Wednesday, 23 October 2013
ស៊ូ វុទ្ធី
ភ្នំពេញ ប៉ុស្តិ៍
ភ្នំពេញៈ ក្រោយពីរងការរិះគន់យ៉ាងធ្ងន់ៗ អមជាមួយពាក្យសម្ដីបែបអសីលធម៌ ពីបុរសម្នាក់ប្រើ ហ្វេសប៊ុក ផ្ទាល់ខ្លួន ថា ពេជ្រ សោភា រៀនបានទាបមិនចប់មធ្យមសិក្សា និងមិនមានសមត្ថភាពគ្រប់គ្រងថវិកា អាចជាប់គុក ជុំវិញការបង្កើតមូលនិធិជួយជនរងគ្រោះទឹកជំនន់នោះ ក៏មានលេចចេញនូវព័ត៌មានដ៏ភ្ញាក់ផ្អើលមួយទៀតថា ពេជ្រ សោភា បង្កើតមូលនិធិនេះ ប្រមូលប្រាក់ជួយបងប្អូនបក្សសង្គ្រោះជាតិផងដែរ។
តារាចម្រៀង ស្រីប្រចាំផលិតកម្ម ហង្សមាស នាង ពេជ្រ សោភា ខណៈកើតទុក្ខមិនសុខចិត្តពីការចោទប្រកាន់ដោយគ្មានមូលដ្ឋាននោះ នាងបានបង្ហោះវីដេអូឃ្លីប បកស្រាយទាំងទឹកភ្នែកកក្លាក់អមជាមួយសម្ដីរដិបរដុប។ នៅក្នុងវីដេអូឃ្លីប ដែលមានរយៈពេល ៥ នាទី និង ២២ វិនាទី ដែលនាងបង្ហោះពីទឹកដីអាមេរិក ដំបូងនាងនិយាយថា៖ «អ្នកកាសែតគឺជាអ្នកឆ្លុះបញ្ចាំងការពិតមែនទេ? ហេតុអីក៏ដឹងច្បាស់ម៉េះ? ហេតុអ្វីក៏វិភាគដឹងក្នុងចិត្តរបស់ខ្ញុំ អ្វីដែលខ្ញុំធ្វើ ខ្ញុំមិនបានតាំងចិត្តធ្វើឲ្យបក្សណាមួយឡើយ។ ខ្ញុំធ្វើគ្រាន់តែចង់ជួយបងប្អូនខ្មែរ កំពុងតែជួបបញ្ហាជាមួយទឹកជំនន់ប៉ុណ្ណោះ»។
នាងបញ្ជាក់ថា៖ «ខ្ញុំជាអ្នកចម្រៀង បើទោះជាបក្សណាជាប់ក៏ខ្ញុំនៅតែជាអ្នកចម្រៀងដែរ»។ ទាំងទឹកភ្នែកទឹកសម្បោរហូរនោះ នាងពេជ្រ សោភា សារភាពថា៖ «ខ្ញុំ មិនមែនជាអ្នកលេងនយោបាយទេ អ្វីដែលខ្ញុំធ្វើ ដោយសារតែខ្លួនឯងធ្លាប់ជួបបែបនេះ ជួបប្រទះរសជាតិបែបហ្នឹង ទើបដឹងថាវាពិបាកយ៉ាងម៉េច? គ្រាន់តែចង់ជួយខ្មែរជួបប្រទះទឹកជំនន់បន្តិចបន្តួចក៏ខុសដែរមែន! ខ្ញុំជាអ្នកចម្រៀង ហើយខ្ញុំក៏ជាមនុស្សស្រីទៀត គ្មានអ្វីអាចជួយបានច្រើនទេ ក្រៅពីសំឡេង ស្រែកសុំឲ្យជួយផង»។
