ដោយ៖ អ៊ឹង ប៊ុនថន
ថ្ងៃសុក្រ ទី3 ខែមករា ឆ្នាំ2014
http://vodhotnews.com
ការថ្កោលទោសពីច្រើនមជ្ឈដ្ឋានបានកើតឡើងបន្តបន្ទាប់ក្រោយពីកម្លាំងកងទ័ពពិសេសឆ័ត្រយោងលេខ៩១១ វាយបង្ក្រាបលើកម្មករ ដែលតវ៉ាដំឡើងប្រាក់ឈ្នួល១៦០ដុល្លារ។
សេចក្តីថ្លែងការណ៍របស់សង្គមស៊ីវិលចំនួន៥ រួមមានសមាគមប្រជាធិបតេយ្យឯករាជ្យនៃ សេដ្ឋកិច្ចក្រៅប្រព័ន្ធ សហព័ន្ធសហជីពចំណីអាហារ និងសេវាកម្មកម្ពុជា បណ្តាញយុវជន កម្ពុជា សមគមមន្ត្រីរាជការឯករាជ្យកម្ពុជា និងសម្ព័ន្ធសហគមន៍កសិករកម្ពុជា បានថ្កោលទោសការវាយបង្ក្រាបរបស់អាជ្ញាធររដ្ឋាភិបាលនោះ។ ពួកគេបានកត់សំគាល់ថា ការបង្ក្រាបដែលប្រើកងទ័ពឆ័ត្រយោង មកបង្ក្រាបលើជនស្លូតត្រង់ ដោយប្រើបំពង់ទីប ជំពាមកៅស៊ូ កាំភ្លើងអាកា និងកូនកាំបិតនោះ វាខុសនឹងនីតិវិធី និងកាតព្វកិច្ចយោធា ក្នុងកិច្ចការពារពលរដ្ឋ។
សេចក្តីថ្លែងការណ៍បានហៅទង្វើរបស់អាជ្ញាធរនោះ ថាជាការសម្លាប់មនុស្សដោយចេតនា។ ជាមួយគ្នានោះ សហភាពការងារកម្ពុជារបស់លោក អាត់ ធន់ អំពាវនាវឲ្យរដ្ឋាភិបាលបញ្ឈប់ការប្រើអំពើហិង្សាទៅកម្មករនេះជាបន្ទាន់។ សហភាពភាពដែលមានសមាជិករាប់នាក់នេះ បានព្រមានថា ការបង្ក្រាបនេះ នឹងធ្វើកម្លាំងតវ៉ាកាន់តែច្រើនឡើង យ៉ាងយូរនៅសប្តាហ៍ក្រោយ បើសិនមិនការចរចាដំឡើងប្រាក់ខែដល់១៦០ដុល្លារទេនោះ។
ចំណែកគណបក្សសង្គ្រោះជាតិ ចាត់ទុកថា ការបង្ក្រាបរបស់សមត្ថកិច្ចនៃគណបក្សប្រជាជនកម្ពុជា មកលើកម្មករនេះ គឺជាការរំលោភលើកិច្ចព្រមព្រៀងនៃគណបក្សជាប់ឆ្នោតទាំងពីរ ដែលបានឯកភាពគ្នា គោរព និង អនុវត្តឲ្យបានម៉ឺងម៉ាត់នោះ។ បញ្ហានេះហើយ ដែលគណបក្សសង្គ្រោះជាតិ ផ្អាកគម្រោងចរចាឡើងវិញជាមួយគណបក្សប្រជាជនកម្ពុជានៅថ្ងៃទី៣ខែមករានេះ។
ការបង្ក្រាបដោយប្រើកម្លាំងទ័ពពិសេសឆ័ត្រយោង៩១១ កាលពីថ្ងៃទី២ ខែមករា ឆ្នាំ២០១៤នេះ បានបណ្តាលសកម្មជនសិទ្ធិមនុស្សលោក វន់ ពៅ ត្រូវសមត្ថកិច្ចវាយនឹងដំបងបែកក្បាល និងសកម្មជនផ្សេងទៀត រួមទាំងព្រះសង្ឃផង ត្រូវបានចាប់ឃុំខ្លួន បញ្ជូនទៅតុលាការ៕
សូមសរសេរមកកាន់ លោក អ៊ឹង ប៊ុនថន តាមរយៈ chanthorn@vodhotnews.com
Appeal to U.N to hand cup Hun Sen and put him in a dark prison!
INT’L HUMAN RIGHTS, NEEDS TO TELL sr+ks TO STOP FOOLING AROUND,,
យុទ្ធនាការបង្រ្កាបជនអាណាធិប្បតេយ្យបំផ្លិចបំផ្លាញទ្រព្យសម្បត្តិរោងចក្រ និងបិទផ្លូវសាធារណៈ ចាប់ផ្តើមហើយ! 4សូន្យ នៅមានត…..
លោក ញឹកប៊ុន ឆៃ និយាយបានត្រឹមត្រូវ សុំគាំទ្រ ។ ប៉ូលីស ទាហាន ប៉េ អឹម ត្រូវការពារ សេចក្តីសុខ ជូនប្រជារាស្ត្រ ទាំងអស់។