អាជ្ញាធរខេត្តស្ទឹងត្រែង បានអញ្ជើញតំណាងក្រុមហ៊ុន មន្ត្រីអាជ្ញាធរមូលដ្ឋាន មកប្រជុំពិភាក្សាស្ដីពីគោលការណ៍ផ្តល់សំណងសម្រាប់ផលប៉ះពាល់ប្រជាពលរដ្ឋ ទាក់ទិនគម្រោងសាងសង់ទំនប់វារីអគ្គិសនីសេសានក្រោម២ បន្ទាប់ពីក្រុមមន្ត្រីជំនាញចាប់ផ្ដើមវាស់វែងកំណត់ព្រំផ្ទៃអាងស្តុកទឹក ដើម្បីឈូសព្រៃបោសសម្អាតអាង។
ដោយ រដ្ឋា វិសាល
2013-12-31
RFA
ស្ដាប់ ឬ ទាញយកសំឡេង
ប្រជាពលរដ្ឋហែក្បួនលែងកូនត្រី និងស្រែកជ័យឃោសរំលឹកគុណទន្លេ និងអំពាវនាវសុំកុំឲ្យមានការសាងសង់ទំនប់វារីអគ្គិសនី ក្នុងខួបលើកទី១១ នៃបណ្ដាញសហគមន៍ទន្លេបី នៅឃុំជ័យឧត្ដម ស្រុកលំផាត់ ខេត្តរតនគិរី កាលពីថ្ងៃទី២៥ ខែមីនា ឆ្នាំ២០១៣។ RFA/Ratha Visal
មន្ត្រីឃុំស្រែគរ ស្រុកសេសាន បានច្រានចោលគោលនយោបាយផ្តល់សំណងផលប៉ះពាល់ប្រជាពលរដ្ឋ ទាក់ទិនគម្រោងសាងសង់ទំនប់វារីអគ្គិសនីសេសានក្រោម២ ថាមិនបានបំពេញតាមការស្នើសុំរបស់ពលរដ្ឋនៅឡើយ។
មេឃុំស្រែគរ លោក សៀក មេគង្គ នៅថ្ងៃអង្គារ ទី៣១ ខែធ្នូ មានប្រសាសន៍បញ្ជាក់ថា ក្រុមហ៊ុនបានអនុវត្តគោលនយោបាយផ្តល់សំណងដែលបានផ្សព្វផ្សាយកន្លងទៅ មានលក្ខណៈទូលាយមិនច្បាស់លាស់ និងចំណុចខ្លះទៀត តម្លៃសំណងមិនសមស្របតាមតម្លៃទីផ្សារដែលប្រជាពលរដ្ឋឯកភាព។ លោកព្រមានថា នឹងមិនចូលរួមក្នុងអនុគណៈកម្មការប្ដូរទីលំនៅថ្មីសម្រាប់ការជម្លៀសប្រជាពលរដ្ឋនោះឡើយ៖ «ក្នុងនាមខ្ញុំគណៈកម្មការមួយ ខ្ញុំក៏មិនទៅវាស់វែងដែរ ពីព្រោះបើក្រុមហ៊ុនមិនដោះស្រាយបញ្ហារឿងគោលការណ៍សងសំណងឲ្យជាក់លាក់»។
យោងឯកសារគោលនយោបាយសំណងរបស់ក្រុមហ៊ុនសាងសង់ទំនប់វារីអគ្គិសនីសេសានក្រោម២ នៅខេត្តស្ទឹងត្រែង ចែងថា សំណងផលប៉ះពាល់ប្រជាពលរដ្ឋត្រូវទទួលបានលើស ឬស្មើ។ ចំណែកក្រុមហ៊ុនមានកាតព្វកិច្ចសាងសង់ហេដ្ឋារចនាសម្ព័ន្ធផ្សេងទៀត ដូចជាផ្លូវថ្នល់សាលារៀន មន្ទីរពេទ្យ និងគម្រោងអភិវឌ្ឍន៍ផ្សេងទៀតនៅតំបន់ប្រជាពលរដ្ឋទៅតាំងទីលំនៅថ្មី។
តំណាងសហគមន៍ លោក សុត ឃឿន ចាប់អារម្មណ៍ថា ប្រជាពលរដ្ឋចង់បានពិគ្រោះយោបល់រវាងសមត្ថកិច្ចពាក់ព័ន្ធក្រុមហ៊ុន និងប្រជាពលរដ្ឋ ស្ដីពីសំណងតម្លៃដី តម្លៃផ្ទះសម្បែង និងតម្លៃផលដំណាំជាក់លាក់។ លោកបន្តថា អ្នកភូមិនឹងមិនបោះបង់ភូមិដ្ឋានផ្ទះសម្បែង ដីធ្លីស្រែចម្ការចាស់របស់ពួកគាត់ទៅរស់នៅកន្លែងថ្មីនោះទេ ប្រសិនអ្នកភូមិមិនបានទទួលព័ត៌មានជាក់លាក់ និងសមស្របពីតម្លៃសំណងមានការឯកភាពពីពលរដ្ឋ៖ «មិនដឹងសំណងគេសងម៉េច ហើយគេមិនបានចុះមកសួរប្រជាពលរដ្ឋ ទាមទារចង់ឲ្យមានស្អីៗគ្រប់យ៉ាងហ្នឹង ហើយសំណងសងឲ្យដូចទីផ្សារ»។
