ដោយ៖ ជន ស្រីណុច
ថ្ងៃចន្ទ ទី23 ខែកញ្ញា ឆ្នាំ2013
http://vodhotnews.com
សមាជិកព្រឹទ្ធសភារបស់គណបក្សសមរង្ស៊ី នៅថ្ងៃចន្ទនេះ សោកស្តាយ និងចាត់ទុកការប្រជុំរដ្ឋសភាដំបូងរបស់ក្រុមតំណាងរាស្ត្រ នីតិកាលទី៥ របស់គណបក្សប្រជាជនកម្ពុជា ក្រោមព្រះរាជាធិបតីព្រះមហាក្សត្រ ជាព្រឹត្តិការណ៍ផ្ទុយពីឆន្ទៈប្រជាពលរដ្ឋខ្មែរ និងជាអំពើខ្មៅងងឹតក្នុងប្រវត្តិសាស្ត្រកម្ពុជា។
សេចក្តីថ្លែងការណ៍ចុះហត្ថលេខា នៅថ្ងៃទី២៣ ខែកញ្ញានេះ ដោយសមាជិកព្រឹទ្ធសភាគណបក្សសមរង្ស៊ី ទាំង១០រូប អំពាវនាវឲ្យមជ្ឈដ្ឋានជាតិ និងអន្តរជាតិ បណ្តាភាគីហត្ថលេខីកិច្ចព្រមព្រៀងទីក្រុងប៉ារីស ២៣ តុលា ១៩៩១ ថ្កោលទោស និងដាក់លក្ខខណ្ឌផ្សេងៗឲ្យកម្ពុជា គោរពឆន្ទៈរបស់ប្រជាពលរដ្ឋខ្មែរ តាមរយៈការបង្កើតគណៈកម្មការឯករាជ្យមួយស៊ើបអង្កេត ពីភាពមិនប្រក្រតីនៃការបោះឆ្នោតជាដាច់ខាត។
សេចក្តីថ្លែងការណ៍ ក៏ទាមទារឲ្យថ្នាក់ដឹកនាំកំពូលរបស់គណបក្សប្រជាជនកម្ពុជា និងគណបក្សសង្គ្រោះជាតិ ដែលឈ្នះអាសនៈរដ្ឋសភា នីតិកាលទី៥ បន្តពិភាក្សា និងព្រមព្រៀងគ្នា ដើម្បីបម្រើពលរដ្ឋឲ្យបានត្រឹមត្រូវ និងយុត្តិធម៌ជាដាច់ខាត។
គួរបញ្ជាក់ថា សេចក្តីថ្លែងការណ៍របស់គណបក្សសមរង្ស៊ី ធ្វើទ្បើងតែប៉ុន្មានម៉ោង បន្ទាប់ពីតំណាងរាស្ត្រទាំង៦៨រូបរបស់គណបក្សកាន់អំណាច ចូលរួមសម័យប្រជុំលើកដំបូងនៃរដ្ឋសភា ដោយមិនមានវត្តមានតំណាងរាស្ត្រគណបក្សសង្គ្រោះជាតិ។
ឆ្លើយតបទៅនឹងការលើកទ្បើងរបស់គណបក្សសមរង្ស៊ី សមាជិកគណៈអចិន្ត្រៃយ៍គណបក្សប្រជាជនកម្ពុជា លោក ប្រាក់ សុខុន ដែលមានវត្តមានក្នុងកិច្ចចរចាពីរលើករវាងថ្នាក់ដឹកនាំកំពូលគណបក្សកាន់អំណាច និងគណបក្សប្រឆាំង កាលពីថ្ងៃទី១៦ និង១៧ ខែកញ្ញា អះអាងថា សម័យប្រជុំលើកដំបូងនេះ ប្រព្រឹត្តទៅស្របតាមរដ្ឋធម្មនុញ្ញ ពីព្រោះព្រះមហាក្សត្របានយាង ធ្វើជាព្រះរាជធិបតីក្នុងការបើកសម័យប្រជុំនេះ ហើយឯកអគ្គរដ្ឋទូត និងឯកអគ្គរាជទូតនានាប្រចាំព្រះរាជាណាចក្រកម្ពុជាក៏ចូលរួមផងដែរ។
