Monday, 19 August 2013
ឆាយ ច័ន្ទនីដា
ភ្នំពេញ ប៉ុស្តិ៍
ភ្នំពេញៈ យុវជន ៤ នាក់ត្រូវបានតុលាការចោទប្រកាន់ពីបទ «ញុះញង់ឲ្យប្រព្រឹត្ត បទឧក្រិដ្ឋ» កាលពីថ្ងៃសៅរ៍ទៅតាមអី្វដែលនគរបាលបានអះអាងថា ក្រុមនេះ មានចេតនាញុះញង់ឲ្យកងកម្លាំងប្រដាប់អាវុធ ធ្វើរដ្ឋប្រហារផ្តួលរំលំរដ្ឋាភិបាល និងបញ្ជូនទៅឃុំខ្លួននៅពន្ធនាគារព្រៃ ស។
យុវជនទាំង ៤ នាក់ ត្រូវបានសមត្ថកិច្ចចាប់ខ្លួនកាលពីល្ងាចថ្ងៃទី ១៥ ខែ សីហា ដែលក្នុងចំណោមនោះ មានពីរនាក់ ម្នាក់ឈ្មោះ ទុត ច័ន្ទបញ្ញា ប្រុស អាយុ ៣០ ឆ្នាំ និងសុខ ដាលីស ស្រី អាយុ ២៨ ឆ្នាំ ត្រូវបានចាប់ខ្លួននៅពេលដែលពួកគេទៅទទួលផ្កាកុលាប ១ ពាន់ទង ពីជនមិនស្គាល់មុខម្នាក់នៅផ្សារធំថ្មី ដើម្បីយកទៅចែកជូនកងកម្លាំងដែលត្រូវបានដាក់ពង្រាយនៅក្នុងទីក្រុងភ្នំពេញ បន្ទាប់ពីមានការទាក់ទងគ្នាជាមួយជនមិនស្គាល់មុខនោះតាម ហ្វេសប៊ុក។ ចំណែកពីរនាក់ផ្សេងទៀត ឈ្មោះ ហ៊ី បូរិន ប្រុសអាយុ ៣៣ ឆ្នាំ និង លី លីនផេង ត្រូវបានចាប់ខ្លួន នៅកន្លែងផ្សេង។
អ្នកទាំងបួន ត្រូវតុលាការរាជធានីភ្នំពេញ ចោទប្រកាន់កាលពីថ្ងៃសៅរ៍ ពីបទ «ញុះញង់ឲ្យប្រព្រឹត្តបទឧក្រិដ្ឋ» តាមមាត្រា ៤៩៥ នៃក្រមព្រហ្មទណ្ឌ ដែលអាចជាប់ពន្ធនាគារពី ៦ ខែដល់ ២ ឆ្នាំ និងពិន័យជាប្រាក់រហូតដល់ ៤ លានរៀល។ បន្ទាប់ពីចោទប្រកាន់ពួកគេ ត្រូវបានបញ្ជូនទៅឃុំខ្លួននៅពន្ធនាគារ ព្រៃ ស។ នេះបើតាមលោក អំ សំអាត មន្ត្រីស៊ើបអង្កេតជាន់ខ្ពស់អង្គការសិទ្ធិមនុស្ស លីកាដូ បានឲ្យដឹងកាលពីម្សិលមិញ។ បើតាមលោក អំ សំអាត មេធាវីនឹងដាក់ពាក្យស្នើសុំពួកគេនៅក្រៅឃុំ។
នគរបាល បានអះអាងតាមសេចក្តីប្រកាសព័ត៌មានមួយ កាលពីថ្ងៃសៅរ៍ថា យុវជនទាំងនោះបានធ្វើការផ្សព្វផ្សាយខិត្តប័ណ្ណ តាមបញ្ជារបស់ឈ្មោះ សួន សេរីរដ្ឋា ដែលជាប្រធានចលនាអំណាចពលរដ្ឋខ្មែរ ហើយជាអ្នកធ្លាប់បង្កើតកងកម្លាំងប្រដាប់អាវុធខុសច្បាប់ ប្រឆាំងរដ្ឋាភិបាល។