នៅក្នុងការរៀបរាប់របស់តារាចម្រៀងដែលមានកំណើតពីខេត្ត ព្រៃវែង រូបនេះហាក់បញ្ជាក់ច្បាស់ណាស់ថា ខ្លួននាងបារម្ភពីទីផ្សារអាជីពរបស់នាង ព្រោះនាងមិនមែនជាអ្នករស់នៅខ្លួនមួយឡើយ នាងបានត្អូញត្អែរថា៖ «ខ្ញុំគ្រាន់តែបារម្ភ នៅពេលដែលឈ្មោះខ្ញុំអ៊ីចឹង អ្នកនេះគេថាខ្ញុំចូលបក្សនោះ អ្នកនោះគេថាខ្ញុំចូលបក្សនេះ អាចធ្វើឲ្យខ្ញុំគ្មានការងារធ្វើ បើខ្ញុំអត់មានការងារធ្វើ អ្នកណាចិញ្ចឹមឪពុកម្តាយខ្ញុំ»។
មុន នេះមានការរិះគន់ពីការប្រកាសសុំប្រាក់ជួយអ្នករងគ្រោះដោយទឹក ជំនន់ តែក្នុងវីដេអូនោះនាងក៏បញ្ជាក់ទៀតថា៖ «អ្វីកំពុងតែធ្វើនេះ មិនមានពាក់ព័ន្ធជាមួយបក្សណាទាំងអស់ ដោយសារតែចិត្តខ្ញុំចង់ធ្វើ ខ្ញុំស្រឡាញ់ ខ្ញុំចង់ឃើញស្នាមញញឹមនៃអ្នកក្រ ក្រគឺវេទនាណាស់ យល់អត់ អ្នកក្រ? គ្រប់ពេលខ្ញុំឡើងច្រៀង ខ្ញុំអរគុណគេច្រើនណាស់ខ្ញុំនៅតែប្រើពាក្យថា សូមបងប្អូនទាំងអស់គ្នា ចំណាយទឹកប្រាក់របស់បងប្អូនត្រឹមតែ ១ ដុល្លារ សម្រាប់ជួយបងប្អូនខ្មែរជួបគ្រោះទឹកជំនន់ ខ្ញុំដើរកាន់ធុងសមួយ ដើរជួបគ្រប់តុ តែខ្ញុំសប្បាយចិត្តធ្វើ បងប្អូននៅទីនោះ គាត់មានចិត្តគាត់ជួយ។ តែចំណែកបងប្រុសបានត្រឹមតែរិះគន់ និយាយឥតប្រយោជន៍ជាខ្មែរដូចគ្នាជួយគ្នាទៅ»។
នាងបញ្ជាក់ទៀតថា៖ «ខ្ញុំមិនបានធ្វើឲ្យអ្នកណាទេ ខ្ញុំធ្វើនេះ គឺចិត្តខ្ញុំស្រឡាញ់ហើយចង់ជួយ បងប្អូនទាំងអស់គ្នាត្រឹមតែបន្តិចបន្តួចប៉ុណ្ណោះ អ្វីដែលខ្ញុំធ្វើក៏គ្មានពាក់ព័ន្ធបក្សណាដែរ»។
ជាមួយ អារម្មណ៍អួលអាក់បង្ហូរទឹកភ្នែកពីសហរដ្ឋ អាមេរិក ពេជ្រ សោភា បាននិយាយយ៉ាងច្បាស់ថា៖ «នាងខ្ញុំទទួលប្រាក់បានជំនួយច្រើនគួរសម ក្នុងនេះក៏មានក្រដាស ១ ដុល្លារផងដែរ នាងខ្ញុំបញ្ជាក់ថា ខ្ញុំធ្វើដោយខ្លួនឯង ពេលខ្ញុំទៅដល់ស្រុកខ្មែរវិញ ខ្ញុំនឹងចុះជួយបងប្អូនដែលជួបគ្រោះទឹកជំនន់ដោយផ្ទាល់»៕
Is right SOR PHEAR that you help khmer, we are living oversea support you and love all the stars thst love khmer nation, From oversea.