កាលពីដើមសប្ដាហ៍ អាជ្ញាធរខេត្តបានបើកកិច្ចប្រជុំរវាងតំណាងក្រុមហ៊ុនចិន ឡាន ឆាន (Lan chang) សាងសង់ទំនប់វារីអគ្គិសនី មន្ត្រីជំនាញពាក់ព័ន្ធ និងមន្ត្រីអាជ្ញាធរមូលដ្ឋាន ដើម្បីផ្សព្វផ្សាយពីគោលការណ៍សំណងផលប៉ះពាល់ពលរដ្ឋ ប៉ុន្តែសហគមន៍មិនត្រូវបានអញ្ជើញចូលរួមកិច្ចប្រជុំនោះឡើយ។
មន្ត្រីសម្របសម្រួលអង្គការបណ្ដាញទន្លេបី លោក មៀច មាន ផ្តល់យោបល់ថា ការពិគ្រោះយោបល់ជាមួយប្រជាពលរដ្ឋអ្នករងផលប៉ះពាល់ជាប្រការចាំបាច់ ដើម្បីចែករំលែកព័ត៌មានជាក់លាក់ស្ដីពីបញ្ហាសំណងនេះ។ លោកបន្តថា ក្រុមហ៊ុន និងរាជរដ្ឋាភិបាល គួរពិចារណាទៅលើតម្លៃទីផ្សារបច្ចុប្បន្ន និងការឯកភាពរបស់ពលរដ្ឋទាក់ទិនសំណងនេះ៖ «មានទីផ្សារសេរី ហើយតម្លៃដី តម្លៃសម្ភារៈ តម្លៃស្អីៗហ្នឹង មានគ្រប់បែបយ៉ាងទាំងអស់។អ៊ីចឹង យើងស្នើសុំឲ្យខាងក្រុមហ៊ុន ក៏ដូចរាជរដ្ឋាភិបាល គឺបច្ចុប្បន្ននេះមានការផ្លាស់ប្ដូរ»។
ឆ្លើយតបបញ្ហានេះ អភិបាលរងខេត្តស្ទឹងត្រែង និងជាប្រធានអនុគណៈកម្មការដោះស្រាយផលប៉ះពាល់ប្រជាពលរដ្ឋ លោក យ៊ូ បាសិទ្ធ មានប្រសាសន៍បញ្ជាក់ថា អាជ្ញាធរខេត្តយកចិត្តទុកដាក់ខ្ពស់បំផុត ទាក់ទិនសំណងប្រជាពលរដ្ឋនេះ។ លោកបញ្ជាក់ថា ក្រុមហ៊ុនបានឯកភាពជាមួយអាជ្ញាធរខេត្ត ឲ្យអនុគណៈកម្មការចុះសិក្សាផ្ទាល់ជាមួយពលរដ្ឋ និងស្ថាប័នពាក់ព័ន្ធ ទាក់ទិនផលប៉ះពាល់ជាក់ស្តែងដែលនឹងត្រូវទទួលបានសំណងត្រឹមត្រូវបំផុត៖ «គាត់ឯកភាព ហើយកំណត់ថ្ងៃគ្នាចុះ។ ខ្ញុំសង្ឃឹមថា ប្រហែលចូលឆ្នាំថ្មីហើយយើងនឹងនាំគ្នាចុះ។ ជំហរ គឺអត់ទាន់មានអ្វីប្លែកទេ គឺនៅតែការពារបងប្អូនប្រជាពលរដ្ឋ»។
របាយការណ៍ពិសេសស្ដីពីសំណង និងនយោបាយកែតម្រូវនៃគម្រោងសាងសង់ទំនប់វារីអគ្គិសនីសេសានក្រោម២ ឆ្នាំ២០១១ បង្ហាញថា ភូមិចំនួន៧ ក្នុងឃុំចំនួន៤ រងផលប៉ះពាល់។ ក្នុងនោះ ប៉ះពាល់ផ្ទះប្រជាពលរដ្ឋជាង ៥០០ផ្ទះ នេះមិនទាន់រាប់បញ្ចូលផ្ទះប្រជាពលរដ្ឋ ៤៨ផ្ទះទៀតនៅភូមិក្របីជ្រំ និងភូមិខ្សាច់ថ្មី ដែលអាចនឹងរងផលប៉ះពាល់ដូចគ្នាដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- កសិករមកពី៨ខេត្តផ្លាស់ប្ដូរបទពិសោធន៍ការដាំដុះដំណាំដែលធន់នឹងអាកាសធាតុ