អ្នកនាំពាក្យនគរបាលជាតិ លោក គៀត ច័ន្ទថារិទ្ធ ថ្លែងតាមសេចក្តីប្រកាសនោះថា ការចាប់ខ្លួនជនសង្ស័យទាំងនេះ គឺក្នុងខណៈដែលពួកគេ «កំពុងធ្វើសកម្មភាពផលិត និងចែកចាយ ដោយរួមមានវត្ថុតាង ជាខិត្តប័ណ្ណច្រើនរយសន្លឹក»។
លោកបានបន្តថា៖ «ការផលិតចែកចាយខិត្តប័ណ្ណនេះ គឺជាសកម្មភាពចេតនា បង្កើតឲ្យមានអំពើហិង្សាប្រដាប់អាវុធ បង្កអស្ថិរភាពធ្ងន់ធ្ងរ ដល់សង្គមជាតិ ដែលត្រូវផ្តន្ទាទោសតាមច្បាប់ជាធរមាន»។
ប៉ុន្តែលោក អំ សំអាត ដែលអង្គការរបស់លោក និងមជ្ឈមណ្ឌលអប់រំច្បាប់សម្រាប់សហគមន៍ បានផ្តល់មេធាវីចំនួន ៤ រូប ដើម្បីការពារក្តី ដល់យុវជនពីររូប ក្នុងចំណោមយុវជនទាំងនេះ បាននិយាយថា កូនក្តីរបស់អង្គការលោក មិនមានពាក់ព័ន្ធនឹងការចែកចាយខិតប័ណ្ណ ដូចការចោទប្រកាន់នោះទេ ហើយក៏មិនមានជាប់ពាក់ព័ន្ធជាមួយនឹងក្រុមលោក សួន សេរីរដ្ឋានោះដែរ។
លោក អំ សំអាត បានគូសបញ្ជាក់ថា៖ «ពួកគាត់មិនមានពាក់ព័ន្ធសកម្មភាពណាមួយ ចែកចាយខិត្តប័ណ្ណ ដែលនគរបាលចោទនោះទេ គាត់គ្រាន់តែទៅយកផ្កា ហើយនេះជាសិទ្ធិរបស់គាត់»។
ចំណែក អ្នកស្រី ចាន់ សេដ្ឋា អាយុ ៥០ ឆ្នាំ ត្រូវជាម្តាយយុវជន ទុត ច័ន្ទបញ្ញា និយាយថា កូនរបស់អ្នកស្រី មិនបានដឹងពីខិត្តប័ណ្ណ មានរូបរាងយ៉ាងណា ឬមានអត្ថន័យយ៉ាងម៉េចនោះឡើយតែ បញ្ញា និង ដាលីស បានទៅយកផ្កា ដោយសារមានមនុស្សម្នាក់ ណាត់ឲ្យទៅយក ក៏ត្រូវចាប់ខ្លួនទាំងពីរនាក់ នៅពេលធ្វើដំណើរចេញពីហាងផ្កាកាលពីល្ងាចថ្ងៃព្រហស្បតិ៍សប្តាហ៍មុន។
អ្នកស្រីថ្លែងថា៖ «បញ្ញាជិះម៉ូតូ ឯ ដាលីសជិះតុក តុក ឱបផ្កាក្នុងដៃ ព្រោះផ្កាច្រើនពេក។ កូនខ្ញុំទៅយកផ្កា តែមិនមានសំបុត្រអីនៅក្នុងផ្កាទេ ហើយខ្ញុំជឿថា ពួកគេមិនទាក់ទងនឹងរឿងខិតប័ណ្ណប្រឆាំងរដ្ឋាភិបាលស្អីនោះឡើយ។ រឿងនេះពិតជាអយុត្តិធម៌ខ្លាំងណាស់»។
