈ តាមរយៈប៉ុស្តិ៍ទូរទស្សន៍ជាតិកម្ពុជា វិទ្យុជាតិ FM 96MHz និងវិទ្យុវត្តភ្នំ FM105.7MHz។ នេះបើតាមសេចក្ដីជូនដំណឹងរបស់ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. ចុះថ្ងៃទី១១ខែសីហានេះ។
ការប្រកាសលទ្ធផលនេះ ធ្វើឡើងបន្ទាប់ពីគណៈកម្មការពិសេសចំពោះកិច្ច ដោះស្រាយភាពមិនប្រក្រតីនៃការបោះឆ្នោត មិនអាចបង្កើតឡើងបានរវាងគណបក្សប្រជាជនកម្ពុជា និងគណបក្សសង្គ្រោះជាតិ។ លោកទេព នីថា អគ្គលេខាធិការ គ.ជ.ប. ឲ្យដឹងថា គណៈកម្មការចំពោះកិច្ចនោះ មិនអាចបង្កើតឡើងបាន ដោយសារតែគណបក្សសង្គ្រោះជាតិ ទាមទារមិនឲ្យមានសមាសភាព គ.ជ.ប. នៅក្នុងនោះ។ ប៉ុន្តែគណបក្សប្រជាជនកម្ពុជា បែរជាចង់ប្រគល់តួនាទីស៊ើបអង្កេតបញ្ហាមិនប្រក្រតីដល់ គ.ជ.ប.។ ហើយ គ.ជ.ប. ចុងក្រោយនេះ បានសម្រេចអនុវត្តការងាររបស់ខ្លួន តាមច្បាប់ នីតិវិធី ព្រមទាំងប្រតិទិនរបស់ខ្លួន។ នេះបើតាមលោក ទេព នីថា អគ្គលេខាធិការ គ.ជ.ប.។
ការប្រកាសលទ្ធផលរបស់ គ.ជ.ប. នេះ ត្រូវបានគេមើលឃើញថា នឹងជួបបញ្ហាប្រឈមមួយយ៉ាងធំនោះគឺ ការប្រកាសបដិសេធមិនទទួលស្គាល់លទ្ធផលនៃការបោះឆ្នោត ពីសំណាក់គណបក្សសង្គ្រោះជាតិ។ ទាក់ទិននឹងការប្រកាសលទ្ធផលនេះ លោក យ៉ែម បុញ្ញារិទ្ធ អ្នកនាំពាក្យគណបក្សសង្គ្រោះជាតិ បានសម្ដែងនូវសេចក្ដីសោកស្ដាយ។ លោកមានប្រសាសន៍ប្រាប់វិទ្យុបារាំងអន្ដរជាតិបន្ថែមទៀតថា ជំហររបស់ គ.ជ.ប. នាពេលនេះ កំពុងតែជម្រុញឲ្យមានការបដិសេធពីសំណាក់មហាជនដែលជាម្ចាស់ឆ្នោត។
ករណីភាគីណាមួយជំទាស់ ឬមិនពេញចិត្តលទ្ធផល ភាគីនោះអាចប្ដឹងទៅ គ.ជ.ប. ឬក្រុមប្រឹក្សាធម្មនុញ្ញក្នុងរយៈពេល៧២ម៉ោង ក្រោយការប្រកាស។ នេះបើតាមការឲ្យដឹងពី អគ្គលេខាធិការ គ.ជ.ប. លោកទេព នីថា។ ចំពោះគណបក្សសង្គ្រោះជាតិ ជំហរតែមួយគត់ ដែលគណបក្សនេះធ្លាប់ប្រកាសជាញឹកញាប់ ក្នុងពេលកន្លងមក គឺមានតែមួយគត់។ នោះគឺ ការធ្វើមហាបាតុកម្ម ប្រសិនបើគ្មានដំណោះស្រាយសមស្របណាមួយ ពាក់ព័ន្ធនឹងភាពមិនប្រក្រតីក្នុងការបោះឆ្នោតទេនោះ៕
ប្រជាជនទូទាំងប្រទេសបានដឹងបានឃើញបានឮនិងត្រចៀក និងភ្នែកថារដ្ឋាភិបាលកាន់អំណាច
បានប្លន់លទ្ធផលបោះឆ្នោតរបស់ប្រជាពលរដ្ឋទាំងស្រស់ៗ ប្លន់ឆន្ទៈប្រជាពលរដ្ឋ ប្លន់សិទ្ធិសេរីភាព
ប្រជាពលរដ្ឋ តាមការបង្វែរកនិងអណ្តាតអាពួកគ.ជ.ប ឲ្យថាតាមពួកគេ។ តើនេះឬដែលហៅថា
រដ្ឋាភិបាលមិនរំលោភច្បាប់របស់គ.ជ.ប ទេឬ??? បើគេចង់ឲ្យអន្តរជាតិមកធ្វើអាជ្ញាកណ្ដាល
ថាគេនិងរំលោភសិទ្ធិគ.ជ.ប ។ កោតតែមិនចេះខ្មាស់គេសោះអីចឹង ចាញ់អុកសារ៉េនឆ្ងាយណាស់!
បងប្អូនជួយវិភាគមើលទៅបើគេហ៊ានប្លន់សន្លឹកឆ្នោតទាំងស្រស់ទៅហើយតើគេនិងខ្លាចធ្វើអាអ្វី
ទៀតដើម្បីអំណាចនិងបក្សពួករបស់ខ្លួននោះ!
People start to realize that Hun Sen and his officials are all corrupted and manipulated, people lose their faith with Hun Sen from now on…..
