Wednesday, 20 November 2013
សេត គឹមសឿន
ភ្នំពេញ ប៉ុស្តិ៍
ភ្នំពេញៈ ខណៈពេលដែលភ្ញៀវជាតិ និងអន្តរជាតិបានមកដល់ និងឈរត្រៀមត្រានៅខាងមុខច្រកចូលក្នុងពិធីអាពាហ៍ពិពាហ៍របស់ពិធីការិនីនាង គង់ សុជាតិ និងជា វិបុល នៅសណ្ឋាគារអាំងទែកុងទីណង់តាល់នោះ ស្រាប់តែអ្នកសារព័ត៌មានជាតិ និងអន្តរជាតិ រួមនឹងភ្ញៀវមួយចំនួនបានបង្វែរក្រសែភ្នែកចាប់អារម្មណ៍យ៉ាងចម្លែក ទៅលើគូស្នេហ៍ខុសសាសន៍មួយគូដែលដឹកដៃគ្នាត្រសងមកដល់មុខ រោង។ នោះគឺរវាងតារាសម្តែង និងដើរម៉ូដនាង ទឹម វត្តី និងបុរសប៉ាគីស្ថានម្នាក់។
ក្នុងកាយវិការស្នេហាស្និទ្ធស្នាល គេបានមើលឃើញយ៉ាងច្បាស់ថា តារាសម្តែង និងដើរម៉ូដល្បីបង្គួរនាង ទឹម វត្តី បានសម្តែងក្តីស្នេហាដោយបើកចំហជាមួយនឹងបុរសជាតិប៉ាគីស្ថាន តែអ្វីដែលកាន់តែធ្វើឲ្យចាប់អារម្មណ៍ខ្លាំងថែមទៀតនោះ គឺ ទឹម វត្តី បានស្លៀករ៉ូបវៀលបញ្ចេញរង្វះដើមទ្រូងសខ្ចីនៅលើគោកតែម្តង ដែលនាំឲ្យភ្ញៀវមួយចំនួនលាន់មាត់ថា នាង ទឹម វត្តី លែងដើមទ្រូងដើម្បីផ្គាប់ចិត្តបុរសជាតិប៉ាគីស្ថានម្នាក់នោះ ខណៈដែលនាងទើបតែបានផ្តាច់ស្នេហ៍ចាស់ជាមួយនឹងតារាសម្តែងវ័យក្មេងលោក ប៊័រី នោះ។
ពាក់ព័ន្ធនឹងការលេចមុខបុរសបរទេសនោះ ទឹម វត្តី បានបញ្ជាក់ឲ្យដឹងថា កន្លងគេច្រឡំថា បុរសកំពូលស្នេហ៍របស់នាងជាជនជាតិឥណ្ឌា តែការពិតគាត់ជាជនជាតិប៉ាគីស្ថាន ហើយរវាងអ្នកទាំងពីរបានស្គាល់គ្នាអស់រយៈពេលជាច្រើនឆ្នាំមក ហើយ ប៉ុន្តែ ភាពស្និទ្ធស្នាល និងការបណ្តើរគ្នាស្អិតល្មួតនៅទីសាធារណៈនោះទើបតែប្រព្រឹត្តទៅ ដោយបើកចំហនៅពេលនេះទេ។
តារាស្រីក្នុងត្រកូល ទឹម ដែលចូលចិត្តបញ្ចេញដើមទ្រូងសិចស៊ី និងគល់ភ្លៅសខ្ចី នាង ទឹម វត្តី បានបញ្ចេញសម្តីនៅពេលសួរពីបុរសប៉ាគីស្ថានម្នាក់នោះថា៖ «តាមពិតទៅដំបូងឡើយ គាត់បានស្គាល់គ្នាជាមួយនឹងបងរបស់ខ្ញុំប្រមាណជា៣-៤ឆ្នាំមុន។ ក្រោយមកយើងក៏បានរាប់អានគ្នាជាបន្តបន្ទាប់ តែមិនដែលបានបណ្តើរគ្នាស្និទ្ធស្នាលដូចពេលមកការបង គង់ សុជាតិ ទេ។ ការបណ្តើរគ្នានោះ ព្រោះគាត់ចង់ចូលរួមពិធីមង្គលការខ្មែរយើង ចង់ដឹងពីទំនៀមទម្លាប់ខ្មែរផងថា មង្គលការគេធ្វើយ៉ាងម៉េចប៉ុណ្ណោះ»។
ការឈានជើងចូលចាប់ដៃ បណ្តើរគ្នាដូចជាគូសង្សារ ឬគូស្នេហ៍រវាង ទឹម វត្តី និងបុរសប៉ាគីស្ថាននោះបានប្រព្រឹត្តទៅកាន់តែផ្អែមល្ហែមនៅក្រោយ ពេលតារាស្រីរូបនេះបានសម្រេចចែកផ្លូវគ្នាជាមួយនឹងតារាសម្តែង វ័យក្មេងលោក ប៊័រី កាលពីពេលថ្មីៗកន្លងមកនេះ។ តែយ៉ាងណាតារាស្រីវ័យ២៦ឆ្នាំនាង ទឹម វត្តី បានបដិសេធថា បុរសប៉ាគីស្ថានម្នាក់នោះ មិនមែនជាអ្នកថ្មីចូលមកលួងលោមប្រលោមស្នេហ៍ថែបេះដូងនាង ក្រោយបែកគ្នាជាមួយនឹងសង្សារចាស់នោះទេ។