ទោះយ៉ាងណា ស្ថាតទូតអាមេរិកប្រចាំព្រះរាជាណាចក្រកម្ពុជា បានចេញសេចក្តីថ្លែងការណ៍បញ្ជាក់ថា វត្តមានរបស់ឯកអគ្គរដ្ឋទូតអាមេរិក មិនមែនមានន័យថា សហរដ្ឋអាមេរិក ទទួលស្គាល់លទ្ធផលនៃការបោះឆ្នោតនោះទេ។ សហរដ្ឋអាមេរិក បន្តស្នើឲ្យមានការត្រួតពិនិត្យឡើងវិញដោយតម្លាភាព នូវភាពមិនប្រក្រតីនានា ទាក់ទងនឹងការបោះឆ្នោតជាតិកាលពីថ្ងៃទី២៨ ខែកក្កដា ឆ្នាំ២០១៣៕
សូមសរសេរមកកាន់កញ្ញា ជន ស្រីណុច តាមរយៈ chornsreynoch@vodhotnews.com
មាសសុទ្ធមិនខ្លាចភ្លើង។ ចុះបើមាសខ្លាចភ្លើង តើវាជាមាសសុទ្ធឬទេ ? សូមបងប្អូនជួយពិចារណា !
មាស និង ភ្លើង ស្ថិតនៅលើដីនេះ ជាដែនអនុត្តរភាពរបស់ក្សត្រ ចុះបើក្សត្រអាចទទួលយកបានហើយ ថាវាជាមាសសុទ្ធ តើរាស្រ្តអាចទទួលយកបានឬទេ? សូមបងប្អូនជួយពិចារណា !
ទុក្ខរបស់រាស្រ្ត ជាទុក្ខរបស់ក្សត្រ ជាពាក្យរបស់ក្សត្រ នាសម័យមហានគរ សម័យមហានគរ អង្គរដ៏រុងរឿងរបស់អណាចក្រខ្មែរ ចុះបើព្រះមហាក្សត្របច្ចុប្បន្ន កម្ពុជាព្រះរាជាណាចក្រអច្ឆរិយៈ អាចទទួលយកបានហើយ តើរាស្រ្តអាចទទួលយកបានឬទេ ? សូមបងប្អូនជួយពិចារណា !
មហាក្សត្រគង់ជាម្លប់របស់រាស្រ្តទូទាំងនគរ ជាតំណាងនៃប្រជាជាតិលើឆាកអន្តរជាតិ ជាព្រះប្រមុខរដ្ឋ ជាតំណាងឯកភាពជាតិ ជាំណាង (មាសនិងភ្លើង) ចុះបើទ្រង់សំរេចហើយ តើមានអ្វីអាចតវ៉ាបាន? សូមបងប្អូនជួយពិចារណា ! តើទ្រង់អាចកែប្រែការសំរេចរបស់ទ្រង់ជាលើកទីពីរបានទេ ក្នុងនាមជាមហាក្សត្រ នៃដែនអនុត្តរភាពនេះ?
តើឆន្ទៈរាស្រ្ត និងឆន្ទៈក្សត្រមានអ្វីខុសគ្នា ? បើដូចគ្នាវាជាការប្រសើរក្រៃ ចុះបើខុសគ្នា? តើរាស្រ្តគួរកែប្រែឆន្ទៈតាមក្សត្រ ឬ ក្សត្រគួរកែប្រែឆន្ទៈតាមរាស្រ្ត។ក្នុងនាម ព្រះអង្គជាតំណាងជាតិ ជាតំណាងជាតិលើឆាកអន្តរជាតិ ជាព្រះប្រមុខរដ្ឋ ជាតំណាង (មាសនិងភ្លើង) សូមបងប្អូនជួយពិចារណា!