អ្នកស្រីបន្តថា បញ្ញា និងដាលីស ក៏មិនដែលស្គាល់បុរសនិងស្ត្រីពីររូបផ្សេងទៀត ដែលត្រូវបានចាប់ខ្លួនជាមួយគ្នានោះដែរ ហើយម្ចាស់កូពីនោះ ពួកគាត់ក៏គ្រាន់តែកូពីទៅតាមការកុម្ម៉ង់របស់អតិថិជនរបស់ពួកគាត់តែប៉ុណ្ណោះ។
អ្នកស្រីឲ្យដឹងថា ៖ «ស្ត្រីម្ចាស់ព្រីននោះប្រាប់ខ្ញុំថា គាត់ដឹងតែពីព្រីនឲ្យគេ ហើយមិនចង់ដឹងថា នៅក្នុងក្រដាសព្រីននោះ គេសរសេរពីអ្វីនោះទេ»។
ទោះយ៉ាងណា នគរបាល បានភ្ជាប់រឿងចាប់ខ្លួនយុវជនទាំងបួនរូបនេះ ទៅនឹងខិតប័ណ្ណមួយដែលមានរូបផ្កាកុលាបលឿង ហើយមានសរសេរអក្សរ ដោយមានដាក់ឈ្មោះ សួន សេរីរដ្ឋា ពីខាងក្រោមអត្ថន័យនេះថា ៖ «ផ្កាកុលាបពណ៌លឿង សម្រាប់ការផ្លាស់ប្តូរ ជូនមួយទងម្នាក់ ដល់វីរៈកងទ័ពគ្រប់រូប ដែលជាកូនចៅពលរដ្ឋខ្មែរ។ សូមបែរចុងអាវុធតម្រង់ជនផ្តាច់ការ ហើយយកជីវិតការពារពលរដ្ឋ ជាឈាមខ្មែរដូចគ្នា ព្រោះកងទ័ពខ្មែរ និងពលរដ្ឋខ្មែរ ជាខ្មែរតែមួយ ដែលត្រូវការពារគ្នាទៅវិញទៅមក»។
លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជាបានឲ្យដឹងថា ចំពោះមិត្តភក្តិរបស់យុវជនទាំងនេះនិយាយថា ខ្លឹមសាររបស់ក្រុមខ្លួន គឺគ្រាន់តែបង្ហាញថា បងប្អូននគរបាលជាជនរួមឈាមខ្មែរតែមួយនិងមិនមានខ្លឹមសារអ្វីខុស ច្បាប់ឡើយ។
លោកថ្លែងថា៖ «យើងកំពុងតាមដានករណីនេះ ព្រោះហាក់នៅស្រពិចស្រពិលច្រើន ដោយសារមានខ្លឹមសារពីរ ខ្លឹមសារនគរបាលចោទមានពាក់ព័ន្ធរឿងបង្វែរកាណុងមកជនផ្តាច់ការ តែមិត្តភកិ្តពួកគេថា ខ្លឹមសារពួកគេគឺ បងប្អូនប៉ូលិសជាជនរួមឈាមខ្មែរតែមួយ។ បើខ្លឹមសារនេះមែន គ្មានអ្វីខុសទេ»។
លោក សួន សេរីរដ្ឋា ប្រធានចលនាអំណាចពលរដ្ឋខ្មែរ ដែលរស់នៅក្រៅប្រទេស បានប្រាប់ភ្នំពេញ ប៉ុស្ដិ៍ ពីម្សិលមិញថា សកម្មភាពយុវជនចែកផ្កា ទឹកសុទ្ធ ដល់កងទ័ព គ្មានអ្វីខុសច្បាប់ឡើយ ហើយមិនមែនជាការញុះញង់ទេ តែ «គឺជាទឹកចិត្តសប្បុរសសុទ្ធសាធ ដែលយុវជន និងពលរដ្ឋខ្មែរគ្រប់គ្នា នរណាក៏អាចធ្វើបានដែរ»។
