ថ្ងៃ សៅរ៍ 23 វិច្ឆិកា 2013
ដោយ ប៉ែន បូណា
RFI
ជាងមួយសប្តាហ៍បន្ទាប់ពីមូលនិធិពិភពលោក (Global Fund) បានចេញរបាយការណ៍ស្តីពីការកឹបកេងថវិកាពីសំណាក់មន្ត្រីសុខាភិបាលមួយចំនួនមក អង្គភាពប្រឆាំងអំពើពុករលួយបានចេញមុខការពារអាជ្ញាធរជាតិប្រយុទ្ធប្រឆាំងជំងឺអេដស៍ថាបានបំពេញការងារត្រឹមត្រូវស្របតាមនីតិវិធីលទ្ធកម្មសាធារណៈ។ ប៉ុន្តែ អង្គភាពប្រឆាំងអំពើពុករលួយក៏បានទទួលស្គាល់ថា មានបញ្ហាប្រឈមនៅក្នុងការងារដេញថ្លៃដូចជាមិនបានសិក្សាពីលក្ខណៈសម្បត្តិរបស់ក្រុមហ៊ុន និងដាក់តម្លៃខ្ពស់ជាងទីផ្សារជាដើម។
ថ្ងៃសុក្រទី២៤ធ្នូ រដ្ឋាភិបាល អនុម័ត សេចក្តីព្រាងអនុក្រឹត្យចំនួន៣របស់អង្គភាពប្រឆាំងអំពើពុករលួយ (© សុវណ្ណារ៉ា)
អង្គភាពប្រឆាំងអំពើពុករលួយមិនបាននៅស្ងៀមទេចំពោះមុខរឿងអាស្រូវពុករលួយនៅក្នុងប្រព័ន្ធសុខាភិបាលដែលមូលនិធិពិភពលោកបានរកឃើញ។ នៅក្នុងសេចក្តីប្រកាសព័ត៌មានមួយដែលចេញផ្សាយនៅក្នុងគេហទំព័ររបស់ខ្លួន អង្គភាពប្រឆាំងអំពើពុករលួយបានការពារអាជ្ញាធរជាតិប្រយុទ្ធប្រឆាំងជំងឺអេដស៍ថាបានបំពេញការងារត្រឹមត្រូវតាមនីតិវិធីលទ្ធកម្មសាធារណៈក្នុងដំណើរការដេញថ្លៃ។
បើតាមអង្គភាពប្រឆាំងអំពើពុករលួយ រាល់ដំណើរការនៃការធ្វើលទ្ធកម្មរបស់ខ្លួន អាជ្ញាធរជាតិប្រយុទ្ធប្រឆាំងជំងឺអេដស៍តែងបានផ្សព្វផ្សាយជាសាធារណៈនិងបានអញ្ជើញអង្គភាពប្រឆាំងអំពើពុករលួយឲ្យចូលរួមសង្កេតការណ៍។ ចំណែកឯក្រុមហ៊ុនដេញថ្លៃទាំងអស់ក៏បានបំពេញបែបបទត្រឹមត្រូវតាមលក្ខខណ្ឌតម្រូវ។
យ៉ាងណាក៏ដោយ អង្គភាពប្រឆាំងអំពើពុករលួយទទួលស្គាល់ថាមានចំណុចប្រឈមមួយចំនួននៅក្នុងដំណើរការនេះ។ ចំណុចប្រឈមទាំងនោះជារួមមាន ការផ្សព្វផ្សាយព័ត៌មានមិនសូវមានប្រសិទ្ធភាពដែលនាំឲ្យមានតែក្រុមហ៊ុនដដែលៗចូលរួមដេញថ្លៃ។ ម្យ៉ាងទៀត ការពិនិត្យលក្ខណៈសម្បត្តិរបស់ក្រុមហ៊ុនដែលបានដាក់ពាក្យសុំដេញថ្លៃក៏នៅមានចន្លោះប្រហោង។ ក្រុមហ៊ុនខ្លះគ្មានស្លាកយីហោត្រឹមត្រូវឡើយ។ រីឯតម្លៃដែលស្នើសុំទៅក្រសួងសេដ្ឋកិច្ចនិងហិរញ្ញវត្ថុខ្ពស់ជាងតម្លៃទីផ្សារដែរ។