SOR PHEAR please go on your good mind in help Khmer nation, we are living oversea love you and support, From oversea.
អ្នកកាសែតនៅកម្ពុជាមួយចំនួនមិនគោរពទៅតាមក្រមសីលធ៌មរបស់អ្នកកាសែតទេ។ ខ្លះបានកាតមួយ សន្លឹក កាមេរ៉ាមួយដើរកេះលុយគ្រប់កន្លែង…….ភាគច្រើនគឺការសរសេរទ្រពង….ខ្ញុំចង់ស្គាលណាស់មុខ អ្នកសរសេរខ្វះមូលដ្ឋានជាក់ស្តែងមកលើតារាចម្រៀងដោយគ្រាន់តែគ្នាធ្វើអំពើមនុស្សធ៌មសោះ….ចង់ សួរថាតើអាអ្នកសរសេររិះគន់គេនោះបានមួយរយរៀលជួយប្រជាពលរដ្ឋហើយឬនៅ? តែជួនកាលនៅ ប្រទេសយើងអាចបណ្តាលមកពីការកាច់បំបាក់ប្រជាប្រិយភាពគ្នាក៏មាន…ហើយមកចំអាអ្នកនិពន្ធដែល ឃ្លានលុយផងក៏អីចឹងទៅ…….ប្តឹងអីណា…សង្ឃឹមអីតុលាការគោនោះ?
នៅក្នុងការរៀបរាប់របស់តារាចម្រៀងដែលមានកំណើតពីខេត្ត ព្រៃវែង រូបនេះហាក់បញ្ជាក់ច្បាស់ណាស់ថា ខ្លួននាងបារម្ភពីទីផ្សារអាជីពរបស់នាង ព្រោះនាងមិនមែនជាអ្នករស់នៅខ្លួនមួយឡើយ នាងបានត្អូញត្អែរថា៖ «ខ្ញុំគ្រាន់តែបារម្ភ នៅពេលដែលឈ្មោះខ្ញុំអ៊ីចឹង អ្នកនេះគេថាខ្ញុំចូលបក្សនោះ អ្នកនោះគេ
ថាខ្ញុំចូលបក្សនេះ អាចធ្វើឲ្យខ្ញុំគ្មានការងារធ្វើ បើខ្ញុំអត់មានការងារធ្វើ អ្នកណាចិញ្ចឹមឪពុកម្តាយខ្ញុំ»។
____________________________
យើងដូចជាឆ្ងល់ថា តើនៅសង្ស័យអ្វីទៀត ព្រោះសិទ្ធិជ្រើសរើសបក្ស គឺជារឿងរបស់យើង!! ធើអីក៏ធើទៅ កុំនិយាយរឿងណាមួយ ដែលមានទម្រង់ជាការចោទប្រកាន់ថា គេកៀបសង្កត់លើយើង!! ក៏ខ្វល់ម្លេះ?? ការដែលនាងនិយាយបែបនេះ នឹងនាំឲ្យនាងនៅឆ្ងាយពីសង្គមមួយដែលនាងសង្ស័យថា គេមិនចូលចិត្តជាមួយនាង ឬគេបានរើសអើងចំពោះនាង។ តាមពិតគេមិនរវល់ចំពោះការសម្រេចចិត្តរបស់នាងទេ។ ក្នុងសង្គមសព្វថ្ងៃ ប្រជាពលរដ្ឋ គេមានសិទ្ធិក្នងការបញ្ចេញមតិ និងជ្រើសគណបក្ស ណានាង ណា៎។
កុំ ចូរកុំគិតអញ្ចឹង ! អានេះ គេហៅថា ស៊ីលៀសរអៀសខ្លួន ឬ គេហៅថា បៀមឈាមព្រួសដាក់គេ! បានជានាងទៅណា ក៏ទៅៗ កុំលាបពណ៌គេ ។ តែនាងលាបពណ៌គេ នាងពិតជារកកន្លែងរកស៊ីលែងបានហើយ។