នៅពេលសួរថា តើក្រុមយុវជនទាំងបួនរូប ជាសមាជិករបស់លោកឬយ៉ាងណា លោក សេរីរដ្ឋា និយាយថា៖ «ក្រុមយុវជនទាំងនោះ ជាយុវជនខ្មែរ មិនមែនចាំបាច់ថា ជាសកម្មជនរបស់ចលនា អំណាចពលរដ្ឋខ្មែរ ឬអត់នោះទេ ពួកគេគ្រប់គ្នាមានសិទ្ធិ មានសេរីភាព មានអំណាចធ្វើអ្វី ដែលពួកគេគិតថាត្រូវ ពីព្រោះនេះ ជាសេរីភាពនៃការគិត ការនិយាយ និងការធ្វើ»។
កាលពីម្សិលមិញ គណបក្សសង្គ្រោះជាតិបានចេញសេចក្តីថ្លែងការណ៍មួយ ដោយបានធ្វើការថ្កោលទោសចំពោះការចាប់ខ្លួនយុវជនទាំង ៤ រូបនេះ និងបានហៅការចាប់ខ្លួននេះថា «ការរំលោភបំពានយ៉ាងធ្ងន់ធ្ងរដល់សិទ្ធិបុគ្គល និងសិទ្ធិសេរីភាពសម្តែងមតិ របស់ប្រជាពលរដ្ឋ» ដោយពួកគេគ្រាន់តែយកផ្កា និងទឹកសុទ្ធ មានបំណងចែកជូនកងទ័ព។ គណបក្សសង្គ្រោះជាតិ បានទាមទារឲ្យដោះលែងយុវជនទាំងនេះជាបន្ទាន់ដោយឥតលក្ខខណ្ឌ៕
ក្នុងនាមជាយុវជនខ្មែរ ខ្ញុំសូមអោយរដ្ឋាភិបាលដោះលែងយុវជនទាំង៤នាក់ពីព្រោះពួកគាត់មិនកំហុសទេ…
កាលពីម្សិលមិញខ្ញុំបានទៅទិញផ្កាកុលាប2000ទង ប៉ុន្ដែពុំមានប៉ូលីសចាប់ខ្ញុំនោះទេ។ដូច្នេះប្អូនប្រុស ទុត ច័ន្ទបញ្ញាទៅទទួលផ្កាកុលាប ១ ពាន់ទង ពុំមានអ្វីដែលប៉ូលីសត្រូវចាប់គាត់នោះទេ។
បើយោងតាមវិទ្យុបារាំង RFI ប្រជាពលរដ្ឋមួយរូបនៅទីក្រុងភ្នំពេញ ឈ្មោះលោក ស៊ីធាងបានអះអាងថាពួកគេនឹងបន្តសកម្មភាពបរិច្ចាកជូនទឹកសុទ្ធ ជូនផ្កា នំចំណី ដល់សមត្ថកិច្ចជារៀងរាល់ថ្ងៃ ទៅតាមលទ្ធភាពរៀងៗខ្លួន ដោយលោកស៊ីធាងយល់ថា សមត្ថកិច្ចបានចំណាយកំលាំងកាយការពារពួកគេជាយូរមកហើយ។
ប៉ូលីសមិនបានចាប់ខ្លួនលោក ស៊ីធាងនោះទេ។
ដូច្នេះប្អូនប្រុស ទុត ច័ន្ទបញ្ញាទៅទទួលផ្កាកុលាប ១ ពាន់ទងបំណងចែកជូនកងទ័ព ពុំមានអ្វីដែលប៉ូលីសត្រូវចាប់គាត់នោះទេ។
