ដោយ៖ ថុល ស្រីលក្ខណ៍
ថ្ងៃអង្គារ៍ ទី22 ខែតុលា ឆ្នាំ2013
http://vodhotnews.com
សហភាពសហជីពកម្ពុជា អំពាវនាវដល់មន្ត្រីរាជការ គ្រូបង្រៀនទូទាំងប្រទេស ចូលរួមធ្វើមហាបាតុកម្មអហិង្សាជាមួយ គណបក្សសង្គ្រោះជាតិ (CNRP) នៅថ្ងៃពុធស្អែកនេះ ដោយធ្វើកូដកម្មនៅតាមកន្លែងធ្វើការរបស់ខ្លួនទូទាំងខេត្ត-ក្រុង។
លិខិតអំពាវនាវរបស់ លោក រ៉ុង ឈុន ប្រធានសហភាពសហជីពកម្ពុជា និងជាប្រធានសមាគម គ្រូបង្រៀនកម្ពុជាឯករាជ្យ ចេញផ្សាយកាលពីថ្ងៃចន្ទ ឲ្យដឹងថា សហជីព អំពាវនាវឲ្យ ប្រជាពលរដ្ឋខ្មែរទាំងអស់ ចូលរួមខួបលើកទី២២នៃសន្ធិសញ្ញាក្រុងប៉ារីស ២៣តុលាឆ្នាំ១៩៩១ នៅថ្ងៃស្អែកនេះ ។ លិខិតដដែលបន្ថែមថា គ្រូបង្រៀន មន្ត្រីរាជការ អាចធ្វើកូដកម្ម នៅកន្លែងធ្វើការរបស់ខ្លួនទូរទាំងខេត្ត-ក្រុងនៃកម្ពុជា ដើម្បីរួមគ្នាដាក់ញត្តិទៅកាន់អង្គការសហប្រជាជាតិ និងប្រទេសជាម្ចាស់ហត្ថលេខីនៃកិច្ចព្រមព្រៀងទីក្រុងប៉ារីស ឲ្យជួយស្វែងរកអន្តរាគមន៍ ដោះស្រាយបញ្ហាវិបត្តិនយោបាយនៅកម្ពុជា។
លិខិតបន្តថា ការចូលរួមបាតុកម្មនេះ នឹងផ្តល់អត្ថប្រយោជន៍ដល់មន្ត្រីរាជការ ដោយអាចនឹងទទួលបានប្រាក់ខែអប្បរមា១លានរៀល កម្មករ ៦០ម៉ឺនរៀល និងចា់សៗ៤ម៉ឺនរៀល ក្នុងមួយខែ។
សូមបញ្ជាក់ថា តាមការគ្រោងទុក គណបក្សសង្គ្រោះជាតិ នឹងធ្វើមហាបាតុកម្ម អហិង្សានៅទីលាន ប្រជាធិបតេយ្យ និងមានការដង្ហែក្បួនមហាបាតុកម្ម ដោយសន្តិវិធី រយៈពេល៣ថ្ងៃ ចាប់ពី២៣-២៥ ខែតុលា ឆ្នាំ២០១៣៕
សរសេរមកកាន់ អ្នកនាង ថុល ស្រីលក្ខណ៍sreyleak@vodhotnews.com
Ar Arch Euy
ល្បងឈុនអើយល្បងឈុន !គ្មាននរណាឡប់តាមល្បងឯងទេ។
ល្បងឯងល្មមឈប់យកពាក្យសមាគមន៍គ្រូបង្រៀនកម្ពុជាឯករាជ្យមក
ប្រើតទៀតទៅ ព្រោះល្បងឯងមិនឯករាជ្យទេ។ល្បងឯងគួរ
ដាក់ឈ្មោះថាសមាគមន៍គ្រូបង្រៀនសាងគ្រោះជាតិវិញបាន
ជារឿងត្រឹមត្រូវ៕