តារាស្រីដែលដើរចូលពិភពសិល្បៈដោយសារចំហាយបងស្រីនាង ទឹម វត្តី បាននិយាយថា៖ « ស្នេហារវាងខ្ញុំ និងប៊័រី អ្នកណាក៏បានដឹងដែរមុននេះ គឺយើងបានស្រឡាញ់គ្នា តែពេលនេះ ពួកយើងបានសម្រេចចិត្តចែកផ្លូវគ្នាហើយ គឺទើបតែកាលពីពេលថ្មីៗនេះទេ។បានសម្រេចចិត្តចែកផ្លូវគ្នា គឺទើបតែកាលពីពេលថ្មីៗនេះទេ។ ខ្ញុំមិនអាចបកស្រាយឲ្យអស់ពីរឿង ឬមូលហេតុបែកគ្នានេះបានទេ ព្រោះជារឿងផ្ទាល់ខ្លួន តែអាចត្រឹមប្រាប់បានថា យើងតែងមានរឿងរកាំរកូសនឹងគ្នាពេក ចុងក្រោយកាលពីពេលថ្មីៗនេះ យើងក៏បែកគ្នាទៅ គឺមិនដឹងធ្វើយ៉ាងម៉េច»។
តែយ៉ាងណាមិនមែន សាងស្នេហ៍ថ្មីដើម្បីបំភ្លេចស្នេហ៍ចាស់នោះទេ។ នាងបានបញ្ជាក់ថា៖ «ដោយឡែកសម្រាប់បុរសជាតិប៉ាគីស្ថាន គាត់មិនមែនជាសង្សារ ឬក៏អ្នកស្អំបេះដូងខ្ញុំ ក្រោយបែកសង្សារអីនោះទេ។ គាត់ត្រឹមតែជាមិត្តប៉ុណ្ណោះ ហើយកាលដែលខ្ញុំដើរកាន់ដៃគ្នានោះ ក៏ព្រោះតែជាទម្លាប់របស់ខ្ញុំ ដូចទស្សនិកជនធ្លាប់បានឃើញខ្ញុំបណ្តើរ និងកាន់ដៃប្អូនប្រុសរបស់ខ្ញុំអ៊ីចឹង គឺតែប៉ុណ្ណឹង»។
ទស្សនិកជនបានដឹងថា មិត្តភាពអាចក្លាយជាស្នេហា ដូច្នេះ រវាង ទឹម វត្តី និងបុរសប៉ាគីស្ថានម្នាក់នោះអាចនឹងឈានដល់រឿងស្នេហានៅថ្ងៃណា មួយមិនខាន ខណៈគេបានដឹងថា បុរសសាសន៍ផ្សេងរូបនោះជាអ្នកជំនួញវ័យក្មេងម្នាក់នៅស្រុកខ្មែរ ដែលគេអាចផ្តល់សេចក្តីសុខ និងលុយកាក់ឲ្យមនុស្សជាទីស្រឡាញ់របស់គេបានយ៉ាងសមរម្យ។ តែទោះជាយ៉ាងណាតារាស្រីរូបនោះនៅតែប្រកែក ខណៈគេបានមើលឃើញថា ស្នេហាដំបូងរបស់នាង និងប័រី ក៏មានសភាពបែបនេះដែរ៕
គង់តែដឹងនៅថ្ងៃណាមួយថាជនមូស្លីមនេះស្រឡាញ់នាងប៉ុណ្ណា?…….
នាងត្រូវចូលសាសនាមូស្លីម ជាដំបូង បំរើនឹងគោរពតាមប្រពៃណីមូស្លីម….ហា៎.ហា៎.កុំភ្លេចថាច្បាប់ជនជាតិមូស្លីមអាចយកប្រពន្ធ៤.
Most of those men from Indian and her boyfriend country, they thinks the women who not Muslim are sluts. They like to fool around with other nationalities a lot; they just
wants to have sex with and abandon it. So she shout watch out! those man just want sex and
not care about your feeling. However, do not follow the foot print of Chhin Soravy.