ខ្ញុំបានលឺថាកាលពីយប់ថ្ងៃទី១៤ ខែសីហា ឆ្នាំ២០១៣ ឈ្មោះ ទុន ចាន់បញ្ញា ដែលជាអ្នកស្និទ្ធជាមួយឈ្មោះ សួន សេរីរដ្ឋា ជាប្រធានចលនាអំណាចពលរដ្ឋខ្មែររស់នៅប្រទេសអាមេរិកបានទទួលសារអេឡិចត្រូនិកឈ្មោះ សួន សេរីរដ្ឋា។ បន្ទាប់មកឈ្មោះ ទុន ចាន់បញ្ញាបានថតចម្លងសារនោះ ហើយយកមកទាក់ទងឲ្យឈ្មោះ ហ៊ី បូរិន ដែលជាអ្នកជំនាញផ្នែកIT និងDesign រៀបចំធ្វើជាខិត្តប័ណ្ណនៅក្នុងប្រព័ន្ធកុំព្យូទ័រ។ ក្រោយពីពួកគេបានរៀបចំទំរង់នៃខិត្តប័ណ្ណរួចហើយក៏បានទៅទំនាក់ទំនងជាមួយឈ្មោះ លឹម លីផេង ភេទស្រី ជាថៅកែរោងពុម្ពមួយធ្វើការបោះពុម្ពខិត្តប័ណ្ណទាំងនេះបានរាប់រយសន្លឹកដើម្បីយកទៅចែកផ្សព្វផ្សាយដល់គោលដៅរបស់ពួកគេដោយមានឈ្មោះ សុខ ដាលីស ភេទស្រី សេនាធិការក្នុងការចែកផ្សាយ។
តាមចម្លើយសារភាពរបស់ជនសង្ស័យបានឲ្យដឹងថា ខិត្តប័ណ្ណទាំងនោះគឺពួកគេចងផ្អោបជាប់នឹងផ្កាស្រស់ចម្រុះពណ៌ហើយយកទៅចែកជូនដល់បណ្ដាសមត្ថកិច្ចនគរបាលអាវុធហត្ថកងទ័ពដែលមានភារកិច្ចយាមកាមថែរក្សាសន្ដិសុខក្នុងរាជធានីភ្នំពេញនិងតំបន់ផ្សេងៗទៀត។
បើចាញ់គេហើយហេតុអីក៏នៅតែក្រាញមិនព្រមចុះចេញពីតំណែងអិចឹង??? អីក៏យ៉ាប់ម្លេះ???
———————-
កងកម្លាំងប្រដាប់អាវុធគ្រប់ប្រភេទធ្វើការបំរើប្រជាពលរដ្ឋមិនមែនបំរើផលប្រយោជន៍បុគ្គលនិង
ក្រុមបក្សពួកកាន់អំណាចនោះទេ ។
កងកម្លាំងប្រដាប់អាវុធគ្រប់ប្រភេទធ្វើការស៊ីប្រាក់ខែរបស់ប្រជាពលរដ្ឋមិនមែនរបស់រដ្ឋាភិបាលកាន់
អំណាចឬបក្សកាន់អំណាចនោះទេ។ ប្រសិនបើកងកម្លាំងប្រដាប់អាវុធគ្រប់ប្រភេទណាម្នាក់វាយ
ប្រហារឬធ្វើអត្ថឃាតមកលើប្រជាជន នោះបានន័យថាមិនបំរើផលប្រយោជន៍ឲ្យប្រជាជនទេ
គឺបំរើផលប្រយោជន៍ឲ្យបុគ្គល បក្សបុគ្គ គឺជាខ្មាំងសត្រូវរបស់ប្រជាជនខ្មែរ ពេលនោះចលនាតស៊ូ
ទូទាំងប្រទេសប្រាកដជាក្រោកឡើងតតាំងរកសិទ្ធិសេរីភាព និងការរស់នៅក្រោមក្រសែភ្នែកនិង
ក្តីសង្ឃឹមរបស់ប្រទេសវៀតណាមដែលមិនចាំបាច់ធ្វើសង្គ្រាមយូរនិងខាតបង់កម្លាំងទព័ច្រើន។
តើរបៀបនេះឬដែលហៅថាអ្នកដឹកនាំវៃឆ្លាត ស្រឡាញ់ប្រជាជន ស្រឡាញ់សន្តិភាព រកសន្តិភាព
សេចក្តីសុខសាន្តជូនប្រជារាស្រ្ត?