(ច្បាប់ ជាអក្សរ ក្បួន មាត្រា តាក់តែងឡើងដោយមនុស្ស) អ្នកបង្កើតច្បាប់ អ្នកអនុវត្តន៍ច្បាប់ អ្នកបកស្រាយច្បាប់ អ្នកដោះស្រាយវិវាទច្បាប់ អ្នកកាត់ក្តីតាមច្បាប់(តុលាការ) ក្សត្រ មន្រ្តី និងរាស្រ្ត តើតួអង្គមួយណាជាអ្នកវិនិច្ឆ័យមួយណានៅពេលដែល ក្នុងចំណោមអ្នកទាំងអស់នោះ មានតួអង្គមួយណា ធ្វើខុស? តើតួអង្គដទៃទៀតអាចវិនិច្ឆ័យដោះស្រាយបានទេ? សូមបងប្អូនជួយពិចារណា!
បច្ចុប្បន្ននេះ ច្បាប់ជាភាសាប្រជាប្រិយមួយ ដែលត្រូវបានប្រជារាស្រ្ត តូចធំ មន្រ្តី រាជការគ្រប់លំដាប់ថ្នាក់ អាជ្ញាធរ ក្រុមឬបក្ស ស្ថាប័ន អង្គការ ជាច្រើន បកស្រាយផ្សេងៗគ្នា ក្នុងគោលបំណងឈរលើផលប្រយោជន៍រៀងៗខ្លួន ខ្លះពិត ខ្លះស្រពេចស្រពិលត្រូវខ្លះខុសខ្លះ ខ្លះខុសតែម្តង ។ បើដូចនេះ ច្បាប់ពិតជា យុត្តិធម៌មែនទេ ? ចុងបញ្ចប់ ពាក្យថាយុត្តិធម៌ក៏ត្រូវបានមនុស្សបកស្រាយផ្សេងៗគ្នាទៀត ទៅតាមលក្ខខណ្ឌ័នៃអ្នកស្វែងរកយុត្តិធម៌រៀងៗខ្លួន ។ យុត្តិធម៌ ចុងក្រោយបង្អស់ ជាអ្វីដែលអាស្រ័យទៅលើមនុស្សទេ ជាអ្នកសន្មត់ អាចក្រឡៃ វិនិច្ឆ័យ និងសំរេចយកជាការបាន ។ ខុសពីពាក្សថា សច្ចៈធម៌ ជាធម៌សច្ចៈដែលមានតែព្រះពុទ្ធជាម្ចាស់តែប៉ុណ្ណោះដែលជាអ្នករកឃើញ និងផ្សព្វផ្សាយ ជាកត្តាសត្យានុម័ត ជាក្រិតក្រមធម្មជាតិ គ្មានអ្នកណាអាចក្រឡៃ បានឡើយ៕
”គណបក្សសមរង្ស៊ី៖ សម័យប្រជុំរដ្ឋសភាលើកដំបូងជាព្រឹត្តិការណ៍ផ្ទុយពីឆន្ទៈពលរដ្ឋ”
ផ្ទុយពីឆន្ទៈពលរដ្ឋ ប៉ុន្មាននាក់? ច្រើនជាង 7 លាននាក់ឬទេ? ប្រទេសកម្ពុជាមានប្រជាជនជាង 14 លាននាក់។
លោកសមរង្សីគាត់មានសិទ្ធិបដិសេធមិនទទួលស្គាល់សភាឬរាជរដ្ឋាភិបាលតែគាត់គ្មានអំណាច
អ្វិទៅលប់បំបាត់ឬក៏ផ្ដួលរំលំស្ថាបបន្ត័ទាំងពីរនេះបានទេទោះបីជាគាត់ធ្វើបាតុកម្មប៉ុន្មានដង
ទៀតក៏ដោយ។បើពឹងលើអាមេរិកឲ្យមកដាក់សម្ពាធឬមកជួយច្បាំងដើម្បីកំចាត់បក្សប្រជាជន
ក៏មិនងាយនឹងទៅរួចដែរព្រោះវាដូចជាហួសសមយ៏ទៅហើយយើងជឿថាអាមេរិកមិនយក
កងទព៏មកច្បាំងដើម្បីគណបក្សសង្រ្គោះជាតិខ្មែរនោះទេ។ម្យ៉ាងអាមេរិកកាលណារំលឹកដល់
រឿងសង្រ្គាមឥណ្ឌូចិនគឺអាមេរិករាងចាលតែម្តងស្បថតកូនតចៅ។