Tuesday, 20 August 2013
ម៉ៃ ទិត្យថារ៉ា
ភ្នំពេញ ប៉ុស្តិ៍
ពោធិ៍សាត់ៈ នៅថ្ងៃនេះ សាលាដំបូងខេត្ត ពោធិ៍សាត់ ត្រូវបើកសវនាការ សំណុំរឿងលោក គុជ វេង សកម្មជនដីធ្លី និងធនធានធម្មជាតិ ដែលត្រូវបានចាប់ឃុំខ្លួនអស់រយៈពេល ៩៥ ថ្ងៃមកហើយ ពីបទឆបោក បន្ទាប់ពីតុលាការដដែលនេះ បានប្រកាសពន្យារពេលសវនាការម្តងរួចមកហើយ កាលពីថ្ងៃទី ១០ ខែ មិថុនា។
យោងតាមដីការដែលចុះហត្ថលេខា ដោយលោក ប៉ង់ ចាន់សុយុទ្ធារា ព្រះរាជអាជ្ញារងសាលាដំបូងខេត្ត ពោធិ៍សាត់ បានបង្គាប់ឲ្យមេធាវី ចូលមកកាន់សាលាដំបូងខេត្ត នៅវេលាម៉ោង ៩ ព្រឹកថ្ងៃនេះដើម្បីការពារកូនក្តីរបស់ខ្លួន លោក គុជ វេង នៅក្នុងសវនាការក្រោមការចោទប្រកាន់ពីបទឆបោក ដែលបានប្រព្រឹត្តនៅថ្ងៃទី១៥ ខែ វិច្ឆិកា ឆ្នាំ ២០១០។
សុំណុំរឿងនេះ តុលាការ បានកំណត់បើកសវនាការម្តងរួចមកហើយ កាលពីថ្ងៃទី ១០ ខែ មិថុនា ប៉ុន្តែចៅក្រមជម្រះក្តី បានលើកពេលសវនាការវិញបន្ទាប់ពីមានប្រជាជនប្រមាណ ៣០០ នាក់ មកពីខេត្តចំនួន ១១ ដែលមានទំនាស់ដីធ្លី បាននាំគ្នាឡើងមកតវ៉ា នៅសាលាដំបូងខេត្ត ពោធិ៍សាត់ទាមទារឲ្យដោះលែង លោក គុជ វេង ដោយចាត់ទុកការចាប់ឃុំខ្លួនសកម្មជនរូបនេះ ថាជាការប្រើប្រព័ន្ធតុលាការ គំរាមកំហែងលើសកម្មជនការពារសិទ្ធិមនុស្ស។
អ្នកស្រី ឡោន ស៊ីវី តំណាងប្រជាពលរដ្ឋមកពីស្រុក ក្រគរ ដែលមកជាមួយប្រជាពលរដ្ឋប្រមាណ ៣០ នាក់ ដើម្បីចូលរួមសវនាការនៅថ្ងៃនេះបានថ្លែងថា៖ «ខ្ញុំសង្ឃឹមថា តុលាការ នឹងមិនលើកពេលសវនាកាទៀតទេហើយខ្ញុំសង្ឃឹមថា តុលាការនិងប្រកាន់នូវឯករាជ្យភាពរបស់ខ្លួន ដើម្បីផ្តល់យុត្តិធម៌ដល់ជនរងគ្រោះដោយត្រូវដោះលែងគាត់ឲ្យមាន សេរីភាពវិញ»។ អ្នកស្រីឲ្យដឹងទៀតថា ការចោទប្រកាន់របស់តុលាការលើរូបលោកគុជ វេង គឺអយុត្តិធម៌ណាស់ពីព្រោះគាត់ពុំបានធ្វើអ្វីខុសដូចការចោទ ប្រកាន់នោះទេ។
យោងទៅតាមសេចក្តីប្រកាសព័ត៌មានរបស់បណ្តាញសហគមន៍ការពារសិទ្ធិ មនុស្ស និងធនធានធម្មជាតិបានឲ្យដឹងថា លោក គុជ វេង ត្រូវបានសមត្ថកិច្ចឃាត់ខ្លួនកាលពីថ្ងៃទី ១៩ ខែ ឧសភា នៅវេលាម៉ោងជាង ៩ ព្រឹក រួចបញ្ជូនទៅដាក់នៅពន្ធនាគារខេត្ត ពោធិ៍សាត់ ដោយពុំមានដីកាឃាត់ខ្លួននៅខណៈដែលគាត់បានទៅជួបអ្នកភូមិ ដែលកំពុងមានបញ្ហាដីធ្លី នៅត្រង់ចំណុច ដំណាក់ព្រីង ភូមិ ក្រឡាញ់ ឃុំ ក្បាលត្រាច។
លោក ម៉ៅ ស៊ីណា ចៅក្រមជម្រះក្តី ក្នុងសុំណុំរឿងនេះ បានឲ្យដឹងថាការបើកសវនាការនេះ គឺត្រូវដំណើរការដូចអ្វីដែលបានគ្រោងទុក។ លោកបន្តថា៖ «យើងបើកសវនាការជាសាធារណៈ គឺមនុស្សគ្រប់គ្នាអាចចូលរួមស្តាប់ និងយកព័ត៌មានបាន តែហាមមិនឲ្យថតនោះទេ»។