នែ ! អាសំឡាញ់ (ខ្មែរលើ) មិនចាំបាច់ប្តូរឈ្មោះទេ អញដឹងថាហ្អែងជា នណារហើយ ! ដាក់ឈ្មោះ
ពិតហ្អែងវិញមកអា cheath រឿងដែលអាហ្អែងភ្នាល់ចាញ់លោក អ្នកលេង និងអ្នកដទៃទៀត
អញឈប់ដេញដោរហើយ ព្រោះអញអាណិតហ្អែង អាcheath !
1-នៅថ្ងៃសៅរ៍ទី 03 ខែសីហាឆ្នាំ 2013គណបក្សសង្គ្រោះជាតិគណបក្សប្រជាជនកម្ពុជាជួបពិភាក្សាពីការបង្កើតគណៈកម្មការពិសេសចំពោះកិច្ចដោះស្រាយភាពមិនប្រក្រតីនៃការបោះឆ្នោត។ពួកគេបានព្រមព្រៀងគ្នាក្នុងការបង្កើតមានសមាជិកពីភាគីទាំងពីរនិងគ.ជ.ប។
2-នៅថ្ងៃអាទិត្យទី 04 ខែសីហាឆ្នាំ 2013 ពួកគេបានយល់ព្រមជួបពិភាក្សាគ្នាអំពី តួនាទីគណៈកម្មការពិសេសចំពោះកិច្ច។
លក្ខខណ្ឌថ្មីមកពីគណបក្សសង្គ្រោះជាតិ ចង់ទទួលបានអង្គការសហប្រជាជាតិនិងអង្គការមិនមែនរដ្ឋាភិបាលចូលរួមគណកម្មការនេះ ប៉ុន្ដែអង្គការសហប្រជាជាតិគឺជាអាជ្ញាកណ្តាលនិងនិងគ.ជ.បជាអ្នកសង្កេតការណ៍។ កិច្ចប្រជុំពន្យាពេល។
3-នៅថ្ងៃទី 05 ខែសីហាឆ្នាំ 2013 គណបក្សសង្គ្រោះជាតិផ្ញើលិខិតទៅអង្គការសហប្រជាជាតិស្នើសុំឱ្យមានអ្នកសង្កេតការណ៍ប៉ុណ្ណោះ។ ការទាមទារនៅក្នុងរាជធានីភ្នំពេញគឺខុសពី ការទាមទារនៅទីក្រុង New York។
តើអង្គការសហប្រជាជាតិអាចបញ្ជូនអាជ្ញាកណ្តាលមកកាន់ប្រទេសកម្ពុជាដោយរបៀបណាប្រសិនបើគណបក្សសង្គ្រោះជាតិគ្រាន់តែសូមអ្នកសង្កេតការណ៍ប៉ុណ្ណោះ។
4-កាលពីថ្ងៃសុក្រ 09 សីហា 2013 គណបក្សប្រជាជនកម្ពុជា ចូលពិភាក្សាជាមួយក្រុមគណបក្សសង្គ្រោះជាតិជាថ្មីម្ដងទៀត។ គណបក្សប្រជាជនកម្ពុជាបានយល់ព្រមអោយមានតំណាងអង្គការសហប្រជាជាតិ និងអង្គការក្រៅរដ្ឋាភិបាលក្នុងស្រុក មានសមាសភាពធ្វើជា អ្នកសង្កេតការណ៍ក្នុងគណៈកម្មការពិសេសចំពោះកិច្ចការនេះ។
លក្ខខណ្ឌថ្មីពី គណបក្សសង្គ្រោះជាតិគឺគ.ជ. បមិនអាចចូលរួមជាមួយគណៈកម្មាធិនេះនោះទេ។អង្គការក្រៅរដ្ឋាភិបាលគឺជាអាជ្ញាកណ្តាល។គណបក្សសង្គ្រោះជាតិមិនបានបញ្ជាក់អង្គការក្រៅរដ្ឋាភិបាលមួយណាដែលជាអាជ្ញាកណ្តាលនោះទេ។
អ្នកអានទាំងអស់ ខ្ញុំព្រួយបារម្ភចំពោះយុវជនគណបក្សសង្គ្រោះជាតិណាស់។ ឈាមរបស់ពួកគេត្រូវបានយកជាដើមទុននៅក្នុងសមរភូមិនយោបាយ។
នយោបាយទាំងអស់!!!! អ្នកគួរទុកយុវជនកម្ពុជានៅខ្លះខ្លះ សម្រាប់ឱ្យលាងលាមកឪពុកម្តាយចាស់ចាស់របស់ពួកគេខ្លះផង
រឿងវាងាយសោះ តែធ្វើឲ្យវាពិបាក ដើម្បីលំអៀងទៅម្ខាងៗ។
១)ពេលបោះឆ្នោតតាមការិយាល័យនិមួយៗចប់ ត្រូវរាប់សរុបលទ្ធផលដាក់ក្នុង១១០៤។ គ្រប់ភាគីទាំងអស់ដែលមានមុខក្នុងការិយាល័យរាប់ឆ្នោតនោះត្រូវតែស៊ីញេលើទីរង់នោះ ហើយថតបង្ហោះដាក់អីនធើណេត ជាការស្រេច។
២) ពេលស្រង់ពី១១០៤ដាក់ក្នុង១១០២ក៏ត្រូវតែស៊ីញេយល់ព្រមពីគ្របភាគីទាំងអស់ដែរ។
៣)ដោយធ្វើបែបនេះទោះជាទៅដល់ណាក៏ឯកភាពគ្នាដែរ។