ថ្ងៃ ចន្ទ 23 កញ្ញា 2013
ដោយ លាង ដឺលុច
RFI
នៅថ្ងៃនេះ ព្រះមហាក្សត្រព្រះបាទព្រះបរមនាថនរោត្តម សីហមុនី បានចាត់តាំងលោកហ៊ុន សែន ជានាយករដ្ឋមន្ត្រីកម្ពុជា ទទួលបន្ទុករៀបចំសមាសភាពរដ្ឋាភិបាលថ្មី ដើម្បីដាក់ជូនរដ្ឋសភាអនុម័តផ្តល់សេចក្តីទុកចិត្ត នៅថ្ងៃអង្គារស្អែកនេះ។
ព្រះមហាក្សត្រ សម្តេចព្រះបរមនាថ នរោត្តម សីហមុនី និងលោកនាយករដ្ឋមន្ត្រី ហ៊ុន សែន (Siv Channa/RFI)
លោក ហ៊ុន សែន តំណាងរាស្ត្ររបស់គណបក្សប្រជាជនកម្ពុជាត្រូវបានព្រះមហាក្សត្រ ព្រះបាទ ព្រះបរមនាថ នរោត្តម សីហមុនី ចាត់តាំងជានាយករដ្ឋមន្ត្រីអាណត្តិទី៥ តាមសំណើរបស់គណបក្សប្រជាជនកម្ពុជា។ ការតែងតាំងនេះត្រូវបានធ្វើឡើងតាមរយៈព្រះរាជក្រឹត្យ ចុះថ្ងៃទី២៣កញ្ញានេះតែម្តង។ យោងតាមព្រះរាជក្រឹត្យនេះ លោកនាយករដ្ឋមន្ត្រី ហ៊ុន សែន នឹងត្រូវរៀបចំសមាសភាពរដ្ឋាភាពរដ្ឋាភិបាលអាណត្តិទី៥ ដើម្បីសុំសេចក្តីទុកចិត្តពីរដ្ឋសភា ដែលគ្រោងធ្វើនៅថ្ងៃអង្គារស្អែកនេះ។
ព្រះមហាក្សត្រក៏បានទទួលបានលិខិតអរគុណពីលោកនាយករដ្ឋមន្ត្រីភ្លាមៗដែរ នៅថ្ងៃនេះ។ លោកហ៊ុន សែន បានសរសេរទូលថ្វាយព្រះករុណាថា លោកនឹងខិតខំយកអស់កំលាំងកាយចិត្ត និងស្មារតី ដើម្បី បំពេញភារកិច្ចដ៏វិសេសវិសាលក្នុងកិច្ចការបំរើជាតិមាតុភូមិ និងប្រជារាស្ត្រទូទាំងប្រទេសអោយបានរីកចំរើនថែមទៀត ស្របតាមព្រះរាជតម្រិះរបស់ព្រះមហាក្សត្រ។
សមាសភាពរដ្ឋាភិបាលអាណត្តិទី៥នេះ គឺជាអ្វីដែលសាធារណជនទន្ទឹងចង់ឃើញយ៉ាងខ្លាំង បន្ទាប់ពីគណបក្សប្រជាជនកម្ពុជារបស់លោកនាយការដ្ឋមន្ត្រី ហ៊ុន សែនបានធ្លាក់ចុះប្រជាប្រិយភាពយ៉ាងខ្លាំង នៅក្នុងការបោះឆ្នោតលើកនេះ។ ការធ្លាក់ចុះប្រជាប្រិយភាពនេះ ត្រូវបានមន្ត្រីជាន់ខ្ពស់របស់គណបក្សនេះចាត់ទុកថា ជាមេរៀន និងជាស្នូរជួងដាស់តឿនអំពីកំណែទម្រង់របស់គណបក្សនេះ។
តាមរយៈបញ្ជីឈ្មោះនៃបេក្ខជនជាប់ជាតំណាងរាស្ត្រ ដែលគណបក្សប្រជាជនកម្ពុជាបានរុះរើនៅមុនការប្រកាសលទ្ធផលបោះឆ្នោតផ្លូវការនោះ គេអាចយល់បានថា នឹងមានការផ្លាស់ប្តូរសមាសភាពរដ្ឋមន្ត្រីមួយចំនួន។
រហូតដល់ថ្ងៃចន្ទនេះ មន្ត្រីជាន់ខ្ពស់របស់គណបក្សប្រជាជនកម្ពុជា មិនទាន់ហ៊ានបញ្ចេញបញ្ជីសមាសភាពរដ្ឋាភិបាលនៅឡើយទេ៕
សូម្បីតែកម្មុយនីស្តចិន ឬ យួន ក៏វាកំណត់អាណត្តិអ្នកដឹកនាំដែរ (២អាណត្តិ=១០ឆ្នាំ បើឈ្នះឆ្នោតទាំង២លើក).
បើដឹកនាំតាម គុយបា ; ស៊ីរី គឹ តពូជ មិនព្រមចុះចេញទេ……
ចុះអ្នកដឹកនាំខ្មែរ គឺ តពូជ មិនព្រមចុះចេញទេ *នេះបានចំជាមនុស្សគំរក់ផ្តាច់ការ…*.
១. បុរសខ្លាំងនៅកម្ពុជាស្អី!! បុរសខូចនៅកម្ពុជាទើបត្រូវ!!!
២. គ្រាន់តែប្រជុំ ខ្លាចប្រជារាស្រ្តបបួលគ្នាទៅជេរប្រទេចបណ្តាសារដល់កន្លែងប្រជុំ ខំបិទផ្លូវ រាយបន្លាលួសគ្រប់ច្រកល្ហក!!
៣. អូហ័ ក្លាយពី បុរសគងហ៊ាន ទៅជាបុរសភ័យខ្លាចមែនទែនហើយ!!!
អាងាប់ទាំងពីរនាក់នេះគិតតែពីផលប្រយោជន៏ផ្ទាល់ខ្លួនចេះ …មេវាតែមួយគឺចិន
ហួសហេតុអា