លោក ភួង សុធា មន្ត្រីសម្របសម្រួលសមាគមការពារសិទ្ធិមនុស្ស អាដហុក ខេត្ត ពោធិ៍សាត់ បានថ្លែងឲ្យដឹងថា លោក គុជ វេង គឺតែងតែចេញមុខប្រឆាំងជាមួយក្រុមហ៊ុន ឬអ្នកមានអំណាចដើម្បីការពារដីស្រែដីចម្ការ និងផលប្រយោជន៍ប្រជាជនដែលធ្វើឲ្យប៉ះពាល់ដល់ផលប្រយោជន៍ ក្រុមហ៊ុន ក៏ដូចជាអ្នកមានអំណាច ទើបគេត្រូវតែយកប្រព័ន្ធតុលាការ មកគំរាមគាត់។ លោកបាននិយាយថា៖ «ការដែលយកប្រព័ន្ធតុលាការ សម្រេចឃុំខ្លួនលោក គុជ វេង នេះគឺដើម្បីបំបាក់ស្មារតី ទៅដល់ពលរដ្ឋដទៃទៀតដែលរស់ក្នុងជម្លោះដីធ្លី កុំឲ្យចេញតវ៉ា»៕
ដើម្បីឲ្យអស់មន្ទឹលសង្ស័យ នៅពេលយើងធ្វើប៉ាតុកម្មទាមទាយុត្តិធម៌និងសិទ្ធិសេរីភាព ពិសេសគឺ
សម្លេងសន្លឹកឆ្នោតដែលឈ្នះរបស់គណៈបក្សសង្គ្រោះជាតិ យើងសូមអំពាវនាវរាល់ប្រជាជនទាំង
អស់ដែលស្ម័គ្រចិត្តចូលរួមក្នុងប៉ាតុកម្មនោះផ្តាច់ជ្ញារចិត្តទាំងអស់គ្នាកុំប្រើអាវុធ កាំបិទ ពូថៅ ឬគប់
ចោលដុំថ្មទៅលើក្រុមអ្នកដែលមករារាំងយើងឲ្យសោះ គឺយើងគ្រាន់តែស្រែកនិងពោលពាក្យចង់
បានតំណោះស្រាយយុត្តិធម៌ដោយសន្តិភាព ដោយឲ្យរដ្ឋាភិបាលនិងក្រុមគ.ជ.ប អនុវត្តឲ្យមានក្រម
សិលធម៌ និងតម្លាភាពនៅចំពោះមុខប្រជាជនទទូទាំងប្រទេស។ គឺយើងធ្វើប៉ាតុកម្មដោយអហឹង្សា
ទាំងអស់គ្នា រួចហើយយើងចាំឃ្លាំមើលថាតើក្រុមណា បក្សណា កងកម្លាំងសមត្ថកិច្ចណាដែល
ហ៊ានប្រើអំពើហឹង្សាមកដាក់លើប្រជាជនយើងមុនគេ។ យើងចងចាំថាទោះជាយ៉ាងណាក៏ដោយ
ក៏យើងមិនប្រើហឹង្សាដាក់ពួកជនពាលទាំងនោះវិញដែរ។ យើងទុកឲ្យអ្នកសង្កេតការជាតិ និង
អន្តរជាតិគេមើលថាក្រុមណាផ្តាច់ការ ប្រហារជាតិសាសន៍របស់ខ្លួន! ពេលនោះយើងនិងឃើញ
ការពិតច្បាស់ជាមិនខាន។ យើងចាំមើលថាតើកងកម្លាំងប្រដាប់អាវុធគ្រប់ប្រភេទដែលត្រៀម
បំរុងកំចាត់ក្រុមប៉ាតុករយើងនេះគេហ៊ានលើដៃវាយប្រហារយើងក្នុងភាពសន្តិភាពនេះទេ។
យើងជឿជាក់ថាពិតជាមានក្រុមមនុស្សខិលខូច មនុស្សពាលចេញមុខនិងញុះញុងឲ្យកង
កម្លាំងទាំងនោះធ្វើសកម្មភាពមកលើប៉ាតុករយើងមិនខាន។ ទទន្ទឹមនិងនេះយើងក៏ជឿជាក់
យ៉ាងមុតមាំថាក៏មានក្រុមកងកម្លាំងប្រដាប់អាវុធដែលស្រឡាញ់ជាតិ ស្រឡាញ់សិទ្ធិសេរីភាព
ប្រាកដជាចេញមកការពារយើងមិនខាន ។ គឺចេញពីក្រុមដែលមករារាំងយើងនិងតែម្តង ហើយ
ប្រហែលជាពួកគេមិនប្រណីដល់ពួកដែលចេញមុខនិងញុះញុងពួកគេឲ្យមកប្រហារយើងផង
ក៏មិនដឹង។ នេះគេហៅថា ពេលវេលាកាំបិតចិតដងឯងហើយ!
ដូចនេះយើងជាប៉ាតុករស្នេហាជាតិ ស្នេហាប្រទេសជាតិ និងព្រះមហាក្សត្រត្រូវប្រកាន់ធម៌ស្ងប់
មិនតតាំង អ្វីទាំងអស់ គឺយើងគ្រាន់តែកាន់បដា ពាក្យស្លោក និងស្រែករកសន្តិភាព រកយុត្តិធម៌
តែប៉ុណ្ណោះបានហើយ! ។ អំពើល្អ និងភាពយុត្តិធម៌នឹងកើតមានដល់យើងមិនខាន! ជ័យយោ
ប្រជាជនខ្មែរ! ជ័យយោព្រះរាជាណាចក្រកម្ពុជា! ជ័យយោព្រះមហាក្សត្រ! ជ័យយោសិទ្ធិសេរីភាព!
ជ័យយោយុត្តិធម៌!
We must stand together to eliminate the corrupted government and culture disease of using court for threatening people’s rights.