- បណ្ដាញយុវជននឹងរៀបចំវេទិកាស្ដីពីអនាគតព្រៃឡង់នៅថ្ងៃ២៩ធ្នូ
- វេទិកាគ្មានការប្រើប្រាស់ថ្នាំកសិកម្មនៅខេត្តបន្ទាយមានជ័យ
- ក្រសួងធនធានទឹក៖ សីតុណ្ហភាពអាចនឹងចុះដល់កម្រិត១២អង្សាសេ
- ក្រុមបាតុករត្អូញត្អែរពីបញ្ហាសំរាមនៅក្បែរទីលានប្រជាធិបតេយ្យ
- អ្នកកាសែត៣នាក់ទទួលជ័យលាភីក្នុងការសរសេររឿងប្រែប្រួលអាកាសធាតុ
- បាតុកររិះគន់បញ្ហាខ្វះបង្គន់អនាម័យនៅទីលានប្រជាធិបតេយ្យ
- GW៖ ក្រុមហ៊ុនអន្តរជាតិមួយពាក់ព័ន្ធនឹងក្រុមហ៊ុនវៀតណាមដែលកាប់ឈើនៅកម្ពុជា
- សហគមន៍ខេត្តព្រះវិហារខកចិត្តចំពោះអាជ្ញាធរប្រគល់តំបន់ទេសចរណ៍ទៅឯកជន
១. បក្ខពួកហ៊ុនសែនខូចណាស់!!! អោយតែយើងជាប្រជារាស្រ្តតវ៉ារកយុត្តិធម៌ ពួកវាសុទ្ធតែថា៖ ខុសច្បាប់ទាំងអស់!! ហើយរកប្តឹងផ្តល់ដាក់គុកដាក់ច្រវ៉ាកទៀតផង!! សូមអោយបក្ខពួកនិងគ្រួសារហ៊ុនសែនកុំភ្លេចសោះ នៅពេលណាមួយប្រជារាស្រ្តនឹងនាំពួកអ្នកឯងមកកាត់ទោសវិញ!!!
២. ពួកឯងប្លន់ដីរាស្រ្តកណ្តាលក្រុភ្នំពេញ អ្នកឯងអួតដាក់ទូរទស្សន៍ថា៖ ពួកអ្នកឯងធ្វើត្រូវតាមច្បាប់ តាមអនុក្រឹត តាមសជណ!!! អ្នកឯងចាំតែមើលចុះ យើងជាប្រជារាស្រ្តរងគ្រោះគ្គ្រប់ទីកន្លែងមិនអត់អោនអោយពួកអ្នកឯងទេ!!ច្បាប់ក្បាលពួកឯងស្អី បំរើតែបក្ខពួកនិងគ្រួសារហ៊ុនសែនអញ្ចឹង!!!
៣. អ្នកណាអោយហ៊ុនសែនមហាសែនខូចមកធ្វើនាយករដ្ឋមន្រ្តី គឺអាមួយហ្នឹងវាចង់ធ្វើខ្លួនឯងទេតើ?? វាធ្វើមិនកើតការហើយ វានៅក្រាញអំណាចទៀត!!! កាលវាឡើងធ្វើនាយករដ្ឋមន្រ្តីដំបូងគឺដោយសារកំទេចមេវាអស់ពីរនាក់ គឹប៉ែនសុវណ្ណនិងលោកចាន់ស៊ី បូករួមទាំងចុះសន្ធិសញ្ញាកាត់ដីអោយយួន សុខចិត្តប្រថាប់ត្រាអោយយួន អោយយួនរុញខ្មែរអោយទៅស្លាប់នៅក៥ កាប់ព្រៃទឹកសាប និងរុញក្មេងៗសិស្សសាលាជាច្រើនធ្វើជាA3ទៅស្លាប់នៅសមរភូមិនិងជាន់មីន!!! មកដល់ឆ្នាំ១៩៩៣ ប្រជារាស្រ្តបានបោះឆ្នោតទម្លាក់វា ប៉ុន្តែជាមនុស្សអគតិបានបង្កសង្រ្គាម ដណ្តើមកៅអីនាយករដ្ឋមន្រ្តីទី២ និងដល់ឆ្នាំ១៩៩៧បានធ្វើរដ្ឋប្រហារ នាំអោយសេដ្ឋកិច្ចជាតិកាលនោះសឹងក្សិណក្ស៍យ ក៍ដោយសារអាហ៊ុនសែនដែរ!! តើកាលណោះ មានអ្នករកស៊ីប៉ុន្មានអ្នកសម្លាប់ខ្លួន?? វាមិនដែរគិតពីប្រជារាស្រ្តនិងប្រទេសជាតិទេ!! វាគិតតែពីខ្លួនវាតែប៉ុណ្ណោះ!!!
៤. វាយកច្បាប់មកធ្វើបាបយើង!! យើងធ្វើអ្វីក៍ខុសដែរ!! ដូច្នេះយើងទុកវាធ្វើអ្វីទៀត ដល់ដំណាក់កាលវាយសំពងវាហើយ!!