ដោយ៖ ពេជ្រ សុធារី
ថ្ងៃអាទិត្យ ទី20 ខែតុលា ឆ្នាំ2013
http://vodhotnews.com
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) នៅថ្ងៃទី២០ខែតុលានេះ បានរៀបចំវេទិកាស្តីពី "សុខភាព សុវត្ថិភាព និងសន្តិសុខរបស់កម្មការិនីរោងចក្រកាត់ដេរ" នៅភូមិថ្មសំលៀង ឃុំត្រពាំងគង ស្រុកសំរោងទង ខេត្តកំពង់ស្ពឺ។
នៅក្នុងសេចក្តីប្រកាសព័ត៌មានរបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានឲ្យដឹងថា វេទិកានេះ ធ្វើឡើងក្នុងគោលបំណងលើកកម្ពស់លក្ខខណ្ឌសុខភាព សុវត្ថិភាព និងសន្តិសុខរបស់កម្មករិនីរោងចក្រកាត់ដេរទាំងនៅកន្លែងការងារ និងកន្លែងស្នាក់នៅរបស់ពួកគេ។ សេចក្តីប្រកាសព័ត៌មានដដែលបន្តថា ក្នុងវេទិកានោះដែរ នឹងផ្តល់ឱកាសដល់កម្មករ ជាពិសេសកម្មការិនី លើកឡើងជាសំណូមពរនានា និងពិភាក្សារួមគ្នារកយុទ្ធសាស្ត្របន្ទាប់ ក្នុងការបន្តដោះស្រាយបញ្ហាប្រឈមរបស់កម្មករកាត់ដេរ ទាក់ទងននឹងសុខភាព សុវត្ថិភាព និងសន្តិសុខ នៅកន្លែងការងារនិងនៅកន្លែងស្នាក់នៅ។
គួរបញ្ជាក់ថា វេទិកាស្តីពី "សុខភាព សុវត្ថិភាព និងសន្តិសុខ របស់កម្មការិនីរោងចក្រកាត់ដេរនៅកម្ពុជា" នេះ ផលិតដោយមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ឧបត្ថម្ភថវិកាដោយអង្គការមូលនិធិរបស់ប្រទេសឡាឡឺម៉ង់ រ៉សាលុចស្សំបួរ ដោយមានការចូលរួមពីសំណាក់មន្ត្រីនាយកដ្ឋានពេទ្យការងារ នៃក្រសួងការងារនិងបណ្តុះបណ្តាលវិជ្ជាជីវៈ ទទួលបន្ទុកខាងអធិការកិច្ច មន្ត្រីការិយាល័យការងារនិងបណ្តុះបណ្តាលវិជ្ជាជីវៈខេត្តកំពង់ស្ពឺ មន្ត្រីសហជីព និងកម្មករ-កម្មការិនី ប្រមាណ១០០នាក់៕
សរសេរមកកាន់កញ្ញា ពេជ្រ សុធារី តាមរយៈ sotheary@vodhotnews.com
មានបាតុកម្ម មានអំពើហឹង្សារ មានអំពើហឹង្សារ មានស្លាប់ មានរបួស មានពិការ មានគុក មានច្រវាក់ មានចាប់ មានចង មានធ្លាក់ខ្លួនក្រ មានរត់ចោលស្រុក ឯមេៗដឹកនាំបាតុកម្មរត់ទៅសោយសុខដេកសីុជំនួយ និងទិញឡាន វីលឡា ទំនើបនៅឯបរទេស …..,.,.ឯបាតុករ គួរអោយអនិច្ចារ!!!!!!!! ភ្លើ អី ភ្លើយ៉ាងនេះ?????? ហេតុអីក៏យកជីវិត វាសនា និងអនាគតខ្លួនឯង មកអោយគេធ្វើអាជីវកម្ម និងបំផ្លាញចោលយ៉ាងនេះ? ល្ងង់អីល្ងង់យ៉ាងនេះ????????!!!!!!!