តើស្រឡាញ់ភាពសុខសាន្ត សន្តិភាព ឬ ស្រឡាញ់អំណាច៉????? ប្រជាជននៅទូទាំងពិភពលោក
លោកចេះធ្វើការវិភាគនិងពិចារណាគិតឃើញយ៉ាងច្បាស់ សូម្បីតែកូនក្មេងក៏ចេះគិតឃើញដែរ។
=======
បើវាពិបាកខ្លាំងពេក ណ្ហើយកុំនៅយូរពេកវាយគ្នាឲ្យណាណីតែម្តងទៅ! យី កាលមុនធ្លាប់
លីអាបេ40 ឈូសអាក្រោះ ចុះឥឡូវយើងដូរមកលីអាអំប្រាស់វិញម្តងមើល ចង់សាកលមើល
ខ្លាំងណាស់តើអាសម្លេងវានិងយ៉ាងម៉េចដែរ តើវានៅដូចកាលពីថ្ងៃទី០៥ ទី០៦ លើកមុនទៀត
ទេ ។ ខ្មោចអាភុនភាពវាមកក្សឹបដាក់ត្រចៀកថាសម្លេងវានៅដូចកាលផ្លូវបំបែកពេទ្យលោកសង្ឃ
អីចឹង! មានអីត្រឹមតែអាក្រោះធ្វើពីដែកនិង។ បែរជាលោកបងញ៉ឹកប៊ុនឆៃ ចង់តែសោចទេរត់ឲ្យ
បាតជើងសព្រាតកាត់ភូមិពោងពាយ បឹងបាយ៉ាប រួចទំលាក់អាវុធខ្លីចោល ក៏សំដៅឃ្មួញអន្លង់
កាង៉ានរហូតស្ទឹងកំបុតកប់ស្រូវ។ កាលនោះ អាអំប្រាស់នៅលើស្មាយើងស្ទើតែឈូសអាក្រោះ
មួយមកពីភ្នំពេញថ្មីជិតក្លោងទ្វារវត្តសំរោងអណ្តែតទៀត។ ពេលនេះកាណុងយើងគឺគាំទ្រសិទ្ធិ
សេរីភាពរបស់ប្រជាជន គាំទ្រយុត្តិធម៌ មិនគាំទ្រអ្នកដែលមានវៀតណាមនៅពីក្រោយ គាំទ្របក្ស
ណាដែលសង្គ្រោះជាតិ ។
ពួកខ្មែរក្រហមវាមានភាពក្រឡិចក្រឡុចណាស់ ព្រោះមេវាកំពុងមោហោទោសោក្នុងខួរក្រោយពីចាញ់ឆ្នោតសង្រ្គោះជាតិ។
សព្វថ្ងៃមិនសូវហ៊ានបង្ហាញខ្លួនក្នុងទូរទស្សន៍ទេ ព្រោះដឹងខ្លួនថារាស្រ្តមិនចូលចឹត្ត ពេលឃើញតេចោរតាមទូរទស្សន៍ម្តងៗ
រាស្រ្តគេដើរចេញ្មាខ្លះខាកស្តោះ,ខ្ពើមនូវអ្វីដែលគាត់បានប្រព្រឹត្ត។ គួរតែជ្រមុជក្បាលក្នុងទឹកពាងអោយងាប់ទៅដើម្បីអោយបានកើតជាក្រពើនាជាតិក្រោយ។
it was the proper way to arrested them, we can’t let this idiot guys destroyed our beloved
country.,
———————–
khmer governments needs to go after ring leaders, asks USA authorities to extradite them to face justice in cambodia.,
liked USA, went after terrorism,, around the world
————-
these guys dared to play with fire, then, they deserved to be in jail,,
no excuses, no mercy, no bailed out
The international communities should take appropriate action against the dictators for their crime against humanity. The western governments will not tolerate the atrocity committed by the authoritarian governments any where in the world.
I want to see whether the western government is on the opposition side or the oppressive government side.