ប៉ុន្តែ អង្គភាពប្រឆាំងអំពើពុករលួយមិនបាននិយាយដល់អាជ្ញាធរជាតិប្រយុទ្ធប្រឆាំងជំងឺគ្រុនចាញ់ដែលប្រធានអាជ្ញាធរនេះទទួលរងការចោទប្រកាន់ថាបានទទួលប្រាក់ពីក្រុមហ៊ុនផ្គត់ផ្គង់មុងពីប្រទេសស្វីសនោះទេ។ អង្គភាពប្រឆាំងអំពើពុករលួយក៏មិនបានប្រាប់ឲ្យដឹងពីវិធានការយ៉ាងណាចំពោះករណីនេះដែរ។
គួរបញ្ជាក់ថា មូលនិធិពិភពលោកបានរកឃើញថាមានអំពើពុករលួយនៅក្នុងការប្រើប្រាស់មូលនិធិប្រយុទ្ធប្រឆាំងជំងឺក្រុនចាញ់ ជំងឺអេដស៍និងជំងឺឆ្លងផ្សេងទៀតដែលខ្លួនផ្តល់ថវិកា។ មូលនិធិនេះរកឃើញថា អតីតប្រធានមជ្ឈមណ្ឌលប្រឆាំងជំងឺគ្រុនចាញ់ និងមន្ត្រីនៃអាជ្ញាធរជាតិប្រឆាំងជំងឺអេដស៍បានទទួលប្រាក់ជាង ៤០ ម៉ឺនដុល្លារពីក្រុមហ៊ុនផ្គត់ផ្គង់មុងនៅក្នុងប្រទេស្វីស។ នៅមិនទាន់មានប្រតិកម្មបែបណាពីរដ្ឋាភិបាលនៅឡើយទេ៕
ក្រសួងសុខាភិបាលជារឿងមួយហើយខ្ញុំក៍បានឮផងដែរពីក្រសួងអភិវឌ្ឃន៍ជនបទធ្លាប់មានរឿង ពុករលួយពីកម្មវិធីស្បៀងអាហារពិភពលោកផងដែល មិត្តភក្ត័ខ្ញុំក៍បានប្រាប់ថាក្រសួងអភិវឌ្ឃន៍ ជនបទនេះមានការរិតត្បិតវត្តមានមន្ត្រីរាជការបំពាក់សុទ្ធតែម៉ាសុីនស្នាមមេដៃដែលក្រសួង ដទៃទាំងអស់មិនមានដូចនេះទេ។ ជាពិសេសមន្ត្រីក្រសួងអភិវឌ្ឃន៍ជនបទសង្ឃឹមថារដ្ឋមន្ត្រីថ្មី ចូលមកនិងធ្វើឲ្យក្រសួងមានភាពល្អប្រសើ តែមិនដូច្នោះទេរដ្ឋមន្ត្រីថ្មីអនុញ្ញាតឲ្យប្រធាននាយក ដ្ឋានរដ្ឋបាលនិងបុគ្គលិកធ្វើបាបមន្ត្រីរាជការពីការយកអវត្តមានធ្វើដូយកវត្តមានកម្មកររោងចក្រ អញ្ចឹង ហើយនៅក្រោមការគ្រប់គ្រងរបស់រដ្ឋមន្ត្រីថ្មីមិនត្រឹមតែតឹងរឹងនោះទេថែមទាំងប្រាក់ខែ តែងតែបើកយឺតជាងក្រសួងដ៍ទៃៗដូចជាប្រាក់ខែសម្រាប់ខែតុលារហូតមកដល់ពេលនេះគឺថ្ងៃ ទី២៣ខែរវិច្ចិការហើយគឺនៅមិនទាន់បើកប្រាក់ខែសម្រាប់ខែតុលានៅឡើយ ខ្ញុំអាណិតមិត្តភក្ត័ របស់ខ្ញុំណាស់ដែលវាមានប្រាក់ខែចាយមិនគ្រប់គ្រាន់ហើយថែមទាំងបើកយឺតជារៀងរាល់ខែ ហើយវាក៍មកខ្ខីខ្ញុំចាយជារៀងរាល់ខែដែរ វាថារដ្ឋមន្ត្រីថ្មីនិងបានប្រាក់ខែរហ័សជាងមុនមានអី ដូចតែគ្នាថែមទាំងរិតត្បិតវត្តមានទៀតខុសគេតែក្រសួងមួយនេះ។
ចេះតែនិយាយដូចក្មេងបៀមដៃទៅកើតស្ថាបន័ប្រឆាំងអំពើរពុករលួយនេះ អាចំនុចប្រឈមហ្នឹងហើយ ជាចំនុចពុករលួយនោះ យល់? អញ្ខឹងហើយបានជាគេថាស្ថាបន័ប្រឆាំងអំពើពុករលួយធ្វើការមិនយុត្តិ ធម៌នោះ ព្រោះតែជាសមាជិកបក្សនយោបាយដូច្នេះបើមិននិយាយគាំទ្របក្សរបស់ខ្លួនធ្វើម្តេចកើត។
អាអង្គភាពពុករលួយនិងហើយដែលវាចូលរួមពុករលួយដែរនោះ វាបានសុីបានចុកដែរហើយបានជាវាចេញមុខការពារនោះ ហើយមានស្ថាប័នច្រើនទៀតដែលពុករលួយនោះដូចជា គយ ពន្ធដារ តើបុគ្គលិកនិនមេៗក្នុងស្ថាប័ននេះប្រាក់ខែប៉ុន្មានបានជាវាមានវិឡា ឡានទំនើបៗស្ទើរតែគ្រប់គ្នា ជាពិសេសស្ថាប័នប្រឆាំងនិងអំពើព់រលួយតែម្តង វាពុករលួយតាំងពីជ្រើសរើសបុគ្គលិកចូលដោយយកលេសបនរលងតែតាមពិតជាប់សុទ្ធតែកូនអស់លោកៗ ផ្តាំផ្ញើរល្បងអោមគឺជាប់ហើយ ហាសហា សម័យជោរស្មោះ! បើមិនអោយខ្សែអញ តើទៅអោយអានាក់ផ្សេង វាបានប្រយោជន៏អីដល់អញ ដូច្នេះហើយកូនអ្នកស្រែមិនបាច់ប្រឹងទេ
អាអង្គភាពពុករលួយនិងហើយដែលវាចូលរួមពុករលួយដែរនោះ វាបានសុីបានចុកដែរហើយបានជាវាចេញមុខការពារនោះ ហើយមានស្ថាប័នច្រើនទៀតដែលពុករលួយនោះដូចជា គយ ពន្ធដារ តើបុគ្គលិកនិងមេៗក្នុងស្ថាប័ននេះប្រាក់ខែប៉ុន្មានបានជាវាមានវិឡម្នាក់ ៣ -4 ឡានទំនើបៗស្ទើរតែគ្រប់គ្នា ជាពិសេសស្ថាប័នប្រឆាំងនិងអំពើព់រលួយតែម្តង វាពុករលួយតាំងពីជ្រើសរើសបុគ្គលិកចូលដោយយកលេសប្រលងតែតាមពិតជាប់សុទ្ធតែកូនអស់លោកៗ ផ្តាំផ្ញើរល្បងអោមគឺជាប់ហើយ ហាសហា សម័យជោរស្មោះ! បើមិនអោយខ្សែអញ តើទៅអោយអានាក់ផ្សេង វាបានប្រយោជន៏អីដល់អញ ដូច្នេះហើយកូនអ្នកស្រែមិនបាច់ប្រឹងទេ។